Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on October 30, 2013, 01:11:45 PM

Title: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on October 30, 2013, 01:11:45 PM

مروچاں گوں وتایں مردمے
دل ء- چا نارزایں مردمے
دنیگ ء- اے وڈیں دروشم ندیستگ
ھمک رنگ ء- جتایں مردمے
ھمینچو مھروانیں گوں مناں
گشے پہ من ھدایں مردمے
گلایشیں مدام گوں آس ء،آپ ء-
وتا چا بے سمایں مردمے
ھمایں کہ چدا عارف تو رپت ے
تی رند ء، پدایں مردمے
*عارف شھم*
 (F)
"کۓء- شوھازۓ کئی ساھگء- پناہ لوٹ ۓ"
سرونء- کبرء_ کئی نشتگ ء دعا لوٹ ۓ
اے عھد کسء- وتی یکیں دروشمء- نئلیت
منء- شوھاز مکن تو اگاں وتء- لوٹ ۓ
کۓء- اے آس تئی دامنء- گوں ڈک داتگ
کۓء- پہ زھیر کن ۓ ء بگش کۓء- لوٹ ۓ
زدگ کتگ منء- بلے زمانگء- عارف
بلے من انگت تیار آں اگاں منء- لوٹ ۓ
عارف شھم
 (F)

* ایوکی *
زند مے ایر جیگ کتگ
باتن ء- آسے گپتگ
دیدگاں ارس ء_ بدل
ھون ء_ تچوکیں ھارے
واھگاں زندء_ منی جندء_ تھا تند بستگ
کوچگ ء- زردء_ وتی کسے نہ گنداں پہ وتا
چو کہ گیابان ء _ ھما ستکگیں درچک ء_ داب ء-
کس نہ گنداں کہ منی ساھگ ء- سھتے داریت
گوں من ء- زندء_ ھیالاں وتی درشان بکنت
بس ابیتکی انت منی
زردء_ دیارء- زاناں
کہ ھمک سھت ء، دمان
دردء_ رگامے گواریت
دیگرء_ شھم منی میتگ ء_
دمکاں گار انت
عارف شھم
 (F)

' عارف شہم'
ھستی ء_ راز انچیں دروھاپے
پدنہ کنزیت ء، نے کہ دیم ء- روت
آس ء، آپ ء- وتا بہ گیشیناں
تو منء- الم ء- دو چار کپ ۓ
او! ھوس گونگیں تئ اشک ء_
ترانگاں گیج ۓ تو زلیخا ۓ
کر ء،کوراں گشے اے بنی آدم
رستراں میتگ ء_ سرا زرتگ
توکجاۓ کہ سرجمیں دنیا
روچ ء_ رنگ ء_ ترا شوھاز ء- انت
جنتی دوزھی بیگ وش انت
ہر دوھیں کسہ ھاں ھدا گون انت
عارف ء_ سنگتی منا ترسیت
آ مدام جنگ ء- سرگرگ لوٹیت
 (F)

زھیراں زیراں تئ جلگھیں زرء- مین آں
 برے من رنگے وتی زندگی ء- گوازین آں
 
 ھمے  ہساب ء-  کہ دنیاء-  ہست واہندے
 ھمے گمان ء- بگندے گماں  بہ ریپین آں
 
 نہ داراں ازر ء، تماہ ے نہ گلہ ے زند ء-
 وتا را آس  دیاں  دیدگاں  من واپین آں
 
  ہدا مہ کنت پدا دل دوہیں بہ بنت سجیگ
 مہ بیت چوش پدا کسی ء- بہ رنجین آں
 
 نہ گیشاں ہچ وڈا امروزء_ گپچلاں عارف
 نہ  دنت  موہ اے  زمانگ وتا بہ گیشین آں
عارف شھم
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on October 30, 2013, 01:18:20 PM

"جنیں چک"

تو آسے ۓ کہ روک بئے

تو برپے ۓ تو پلے ۓ تو ماہے ۓ

تو سنجے ۓ تو موسمانی نیتء- بدل کن ۓ
تو درچکے ۓ کہ نوکی بر کنے

تو وشیانی ساہت ۓ

تو رنگے ۓ ء، نورے ۓ ہداء_ چھرگ ء- جن ۓ
تو واھگانی لذت ۓ ء، بھاریں نوبتانی جنت ۓ

تو ہر کسی دلء_ کرار

تو بے ریاے ۓ تو دل سپاے ۓ تو بے گناہے ۓ
تو بے میارے ۓ ء، درد وارے ۓ

تو زندگیء_ نوکیں دروشمانی ھم سپر

تو سمی ۓ تو ھانی ۓ تو نازی ۓ

عارف شھم
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on October 30, 2013, 01:31:28 PM

