Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on October 30, 2013, 02:55:10 PM

Title: کاروان بلوچ ءِ پربند ندر پہ باسکاں
Post by: Zahida Raees Raji on October 30, 2013, 02:55:10 PM
"تیل ء، زمزیلی آں"
 
 آ بہ لوٹ ایت من شہد ء، شراباں زراں
 آ بہ لوٹ ایت من رنجانی سازء_ سرا ناچ پرمایاں موجیں دلء_ واہگاں
 آ بہ لوٹ ایت منی ہستیء_ مژداوار ایں گلاں سست کنت
 آ کہ کندیت منی اندرء_ درچک بنت بر ء، بر
 آ کہ گریویت منی اندرء_ تسبیء_ درائیں مہرگ رچنت
 من داں استاں کسی مہلبیں مہپرانی تہا، تیل ء، زمزیلی آں
کاروان بلوچ
Title: Re: "تیل ء، زمزیلی آں".
Post by: Waleed Garboni on October 30, 2013, 03:12:46 PM
یکے چه وشترێں لچّوان إنت که من وتی زندگیا وانتگ.
Title: کاروان بلوچ ءِ پربند ندر پہ باسکاں
Post by: Zahida Raees Raji on November 01, 2013, 07:15:06 PM
" دود پروش "
 
 من واب گند آں
 ترارا پہ من گوں مسک ء، آتاراں مینتگیں نمدی ے دل ء- انت
 نبشتہ انت
 بے ترا منی سہب ء، شام تامور ، من بے ترا سہتکے اوں ناسرجم ء، ہلاساں
 من واب گند آں
 منی ء، تئی شہداہانی روچ انت
 من واب گند آں
 تئی بکملیں مہپرانی بوہاں گلاب گون انت
 من واب گند آں
 مۓ دریکگانی توار ء- شپچر شپاں بہ ینت کور
 من دروگ بند آں
 گش آں کہ اے وڑ. . . !
 من واب گند آں ترارا پہ من گوں مسک ء، آتاراں مینتگیں نمدی ے دل ء- انت
 نبشتہ انت بے ترا منی سہب ء، شام تامور
 من بے ترا سہتکے اوں ناسرجم ء، ہلاساں
 من دروگ بند آں
 منی ء، تئی شہدہانی روچ ء-
 تئی بکملیں مہپرانی بوہاں گلاب گون انت
 من دروگ بند آں
 مۓ دریکگانی توار ء- شپچر شپاں بہ ینت کور
 من آگاہاں گندگاہاں
 رنگانی نکش ء، نوراں گبار دیما
 تو آگاہ ۓ مارگ ء- ۓ
 دنیا چو پیر زالے ء_ گاریں لٹے
 ترا کدی پہ من زھیر بوتگ
 منا کدی تئی شپاریں بکانی مسکیں بوہاں کمار کرتگ
 تو دگرے ء_ ہاترا گوں آدینک ء- تران کرتگ
 من زرد ء_ بوجیگ دگرے ء_ جلگہیں نگاہانی بے ریائیں زر ء- کتگ گار
 ترا چتو پہ من زھیر بیت انت
 منا چتو تئی شپاریں بکانی مسکیں بوہ نوکیں زندے بکش ایت
 منی ء، تئی زندمانی ء_ گران ء، دراجیں سپر ء_
 چہ مات ء_ شکم ء- ، اے سرزمین ء- چہ آہگا پیش بیتگ سودا
 من چوں گشاں کہ منی ء، تئی شہداہانی روچ ء-
 تئی بکملیں مہپرانی بوہاں گلاب گون انت ؟

کاروان بلوچ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on November 01, 2013, 08:28:41 PM

میاہ بلوچ....!
 آ ہردیں نشہ بیت کئیت منا گشیت
"آ مرد ء- بچار اسپیتیں گدے گورا شپ ء- ء، آ ہم ہور ء_ سرا کجا روگا انت. منی ہیال ء- سواسے ہم پادا نیست. . . تو بچارے نا
من مدام چار آں بلے کس ء- نہ گند آں. ہور کج انت آزمان ء- چاراں ماہ انت، ماہ ء_ کش ء- استالے درا انت چہ آ استالاں گیش درپشگ ء- انت.
من آئی ء- گوش آں
آ استال توۓ ء، ماہ. . . .!
ماہ میاہ انت،
آ گر بند ایت کہ ماہ منا استال میاہ انت.
بلے میاہ تو دل ء- میار. . .!
پرچا کہ آ بے چارگ چوش نزانت کہ اے وڑیں گپ من نشہ باں کناں
ء، تو پہ سار


شائر : کاروان بلوچ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on November 13, 2013, 02:10:40 PM

