مسیحا ء وھدار انت. {نبشتہ کنوک : عند لیب گچکی}

[Zahida Raees Raji]

{نبشتہ کنوک : عند لیب گچکی}


مسیحا ء وھدار انت
رو ذرد ء وھد ات . . . .آذمان ء روچ ء ایر شو تگیں برانزاں عجب دلکشیں ندارگ ء پد ی کتگ ات. . . .ذرد نارنجی ء سہریں رنگانی ھواری ء آذمان یک رنگ داریں سریگ ۓ ء وڈا ات .ھمۓ رنگ آذمان ء چے بگر ذمین ء سرۓ ھر چیز ی مان پوشتگ ات.
کہن ء نیمگا یک گو نڈلۓ پیداک ات ائ ء دست ء کسانیں مگ ۓ ات . . .ماھین ء مود پچ اتاں ای ء دیم ء لونجان اتاں . . .ذانگ بوھگا ات سری نہ رستگ ات. . .
بلۓ واجہ ھدا ء ھم اۓ گونڈل ء تہا ھچ وڈیں کمی نہ اشتگ ات. . .
ماھین ء یک سالے ات کہ ماھین ء مات بیمار بوت ء مرت. . .ماھین ء بلک ء ماھین ء پت ء دگہ سانگے دات.اے وھد ء ماھین ء سے 3 سال ات وھد ۓ ھمراہی ء ماھین ھم مزن بوھان ات. .ماھین ء وتی ماتو پہ دل قبول کتگ ات .. اھی مات ھم بد نہ ات. .اگر چہ مات ء بدل ماتو نہ بیت. .بلے ایندگہ ماتو ھانی وڈا ھم نہ ات.
اماں من مگ پر کتگاں ماھین ء وتی دست ء مگ ایر کت . .
آھی ء مات ء کمے چارت ء گشت شر برو نپاداں کش نو تی پت کیت . . .ماھین ء اے وھد ء ھفت سال ات.
اۓ نو ں ماھین ء لوگ ۓ ھر روچ ء کار اتاں.
ماھین ء پت ء سجاھین روچ وتی میتگ ء یک ذمین دارے ء ذمینانی سرء کار کت ء وتی لاپ شو ھاذ کت.
شپ ء ماھین ء پت اتک نان ء وھد ء ماھین ء پت ء گوں ماھین ء گشت باندء صحب ء ترء برن مکتب ء
او ابا؟ماھین گل بوت
او اھی ء پت ء پسہ دات
دومی صحب ء ماھین ء مات ء ماھین تیار کت اھی ء پت ء ھمراھی ء مکتب ء روان دات
دومی روچ ء ماھین ء پت ماھین ء مکتب ء برگ ء ات ماھین ء پت جست کت ابا من واناں چے ء جوڈ باں؟تو بگش ماھین ء پت ء گو ں پر مھریں چمۓ چارت ء گشت. . .
من . . .من ھمے کہ وانینان . .انچینے بن. .گوڈا بوان بس او ماھین ء پت ء گشت. . .
ماھین ء پت ناوانندہ ے ات بلے ھر شپ ماھین وتی دیم ء نادینت ء گشت ے بیا وان ء ھر لفظے ء وانگ ء گوں اھی پت ء گشت ماشااللہ ماشااللہ
ماھین وھدے دھمی جماعت ء ات اھی ء پت ء سور دات. .
ماھین ء شوک ات کہ ٹیچر ے بہ بیت گڈا اھی ء میتگ ء چکانی واستہ مکتبۓ پچ کت.
یک روچے آ گونڈوھانی وانینگا ات آھی دیست بالی گراب بال انت .
دومی روچ ء ھال سر بوت کہ میتگ ء کماش ء سرکار ء ھلاپ ء جنگ ء جار جتگ ء سرکارے کارندھاں ارش کتگ ء کماش کو ھاں شتگ. . .
گونڈوھاں مکتب ء آھگ یلہ داتگ ات.
سرکاری بالی گراباں ھر نیمگا بمب چو ھورے وڈا گورت.
2 ھفتگ ء ماھین ء پت ذمینانی سر ء نہ شت .
یک صحب ء ماھین ء پت شت گڈا ھال اتک ھمے ذمینانی نیمگ ء سرکار ء مزنین بمب گواری کتگ ء بازین مردمۓ بیران بوتگ ء ایشانی تہا ء ماھین ء پت ھم بیران بوتگ
پہ ماھین ء واستہ ء اھی مات ء واستہ قیامت ات. .بلے تہنا آ ء مات نہ اتاں کہ تہنا اے گم ء دوچار اتاںمیتگے بازیں مردمے اتکگ اتاں مانشاہ ء وتی مردگے گون اتاں. . .
باذین انچین لاش اتاں کہ دست اش پر نیست ات باذینے ء سر جتا ات. . .
ایشانی گناہ میار چے ات ؟ ؟
