گوں مـزن شانیں اللہ ءِ نام ءَ ـــــــــــــــــــــــــــــــــــــــــــــــ گُڈّی بہر [نِـدارگے ماں گْـوتـر ءِ بنـدن ءَ] «دھـر تَـرّ اَنت روچ سر ءُ چیـر اَنت مرد رو اَنت مردانی نشان ایر اَنت» چہ آ داناگ ءُ بوھیریں کماش ءِ بےدروریں ٹیکی … Continue reading →
Category Archives: رحمان نثار
نِـدارَگـے ماں گْـوتـر ءِ بنـدن ءَ]۔ رحمن نثار
گوں مـزن شانیں اللہ ءِ نام ءَ
ـــــــــــــــــــــــــــــــــــــــــــ
دومی بہر
[نِـدارَگـے ماں گْـوتـر ءِ بنـدن ءَ]
رحـــمٰــــن نـثـــار
«وا ءِ وطن ھشکیں دار»
ھؤ! آ واجہ ءَ پہ وتی ماتی ھنکین ءُ بُن پیرُکی دیار ءِ آباد کنگ ءَ وتی لانک پہ بامردی بستگ اَت، تا یک کساسے ءَ اے نہ وشّ ءُ گْرانیں راہ ءَ سوبین ھم بیتگ.
اگاں آ بامرد ءِ بارو ءَ دو ھبر نبشتہ مکن آں مزنیں ظلم ءُ بےانصافی یے!
چوشیں وطن دوستیں بامرد الّمی اِنت کہ راجدفتر تھا یات کنگ بہ بنت.
شمے کستر پہ وتی ھبرانی راستی ءِ پیشدارگ ءَ واجہ ”بلوچ“ ءِ چیزے جہد ءِ آسر پہ گواچنی نبشتہ کنت تا کہ شما پُلّیں وانوک، وت اے راستی ءَ گیشّ ءُ گیوّار بکن اِت.
Continue reading →
نِدارگے ماں گْـوتـر ءِ بنـدن ءَ
گوں مـزن شانیں اللہ ءِ نام ءَ
ـــــــــــــــــــــــــــــــــــــــــــــــ
اولی بہر
[نِدارگے ماں گْـوتـر ءِ بنـدن ءَ]
✍ رحـــمٰــــن نـثـــار
دؤر سکّی ءِ کَیت ءُ گْوزیت
پہ واری ءَ کـئے گـار ءِ بیـت
اے یک پیرمردے سرگْوست اِنت کہ چہ ھَپُّشت ءَ ”گْوتر ءِ بندن“ ءَ جھمنند اَتنت بلے نی مزنیں مدّتے گوستگ اَت کہ درانڈیھ اَت.
”رضاشاہ“ ءِ بادشاھی زمانگ ءَ وھدیکہ سردار ءُ حاکمانی زَپت ءُ زور پہ بےوسیں راج ءُ مھلوک ءَ گیش بیتّ اَنت؛ اے واجہ آ روچاں کسان بیتگ بلے گوں وتی سرجمیں راج ءُ کُٹم ءَ پہ بےوس ءُ لاچاری چہ سردارانی زیادھیں ظلم ءُ زوراکیاں شِزار بنت