دروگیں ہمراہی ء، مہرانی سپر کٹینتگ
ما تئی متلب ء، مکراں چہ وتا گشینتگ

نیپگانی ء- گلاٹاں کتگ سوریں دریا
جمبراں تنی ء، گژنیگیں زمین میچینتگ

ارس چمانی تہ ء_ کبلیں کباٹاں بنداں
جیگ، تئی دیدے ء_ تنیگیں دل ء- مسینتگ

گوں زمستانیں گم ء، ترانگاں، بے شال ء، قبا
زند ویرانگیں درچکے ء_ بنا واپینتگ

سرمچاراں پہ وتی سنج ء، تلاہیں ڈیھ ء-
ہون گوں کندگاں ہر دمک ء، دراں شنزینتگ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on December 04, 2013, 09:52:59 PM
" ﻣﻨﺎﺭﺍ ﺑﯿﺎ ﻧﺪﺍﺭ ﺀ- ﮐﻦ
ﺁ ﭘﯿﺮﯾﮟ ﻣﺮﺩﺀَ- ﮔﻨﺪﺋﮯ
ﮔﮍﺳﺮﯼ ﻭﮬﺪ ﺀَ- ﮔﻮﮞ ﺑﭽﮑﻨﺪﺍﮞ ﺍﮮ ﻣﭽﯽ ﺀِ_ ﺗﮩﺎ ﭨﮩﻠﯿﮟ ﻭﺗﯽ ﻭﺭﻧﺎﮨﯽ ﺀِ_ ﭘﺮﮔﻨﺞ ﺀُ، ﻣﮩﺮﯾﮟ ﮐﺴﮩﺎﮞ ﮔﻮﮞ
ﻭﺗﺎ ﺍﮮ ﻣﺮﺩﻣﺎﻧﯽ ﮨﺸﮏ ﺀُ، ﮨﺎﻟﯿﮕﯿﮟ ﺩﻻﮞ ﮔﻨﺪﯾﺖ
ﻣﻠﻤﺎ ﺑﯿﺖ
ﮨﻤﮯ ﻣﺮﺩ ﺋﮯ ﺑﺰﯾﮟ ﺳﺎﮨﮓ ﻣﻨﯽ ﺍﺭﻭﺍﮦ ﺀ_ ﺗﺎﮨﯿﺮ ﺍﻧﺖ
ﻣﻨﺎﺭﺍ ﺑﯿﺎ ﻧﺪﺍﺭ ﺀ- ﮐﻦ
ﻭﺗﯽ ﺳﯿﺎﺋﯿﮟ ﮔﺸﺎﻥ ﺀ- ﭘﺮﭼﯽ ﺀ- ﺑﻨﺪﮒ ﻣﻨﺎ ﻟﻮﭦ ﺀ .._ ؟
ﻧﺰﺍﻥ ﺋﮯ ﺁﺋﯽ ﺀ- ﻣﻦ ﺯﻧﺪ ﺀ_ ﮨﻤﺮﺍﮨﮯ ﮐﻨﮓ ﻟﻮﭨﺎﮞ ﺁ ﭼﻮﻧﯿﻦ ﮮ
ﻧﺰﺍﻥ ﺋﮯ ﮐﮧ
ﻣﻨﺎ ﭼﮧ ﭘﯿﺴﺮ ﺀ- ﺁ ﮐﺌﯽ ﺩﻝ ﺀ، ﺟﺎﻥ ﺀ، ﺟﮕﺮ ﺑﯿﺘﮓ
ﺳﺒﺎﮦ ﺀ_ ﮨﻤﺴﭙﺮ ﺑﯿﺘﮓ
ﻧﯽ ﭼﻨﭽﻮ ﻣﺪﺕ ﺍﻧﺖ ﺁ ﮔﻮﮞ ﺷﭙﺎﮞ ﺩﯾﻮﺍﻥ ﺀ، ﻣﺠﻠﺲ ﮐﻨﺖ
ﻣﻨﺎﺭﺍ ﺑﯿﺎ ﻧﺪﺍﺭﺍ ﮐﻦ
ﻣﻨﯽ ﺑﭽﮑﻨﺪﮔﺎﻧﯽ ﭘﮋﺩﺭ ﺀ- ﺳﺪ ﺍﮐﺲ ﭨﭙﯿﮓ ﺍﻧﺖ
ﻣﻨﯽ ﺍﺭﺳﺎﻧﯽ ﺑﺴﺘﺎﺭﺍﮞ ﻧﻮﯾﺴﺎﮞ ﮐﻨﺖ ﮐﻠﻢ ﺗﺎﮐﺎﮞ
ﺗﺒﺎﮨﯽ ﺑﯿﺖ
ﻣﻨﺎﺭﺍ ﺑﯿﺎ ﻧﺪﺍﺭ ﺀ- ﮐﻦ
ﮐﮧ ﻻﭼﺎﺭﺍﮞ ، ﮔﺮﭘﺘﺎﺭﺍﮞ
ﺗﺌﯽ ﺩﯾﻢ ﺀ- ﻭﺗﯽ ﺩﺳﺘﺎﻧﯽ ﺑﻨﺪﻭﮎ ﺁﮞ
ﻣﻨﺎﺭﺍ اچ ﻣﻨﺎ ﮔﺴﺘﺎ ﻣﮑﻦ ﮔﺮﯾﻮﺍﮞ
ﻣﻨﺎﺭﺍ ﺗﻮ ﻭﺗﯽ ﺯﺭﺩ ﺀ _ ﮔﺲ ﺀ- ﺩﺭﮐﻦ
ﺳﻼﻣﺖ ﮐﻦ ....
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on May 09, 2014, 07:14:09 PM
" ﻭﺗﺎ ﻣﻌﻨﺎ ﮐﻦ "

ﻭﺗﺎ ﮔﻮﮞ ﻭﺍﮨﮕﺎﮞ ﻣﮧ ﻭﺭ
ﮐﺮﺍﺭ ﮐﻦ
ﺍﮮ ﺍﮨﺪ ﺀ_ ﺗﺌﯿﻞ ﺀ، ﺑﻨﺪﯾﺎﮞ
ﮔﻼﺵ ﮐﻦ
ﺩﺍﮞ ﻣﻦ ﺑﺰﺍﻧﺎﮞ
ﺗﺌﯽ ﭘﺪﺍﻧﯽ ﮐﺪﺭﺕ ﺀ -
ﮐﺘﺎﺭ ﮔﻮﻥ
ﻭﺗﺎ ﮔﻮﮞ ﺭﻭﻟﮧ ﺀ- ﺑﮧ ﺳﺞ
ﮐﻤﺎﺭ ﮐﻦ
ﺗﻮﺍﻣﯿﮟ ﮐﻮﮦ ﺀ، ﺟﻨﮕﻼﮞ
ﺩﺍﮞ ﻣﻦ ﺑﺰﺍﻧﺎﮞ
ﮨﻮﻥ ﮔﻮْﺍﺭﯾﮟ ﺩﯾﺪﮔﺎﮞ
ﺷﺮﺍﺏ ﮔﻮﻥ
ﻭﺗﺎ ﮔﻮﮞ ﻣﮩﻠﺒﺎﮞ ﺑﮧ ﺭﺝ
ﻣﻨﺎ ﺑﮑﻮﭺ
ﮔﺒﺎﺭﯾﮟ ﮐﺴﮩﺎﮞ ﺑﺰﯾﺮ
ﮐﺒﺮ ﮐﻦ
ﺩﺍﮞ ﻣﻦ ﺑﺰﺍﻧﺎﮞ
ﻣﮩﭙﺮﺍﻧﯽ ﮐﺪْﺭ ﺀ، ﮐﯿﻤﺖ ﺀ-
ﮔﻼﺏ ﮔﻮﻥ
ﻭﺗﺎ ﮔﻮﮞ ﺳﺎﮨﮓ ﺀ- ﻣﮧ ﺑﻨﺪ
ﮨﯿﺎﻝ ﮐﻦ
ﻣﻨﺎ ﮐﺮﻭﺝ
ﮨﺪﺍ ﺋﮯ ﮔﺮْﯾﺸﮕﺎﮞ
ﮔﺪﺍﻧﯽ ﺀ- ﺑﺪﻝ ﺑﮧ ﮐﻦ
ﺩﺍﮞ ﻣﻦ ﺑﺰﺍﻧﺎﮞ
ﺭﻭﭺ ﺀ_ ﺑﺎﺩﺷﺎﮨﯽ ﺀ-
ﺗﮩﺎﺭ ﺀ، ﺗﻨﺪﯾﮟ ﻣﯿﺘﮓ ﺀ-
ﺗﺮﺍ ﭘﮧ ﮐﺌﮯ !...
ﺭﺑﺎﺏ ﮔﻮﻥ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:17:00 AM
" باندات"