ماھین ذمین ء سرء نشت. . .ارس چہ چمان جہلاد اتاں . . .اماں اے منی شاگرد ات. . .
ماھین ء گریوگ دل ء ڈک ات. . .ذورین مرگ آماچ کنگ بوتاں. .
روچ پہ روچ گنتری اتک ماھین ء میتگ ء جاور ھراب تر بو ھان اتاں. . .
یک شپے ماھین ء اھی ء مات چراگ ء دیم ء نشتگ اتاں. . .ھاموشی ات. . .مزنین ھاموشی ات بس دوینانی چم پر ارس اتاں ، دیراں رند ماھین ء مات ء ماھین چارت گشت تی لوگ واجہ کجا انت؟ نیابکگ؟ اناں اماں . .ماھین ء پسہ دات
کجا شتگ؟
نزاناں یکے آ اتک بورت . .منی ھیال ء کماش ء مردمے ات. .
اماں اداں چے کنت نندایت؟ مرگ نوں المی انت. . .
منی پت ء چے کتگ ات؟ ادگراں چے کتگ ات؟ کس پشت نہ کپت. . .
ماھین پاد اتک دریگ ء نیمگا اوشتات دریگی پچ کت ڈن ء سری کش ات چارت . . .ابید تہاری ء دگہ ھچ نیست ات ماھین ء دریگ بست اتک چراغ ء دیم ء نشت.
اماں منی ترو زر بی بی ء دوھین مردین چک شہید بوتاں. ..
ماھین ء مات ء پر دردین ساہ ء کش ات ء گشت اللہ مۓ دژمناں تباہ بہ کنت ھچ نہ اشت پہ ما. . .
شپ ء ماھین ء لوگ واجہ اتک گشت ء ماھین من زان ء تو نا نہ کن ء تو وت ذانتکارے ء بچار انوں منی ماتین ذمین ء منی ذلورت انت منی سنگت ء براتان منی کمک ء ذلورت انت من باھد انت کہ برو ھاں. . .تو ذان ء کماش ء پر چا جنگ ء جار جتگ؟ مے اجو ھی ء واستہ تو ذانے . . .جی او ماھین ء اھی گپ کپی کت . . .تی آھگ ء پیسر من گون مات ء ھمے گپ جتگ اں. . .
ماھین ء چک ء است ء ماھین ء دنیا ات. . . ء دلجم ات کہ روچے کیت اھی ء پت سوبین بیت کیت. . .
میتگ ء جاور کمے گہتر بوتاں پدا مکتب ء راوگ بندات کت. .
یک روچے آ گوں وتی گونڈو ء راوھگ ء ات اھی دیم ء یک گاڈی ۓ اتک اوشتات کانچی سیاہ اتاں لہتین داموکا ھی ایر اتک ء ماھین ء پہ ذور گران کت گاڈی ء کت. . .
ماھین بے ھو ش ات. . .
وھدے ھو ش ء اتک تہاریں کوٹی ء ات ماھین ء گنوکانی وڈ ء دست موش کت . . .بیبگر بیبگر . . .وتی گونڈے چک ء دست مو ش کنگ ء ات . . . کمے دیراں ھاموش بوت پدا یکپارگی زار زار ء گریوگ ء لگت. . .
نوں ھما ماھین انت دست ناشراں کپتگ . . .
وداریگ انت یک مسیحا ۓ بیت بہ رکھینیتے. . .
{نبشتہ کنوک : عند لیب گچکی}

[DurouShom]

andleb jan tara wati dile johlankia che Allahe bahot kana. .qisa jan0k bazan. . Blyrasta paddar kanag kasy kasy bebit. G pa tra o tai mat o petana. .tai nabeshta kotagen wati dastan g0n jai washbu a dant. . .Huda tra tai log walahani guma salamat bekanat. . Amen

[hafiz_aaskani1]

ainebeshtank want o ai maret k har wanok e sara e wati asra daur dant baqaul e iqbaal.... Dil se jo baat nikati hai asar rakhti hai . Allah nebeshta kanok o waanok kull baloch o kull mazloomani dailaan taaheer bidant . Allahumma aameen

[Rind Baba]

Wanage Sata Karzet Baaz Wash

[intezar bahar]

bazz jowney nibshtnkey satah karzzeth................. salmath bathy