بلوچی زمانگ: Tenses
بلوچی زمانگ: Tenses
آیوک سادگ: Future Simple
من = آں
تو = ئے
شما = اِت
ما = ایں
پہ یک ءَ = اِنت
پہ باز ءَ = اَنت
پہ آیوکی کاراں: ایت
گالرِد
* من باندا تربت ءَ رو آں۔
* من تئی آروس ءَ کایاں بلے من ورگ نہ ور آں۔
* من زاناں گوں تو باندا ڈیک ور آں؟
* اگاں ھور گْوار ایت گُڑا کور ھم آپ کار ایت۔
* استاد وَ مارا بلوچی وانین ایت۔
* تو ڈیرہ گازی ھان ءَ چے کن ئے؟
* تو کدین ڈیرہ بگٹی ءَ رو ئے؟
* اگاں تو نہ وان ئے گُڑا چون امروز ءَ سوبین بَہ ئے۔
* ما دیمی سال ءَ پد ءَ تئی شھر ءُ دمگاں پہ سیل ءُ سوات ءَ کا ایں۔
* ما باندا بام رنگ ءَ چہ گِس ءَ درکپ ایں ءُ بس اوشتجاہ ءَ سر بَہ ایں
* شما بیگاہ چی لیب کن ات۔
* شما اِنشپی ابدگپور ءِ اوتاک ءَ دیوان کن ات۔
* اگاں تو ماں دیوان ءَ شُھرت کن ئے گُڑا دیوان ءِ پاگواجہ شکاری جان ترا چہ دیوان ءَ کش ایت۔
* ما شپ ءَ گوں تو ھوار بَہ ایں
* بانُک پیزا بلوچ سبارگ ءِ یا پیشیم ءَ رند ءَ ترا نمدی راہ دنت۔
* مھمان بیگاہ ءِ چار ساھت ءَ کاینت ءُ پد ءَ ورگ ور اَنت۔
* کاسم باندا اد ءَ کیت بلے وکار نئیت۔
* اگاں استاد تبک (کلاس) ءَ مَئیت گُڑا نودربر وت نہ وان اَنت۔
* اد ءَ انچو جاک ءُ جیک اِنت کہ مارا کس وانگ ءَ نئیل ایت۔
انچوشکہ گالرد
* منی مھمان ءَ ورگ وارتگ اَت۔
* تو زاناں چکاساں سوبین بیتگ اَت ئے؟
* من وَ کوھلو ءُ کاھان ءَ شتگ ات آں!
* رھمدل ءُ ابدل ازیز ماں گیابان ءِ لداں گار بیتگ ات اَنت۔
* شما گورم ءَ ریم داتگ اَت۔
* سائیداد ءِ ڈگارانی جْوائیں دھل ءُ ریم بیت ات انت ءُ آئی ءَ ھر وھد ءَ جْوائیں جوھان مراد بیت ات انت۔
* سائیداد ءَ جوھان ءِ مُشگ ءَ رند وتی کَنزلیکّ ءُ کپِنزَر پَہ رَمَگ ءُ گورُم ءَ ڈُکّالانی موسماں ایر کتگ ات انت۔
ابدلستار بُگٹی ءُ ایم شکاری
*بلوچی دربرجاہ*
****//*******//***
بلوچی درونت زمانگ
گْوست برجم
(Past continuous Tense)
انچوشکہ گالرِد
* من کوٹّگے ورگ ءَ ات آں۔
* من وتی ڈگار ءَ کڑب جَنَگ ءَ ات آں۔
* تو کشار ءَ رون کنائینگ ءَ ات ئے۔
* تو اشتاپیگ ات ئے ءُ ماں نادْرھجاہ ءَ نادْراھے ءَ پانیگ ات ئے۔
* شما پیز مھمد ءِ سیر ءَ روگ ءَ اِت ات۔ شُما دزگٹّ اِت ات۔
* زاناں شما آسک ءِ شکار ءَ کنگ ءَ اِت ات؟
* ھارس اشتراں چارینگ ءَ اَت۔
* ڈیرہ بُگٹی ءِ دمگاں تْرُندیں ھورے گْوارگ ءَ اَت۔
* ھارس ءُ ایاز ڈاچی یے دوشگ ءَ ات اَنت
ابدلستار بُگٹی ءُ مھمد شکاری
*بلوچی دربرجاہ*
****//*******//***
بلوچی زمانگTenses
گْوست یشلی
پجار: ھما گالرِد کہ کار ءِ کنگ ءِ وھد ءَ درشان کنگ بیت، گْوست یشلی ئِے گْوش انت ءُ انگریزی ءَ Past Perfect Progress ئِے گوش اَنت۔
انچوشکہ
* داں دو روچ ءَ واسیدار مھمان ءِ ھزمت ءُ چیٹ ءَ کنگ ءَ اَت۔
* چہ بیست دمان ءَ من پرپٹ ءَ شودگ ءَ ات آں۔
* چہ پیشیم ءِ وھد ءَ تو نودربراں دَرونت ءَ وانینگ ءَ ات ئے۔
*چہ مھلہ ءَ ما آرپ ھان ءِ ڈگار ءَ ننگار ءَ بھائینگ ءَ ات ایں۔
* تیوگیں شپ ءَ موسا ھان ءِ رَمَگ زایگ ءَ ات اَنت۔
* روچ ءِ اولی بیل ءَ ھیر مھمد ءِ دلوت الی ھان ءِ کشاراں چَرگ ءَ اِت اَنت۔
* چہ دو ادارُکے ءَ شما نزر اھمد ءِ سیر ءِ مراگش ءَ ناچ ءَ اَت اِت۔
انچوشکہ گالرِد
* بالاچ زاناں تربت ءَ نہ شُت؟
* من گْوادر ءَ شت آں۔
* وژدل ءَ وَ ڈگاراں ننگار بھائینت!