زند ء_ ویرانگیں دمکانی گباراں نکش اِنت
ریگزاراں پہ بہارانی سرا زہر نہیت
درچک دریچکانی کٹمبارگاں دردیگ نہ بنت
گوات پشکپتگیں رازاں وتی تالان نہ کنت
انگریں موسماں
برپانی کبا پوشگ بیت
کوہ، مزارانی گہیں توکل ء- گلزار بہ ینت
ماہے پیشانی ء- چَلّانی چراگ روک نہ بیت
روچ ورناہی ئے کہیپانی کمار ء- وپس ایت
اتر شنزیت تئی باندات ئے شپانکیں دودا
درین شامیت تئی سمی ئے تہاریں زندان
دریا وردیں دل ء_ ہسکارگاں ہرکس ماریت
بندناں گژنگیں زہگانی نگاہ ارس نہ بنت
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:19:21 AM
" دستونک"

گژن تُن ء_ حرف ء، آباں آشنا
ماہ، چراگانی عزاباں آشنا

زندگی دستانی پیم ء- اِنت تئی
مہپرانی پیچ ء، تاباں آشنا

من گناہانی کماراں بے وتاں
تو گبارانی سواباں آشنا

آگہی چاڑے نگاہاں مان اِتگ
درد سرجاہے چہ واباں آشنا

آجوئی نیلیں زِر ء_ چہر ء، شُبین
کوہ منی ورناہ ء_ داباں آشنا
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:20:39 AM
" دستونک"

سرجم ء- یک رَستگیں راہے بہ مل
زندگی جاہے بہ جل جاہے بہ مل

ساہگ ء- بے ماہیکانی ء- نہ بیت
تو پہ وت شوہاز ہمراہے بہ مل

آگہی ء- دود مٹّاتگ وتی
کوپگاں کن واب سرجاہے بہ مل

من گوں تئی چمانی سازاں مست اتاں
تو نویس اِت، اہد بدواہے بہ مل

دور رُژنائیں دوارے سنگریت
کشک پہ ما زہگے ء_ آہے بہ مل
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:23:43 AM
" دستونک"

دنیائے تُن سینگ ء- کپتگ گُلاٹتگ
دریا من سرجمی ء- نبشتگ گُلاٹتگ

تئی دیدگانی جُست نہ ونتگ پِلکّتگ
تئی مہپرانی جُنز نہ گوْپتگ گُلاٹتگ

ما پہ بہشت ء_ بینگ ء، باگانی نیّت ء-
درْوہاپ ء_ دامن ء- وتا بستگ گُلاٹتگ

ہانی بہ گوْش گوں لہڑاں، منی اہد ئے آدم ء-
بی بی ہوا چہ ارش ء- نہ کپتگ گُلاٹتگ

مہر ء، وپا ء_ سبزکیں ھوٹگ، زمانگ ء_
کستانی دنگلوہاں کماتگ گُلاٹتگ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:24:57 AM
" لچہ ء_ کارست لاچار انت"

ہُرک ء، ہالیگیں ہلک ء_ تہا
یکے ہست انت
ہیالاں گوْپگ زانت بلے
تُنّگ انت
ہُرک ء، ہالیگیں ہلک ء_ تہا
کسّے ہست انت؟
منی نیّت ء_ شانتلاں
ساہگے شات کنت
کسّے ہست انت؟
منی جیڑگانی براں
موسمے دات کنت
ہُرک ء، ہالیگیں ہلک ء_ تہا
گوْانزگے
گوْانزگ ء- بے زبانیں اُمیتے
گوں تئی ترانگاں
درْپش کنت، پاد کئیت
ہُرک ء، ہالیگیں ہلک ء_ تہا
زندگی چو بُتا
زہگ ء_ دست ء_ دل ء-
لئیبے ء- مہتل انت
ہُرک ء، ہالیگیں ہلک ء_ تہا
تئی تلب
انچیں دروازگے
ڪؤش کشیت ڪپیت
نود گوْارنت ڪپیت
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:25:55 AM
" دستونک "

دل بکملیں ہیال ء_ تہا زندگی بہ کنت
مردم وتی تماہ ئے پدا زندگی بہ کنت

آ کس منا گوں لہمکیں بچکنداں پیچ دنت
پیشانی ء- بہ درنجیت وتا زندگی بہ کنت

گلہ نہ بیت ہدا کہ من اے گپ جیڑ اتگ
آدم تئی ہساب ء- ہوا زندگی بہ کنت

جزماں کلم شہد نہ گواریت چہ دیدگاں
شائر اگاں ببیت چو بتا زندگی بہ کنت

آ ہلکہ ء- پتار مہ گواہیت پہ شانتلاں
آ ہلکہ ء- بہار کجا زندگی بہ کنت
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:27:02 AM
" کامیو ء_ نام ء- "

اگاں بہار مہ تریت مئے کوچگ ء، دمکاں
گڑا اے کبگ کہیباں بر انت دگہ نیمے
گڑا اے مرگ تواراں بر انت دگہ جاہے
کسے اے دشتگیں چمانی واباں سہل مہ کنت
کسے اے پرشتگیں رنگانی رازاں کہل مہ کنت
گڑا ما پشکپیں پدمنتگی ئے پادوناں
بہشت ء، بینگ ئے واہش ہلاس کنت مارا
وتارا بیا کنیں کامو کمار پربندیں
گبار بستگیں دودانی ساہگ ء- نندیں
چنال چہریں ہیالاں نوان بکشائیں
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:28:00 AM
" دستونک "

بوٹ بہاراں بوڈیناں
ارس ندارگ رودیناں

موسم ہمراہے لوٹیت
پرس نگاہاں کوریناں

تہل تماہیں چاگرد ئے
شہد مکسک ء، موریناں

اردیں دریا تراول بنت
جمبر کسہ جوڑیناں

مارا اہد ئے بیہاراں
کت گستا چہ ہوریناں
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:29:46 AM
" بے معنائیں لچہ"

