مستاگے بیاریت رولہ.عبد الله میر
مستاگے بیاریت رولہ
عبد الله میر
بےچاڑ ءُ ملور بیگاھے
گوات ءَ کاگدے دستءَ انت
یاتاں شیرکنیں درمان کنت
درداں انگریں کریاب کنت
تانجویں گماں بکشایت
ارساں میچلیں جیگ بند ءَ
مولم ترانگاں مولمہ کنت
مستاگے بیاریت رولہ
ٹپاں آزگیں منّاراں
داگاں اے دل ءَ پِرداراں
وائے بیوسی ھیچی نیست
اِشک ءِ بے سریں سوداھاں
مھرانی ھمک بادگیر ءَ
بُنھشت مھکم انت سوگندے
شیدا چو پکیر ءَ گرداں
من کہ دروشم ءَ شے ئیگ ءَ
گردان ءُ اگولاں تراں
پلیں سیبی ءِ آپبنداں
کوٹ ءَ چاکری ءَ گنداں
او کہ وارت زبان شومیں من
سوگند ءُ مسام ھاوند ءِ
آ روچی یلاں دیوان اَت
بیبگر گوں جڑ ءَ لُکین ءَ
جاڑو ءِ تلاھیں بچ ءَ
مکراں چاکری چالاکیں
دیناں درست شتاں لبّانی
دِینّاں درست شتاں لبّانی