( آزمانک ,, وابانی شھر ،، غنی پرواز )
( آزمانک ,, وابانی شھر ،، غنی پرواز )
شپ بے وھد اَت- جَن ءُ مرد جتا جتا ءَ گندلانی سر ءَ وپتگ اتنت- بلے واب چہ چماّن اِش دُوراَت- چیا کہ ھر یکّے وتی ھیالانی زِر ءَ اوژناگ اَت- جن زیک ءَ گیر آرگ ءَ اَت:
چونیں دَؤرءُ باریگ اتنت؟ من کساں سال ءُ ڈولدار اِتاں-مرد پمن گنوک اَت-بلے منی ءَ نئے یک شپے واب کپت ءُ نئے یک روچے تاھیرگپت-پمن ھنچو دلاپ ات کہ شپ ءَ ھچبر جتا نہ وپت- ھمے مھر مھبتانی تاثیر اَت کہ منی وشّیءِ ھیال ئےِ ھرپیمءَ گوراَت-منی ورگ، پوشاک، آرام، ھرچیز ءِ دلگوش داری ئےِ کت- ءُ منی ھر تماہ ئےِ پورہ کت-بلکیں… بلکیں بازبراں… بے منی واھگ ءِ درشان کنگءَ… وت پمن وڑوڑیں چیز ئےِ ھم آؤرت-منی پسند ءُ زرروت ئےِ وت زانت اَنت-پمیشا بابراں ھچ جست نہ کت ءُ سرےسرے چیز ئےِ آؤرت- تھنائی ءَ مُدام وتی ۔مھر و دوستی ئےِ گوں من درشان کُتنت-برے، برے من ھم آئیءِ ھبر گپت بلے برے برے من گوں آئی ءَ مسکرا ھم کت- من ءَ شرّی ءِ سر ءَ یات انت-
یک شپے ما یکجا وپتگ ءُ دل پہ دل اتیں کہ اناگہ ءَ آئی ءَ جیڑہ کُت:
,,من پتو گنوکاں منی حیمی!،،
من ھم وتی دل داشت نہ کُت:,, من ءَ ھم تو سکّ دوست ئے منی فرہی!،،
پدءَآ چہ پیسریءَ ھم گیشتر جبزہ ءَ اَتک- بلے نوں من مسکرا گرد بوتاں-
“تو منی سسی ئے ءُ من تئی پنوں!،،
“اگن تو پہ دل منی پنوں ئے گڑا ترا برات چمن دُزّ اَنت ءُ بَرانت،،
“تو منی ھانی ئے ءُ من تئی شئے مُرید !،،
“اگن تو پکاّئی ءَ منی شئے مریدئے، گڑا چاکر من ءَ چَتّو پُل ایت ءُ بارت،،
“بلے تو… بلکیں یک ھبرے نہ اِشکتہ….،، آئی ءَ وتی گالوار نرم تر کُت-۔
,, کجام ھبر،، من ھم گوں نرمیں گالوارے ءَ پول کُت-
,, ھمے کہ… ھانی چاکر ءَ ھچبر پہ وتیگی قبول نہ کنت- پمیشا چاکر ناالاج بیت ءُ آئی ءَ یلہ دنت…،،
“گڑا؟،، من مسکرا یلہ دات ءُ دل بوتاں-
“گڑا ایش کہ… آخر عمر ءَ ھانی پہ بُن شئے مرید ئیگ بیت….،،
“گڑا شئے مرید آئی ءَ قبول کنت؟،،
“ھو…. پرچہ قبول نہ کنت؟،،
“من گشاں، بگندئے پیری ءِ سبب ءَ گیش وت نہ بیت…،،
“تئی دل ءَ پیری ءِ سبب ءَ زانا مھر کُٹّ ایت؟،،
“نزاناں… من وَ تنی وھدی وت پیر نہ بوتگاں کہ بزان آں،،
“من ھم پیر نہ بوتگ آں، بلے زان آں….،،
“چے زان ئے؟ ،،
“ھمے کہ پیری ءَ مھر نہ مِرایت، بلکیں انگت وَدّیت…،،