من انچیں جنگلے ئے سینگ ئے تہ ء- واب آں
نہ اودا ساہگے، درچکے نہ مرگ شیزار انت
منی گبار شلیں اہد ء_ مہرمیں شائر!
بہ چیڑ آزگیں چاڑانی ساز ء، ساماناں
منا شوہاز، ء، اے ویرانگی ء- معنا کن
منا بہ رج گُل ء، گلراز کن کرار بدئے
داں من بزان آں سپر الہتگ
نہ منتگ ہچ
داں بے کبا بدن ئے واہشاں بباں سرپد
تاں تو منی تلب ء_ ژندیاں بہ بئے سوہو
گڑا بجزم نگاہانی ناز مارگ بنت
زبان داتگیں لنٹانی راز دارگ بنت
گڑا تباہ تبیں باتن بہار بالین انت
من بلکیں ساہگے ء_ توکل ء- بباں آگاہ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:30:51 AM
بادشاہے تئی رنگانی شوہاز ء- رَپتگ
دامن ء_ چاکیں لواراں منی دنیا تپتگ

یا ہُدا من تئی اُمیت ئے کُمار ء- واباں
انگتہ وہم ء، گُمان ء- سپرے پشکپتگ

پہ شُد ء- مُرگ زِر ء_، چُردکاں چمباں زیر انت
دریا ورداں دل ء- آڈِنگو ء_ واہگ بستگ

انگریں اہد، تئی شاد زبہریں لنٹاں
کسہ ے کینگ ء، کست ء_ پہ نبشتہ کپتگ

نی چداں شپچراں لڑینگ ء- کس داشت نہ کنت
ہدْر ء- تاموری ئے پیشانی ء- ماہے گوْاپتگ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:32:17 AM
" کئی نام ء-........ ؟ "

درچکانی سرئے کدوہانی تہا ستک ے نکش اِنت
تئی شہر ئے گوات ء- کِشک نہ رندیں موسم گون
من چی بکن آں..؟
یک کلیگے یک کندیلے گرنچ ء- بند آں
گوں اُشتر گامیں واباں سپر ء- درکایاں
اے دروہاپیں مہرانی ڈگاراں رون کن آں
ء، آس ء_ نوان ء- بوجاں اہد ء_ کسہ آں
گوں درین ایں سازاں دریا ے الہان کن آں
مرگانی نام ء- دنیا ے آباد کن آں
یک نوکیں چہرے نوکیں رنگے زندگ باں
داں است بہ باں من مہر ء_ درچک ء_ سر شاہ آں
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:35:01 AM
نگاہ کپنت ترا کشک ساز پرمایاں
بہار زرد ء_ گرء- کشک ساز پرمایاں

منی گدان بلورانی گِلہ ء- کنت انت
آ ماہ لکاہ ئے در ء- کشک ساز پرمایاں

تئی دید ئے پَلّو ء- وابانی مہرگاں بنداں
گوں کنٹگاں سپر ء- کشک ساز پرمایاں

دلانی دلبریں لبزانی مہروانی ء-
زبان بے ہبر ء- کشک ساز پرمایاں

ترا چہ سستگیں کارستے ئے وڑایاں من
سراتیں پہل ء_ سرا کشک ساز پرمایاں
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:36:56 AM
تہاری ء- کبا ء_ دِر مزن کت
ما رژن ء_ پولگ ء- چادِر مزن کت

کتاباں کُنّت اِنت کارست پرچا
اے بنگپ ء- منی شائِر مزن کت

ترا جنتر تبیں اہدے پکار ات
پمیشکہ آدم ء_ بائِر مزن کت

بگندئے کِلّڑے چنکاں بزیریت
ہمے سوب ء- عطا ء- گِر مزن کت

بہشت ء، بینگیں تاکاں نبشتہ!
بلوچ ء- کْدر تئی، گُردِر مزن کت

کئی بچکندگاں ارواہ بکش اِت
کئی ارساں جبین ء_ زِر مزن کت
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:38:05 AM
" منی عہد ء_ عطا "

بے سریں دودانی دروہاپ ء_ پدا
رنگ کشکاں کپتگ انت گوں تراولاں
بے مہری ء_
ساہگاں بس نام مٹاتگ وتی
آدم ئے پالیگ انگت مہکم انت
پرشتگیں بی بی ہوا کپتگ بن ء-
تو گوں اندوہاں منی عہد ء_ عطا
آزمان ء- تاکے ء- جاگہ بدئے
ء، زمین ء- ند بکن
آس ء- بجن
ساچ شررنگیں ہیالاں کبر کن...!
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:40:22 AM
ﻧﮧ ﺭﻧﮓ ﺀ، ﻧﻮﺭ ﺩﺭﺍ ﮐﻨﺖ ﻧﮧ ﻭﺷﺒﻮﮮ ﮔﻮﺍﮨﯿﺖ
ﺗﺌﯽ ﮨﻠﮏ ﻣﺮﭼﺎﮞ ﺟﻨﻮزﺍﻣﯽ ﺀ_ ﻭﮌﺍ ﻧﺎلیت

