تراناگانی ذر ء اوژناگ گراناں
یاتانی ذیمر ء ساذاں جناناں
چمانی واباں پروشاں دردانی آگھی ء
گوں ملکموت ء ساہ ء گام گام جناناں
دردانی تئ سوگاتاں پہ جی ء جان ذوراں
من ذند ء وشیاں تئ نام ء ایر کناناں
تو لوٹ ء مۓ ارواہ ء پہ تو حاضر ھمک ساہ مۓ
من ذند ء سرجمین ء تئ نام ء ندر کناناں
داگ داتگاں بند بند ما چو شہ ء وڈا مرچی
مرگ ء وتی کم کم ء ارذان کناناں
بیا نند بکن دیوان {ع }گماں گوں
ما ساہ ء سر ء گوں تو سودا ء جناناں
{عندلیب گچکی}