ءُ من دل ءَ سک وشّ ءُ ایمن بوتاں کہ منا سکّیں وپاداریں مردےدست کپتگ- اَنچیں وپاداریں مردے کہ پیری ءَ گوں من گیشتر مھر کنت… پدءَ ھم نزاناں پرچہ…. برے برے من اَنچیں واب ھم دیستہ کہ منی وشّیں اُمیت سرولکّ بوتگ اَنت-
مثالءھبر ءَ… اے واب دو سے براں دیستہ منی فرہی گوں جنیں ڈاکٹرے ءَ نزیکی کنت ءُ گوں آئی ءَ سُور ءَ دلمانگ بیت- وھدےمن اے بابت ءَ چرائی ءَ جست ءُ پُرس کناں، گڑا آ زھرگیپت:,, تو وَ کوھنیں ترزءِ جنین ئے کہ چہ لوگ ءَ دراتک نہ کن ئے، ءُ من ڈاکٹرے آں کہ شپ ءُ روچ پہ کار ءُ روزگار ءِ ھاترا ڈنّ ءَ تروتاب کناں- اگن جنین ڈاکٹرے بگراں، گڑا پریشی ءَ چے بیت؟ اسلام ءَ یکّیں وھد ءَ چار زال ءِ اجازت داتہ…،،چریشیءَ پد منی گورءَھچ ھبر پشت نہ کپیت ءُ من ھسکاراں باں ءُ چرائی ءِ کِرّءَ ٹگلاں- بُست کنگ ءَ رند، من دمانے پکر ءَ وَ کپاں، بلے چشیں واباں ھاسیں ارزشت نہ دیاں-ءُ وتی زند ءِ جاورانی سرءَ ایمن وھُر سند باں…
مثالءھبر ءَ… اے واب دو سے براں دیستہ منی فرہی گوں جنیں ڈاکٹرے ءَ نزیکی کنت ءُ گوں آئی ءَ سُور ءَ دلمانگ بیت- وھدےمن اے بابت ءَ چرائی ءَ جست ءُ پُرس کناں، گڑا آ زھرگیپت:,, تو وَ کوھنیں ترزءِ جنین ئے کہ چہ لوگ ءَ دراتک نہ کن ئے، ءُ من ڈاکٹرے آں کہ شپ ءُ روچ پہ کار ءُ روزگار ءِ ھاترا ڈنّ ءَ تروتاب کناں- اگن جنین ڈاکٹرے بگراں، گڑا پریشی ءَ چے بیت؟ اسلام ءَ یکّیں وھد ءَ چار زال ءِ اجازت داتہ…،،چریشیءَ پد منی گورءَھچ ھبر پشت نہ کپیت ءُ من ھسکاراں باں ءُ چرائی ءِ کِرّءَ ٹگلاں- بُست کنگ ءَ رند، من دمانے پکر ءَ وَ کپاں، بلے چشیں واباں ھاسیں ارزشت نہ دیاں-ءُ وتی زند ءِ جاورانی سرءَ ایمن وھُر سند باں…
وھدے کہ مرد…. باندات ءِ پکر ءَ اَت!
منی مرچی وَ برباد انت-بلے باریں باندات چون بیت؟ گوں ڈلّی ئیں حیمک ءَ گوزیت،یا وابانی پری یے دست کپیت- من اِشکتہ کہ برےبرے دل ءِ مراد دیرءَ پورہ بنت- من پیسرا ھمے زانتہ کہ منی دل ءِ مراد ھمے حیمک انت- بلے اسل ءَ من رَد وارتہ-اے منی دل ءِ مراد نہ بوتہ- بگندئے دیمترا منی دل ءِ مراد پورہ بہ بنت- چونائیءَ من بازیں پری رنگے دیستہ- یک چہ یک ءَ شرّتر بلے منی دل گوں یک حور چاملے ءَ بندانت- ھنچو مالوم بیت کہ آئی ءِ دل ھم گوں من انت- چیاکہ منا سکّ دگہ ڈول چارایت-آئی ءِ جھد مُدام ھمیش انت کہ من گوں آئی ءَ گپّے بجناں- گوں آئی ءَ نزیکی بکناں- من دل ءَ گُشتہ،شرّ نہ انت یکےبگندایت، باریں چےگشیت-