* ما اپس ءُ گوکاں ریم دات۔
* وھید ءَ موٹل دگ ءِ کسیپ ءِ سر ءَ گلینت۔
* تو واب ءَ بست کُت۔
* آپ ئِے وارت ءُ شُت۔
* گْوادر ءِ واسیداراں منی ھزمت کت۔
* رپیک ءُ آدل ءَ اَرَزبندے وارت۔
* تو گلام الی ءَ چے گْوشت؟
* من سبارگ کت۔ تو ارزبندے وارت۔
* وانگ ئِے ھلاس کت۔
* چہ شھدربرجاہ ءَ دربرت ئِے۔
ابدلستار بُگٹی ءُ مھمد شکاری
*بلوچی دربرجاہ*
****//*******//***
بلوچی زمانگ Tenses
ھست سرجم
Present Perfect Tenses
گالرِد
* من ورگ وارتگ۔
* دیم ئِے شُشتگ
*من ڈیرہ بگٹی ءَ شُتگ آں
* تو زُلپکار ءِ سور ءِ مراگش ءَ شُتگ ئے
* اِد ءَ وَ تْرُندیں ھورے ءَ گْوارتگ!
* واسیدار ءَ مھمان ءَ ارزبند داتگ۔
* ما زھرشانی ءَ شُتگ ایں.
* شُما وتی کار ھلاس کتگ۔
دلگوش: پیوندگالانی سرپدی
من = آں
ئِے یا ئےِ: پہ سیمی ناساڑی ءَ
تو = ئے
شما = اِت
ما = ایں
پہ یک ءَ = اِنت
پہ باز ءَ = اَنت
گالرِد
* من گُد ءِ کارجاہ ءَ کار ءَ کنگ ءَ آں
* من بلوچی آزمانکے وانگ ءَ آں۔
* تو بُزگل ءَ کُجام کاھچراں چارینگ ءَ ئے۔
* تو پہ من چاہ ءَ گْرادگ ءَ ئے۔
* اَلی ھان ءِ چُک وانگجاہ ءَ روگ ءَ اَنت۔
* سائیداد جوھان ءَ مُشگ ءَ اِنت
* شما ورگ ءَ ات۔
* شما چی گْوشگ ءَ ات۔
* ما گورم ءَ ریم دیگ ءَ ایں
* ما ڈیرہ گازی ھان ءَ روگ ءَ ایں۔
دلگوش:
من = آں
تو = ئے
شما = ات
ما = ایں
پہ یک ءَ = اِنت
پہ باز ءَ = اَنت
ابدلستار بُگٹی ءُ ایم شکاری
بلوچی دربرجاہ
****//*******//***
بلوچی زمانگTenses
ھست یشلی
پجار: ھما گالرِد کہ کار ءِ کنگ ءِ وھد ءَ درشان کنگ بیت، ھست یشلی ئِے گْوش انت۔
انگریزی ءَ Present Perfect Progress ئِے گوش اَنت۔
گالِرد
* من چہ سُھب مھلہ ڈگار ءَ ننگار ءَ بھائینگ ءَ آں
* تو چہ پیشیم ءَ گِندگُش ءَ گندگ ءَ ئے
* تو زاناں چہ دو ادارُکے ءَ بلوچی تامُرے چارگ ءَ ئے؟
* تو وَ چہ سَے ادارُکے ءَ منی ودار ءَ ئے!
* تو چہ پاری ئیں سال ءَ پنچُمی تبک ءَ وانگ ءَ ئے
* شما چہ بام ءِ وھد ءَ منی ودار ءَ اِت۔
* چہ زی ءَ یکشل ءَ ھور گْوارگ اِنت۔
* چہ ادارُکے ءَ لیبی لیب ءَ اَنت
* ما چہ دو ساھت ءَ واب ایں
* چہ بیگاہ ءِ وھد ءَ گْونڈو ءَ را تپ اِنت ءُ ژامبلینگ ءَ اِنت۔
ابدلستار بگٹی ءُ ایم شکاری
بلوچی دربرجاہ
گالرِد
* من مُدام بام ءَ آگاہ بہ آن ءُ مھلہ ڈگار ءِ کشت ءُ کشاراں سر بَہ آں۔
* تو زَپت ءُ ھوادگیں نارشتاں گْراد ئے
* تو جْوانیں سَجیاں پَشّین ئے۔
* ماریہ نگناں پچ ایت
* لیلہ زاناں لوگ ءِ زھگاں وانین ایت۔
* ما میتگ ءِ ھمساھِگ یکدومی ءِ کُمک کن ایں
* شما سَک باز زھمت کشّ اِت۔
* شما مھلہ پاد کا اِت ءُ ارزبند ءِ ورگ ءَ رَند کارجاھاں روَ اِت۔
* ما بلوچ زمستان ءَ سُورانی مراگشاں کن ایں۔
* پیز مھمد دہ تبک ءَ وانگ اِنت۔
* ھو، مھمد وَ ھارس نادْراہ اِنت۔
* ھورشید ءُ سمیاُللہ یکدومی ءَ ٹَوک نہ کن اَنت۔
* وانگجاہ ءِ نودربر شَر وان اَنت گُڑا مات ءُ پتانی ناماں وشنام کن اَنت۔
ابدلستار بُگٹی ءُ ایم شکاری
بلوچی دربرجاہ
****//*******//***