دستءُگوشاناں گوں وتی ہوشامءِ گَماں
تو منی دَمکاں زُرتگ ءُ دریا اتکگ ئے

جیڑِتہ من گوں تْراولیں کِشک ءِ رندپداں
زندگی چونیں جاگھے ، پرچا اتکگ ئے

پْرشتگیں کرگین ، شیشگیں بادگِیرے نہ اِنت
تو کُجا پَشگیتکہ وت ءَ ، دیما اتکگ ئے

ہر کُجا تہنا باں ، ہما ساہت گِیر کئیت
یک برے ہمراہ بوتگ ئے ، گوں ما اتکگ ئے

کَس اِدا گوں وت رہگْوزی تْرانے اُوں نہ کنت
تو پہ کئے ، زُرتہ سرجمیں دنیا اتکگ ئے

ما ترا ارماؔن تُنّی ئیں چمّاں چارِتہ
آزماں پوٗشتَہ ، ھَورے ءِ پئیما اتکگ ئے