چو مہ بیت مُپتا مپت بھتامے بلگّیت- تنی وھدی وَ من چشیں کارے نہ کتہ کہ بھتام ءِ پرواہ ءَ مکنیں- بگندئے روچے زورگارے ھنچیں کارے ببیت، گڑا کم چہ کم منی جند بھتام ءِ ھچ پرواہ ءَ نہ کنت- آ نزاناں بھتام ءِ پرواہ ءَ کنت یاناں؟ بائد اِنت آ ھم ھچ پرواہ مہ کنت- مھر مھرے، عشق عشقے عاشق ءَ پہ بھتام ءَ چے بیت؟
معشوق بھتام ءِ پرواہ ءَ چیا کنت؟
ھیر، بلےچیزے ببیت، گڑا دردے پہ دو بیت-منا اُمیت انت کہ روچے نہ روچے الّم ءَ چیزے بیت- یک نہ یک رنگے ءَ مانزیک بئیں- ھُشکیں مھر ءُ مھبتے بیت یا سُوروسانگے ھم بیت گوں- انّوں پکاّئی ءَ زانگ نہ بیت- بلےاے ھبر المّ ءَ زانگ بیت کہ ما بےھچ نہ بئیں- بےسوب نہ بئیں-چیا کہ سوب ءِ بازیں نشانی یے زاھر بوتگ- چوکہ دگہ وڑیں چارگ، بچکندگ ،جست ءُ پرس کنگ، ءُ دگہ بازینے-
مھر دگہ چی ءَ گُشنت؟ عشق دگہ چی ءِ نام انت؟ آروچی وَ آئی ءَ من ءَ سکّ ھیران کت-من وارڈ راؤنڈ ءَ شُتاں-آ وتی نادراھیں مستریں گوھارءِ کِرّءَ نشتگ ات- آئی ءِ تھت ءِ دیم ءَ گونڈیں بنچ ءِ سرءَ من ایوک اتاں- گوں منی گندگ ءَ پادا تک ءُ اوشتات-
چو مہ بیت مُپتا مپت بھتامے بلگّیت- تنی وھدی وَ من چشیں کارے نہ کتہ کہ بھتام ءِ پرواہ ءَ مکنیں- بگندئے روچے زورگارے ھنچیں کارے ببیت، گڑا کم چہ کم منی جند بھتام ءِ ھچ پرواہ ءَ نہ کنت- آ نزاناں بھتام ءِ پرواہ ءَ کنت یاناں؟ بائد اِنت آ ھم ھچ پرواہ مہ کنت- مھر مھرے، عشق عشقے عاشق ءَ پہ بھتام ءَ چے بیت؟
معشوق بھتام ءِ پرواہ ءَ چیا کنت؟
ھیر، بلےچیزے ببیت، گڑا دردے پہ دو بیت-منا اُمیت انت کہ روچے نہ روچے الّم ءَ چیزے بیت- یک نہ یک رنگے ءَ مانزیک بئیں- ھُشکیں مھر ءُ مھبتے بیت یا سُوروسانگے ھم بیت گوں- انّوں پکاّئی ءَ زانگ نہ بیت- بلےاے ھبر المّ ءَ زانگ بیت کہ ما بےھچ نہ بئیں- بےسوب نہ بئیں-چیا کہ سوب ءِ بازیں نشانی یے زاھر بوتگ- چوکہ دگہ وڑیں چارگ، بچکندگ ،جست ءُ پرس کنگ، ءُ دگہ بازینے-
مھر دگہ چی ءَ گُشنت؟ عشق دگہ چی ءِ نام انت؟ آروچی وَ آئی ءَ من ءَ سکّ ھیران کت-من وارڈ راؤنڈ ءَ شُتاں-آ وتی نادراھیں مستریں گوھارءِ کِرّءَ نشتگ ات- آئی ءِ تھت ءِ دیم ءَ گونڈیں بنچ ءِ سرءَ من ایوک اتاں- گوں منی گندگ ءَ پادا تک ءُ اوشتات-
,, بیا ڈاکٹر صاحب!،،
“نادْراہ ءِ ھال چی اِنت؟،،
“نادْراہ وشتر بوآن انت…،،
“گڑا شرّیں ھبرے…،،
“چون شرّیں ھبرے….،،
“پمیشا کہ وش بیت، گڑا وتی لوگ ءَ رؤت….،،
“تئی ھیال ءَ ھر لوگ ءِ روگ شرّیں ھبرے بیت؟،،
“ھو!….،،
“بلے پرچہ؟،،
“پمیشا کہ لوگ وَ لوگیں چیزے…،،
