Baask- Home of Balochi Language, Literature & Culture

General Diwan => Hobbies, fun games & Humour => Topic started by: Nohani on August 08, 2005, 08:38:20 AM

Title: TUMHARE PYARAY HAATHON KE LIYE EIK NAZM
Post by: Nohani on August 08, 2005, 08:38:20 AM
mere mola yeh haseeN haath salamat rakhna

aisa lagta hai jo yeh haath dua ko uthein
khud farishtay chale aate hon zameen ki janib
saunp kar mar-marein hathon ki hathaili ko hina
jo bhi maanga ho woh chup chap diye jate hon

mere mola yeh haseeN haath salamat rakhna

inn ki khushboo se mua'tar hai mera sara wajood
inhein haathon mein mere khwaab chupe hein mola
ungliyaan mujh ko mohabbat mein bhigo daiti hein
inhein pooron ne mere dard chune hein mola

inn ki rag rag mein mohabbat hi mohabbat rakhna
mere mola yeh haseeN haath salamat rakhna

inhein haathoN ki lakeeron mein muqadar hai mera
yeh jo kone mein sitara hai sikandar hai mera
khwaab se narm khayaloN ki tarah nazuk hein
in k her lams mein mere liye chahat rakhna

mere mola yeh haseeN haath salamat rakhna


~ WASI SHAH
Title: TUMHARE PYARAY HAATHON KE LIYE EIK NAZM
Post by: ناہید بلوچ Naheed Baloch on August 08, 2005, 01:56:21 PM
bohot khob  (F)
Title: TUMHARE PYARAY HAATHON KE LIYE EIK NAZM
Post by: Nohani on August 08, 2005, 08:13:07 PM
SHUKRIYA NAHEED.

BOHOT ARSA HUA AAPKA KALAAM PARHAY HUE. KUCH TAZA SHARE KIJIYE GA
Title: TUMHARE PYARAY HAATHON KE LIYE EIK NAZM
Post by: Imran Mullahzai on August 10, 2005, 02:04:26 PM
Nice Job Nohani, Waqai ya mere Mola Yeh Haseen Haath Salamat Rakhna, abi inko bohot se Nazam Likhne hain,  (F)  (F)  :)