گل خان نصير
ــــــــــــــــــــــ

پـَنت انت براتی
**************
بيلاں ! بيلاں !

دَركـَپ اِت ديما

ترنب ءِ توار انت
جـَنـگانی

رِهتگ انت دشمن

مهتگ و هـَلكاں

لـَجّ و مَيار انت
ننگانی

مَرچی مه چاراِت

موسم و وهد ءَ

سَنج و سلاهاں
نَزّ آرِ اِت

جيڑواں براتی

بهلـّت مروچی

دهنزاں بچار اِت
رَنگانی

دشمنے زُلـّيـں

نوك سـَلاهيں

كيسگی پـُرّ انت
زَرّانــی

تو كل ءَ مردی

میـڑ نياں مرچی

نند انت كـَلات ءَ
دِرَئنگانی

جـَهـل مه نندت

روچ انت مڑا ءِ

قوم ءِ توار ءَ
گوش كن اِت

بند ات سلاهاں

هر كـَه په وَسّ ءَ

مَجلساں بلّ ات
چـَنـگانی

كوٹواں كئيز ءِ

سياه و تهاريں

برات مئے ماننت
سالاں چه

سـَـگّ زياتيں

بيت لـَگـوری

مئيلت مَدت ءَ
بَنگانی

مَئيلت ماراں

جامگ ءِ توك ءَ

ڈنگ جناں بنت
بيواری

بيارتی ڈنّ ءَ

كونڈاں چيريں

زَهرانی كـَشّ ات
ڈنگانی

شئير نصير ءِ

پَنت انت براتی

زيرتی پروشيت
بـَـنـدان ءَ

تاب دنت گالاں

رنگ په رنگ ءَ

دريناں بنديت
رَنگانی

٭٭٭٭٭٭

پہ باسک کتابجاہ ءَ دیم دیوک : کریم بلوچ تھل