زہیراں گوں گرپتاراں تئیگاں بس تئیگاں
گمانی کسہ اں کاراں تئیگاں بس تئیگاں

برے من روک کناں آسے برے کیپانی ہمراہ باں
مروچاں اچ وتا گاراں تئیگاں بس تئیگاں

تئ نام ء- گوں زانگ باں داں ہستاں زندگاں وھدے
گنوک آں من اگاں ساراں تئیگاں بس تئیگاں

چو عھدء_ توکلی مستاں گنوک آں پہ تو دیوانگ
دلانی لھڑیں پاھاراں تئیگاں بس تئیگاں

دمانے بیا منی کل ء- تھاریں روشنائی دۓ
بہ یاں وشان اگاں زاراں تئیگاں بس تئیگاں

اے امروزء_ مجاں عارف من ء- اچ تو گسر کرتگ
مدام پہ تو زھیرواراں تئیگاں بس تئیگاں
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on October 30, 2013, 01:47:37 PM

جنگ بنت ھون بیت ہش انت دریا

گلزمین کہ سچیت ہش انت دریا

من نہ باں تو نبے نہ بیت امروز

ترانگے پش کپیت ہش انت دریا

یا ھدا چونیں کسہ ے ھلک ء-

شانتلے اوں ھزیت ہش انت دریا

تئ زھیرانی دوزھیں آس ء-

جنگلے بن گریت ہش انت دریا

عارفء- چون انت کس نزانت مرچاں

ساھگ ء- چہ تچیت ہش انت دریا
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on October 30, 2013, 01:50:17 PM

آس داتیں دل ء_ ایمان وتئ

گوں ھدا ء- کدی گلہ مہ کتیں

تو ھما جنت ء_ وشیں موسم

من ھما دوزہ ء_ آس آں روکیں

او ھمے گپ کہ ھستیں کس ے

دریگتے ما وتئ گوشاں مہ جتیں

بتکگ انت سنج تئ وش اتک ء-

بیا شپ ء- پہ تو چراگے گون انت

وھدء_ نیمون بدل بنت مدام

ما پدا پوشی ے سجدہ مہ کنیں

عارف ء- بل کہ نشاہ انت مرچاں

زاناں امروز ء_ گماں رنجینتگ
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on October 30, 2013, 01:54:07 PM

وھدء_ کردار ء، سبک اے پیم انت

چم ء، دل کور بہ بنت گنگ ببیں

دیدگاں دوچاں دل ء- آس دیاں

چو مہ بیت دل ترا اومان بہ کنت

جند مانداشتگ وتا را وارتگ

من کدی گوں کس ء- گلہ نہ کتگ

شائری انچیں زبانے وشیں

دریگتے ہر کس ء- زانتیں بہ کتیں

عارف ء_ گم ترا بیتیں وھدے

عارف ء- گم مہ کتیں امروز ء-

"عارف شھم"
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on November 08, 2013, 07:35:19 PM

"ندر پہ ریحان رضاء-"

دل چراگے ء، گم تئی کوہنیں میتگے

زندگی مرچاں کپتگیں لوگی ساہگے

نشتگاں جیڑاں ایوک ء، ہیران ء، ملور

بیا منا گون اتکگ اجب رنگیں ترانگے

موکوی تند ء- بستگاں دیدگ ہر دوہیں

تو بگش ھانل اے چہ پمیں تئی آہگے

جنت ء، دوزہ پہ منا وابے بیتگ انت

تئ گشئے ترانگ چو ھدا گندیں واہگے

پہ ترا عارف من گشۓ پہکء- بے وساں

تو نہ بئے پہ من اے چے پیمیں تئی زانگے؟

"عارف شہم"
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on April 10, 2014, 10:51:32 AM
وھدے تئ ھیال منی باتن ءَ رچیت
ارمانیں واھگانی میتگ اوں بنگریت

