دهر ءِ دیم ءَ بوتّہ میلانک دتّکے
جزم بہ بہ ات هچّی نہ رستہ بےسُرگ

الّم ءَ جُمّب ایت زُلم ءِ بادگیر
چو گُد ءَ روسوچیں منتہ بس دْرگ

ترندیں تیلانکے پہ کار انت کنگراں
سرگر اِت کوه ءُ تلاراں سرگرگ

دلّڑی ئیں چو کُچکّ ءَ دْمب جن اَنت
چرپیں چانیگ ءُ دپارے سُرسُرگ

لجّ ءُ ننگ ءِ کت وتی باپار ایشاں
گهتر انت کہ ڈمبرات انت ڈمبرگ

آجوئی ءِ بام شهم ایت الّم ءَ
سنگر ایت کانیگ لڑدیں سنگرگ

دل تپرکہ هچ مہ بیت بیلاں منی
میزّر ایت ماتیں وتن تئی میزّرگ

عزیزتگرانی