مستزاد غزل [عارض].جےکےجلالی
مستزاد غزل [عارض]
اےعشقءِھنّی چوھونءِرنگءَ، نہ لوجئے شامءَ
بِہ وان ئےمھرءَ چہ پیشِ زَنگ ءَ، نہ زُورئے وام ءَ
مہ لیک ئے پارسا ھیال ءُ واباں، تو شپ درامد
چہ لبزءِستر ءَ چہ شئیرءِ ننگءَ، چہ پیش سلام ءَ
من ھر گناہ ءَ را پونزءُ گوش کت، ءُدُور بوت آں
اے دل نہ زُوری نوں عشقءِبنگءَ، شرابءُ جامءَ
نہ چم ءُ دپ بُو نہ کبر ءُ ارداچ، چراگاں نال اِت
سباہی ساہ داتگ اَت ملنگ ءَ، اناریں بام ءَ
دُرودءُ یاسین کہ پُشتءُ پیش اَنت، اکب سِدانی
شپ ءِ تلاوت پہ ماہ ءُ ھَنگ ءَ، کٗلوہ پہ شام ءَ
فرعونءِ سیادی ءِ روتگاں سند، مہ تراش سیاداں
نہ زُور ئے جے کے ھدا ءِ جنگ ءَ، قُرآن ءِ نام ءَ
جےکےجلالی