ﺑﮩﺸﺖ ﺑﺎﺗﻨﺎﮞ ﺗﺎﺭﻭﻧﮑﯽ ﮮ ﺩﺭ ﺁﻭﺭﺗﮓ
ﮐﺌﮯ ﺍﻧﺖ ﺗﺌﯽ ﺭﻭﺷﻨﯿﮟ ﺩﻧﯿﺎ ﺀ_ ﺩﻭﺯﺍﮦ ﺀ- وانیت

ﻭﺗﺎ ﻣﻦ ﺗﺮﺍﻭﻟﯿﮟ ﺗﻮﺟﯿﻠﯽ ﺀ _ ﻣﯿﺎﺭ ﮐﻦ ﺁﮞ
ﺩﺍﮞ ﮐﺸﮏ ﭘﺸﺖ ﮐﭙﻨﺖ ﺩﺍﮞ ﻣﺴﺎﭘﺮﮮ ﻣﺎﻧﯿﺖ

ﻧﮧ ﻭﺷﯿﺎﻧﯽ ﺟﻠﯿﮟ ﻣﻮﺳﻤﺎﮞ ﻧﺪﺍﺭﮦ ﮐﻨﺖ
ﺍﮔﺎﮞ ﭘﮧ ﺳﺘﮏ ﻣﻨﯽ ﺩﯾﺪﮔﺎﮞ ﺑﮧ ﺷﻮﮨﺎﺯﯾﺖ

ﻧﻮﯾﺲ ﺁﮞ ﻣﺮﺩﮔﯿﮟ ﭼﺎﮔﺮﺩ ﺀ _ ﺗﮩﺖ ﺀ، ﺍﺭﺩﺍﭼﺎﮞ
ﺩﺍﮞ ﮐﻮﺭﯾﮟ ﻋﮩﺪ ﻭﺗﯽ ﮐﻮﭘﮕﺎﮞ ﻧﮧ ﭘﻠﮕﺎﺭﯾﺖ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:43:00 AM
" ﻣﻨﯽ ﻻﮈﮐﯿﮟ ﮐﺎﺭﺳﺖ "
ﻣﻨﺎ ﺯﻫﺮ ﮨﻢ ﮐﺌﯿﺖ ﺀ، ﺩﻭﺳﺖ ﮨﻢ ﺑﯿﺖ . ﭼﻮﻧﺎ ﺀ- ﻣﻨﺎ
ﻭﺗﯽ ﺩﺭﺳﺘﯿﮟ ﮐﺎﺭﺳﺖ ﺩﻭﺳﺖ ﺑﻨﺖ ﺑﻠﮯ ﺍﮮ ﭼﮧ ﺁ
ﮐﺎﺭﺳﺘﺎﮞ ﮐﻤﻮ، ﺑﺲ ﮐﻤﻮ ﮔﯿﺶ ﺩﻭﺳﺘﺮ ﺑﯿﺖ . ﻣﺰﻧﯿﮟ
ﻟﭽﮯ .. ﻣﺮﻭﭼﺎﮞ ﯾﮑﺪﺍﺭﯼ ﺀ- ﺟﺎﻧﺸﻮ ﺍﻧﺖ ﺑﻠﮯ ﻭﺗﺎ ﺯﻧﮍﯾﮟ
ﻧﺎﻫﺪﺍ ﮮ ﮐﻨﺖ .
" ﺁ ﻫﭙﺘﯿﮟ ﺍﺳﺘﺎﺭﺍﮞ ﮔﻨﺪ ﺀ_ . ؟ ﺁﮨﺎﮞ ﻧﺎﺵ ﮔﻮﺷﻨﺖ ، ﻣﺎ
ﮨﺮﺩﯾﮟ ﺩﺭﯾﺎ ﺀ- ﺩﻭ ﺑﺞ ﺀ- ﻭﺍﺏ ﺀ- ﭼﮧ ﭘﺎﺩ ﮐﺎﺋﯿﮟ ﺁ
ﺳﺌﮯ ﺍﯾﮟ ﺍﺳﺘﺎﺭ ﮐﺠﺎ ﺷﺖ ﺍﻧﺖ ﺁﯾﻨﺖ، ﻧﯿﺎﻡ ﺀ-
ﮐﺎﯾﻨﺖ .. ﺍﺷﺎﮞ ﺗﯿﺮ ﺑﻨﺪ ﮔﻮﺷﻨﺖ "
ﺑﮧ ﺑﮑﺶ ﺍﺕ ﻣﻦ ﺍﮮ ﮔﻮﺷﮓ ﺀ- ﺷﻤﻮﺷﺘﮓ ﺁﮞ ﮐﮧ ﻣﻨﯽ
ﻻﮈﮐﯿﮟ ﮐﺎﺭﺳﺖ ﺗﺮﯾﺎﮎ ﮨﻢ ﮐﺸﯿﺖ ﺍﮔﺎﮞ ﻧﮧ ﺭﺳﯿﺖ ﮮ
ﮔﮍﺍ ﭼﺮﺱ ﺀ- ﮔﻮﮞ ﻭﺗﺎ ﺍﻟﻢ ﺳﻮﮔﻨﺪﯼ ﮐﻨﺖ .
" ﺁ ﺑﺎﻡ ﺀ_ ﺍﺳﺘﺎﺭ ﺍﻧﺖ ﭘﺸﺖ ﮐﭙﺘﮓ . ﻣﻨﺎ ﭼﺸﯿﮟ ﭼﯿﺰ
ﺑﺎﺯ ﯾﺎﺕ ﺑﯿﺘﮓ ﺑﻠﮯ ﻧﯽ ﺷﻤﻮﺷﺘﮕﺎﮞ "
ﻣﻦ ﺳﮏ ﺑﮯ ﻭﺍﺭ ﺍﺕ ﺁﮞ .. ﺑﻠﮯ ﺁﺋﯽ ﺀ- ﮨﭻ ﺳﻤﺎ ﻧﯿﺴﺖ
ﺍﺕ ﮐﮧ ﺍﻧﭽﻮ ﺑﺮﺯ ﺀ- ﭼﺎﺭﮒ ﺀ- ﺍﮮ ﻣﺮﺩ ﺀ_ ﮔﺮﺩﻥ
ﺭﺳﯿﺖ . ﯾﻠﮧ ﺩﺋﮯ ﺍﮮ ﺍﺳﺘﺎﻻﮞ ﻣﻨﺎ ﺑﮕﺶ ﮨﻤﮯ ﮐﮧ ﺩﺭﯾﺎ
ﺗﺮﭘﯿﺖ ﺭﺷﻨﺎ ﺑﯿﺖ ﮨﻤﯿﺸﯽ ﺀ- ﭼﯽ ﮔﻮﺵ ﺍﻧﺖ؟
" ﺍﯾﺸﯽ ﺀ- ﺟﻞ ﮔﻮﺵ ﺍﻧﺖ .. ﺍﮮ ﮔﻮﮞ ﻣﺎﮦ ﺀ- ﮐﺎﺭ
ﺩﺍﺭﯾﺖ . ﺗﮩﺎﺭ ﻣﺎﮨﯽ ﺀ- ﺍﮮ ﺭﺷﻨﺎ ﺑﯿﺖ ﻣﺎﮨﮑﺎﻧﯽ ﺀ-
ﺭﺷﻨﺎﺋﯽ ﮮ ﮔﺎﺭ ﺑﯿﺖ "
ﺑﺎﺭﯾﮟ ﭼﮯ ﺩﺭﻭﮒ ﭼﮯ ﺭﺍﺳﺖ هرچیﮐﮧ ﺩﭖء- ے دراهگﺀ- ﺍت گوشان ﺍﺕ
" ﻭﮨﺪﯼ ﻣﯿﺪﺍﮞ ﺍﺳﺘﺎﺭﺍﻧﯽ ﮨﺴﺎﺏ ﺀ- ﻭﺗﯽ ﺭﺍﮦ ﮔﺎﺭ ﻧﮧ
ﮐﺘﮓ .. ﺑﻠﮯ ﺍﻧﯽ ﺩﻭﺭ ﺑﺪﻝ ﺍﺗﮓ ﺗﺮﺍ ﺁﺳﻤﺎﻥ ﺀ- ﭼﺎﺭﮒ ﻧﮧ
ﮐﭙﯿﺖ "
ﻣﻨﺎ ﺍﮮ ﮐﺎﺭﺳﺖ ﺩﺭﯾﺎ ﻭﺭﺩﮮ ﮐﻢ ﺁزﻣﺎﻧﯽ ﻣﺮﺩﮮ ﮔﯿﺸﺘﺮ
ﺳﻤﺎ ﺑﯿﺖ .
" ﺗﺮﺍ ﺳﮕﺮﯾﭧ ﮔﻮﻥ ؟ "
ﻣﻨﺎ ﻣﺪﺍﻡ ﺑﮕﺶ ﺳﮕﺮﯾﭩﮯ ﺑﺪ ﺀ ._
" ﺍﮮ ﺯﻣﺴﺘﺎﻧﯽ ﺷﭙﺎﮞ ﺯﺭﺗﯿﮟ ﺳﻮﺭﻭ ﺍﯾﮟ ﻣﺎﮨﯿﮕﮯ ﮔﻮﮞ
ﺍﻧﮕﺮﺍﮞ ﺑﺎﭖ ﺩﺍﺗﯿﮟ ﭼﺘﻮ ﻭﺵ ﺍﺕ . "
ﺩﯾﺘﺎﮞ ﺍﻧﭽﺶ ﺩﭖ ﺀ، ﺩﯾﻢ ﺀ- ﺟﻨﮓ ﺀ- ﺍﻧﺖ ﻧﮧ ﮔﻮﺵ
