Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on July 08, 2013, 08:40:49 PM

Title: اسلم قادر ءِ شئر ءُ پربند
Post by: Zahida Raees Raji on July 08, 2013, 08:40:49 PM

،،،،،،،،،،،،،،،،،،،،،،غزل،،،،،،،،،،،،،،،،،،،،،اسلم قادر

نوں پدا موسم ءَ جہ جتگ دابے ءَ جمراں ھور کت ،
بُتکگیں زلف تو کوپگاں یل کُتاں مھپراں ھور کت ،

تو پدا مینتگاں زلف گوں مھلباں پہ وڑے دلربا ،
پہ کئی حاترا نوں تئی جیگے ءَ عنبراں ھور کت ،

چوں پدا جہ جتگ نوں پدا موسم ءَ گوں وتی دروشماں ،
کہ پہ بے موسمی جمراں پہ وڑے امبراں ھور کت ،

چوں پدا میسیت گ گل زمین ءِ بدن حونے ءِ رنگے ءَ ،
مردماں پہر کت مردمی ءِِ سرا رستراں ھور کت ،

سانکلاں بستگیں دستے ءِ نوں منی ھلِ اتگ کسہے ،
نوں منی باطن ءَ آجوئیں آسے ءِ انگراں ھور کت ،

نوں تئی زحم پہ گُڈگا کنٹ باں دم براں باسک نوں ،
یک سرے تو جنئےسرسداں چست باں نوں سراں ھور کت ،

اے منی سینگ ءَ بُن جتگ آہناں تل نباں گوں ترا ،
بل ستر نوں تئی قاتلیں دستے ءَ خنجراں ھور کت ،

چوں کتگ نوں بہا آجوئیں ھلک آ دژمناں اسلم ءِ،
کہ شُتگ سرپدی نوں چرا میتگ ءَ بے سراں ھور کت۔