ننداں من آسے روک کناں کسہے گوپاں

گلہ نہ ساچیت مردمءَ گلہ کنگ نہ بیت

ارواه من ڈک داتگ تئ ترانگاں گوں من
بلکیں پدا اے دل گوں زھیراں بہ
سمبہیت
ھرکس بہ گندئے وانگ بہ بیت چارگ ءَ تئ

دریا بہ گندئے مرچی تئ سجدہءَ کپیت
جست کن منا کہ سرجمیں موسم من دیستگاں

ہیرات بیت چہ پیم ءَ گرماگ چوں گوزیت
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on June 18, 2014, 09:03:55 AM
موسمانی چاڈ پرشتگ ساہگاں نیستیں وپا
ما پکیریں ما ملنگیں تو کجا ءُ ما کجا

بس ھمے یکیں ھیال ءَ گور بہ کن رازاں مدے
من بزاناں تو بزان ے بلی زانتیں مئے ھدا

تئ ھیالیں کہ منی اروہ ءَ ساہ ے روت کیت
زندگی پہ یک شگانے ما وتی زرتگ سرا

بل اے وھدءُ موسمانی گلہءُ زنگ ءَ مجن
چاکری دورے بگندے ملتگ مرچاں پدا

تو ھماھیں رپتگے اے ہلک ءُ ہنکین مٹتگ
بے ترا نوں زہیر کنتیں بیا منا بر گوں وتا

سیاہ شپانی نیت ءَ عارف چتور سرپد بباں
من نزانتگ اے وڈا بیت تو نہ گشتگ اے وڈا
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on July 03, 2014, 01:04:13 PM
درد گپتار سلامت باتیں
ھمدلیں یار سلامت باتیں

آزمان سرجم ء- بہ بیت بیگواہ
تئ سر ء_ شار سلامت باتیں

دیدگاں مھر ء_ زرا واپیناں
بس تئ دیدار سلامت باتیں

رنگ امروزء_ درآمد بیتاں
سبر او پار سلامت باتیں

ماھکان شود شپ ء_ بالاد ء-
بام ء_ استار سلامت باتیں

بیا پدا شھم دعا ے لوٹیں
مھر ء_ بیمار سلامت باتیں
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on July 08, 2015, 09:14:51 PM

بے زباناں اوں زبانے دات کنت
آ بہ لوٹیت زندمانے دات کنت
سرجمیں امروزء_ رنگاں کنت بدل
زندگی ء- ماھکانے دات کنت
تستگیں بالادء_ ھوشام ء- بہ بارت
مھروان انچیں دمانے دات کنت
جمبرے ارسے کما تو موسمے
تئ پکیر اوں آزمانے دات کنت
اتکگاں عارف چدا دیریں شتگ
مردم ے ڈس ے نشانے دات کنت؟
عارف شھم
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on July 08, 2015, 09:17:16 PM
نشتگ ء، کسہ کمات ء- من چراگے روک کتگ
کپتگاں وھدے تئ یات ء- من چراگے روک کتگ