ﺋﮯ ﺯﺍﻟﻢ ﻣﻨﯽ ﺳﮕﺮﯾﭧ ﺀ- ﮐﺸﮓ ﺀ- ﺍﻧﺖ .. ﻣﻦ ﻧﺰﺍﻥ ﺁﮞ
ﺷﻤﺎ ﻣﻨﯽ ﮐﺎﺭﺳﺖ ﺀ_ ﺍﮐﺲ ﺀ- ﺩﮔﮧ ﭼﯽ ﭼﯽ ﭘﺮﯾﭽﮓ
ﺀ- ﺍﺕ ﺑﻠﮯ ﺑﯿﺎ ﺍﺕ ﮐﮧ ﻣﻨﯽ ﮐﺎﺭﺳﺖ ﺀ_ ﻭﺗﯽ ﮐﭻ ﺀ-
ﺭﯾﺶ ﮨﻢ ﻣﺰﻥ ﺍﻧﺖ . ﮨﺪﺍ ﺀ_ ﺭﺍﮦ ﭼﻠﮧ ﺀ، ﭼﺎﺭ ﻣﺎﮨﮯ ﮨﻢ
ﺟﺘﮓ ﮮ . ﺩﻟﮯ ﻟﻮﭦ ﺍﯾﺖ ﮐﮧ ﺭﯾﺸﺎﮞ ﺑﮧ ﺳﺎﯾﺎﮞ ﺑﻠﮯ
ﺯﺍﻧﺖ ﮐﮧ ﮨﻤﮯ ﭨﮑﺮﯾﮟ ﺷﺮﭖ ﮐﮧ ﻣﺮﺩﻣﺎﻧﯽ ﺩﻻﮞ ﭘﮧ ﻣﻦ
ﭘﺸﺖ ﮐﭙﺘﮓ ﮨﻤﮯ ﮨﻢ ﮔﺎﺭ ﺑﯿﺖ . ﻣﻦ ﺑﺲ ﯾﮏ ﺑﺮﮮ ﻭﺗﯽ
ﻻﮈﮎ ﺀ_ ﺗﺮﺍﻧﮓ ﺀ- ﮐﭙﺘﮓ ﺁﮞ . ﺩﯾﺮ ﺍﻧﺖ ﯾﮏ ﻧﮑﺎﺡ ﮮ
ﺀ- ﻣﺮﺩﻡ ﮐﮧ ﺟﻢ ﺑﯿﺘﺎﮞ ﮔﮍﺍ ﻣﻼﮮ ﭘﺎﺩ ﺍﺗﮏ ﮐﻤﻮ ﮔﭙﮯ
ﺟﺖ ﭘﺪﺍ ﺯﺭﺕ ﮮ ﺩﭘﺘﺮﮮ ﺟﺴﺖ ﮐﻨﺎﻥ ﮐﺖ ﮮ .. ﮨﻤﺪﺍ
ﯾﮏ ﻣﺰﻥ ﺭﯾﺸﯿﮟ ﻣﺮﺩﮮ ﭘﺎﺩ ﺍﺗﮏ ﮔﻮﺷﺘﮯ ﺍﻟﺤﻤﺪﻟﻠﮧ
ﻣﻨﯽ ﮨﺮ ﺳﺎﻝ ﭼﺎﺭ ﻣﺎﮨﮯ ﻧﮕﺪ ﺍﻧﺖ ..ﭘﺪﺍ ﺯﯾﺖ ﺯﯾﺖ ﺀ-
ﮔﻮﺷﺖ ﮮ ﻣﻦ ﮨﺮ ﮨﻔﺘﮓ ﻭﺗﯽ ﺑﺮﻭﺗﺎﮞ ﺳﺎﯾﺎﮞ ..
ﻣﻦ ﻭﺗﯽ ﺳﻨﮕﺖ ﮔﺸﺖ ﮐﮧ ﻣﺮﺩ ﺀ- ﭼﻮﺵ ﮔﻮﺷﺖ ﻣﻨﯽ
ﺳﻨﮕﺖ ﺀ- ﺑﺎﻭﺭ ﻧﮧ ﺑﯿﺖ . ﺳﻨﮕﺖ ﺀ- ﻣﯿﺎﺭ ﮨﻢ ﻧﯿﺴﺖ
ﺍﺕ ﺍﮮ ﻣﺴﯿﺖ ﺀ_ ﺩﺭﺳﺘﯿﮟ ﻣﺮﺩﻡ ﺳﺮﭘﺪ ﻧﮧ ﺑﯿﺘﺎﮞ .. ﻣﻦ
ﻧﮑﺎﺡ ﺀ- ﭘﺪ ﮨﻤﮯ ﻣﺮﺩ ﺟﺴﺖ ﮐﺖ ﮐﮧ ﺩﻝ ﺀ- ﻣﯿﺎﺭ ﻣﻨﯽ
ﮔﻮﺷﺎﮞ ﭼﻮﺵ ﺍﺷﮑﺘﮓ ﻣﻦ ﺭﺍﺳﺖ ﺁﮞ .. ؟ ﻣﺮﺩ ﺀ-
ﮐﻨﺪﮔﮯ ﺟﺖ ﺀ، ﮔﻮﺷﺖ ﺗﻮ ﮐﺮﮮ ﻧﺌﮯ ..ﺑﺲ ﮨﻤﮯ ﺭﻭﭺ ﺀ-
ﻣﻦ ﻭﺗﯽ ﻟﭻ ﺀ، ﻻﮈﮐﯿﮟ ﮐﺎﺭﺳﺖ ﺀ_ ﺗﺮﺍﻧﮓ ﺀ- ﮐﭙﺘﮕﺎﮞ
" ﺳﮕﺮﯾﭧ ﮨﻢ ﮐﭧ ﺍﺕ ﻣﻨﯽ ﮨﯿﺎﻝ ﺀ- ﺗﺮﺍ ﻭﺍﺏ ﺀ- گپتگ"
ﺗﻮ ﻭﺕ ﺯﺍﻥ ﺀ_ ﻣﻦ ﻣﻼ ﺀ_ ﺑﺎﻧﮓ ﺀ- ﻭﭘﺲ ﺁﮞ
" ﺷﺮ ﮔﮍﺍ ﻣﻦ ﺭﻭﺍﮞ ﻭﭘﺴﺎﮞ . ﺳﮩﺐ ﺀ- ﭘﺪﺍ ﺩﮦ ﮐﻨﺪﻭ
ﻣﺎﮨﻮﺭ ﺍﻧﺖ ﺳﺮﺍﭼﮕﯽ ﺍﻧﺖ . ﻣﻨﯽ ﮨﯿﺎﻝ ﺀ- ﭼﺎﺭ ﭘﻨﭻ
ﺭﻭﭺ ﺀ- ﺭﻭﻧﺖ ".
ﭘﺮﻧﺪﻭﺷﯽ ﯾﮏ ﺑﺮﮮ ﺷﺎﻣﮯ ﮐﺘﮓ ﺍﺕ ﭼﺮﺳﺎﮞ ﺯﺍﻧﺎﮞ
ﺷﺪﯾﮓ ﮐﺘﮓ ﺍﺕ ﺍﺗﮏ ﻣﻨﯽ ﺷﺎﻣﮯ ﮨﻢ ﺟﻮﺭ ﮐﺖ ﺍﻧﺖ .
ﻣﻨﺎ ﺷﺪﯾﮕﮯ ﮐﺮﺕ . ﻭﺕ ﺷﭗ ﺀ- ﻧﻮ ﺑﺞ ﺀ- ﻭﭘﺲ ﺍﯾﺖﺳﮩﺐ ﺀ- ﺍنچو کوکار ء، جگه کنت گوش ء_ چو ﻧﺰﺍﻧﺖ
ﮐﮧ ﻣﻦ ﺷﭗ ﺀ- ﺁﮔﺎﻩ ﯾﺎﮞ ..
ﺗﺮﺍ ﺭﺿﺎ ﺍﻧﺖ ﺑﺮﻭ ﻭﭘﺲ ..
ﺷﻤﺎﺭﺍ ﺍﮮ ﺟﯿﮍﮒ ﻧﮧ ﻟﻮﭨﯿﺖ ﮐﮧ ﺍﮮ ﮐﺎﺭﺳﺖ ﭘﮧ ﺍﯾﺸﯽ
ﺀ- ﺍﻧﭽﻮ ﻣﮩﺮﺑﺎﻥ ﻧﮧ ﺍﻧﺖ ﮔﮍﺍ ﭼﺘﻮﺭ ﺍﯾﺸﯽ ﺀ_ ﻻﮈﮐﯿﮟ
ﮐﺎﺭﺳﺖ ﺍﻧﺖ !...
ﮔﭗ ﭼﮧ ﺷﻤﺎ ﭼﯿﺮ ﻧﮧ ﺍﻧﺖ ﺍﮔﺎﮞ ﺑﺎﻭﺭ ﮐﻦ ﺍﺕ ﻣﻦ
ﺩﻧﯿﮕﺖ ﻭﺕ ﮨﻢ ﻧﺰﺍﻥ ﺁﮞ ﮐﮧ ﺍﮮ ﭘﺮﭼﺎ ﻣﻨﯽ !.......
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:44:03 AM
سک ابیتک ء، تہناہاں مان دارگ ء- نیلاں
تئی زہیر همراہاں مان دارگ ء- نیلاں

