Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on July 11, 2013, 11:30:42 AM

Title: فضل دوست ءِ پربند ندر پہ باسکاں
Post by: Zahida Raees Raji on July 11, 2013, 11:30:42 AM

ندر پۂ باسکاں.......
ماہکانء_ دلء- چے گشتگ.
شپ کۂ جمبراں چو پرشتگ.
آسء- تئ غمء_ روکاں من.
گرداں ارسی دیدوکاں من.
دنیا کئی غماں احیران انت.
زردیں بےتو بس ویران انت.
ھونیں دیدگاں شلداتگ.
دوستء- اے وڑا یلداتگ.
غم تئ زندگاں نامء- باں.
لنٹ تئ بینگی تامء- باں.
بیا تئ اشکء- ما ابدالاں.
دنیاۓ غماں بے ھالاں.
گوشاں پمنی آوازیں.
بس تئ گندگء,شوہازیں.
ترانگ تئ منا نیلء- چو.
اشکء- کئی پدا ویلء- چو.
ارساں دیدگاں بنداں من.
بس تئ حاترا کنداں من.
مرچاں بزگء,لاچاریں.
نیست انت مردمے غمواریں.
دیریں کۂ ودارء- نشتگ.
بےترکء,توارء- نشتگ.
یکیں محبتء- گاریں تئ.
ریٹائیں فضل ساریں تئ.
فضل دوست
Title: فضل دوست ءِ پربند ندر پہ باسکاں
Post by: Zahida Raees Raji on August 12, 2013, 07:53:33 AM

لچۂ:

اے جمبر نۂبرء-

تئ غمانی حسابء-

کۂ ترمپ ترمپ ایر'انت

اے جانء_ بند بندء-

برے تئ کۂ آسء-

گشء_ روک انت ارواہ،

برے ترانگاں تئ

کپاں من نۂگریواں

برے زھیری نالگ

کپوتانی رمبء-

برے جنگلء_ سیل

گوں ارسیگیں چمء-

مدام تئ شوھازگ

تئ پادانی پد کۂ،

نکنت منزلء- سر

ابدمان بیت کسۂ

دلء_ مۓ جہانء-

ھزار کشکء,راہ است

رواں من کۂ تہنا

ھزار کسہانی ھمراہ

نباں امریں آسر

کۂ بےتو نۂبیت نوں

زندء- منی ہچ مانا.....

فضل دوست