گوں وتی اے مھپرانی پیچ ء، تاب ء-مہروان
تو منا زرتگ پتات ء- من چراگے روک کتگ

وڈ وڈیں دروشم جہان ء- دیستگ ء، مانا کتگ
دل وتی کس ء- ندات ء- من چراگے روک کتگ

تو کہ وھدے لڈتگ اے موسماں دعوا کتگ
گلہ ے بن دات گوات ء- من چراگے روک کتگ
عارف شہم
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on July 08, 2015, 09:18:35 PM
" تمردیں وہد "
اے موسمانی سپر گلہی ء_ بندوکاں
برے گوں جنت ء_ واب ء-
برے گوں امروز ء-
ھدا بہ زانت کہ انسان ء- باریں چی بیتگ
گشئے چو رستر ء- بیتگ مروچاں بنی آدم
کجام کجام ندارگ منی دل ء- نکشاں
بلہ من انگت جیڑاں پہ ھستی ء- جندے
نہ باں من ھچ وڑا دل جم پہ گپی ء- دروگیں
ھداے ھر وڑیں کدرت من دیستگاں پہ وت
بھشت ء، دوزہ ے مانا دل ء- بدل بیتگ
ھدا بہ زانت کہ انسان ء- باریں چی بیتگ
برے گوں وابی ء- شوھازگ انت اے دنیاء-
برے گوں رنگی ء- امروز ء- جندء- شوھازیت
زدگ نہ باں من پیم ء- گوں کسہ اں تھلیں
ھمک ندارگ گمیگ انت جگر گشئے ہوناں
گشاں کہ کور ببے دیدگاں بدے پاھو
گشاں کہ گونگ ببے دلوتانی پیم ء- بے
ھدا بہ زانت کہ انسان ء- باریں چی بیتگ
گمیگ مہ باں من چہ پیم ء- پہ بانکیں گوھاراں
اے وھد انچو تمردیں کس ء- کمار نہ کنت
بہ سگیت چون اے امروزے وت گڑیں دوداں
کدی داں ایر بہ بارت زیم ء، کچلیں درداں
کدی داں ہچ مہ گنداں دپا بہ دوچاں من
کدی داں اے وڑا ھستی ء_ فلسپہ ء- مانیت
ھدا بزانت کہ انسان ء- باریں چی بیتگ
پمشکہ مہر نہ گواہیت اے میتگ ء، ہلکاں
پمشکہ مرچاں زہیراں دل اں کتگ جاگ ء-
وتی من واہگاں بنداں یک گرنچی ء- چاراں
بلہ من سدکاں روچے اے وھد سرپد بیت
پدا اے موسم ء، دروشم بگندے مٹ بہ باں
بگندے ھر وڑیں چھر ء، شبین مانا بنت
بگندے اندرے انسان پدا بہ باں زندگ
عارف شھم
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on July 08, 2015, 09:20:02 PM

بلوچی غزل
عارف شھم


ھیالاں چینک دیاں لبز مژدہ وار بیاں
زھیر لچھہ ے ساز اَنت گشئے ملار بیاں
ھتم نہ بیت بھارانی موسمے مستی
تئی زھیر بگندے اوں ملگزار بیاں
گبار بستگیں امروزے نیت ء- چاراں
جبین ء- آس دیاں دیدگاں کمار بیاں
اے اھد پہ منا ویرانگیں گشئے ھلکے
بہ لوٹ پہ ترا کایاں تئی میار بیاں
بیا تو پہ منا عارف پہ تو زھیریگاں
ترا مہ گنداں دمانے من بہ کرار بیاں
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on July 08, 2015, 09:22:02 PM
بلوچی غزل

زہیر دروشمیں موسم جبین ءَ تران کناں
نہ زاناں باریں کجام گلہ اں بیان کناں

ستر شموش منا جندے باتن ءَ در کن
برے چو کُنٹگ ءِ داب ءَ ترا آڑان کناں

کجام نگاہاں بہ چاراں کجام دل ءَ ماراں
ھمک چراگ تھار انت دل ءَ گُمان کناں

برے گوں کدہ ءُ کیپاں برے گوں ارماناں
کدی داں اے وڑا جند ءَ وتی بران کناں

نہ داراں گلہ ءُ اوزرے داں زندگاں عارف
اے اھدءِعاجزیں پاداں گوں من روان کناں
عارف شہم
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on July 08, 2015, 09:24:24 PM
تی واب ءُ ھیالانی سپر
اسر کنگ لوٹیت
ترا گوں تی وتی جندے
زبان ءَ گپ جنگ لوٹاں
اے واھم ءُ کسہ اں نوں بل
اے کرداں یل بہ کن جندے
ترا بس انت گوں اے واباں
گوں اے گپتار ءُ رپتاراں
وتی اُمر ءَ بہ چار کم ے
ترا نوں مدتت ے گوستگ
وتی نوں دیدگاں پچ کن
ھیال اں کل بہ کن جاہ ے
زمانگ اوں ترا چاریت
ھدا اوں گپاں گوشداریت
وتی جند ءَ بہ کن معنا
بہ شوھاز پہ وتا راہ ے
تی منزل انگت ءَ دور انت
تئ نیمون سک باز انت
مہ کپ دروگیں ستاہ ءَ پہ
شگانیگ کنت ترا یک ے
منی تو کستریں براتے
منی تو ھمبلیں دوست ے
کدی داں سر جن ے اے وڑ
دل ءَ تی ھچ بدی نیست انت
وتا پہ واجہی لوٹیت
زبان ءِ گلہ ءَ دارے
وتی جند ے تھا گارے
وتا را شاہ ے سرپد بہ
بلہ انگت نزا ن ے تو
ھیال اں گوں گرپتارے
گوں واباں زند گوازین ے
گوں دروگاں جند ءَ ریپین ے
ھدا تی وت بہ کنت ھیر ءَ
عارف شھم
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on August 14, 2015, 10:26:34 PM
گلزمین ء- پہ زراں
زردء- تسلا ے دیاں
جنگل ے آس گریت
سرجمیں ہیوان تچاں
ایوکی ء- گوں وتی
من کدی گلہ نہ کناں
تی زھیر روک بہ باں
جندء- وتی مانداراں
واھگے داراں بدیں!
شالا من بہ مراں
عکس امروزء_ گشئے
ستکگیں درچکے مرچاں
عارف ء- وش نہ بیت
جہڈیں امروز زاناں
*عارف شھم*