ایوکی نمیراں بات درد ء، رنج ء_ بالشتاں
ارس ء_ ہار سرجاہاں مان دارگ ء- نیلاں

مئے ہیال ء، کرد ء، کار کبر چہریں چاگرد ء-
چو چراگ رژناہاں مان دارگ ء- نیلاں

زرد ء_ مرتگیں درچکاں زندمان سبزینتگ
شانتلانی دنیاہاں مان دارگ ء- نیلاں

دود ہمیش دنیا ء_ ، وشیانی دروہاپ ء-
شود آسیں کسہ ہاں مان دارگ ء- نیلاں
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on July 07, 2014, 10:45:07 AM
" دستونک"

زاہر ء- شہد بکن باتن ء- پلگار بگْرے
ہم نپس تو پہ مڑاہ موسماں گپ دار بگْرے

اے بری ساز نہ آواز نہ نازے منتگ
اے بری دل گوْشیت شیزارگاں گیرار بگْرے

ہشکء، ویرانگیں درچک ء_ بُن ء_ وابیں مار ء-
دل بکن یار، بکن سنگت ء، گموار بگْرے

من وا کرن ے بیت ھزابانی گباراں گاراں
تو اگاں لوٹ ء_ منی بئے گڑا دلدار بگْرے

تند ء، تاموری ئے زندانے ء- بندیگیں ہوا
آدم ء_ داتگیں سوگاتاں بہ سنگار بگْرے
Title: " وتی جند ءِ نام ءَ " کاروان بلوچی ءِ پربند ندر پہ باسک ءِ وانوکاں
Post by: Zahida Raees Raji on January 05, 2015, 10:09:46 AM
" وتی جند ءِ نام ءَ "
 منی گپ ءُ گالاں کُماریں تماہانی مورت زدگ بنت
 منی کشک ءُ راہاں شپادیں پکیرانی کسّہ کنگ بنت

 منی چارگانی مراداں نہ جیڑ اَنت تئی آہو ایں کرْام
 تئی گندگ ءَ پد پہ من شنگ بیت،  ہر کدم چہر ءُ اندام

 منی مارگانی نوان ءَ گباراں گوں سودا جنگ بیت
 منی ہلک ءُ جاہاں مزاریں نگاہاں گوں داوا کنگ بیت

 منی زاہر ءَ بے توانیں ہوا ءَ گشانے سرا اِنت
 ہوا ءِ گشان ءَ چہ کرناں، نہ کُٹّوکیں جُستے درا اِنت

 منی اندر ءَ آدم ءِ مکر ءُ متلب کپس ے بیان اِنت
 منی درْیکّگاں مردمے یاگی ایں پنت ءُ سوجاں دیان اِنت

