“ھمسری”۔آزمانکک : فیودر سلوگب (روسی لبزانک)رجانکار: فیصل داد
“ھمسری”
آزمانکک : فیودر سلوگب (روسی لبزانک)
رجانکار: فیصل داد
یک مزنیں ماھی یے ءَ گوٛنڈلیں ماھی یے گپت ءُ آئی ءَ را پِلِکّگ ئِے لوٹ اِت۔
گونڈیں ماھی ءَ کوکار کت ءُ گوشت:
“اے وَ پَھک بے ایمانی یے۔ من تئی وڑ ءَ زندگ بوھگ لوٹاں۔ قانون ءِ چمّاں ما درست یک ھساب ءَ ایں۔”
مزنیں ماھی ءَ پسّہ دات:
“من گوں تو اے ٹوک ءِ سر ءَ ھچ وڑ ءَ پوچیں (بے پائدگیں) ھبر کنگ ءَ تیار نیاں کہ ما درست یک ھساب ءَ ایں۔ اگں تو نہ لوٹ ئے کہ منی شکار بہ بئے گڑا بْیا ءُ من ءَ وتی شکار بکن۔”
بْیا نا! من ءَ پِلِکّ، ترس ئے پرچہ….
گونڈیں ماھی ءَ مزنیں ماھی ءِ ورگ ءَ وتی دپ پچ کت بلے بے سُوتّ۔
نیٹ چہ بے وسی ءَ گوشت ئِے:
“تو من ءَ بوٛر”