٭٭٭٭٭٭٭٭٭٭٭٭٭٭٭٭٭٭٭٭

* سلہیں دستونک*
زندگی چھر ء، شبین ء_ معنا
اے ھبر دائمء- گوشاں بہ کتیں
وھد اوشتات نہ کنت پہ کس ء-
تو چیا ھینچو زھیر ے پہ من
دل بدل بنت بدل بنت واھگ
ستکگیں دل مئے ھما رنگ ء- انت
من بہ باں تو مہ بے امروز ء-
اے وڈیں وابے ندیستگ انگت
گلزمین ماتے وڑا انت گشنت
من کساناں پر چا نہ روداں؟
دژمناں زاناں وتی عارف من
سدکاں روچے سپاھیگے بہ یاں
*عارف شھم*
٭٭٭٭٭٭٭٭٭٭٭٭٭٭٭٭

دردے ایر برگ لوٹیت
زندگی کنگ لوٹیت
پہک ء- بہ وساں مرچاں
بیرگء - مرگ لوٹیت
رنگ مٹ باں وھدے
دل بدل بیگ لوٹیت
لڈ اتاں درھیں میتگ
مارا اوں روگ لوٹیت
دوژمنے سرء- کپتگ
ھر وڑ ء- جنگ لوٹیت
زندگی گئشے عارف
دمکی ء- تچگ لوٹیت
٭٭٭٭٭٭٭٭٭٭٭٭٭٭٭٭٭
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on August 14, 2015, 10:29:36 PM
زھیراں زرتگ گمیگاں بگش کجاۓ یار
گمانی ستکگیں شہر ء- پدا نیاۓ یار
مباتاں اف پہ تئی شادء، بینگیں رکاں
گشئے چو سرپتگیں پلے ۓ وڈاۓ یار
بگندۓ وھدء- منا ھر وڈیں سبک داتگ
من چارآں وھدۓ ترا تو بلے ھماۓ یار
نہ باں من ھچ وڈا بے ھال چہ ترا سھتے
منی تو واھگ ۓ جندء_ منی ھداۓ یار
بدل کتگ وتا دیریں زمانگ ء- عارف
نزاناں پرچی ء- اینچو تو بے سماۓ یار
عارف شھم

٭٭٭٭٭٭٭٭٭٭٭٭٭٭٭

منی اے راج گمیگ انت منا گوں ائید نہ بیت
بکن نوں وھد تئیگ انت منا گوں ائید نہ بیت
درآمداں من کدی گوں وت آشنا نکناں
وتن مۓ جندے وتیگ انت منا گوںائید نہ بیت
ھزاراں مات بلوچ ء_ بگندۓ پرسیگ انت
ھدا اوں زانت سئیگ انت منا گوں ائید نہ بیت
جنئے تواے وڑ ء- دائم بلوچ ء_ پرزنداں
نہ چارۓ ھک کئیگ انت منا گوں ائید نہ بیت
نہ بیتیں گوں منا نندگ پہ ایمنی عارف
اے گلزمین منیگ انت منا گوں ائید نہ بیت