 منی کندگانی شم ءَ توکلے ساز جنت، ناچ ماریت
 منی گریوگاں چاڑ بکشیت، دل ءَ منزلے پیشداریت
کاروان بلوچ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on February 18, 2015, 01:40:39 PM


نہ مار ءِ دل ءِ کسّہاں ہر دمان ءِ، وتا داں نہ وان ءِ
چہ پیم ءَ جُڑین ءِ ہیالاں گمان ءِ، وتا داں نہ وان ءِ
اے چاگرد ءِ پد منتگیں کِشک ءُ راہاں
تو سر گپتگ ءِ گوں نزوریں نگاہاں
پچار ہستی ءِ حرف ءُ آباں نہ وان ءِ، وتا داں نہ وان ءِ
من مست ءِ ند ءِ مُچ کناں درائیں نازاں
ولی ءُ ملنگیں عطا شات ءَ سازاں
نویساں، نزان ءِ نزان ءِ نزان ءِ، وتا داں نہ وان ءِ
اجل جل جلانی جلیں جل نہ پرْشتگ
کُمارانی دست ءَ ربابے ءَ گشتگ
تب ءَ چہ نہ بئے آشنا ماہیکان ءِ، وتا داں نہ وان ءِ
شموشاں وتی شہشنابیں تمایاں
کپوتانی ارساں گوں درچکے کمایاں
منی جیڑگانی زبان ءَ نزان ءِ، وتا داں نہ وان ءِ

کاروان بلوچ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on February 18, 2015, 01:43:21 PM

" بے ساز "
شاعر: کاروان بلوچ

دل تبیں موسماں نہ مرّینتگ
شائر ءَ ریگزارے ءِ تلب اِنت
ءُ کلم ءَ دبُکّاے بستگ
تاک تاک ءَ گبار پِرّیچیت
زندمان نیّتانی آماچ اِنت
آکبت تُرسے ءَ گوں بندوک اِنت
آزمان دْریکگانی ھمراہ اِنت
دامن ءَ کانگڑو ے بال ءَ اِنت
تو اوں چنکاں میار کن گوات ءِ
من اوں لوڑ ءِ شوھاز ءَ درکایاں
زندمان نیّتانی آماچ اِنت
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on February 18, 2015, 02:14:34 PM


" ردانکی لچّہ، رم لچّہ، پیاپ لچّہ "
کدی کدی دل گشیت
اے نُنّک تب ءُ نہ پہمیں مردماں
ڈڈّیں شیلانچ دپ ءَ بدئے
ءُ کُکّار کن ءُ بہ گوْش
منا ماہ ءُ تہاری ءِ جنگ چارگی نہ اِنت
کِشکے رندگی اِنت
پہ وتا
پہ ترا
منا ماہ ءُ تہاری ءِ نیام ءَ
ایوک ءُ تہنائیں ہاموشی ءَ گوں
تران کنگی اِنت
بگندئے
پہ وتا
پہ ترا
کِشکے رَست بہ کناں!
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on April 01, 2015, 02:59:58 PM
" آدم + ھوا "

ھوا تئی اندر ءَ آجو تبیں
زندانی ایں مُرگے گوْشگ لوٹیت
تو بندیگ ئے
اگاں لوٹ ئے وتا چہ آدم ءِ مکر ءُ پریبانی
شِپیں شاہاں بہ گیشّین ئے
گڑا پد منتگیں جاہاں بدل کن
آزمان ءِ کسّہاں شیزارگانی دروشم ءَ
گوات ءِ امان ءَ کن
وتی چاگرد ءِ سرجاہاں بدل کن
ءُ زمین ءِ چیدگاں لولی دیان ءَ
سر بہ گر اَچ وت
اگاں لوٹ ئے وتا چہ آدم ءِ مکر ءُ پریبانی
شپیں شاہاں...

کاروان بلوچ
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on April 01, 2015, 03:04:07 PM

" ؟ "


آہوہانی تلب ئے پُشدر ءَ
درچکے واب اِنت
باز وپتگ
نو اے مرگانی شدیگیں چمّاں
آزمان کِشت ءُ کِشار اِنت
ءُ زمین ویران اِنت
بیا کجائے تو سبک گام، ہبر زانت
دل ءُ دیدگ ءُ جان
من تئی زیمریں ترْانانی تلمب ئے چیر ءَ
زند ئے ویرانگیں روچ ءُ شپاں
جیڑگ لوٹاں
باز دمبرتہ نو بس اِنت منا
زانگ لوٹاں
کہ کئی رنگ کئی دیدگاں اندیم بینت
ءُ کئی چہر کئی موسم ءَ بے باس بینت؟
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on May 04, 2015, 08:36:04 AM
منی ساچشت ءِ ویرانیں دگ ءِ
پشت کپتگیں کارست
کئی پئیم ءَ بیگ لوٹیت؟
جہان ءِ دامُن ءَ رنگانی آوازاں
گْواپگ لوٹیت
شپ ءِ بے مئیمی ءَ
ماہے دیگ لوٹیت
گُشگ لوٹیت
نا دْرچکانی وڑا زندگ بوئگ زان آں
نا مُرگانی وڑا کسّہ کنگ زان آں
نا کِشکانی سرا
تئی انتزار ءِ صدقہ ءَ
عمر ءِ تچ ءُ تاگاں دیگ لوٹ آں
گُشگ لوٹیت
ترا تئی بے وسیں دیوانگ ءَ
ہر موسم ءَ ہر کترہ ءَ
آسودگیں وابے ءِ بستار ءَ
دل ءَ بستگ
وتارا چم ندیستیں لِزّتانی
اوست ءُ اُمّیت ءَ ببا داتگ
دگاہ داتگ
نی دمبُرتگ
گشگ لوٹیت
وتا مانا کنگ لوٹ آں
Title: Re: کاروان بلوچ ءِ پربند ندر پہ باسکاں
Post by: Zahida Raees Raji on June 04, 2015, 09:18:59 AM


ہمے کہ من تئی نام ءَ نویساں
دل ءِ درچکانی ہوشام ءَ نویساں
اے اہد ءِ مردماں کوری رجان اِنت
کئی باہند ءُ اوگام ءَ نویساں
تہا چہ بے وسیں مردے ءِ جہت ءَ
وتا، داں ہست آں ہر گام ءَ نویساں
ابیریں مستیانی وانگ ءَ پد
جہان ءِ لِزّت ءُ تام ءَ نویساں
کجام بے گواہیں لبزانی امیت ءَ
ہدا ئے ہُسن ءُ اندام ءَ نویساں