“ڈاکٹر! من دزبندی یے بہ کناں گوں تو؟،،
“ھو! پرچہ نہ کن ئے؟،،
“اگن منی ھبر ءَ گرئے، گڑا من چیزے گُشاں….،،
“بگُش باریں….،،
آئی ءَ چہ ھبر ءِ گُشگ ءَ پیسر وتی گوھار ءِ نیمگ ءَ چارِت…. آ گراں واب اَت-ھنچو گندگ بوت، گُشئے زیاتیں تکلیپ ءَ رند، تاھیر گپتگ ات-ءُ نوں زورئےِ پہ واب ءَ داتگ اَت… ءُ آئی ءِ واھگ ات کہ آئی ءِ گوھار انوں پاد مئیت، تاکہ آ وتی ھبر ءَ سرجم کت بہ کنت-
اناگہا آئی ءَ منی پنجہ ءَ گپت:
“وعدہ بکن کہ کس ءَ نہ گشئے گون…،، آئی ءَ دروازگ نیمگ ءَ چارت-
“وعدہ انت…،، من ھم دروازگ ءِ نیمگ ءَ چمّ شانک داتاں…،، بلے زوت بگش کہ نرس ءُ کمپوڈر پیداک انت….،،
“ایشی ءَ ھنچیں درمانے بدئے کہ پہ چیزے مدّت ءَ گندہ تر ببیت…. تاکہ پرے زوتاں چہ ہسپتال ءَ در کنگ مہ بیت….،،
من تنیگت ءَ ھچ پسّہ نہ داتگ ات کہ پیسرا نرسے ءُ پدا کمپوڈرے تھا پُترت…. ءُ من گوں ھماہاں گپّ ءُ رپ ءَ دزگٹّ بوتاں… چرائی ءَ رند، منا گوں جنکّ ءَ گپ ءُ رپ ءِ ھچ ھاسیں موہ نہ رست ءُ من لوگ ءَ اتکاں- بلے آئی ءِ جند ءِ ءُ ھبرانی ھیال منی ھمراہ اتنت… ءُ سھت پہ سھت ءَ گوں منی چمّ ءُ گوشاں ھلوت ءَ سُک سُک اش کت… شپ ءَ گوں آگہیں چماں واب دیست کہ کئور ءُ کوھانی تل ءَ ترّگاہاں- پدا من دیست کہ چہ منی دیم ءِ رُو ءَ جنکّے پیداک انت- وھدے پہ دلگوش چارت، گڑا دیست کہ ھما جنکّ انت- گوں من کندگ ءُ بچکندگ ءَ لگّت- من ھم آ چارت ءُ بچکند ات:
“چون ئے تو؟،،
“وشّ آں…،،
“ہسپتال ءَ بازبراں گوں تو ڈیک وارتہ- بلے تئی نام ءِ جست نہ کتہ-،،
“منی نام شیرین انت… شیرین مری!،،
“منی نام فرہاد انت… فرہاد بگٹی!،،
“تئی چے ھذمتے بہ کناں؟،،
“ھما ھذمت ءَ کہ عہدی شیرین ءَ پہ عہدی فرہاد ءَ کتہ….،،
آئی ءَ لجّ بوت-آئی ءَ کندگ اتک-آ کندگ ءَ ریک بوت-ءُ ھمے کندگانی نیام جین ءَ کئور ءُ کوھانی تل ءُ توکاں تچاں بوت- ءُ من رند ءِ کپتاں-پہ بے اختیاری، بے وتی ءُ گنوکی… ءُ چہ بازیں رند ءِ کپگ ءَ دم بُرت، بلے آ رسینت نہ کت….؟
اناگہا مرد کُلگّے ءَ آنگر کت…. تادیر ءَ کہو کہو یے مان ات ءُ کُلّت ئےِ… گُڈیگ ءَ ھنچو سماکپت گشئے ایندوناایندا ساہ ئےِ درکئیت…. ھمے سھت ءَ جَن ءَ مارت… گشاد گُشاد ءَ پاداتک…. گلاسے شوھاز ئےِ کت-چہ فریج ءَ آپ ءَ پُرکت… ءُ بُرت ءُ مرد ءِ کش ءِ ایر کت:
“بزور آپ اَنت-،،
****************
گوں طارق پشوکانی ءِ منتواری ءَ
****************
گوں طارق پشوکانی ءِ منتواری ءَ