Baask- Home of Balochi Language, Literature & Culture

General Diwan => Hobbies, fun games & Humour => Topic started by: STONER on May 19, 2005, 04:44:31 AM

Title: Ye Kia kartey Ho..
Post by: STONER on May 19, 2005, 04:44:31 AM
Raith k mahel banatey ho, ye kia kartey ho
roz sapno'n ko jagatey ho, ye kia kartey ho

Dekho girr jaengey yadon k haseen taj mahel
soey jazbaat jagatey ho, ye kia kartey ho

Raat ko tumne bujha daley sitaron k chiraag
shama ko din mein jalatey ho, ye kia kartey ho

Sharm se zard na pad jae'n kahe'n shams o qamar
rukh se aanchal ko hatatey ho, ye kia kartey ho

Husn k aks se shesha na pigal jaey kahen
aaina un ko dikhate ho ye, ye kia karte ho

Aan e wahid me'n badal jaega rang e mehfil
unko mehfil me'n bulatey ho, ye kia karte ho

Is tarah se tho mohabbat ka gumaa'n hota hai
apni nazron ko jhukatey ho, ye kia kartey ho

Apna kirdaar dikhao tho koi baat baney
apni awqaat dikhatey ho, ye kia kartey ho

Apni nazron ko tum hi aaj jhukalo tahir
aankh se aankh milatey ho, ye kia kartey ho.

Tahir Ali Tahir
Title: Ye Kia kartey Ho..
Post by: ناہید بلوچ Naheed Baloch on May 19, 2005, 12:13:34 PM
really very nice post (F)
thanx 4 sharing :)
Title: Ye Kia kartey Ho..
Post by: Nohani on May 19, 2005, 12:32:10 PM
bohot aa'la Jameel miyaan :)