بلوچی لبزانک ءُ گِدارــــــ!

گدار(ناول) لبزانک ءُ ادبءِ کوھن تریں تھراں چہ یک تھرے کہ 1313ءَ گوں اَدبءَ ھوارکپتگ ناول چہ اطالوی زبان ناولا ءَ چہ رواج گِپتگ-
اسلءَ ناول کوھنیں کِسّہ ءُ داستانانی بَروَرداِنت-کوھنیں ھرچی کہ ناول ھستاں گیشترگوں گیدی کِسّہ ءُ داستاناں گوں نزیکی کن اَنت-
ناولءَ وھدءِ ھمراھی ءَ وتی دروشم مٹاتگ جِنّ ءُ پریانی داستانانی رنگءَ چہ درآتکگ ءُ بنی آدم ءِ وشی سکتی چاگردءِ سِلکاریءُ شَرکاری ئے کِسّہ ءُ تکنیک زندءُ مَرگءِ ھمرائی ءَ دیم ءَ سپرکناں اِنت-
بلوچ ھَرچ پِڑءَ پَدمنتگ ءُ چیرترتگ کجءَ اِنت 1313ءُ کُج ءَ اِنت 1976؟
لبزانکءِ پِڑءَ بلوچی ءِ ناول نگاری1976ءَواجہ سَیدھاشمیءَ گوں نازکءَ بندات کتگ -بلوچی ئے اولی ناول نازک تیاب دَپءَ نندوکیں لَس مردمانی زندگی ءُ تبءَ گوں ھمگرنچ اِنت-
بلوچی زبان ءِ دومی ناول فقیرمحمدعنبر ءِ نل ءِ تواراِنت کہ 1987ءَ چاپ بوتگ-
بلوچی ئے سیمی ناول واجہ ستارپُردلی ءِ (سوب) اِنت
بلوچی ئے چارمی ناول محمدجان رضائے ناول اِنت کہ 1989ءَ چاپ بوتگ-
بلوچی ئے پنچمی ناول منیربادینی ءِ ریکانی تلءَ ھَلکے1993ءَ چاپ بوتگ-ریکانی تلءَ ھلکے ءَ چہ پدمنیراحمد بادینیءِ انوں دگہ ھشتادءِ کساسءَ ناول چاپ ءُ شنگ بوتگ-
بلوچی ءَ ششمی ناول غنی پروازءِ مھرءِ ھوشام 2000ءَچاپ بوتگ ءُ غنی پروازءِ دگہ سئے گدارچاپ بوتگ/شپ جَتیں راھی /مھرءُ ھمراھی /آس الوت کناں اِنت ھم چاپءُ شنگ بوتگاں-
بلوچی ئے ھپتمی ناول حاجی خدابخش بزدارءِ چھیدگ 2005ءَ چاپ بوتگ-
بلوچی زبان ءَ ھشتمی ناول ڈاکٹرفضل خالقءِ ھرساھت چکاس ھم2005ءَ چاپ بوتگ-
بلوچی ئے نھمی ناول ڈاکٹراسلم دوستین ءِ سوتکال 2008ءَ چاپ بوتگ-
بلوچی لبزانکءَ دَھمی گدار نزیرناصرءِ اگریچ اِنت
بلوچی ئے یازدھمی ناول ڈاکٹرحنیف شریفءِ چِگردپُل اِنت 2010ءَ چاپءُ شنگ بوتگ-
2010ءَبگردانکہ 2017ءَ دگہ 10 ناول نگاردیم ءَ آتکگءُ 12ناول چاپ ءُ شنگ بوتگ-
دوازدھمی ناول اسلم تگرانیءِ (گلمات)اِنت-اسلم ءِ دومی ناول (کھرآماچیں گداں) ھم چاپ بوتگ
سیزدھمی ناول مولابخش بھارئیگ اِنت-
چاردھمی ناول ظاھردیدارءِ (ھانی) اِنت ءُ ظاھردیدارءِ دومی ناول (بیبل) ھم چاپ بوتگ-
پازدھمی ناول ھیات رھیم ئیگ اِنت-
شادھمی ناول نثاراحمدءِ (تُن)اِنت-
ھپت دھمی عارف وفائے یلیں بچ اِنت-ءُ عارف وفائے کلگءُ گنوک ھم ھواراِنت-
ھشت دھمی ناول نزردوستءِ (مات ھَورءِ سرءَ اَت)اِنت
نوزدہ دَھمی ناول واجہ شوکت ھیاتءِ(نازی ءُ بھرام)اِنت
بیستمی ناول واجہ اے آردادءِ ناولٹ ساھگ واتر کنت-
بیست ءُ یکمی ناول آدم بلوچءِ ماھیکان اِنت
بلوچی ءَرِدانک نَبیسّیءِ پِڑ ءَ بیست یک مردم ءَ گِدارنَبیسّتگ- 1976ءَبگردانکہ 2017ءَ کساس 104ناول ءَ چہ کم ءُ گیش ناول نَبیسّگ بوتگ-
پولکار—-نزردوست