” ھپتیں آزمانانی سائنسی بزانت “
اُردو :_ حافظ عبدالرازق
بلوچی رجانک :_ ابرار سمین
اولی بھر
” ھپتیں آزمانانی سائنسی بزانت “
کران ھپتیں آزمانانی ھستی ءُ آھانی میانجی، ھمگرنچی ءَ چو گْوش ایت۔
” الذی خلق سبع سموت طباقا ” (الملک )
رجانک:_ ” بابرکت اِنت آ اللّٰہ کہ آئی ھپت آزمانی تبکہ بُرز ءَ جوڑ کتگ۔ “
اگاں کہ ھپتیں آزمانانی لھتیں اندری بزانت ءُ دلیل تپسیر ءَ ھست۔ بلے گوں ایشی ھوار ابرمیں گیدی، ایشی آزمانی تبکہ، آزمانی شگل ءُ سورتانی بابت ءَ سائنسی ءُ آزمانی پریچ ھم مئے زانت ءِ تَہ ءَ کیت۔ ایشانی میان ءَ ھچ وڑیں بدلی نیست۔
اولی درور:_
آزمان زانتی ءِ ھپت تبک:_
ھپتیں آزمانانی جوڑشت ءَ گوں جوانیں وڑے ءَ سرپد بوھگ ءِ ھاترا ما آزمان زانتی ءِ بابت ءَ لھتیں درور ایر کن ایں۔ اے گپ زانگ لوٹ ایت کہ ھپتیں آزمانانی میان ءَ اجکہ کنوکیں دوری ھست۔
1 اولی آزمان ءِ تبک :_ کم ءُ گیش شَست ءُ پنچ(65) کرب کلومیٹر ءَ پراہ ءُ شاھگان اِنت۔
2 دومی آزمان ءِ تبک :_ کہ کلکشان ءِ نیمگ ءَ اِنت یک لّک ءُ سی ( 30 ) ھزار نوری سال ءَ پراہ ءُ شاھگان اِنت۔
3 سیمی آزمان ءِ تبک :_ سیمی کہ کلکشان اِنت بیست (20) لّک نوری سال ءَ پراہ ءُ شاھگان اِنت۔
4 چارمی آزمان ءِ تبک :_ درائیں کلکشانانی ٹولی اِنت کہ گیدی ءِ میان ءَ یک ونڈے کنت۔ دہ (10) کروڑ نوری سال ءَ پراہ ءُ شاھگان اِنت۔
5 پنچمی آزمان ءِ تبک :_ یک ارب نوری سال ءَ پراہ ءُ شاھگان اِنت۔
6 ششمی آزمان ءِ تبک :_ بیست (20) ارب نوری سال ءَ پراہ ءُ شاھگان اِنت.
7 ھپتمی آزمان ءِ تبک :_ سائنس ءِ گْوشگ ءَ ایشی دوری ءِ گمان جنگ نہ بیت.
کران ءِ تَہ ءَ کیت :_
ولقد خلقنا فوقکم سبع طرائق وماکنا عن الخلق غافلین۔
رجانک :_ بے شک ما شُمئے بُرز ءَ (زمین ءُ آزمان ءِ میان ءَ پہ گیدی ءِ بنیات ءِ پھازگ ءَ) ھپت را (بزاں ھپت چکمکی پٹی یاکہ دشت) جوڑ کتگ۔
کسہ کسان، چہ یک آزمان ءَ بِہ دومی آزمان ءَ بنی آدم سپر کت نہ کنت۔
اولی سبب چہ رژنائی ءَ گیش بے ھسابیں ترندیانی ناسرجم بوکیں واھشتے. دومی سبب گیدی ءِ ھر نیمگ ءَ چکمکی زوراں بنی آدم ءِ سپر نہ بیت.
اد ءَ سپر ھما وڑ بیت کہ وھدے بنی آدم چہ اے دنیا ءَ بیران بِہ بیت گڑا آئی ارواہ سپر کت کنت۔
**پھیلائے ہوئے گوشہء دامان تجسس
سائنس محمد کا پتہ پوچھ رہی ہے
روان اِنت……