"عارف شھم"
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on August 14, 2015, 10:32:37 PM
زبانء_ رنگ ء، براہ ۓ تو مئے بسمل
اے عھد ء_ بادشاہ ۓ تو مئے بسمل
بلوچی شاہگانیں یک زبانے
منیر ۓ ھست عطا ۓ تو مئے بسمل
نہ کنت بہ ھال ترا ہچ عھدء، باریگ
اے لبزانک ء_ مڈاہ ۓ تو مئے بسمل
بلوچستان داں ھستیں تو ھست ۓ
کتاباں بل دلا ۓ تو مئے بسمل
او عارف شھم کن دیریں تو گارے
بگش مرچاں کجا ۓ؟ تو مئے بسمل
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
آس داتیں دل ء_ ایمان وتئ
گوں ھدا ء- کدی گلہ مہ کتیں
تو ھما جنت ء_ وشیں موسم
من ھما دوزہ ء_ آس آں روکیں
او ھمے گپ کہ ھستیں کس ے
دریگتے ما وتئ گوشاں مہ جتیں
بتکگ انت سنج تئ وش اتک ء-
بیا شپ ء- پہ تو چراگے گون انت
وھدء_ نیمون بدل بنت مدام
ما پدا پوشی ے سجدہ مہ کتیں
عارف ء- بل کہ نشاہ انت مرچاں
زاناں امروز ء_ گماں رنجینتگ
٭٭٭٭٭٭٭٭٭٭٭٭٭٭٭٭٭٭
جنگ بنت ھون بیت ہش انت دریا
گلزمین کہ سچیت ہش انت دریا
من نہ باں تو نبے نہ بیت امروز
ترانگے پش کپیت ہش انت دریا
یا ھدا چونیں کسہ ے ھلک ء-
شانتلے اوں ھزیت ہش انت دریا
تئ زھیرانی دوزھیں آس ء-
جنگلے بن گریت ہش انت دریا
عارفء- چون انت کس نزانت مرچاں
ساھگ ء- چہ تچیت ہش انت دریا
٭٭٭٭٭٭٭٭٭٭٭٭٭٭٭٭٭
زہیراں گوں گرپتاراں تئیگاں بس تئیگاں
گمانی کسہ اں کاراں تئیگاں بس تئیگاں
برے من روک کناں آسے برے کیپانی ہمراہ باں
مروچاں اچ وتا گاراں تئیگاں بس تئیگاں
تئ نام ء- گوں زانگ باں داں ہستاں زندگاں وھدے
گنوک آں من اگاں ساراں تئیگاں بس تئیگاں
چو عھدء_ توکلی مستاں گنوک آں پہ تو دیوانگ
دلانی لھڑیں پاھاراں تئیگاں بس تئیگاں
دمانے بیا منی کل ء- تھاریں روشنائی دۓ
بہ یاں وشان اگاں زاراں تئیگاں بس تئیگاں
اے امروزء_ مجاں عارف من ء- اچ تو گسر کرتگ
مدام پہ تو زھیرواراں تئیگاں بس تئیگاں
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on August 14, 2015, 10:37:36 PM
مھتل بہ بے زمانگ کہ یار سمبھیت
اے شھر سمبھیت، بازار سمبھیت
تہنائی ء- منا وتی ارجاں جتگ گشے
تئ یات ناچ کنت سیاہ مار سمبھیت
دریا ء- تن بستگ ھوشامء_ ساھگ ء-
ارواہ ء_ دامن ء- منی ریگزار سمبھیت
بچکندگانی ساز ء، چڈکہ ھتم بیاں
ارمانیں واھگانی ھینار سمبھیت
تو موسمانی نیت ء- دائم بدل کنے
پہ تئ نگاہ ء_ جلوہ ء- دیدار سمبھیت
روچ ء- اوں گام داشتگ انت دیمء- نہ جنزاتگ
عارف مروچی زاناں دلدار سمبھیت
Title: Re: عارف شھم ءِ شئر ءُ پربند۔ ندر پہ باسکاں
Post by: Zahida Raees Raji on August 14, 2015, 10:39:15 PM
کجائے سرجمیں موسم
تئی وداریگ اَنت
کجائے بیگہ ے دیدگ پہ تو
زہیریگ اَنت
کجائے داتگیں زہیراں تی
دامن ءَ بنداں
کجائے کسہ ے آزمان ءَ
شنگ اِتگ دوشی
کجائے شانتلاں مرچاں
اوں گلہ ے گون انت
کجائے ساہگ اں شہرءَ چہ
لَڈتگ دیریں
کجائے ترانگے مرچاں وتا
زر ءَ پرشیت
کجائے تہاری ء َ امبازتگ
شپ ءِ دامن
کجائے اچ تئ دوری ء َ
جمبراں گریتگ
کجائے پہ تئ دیدار ء َ
زندگاں عارف