ساھتےآرامیا آرام گپتین زندگی
شکّلین تاسان چہ شیرکن تام گپتین زندگی
نون کُجا واتر ببان من دُور سک من رستگان
آ ھما ساھت اِدا اَت نام گپتین زندگی
دریگتین سوگند پروشتین بے توار و تِرکیّا
چہ ترا پیسر رھادگ گام گپتین زندگی
بلّے کہ جَورا چہ تھل و کچل انت انگت بلے
کمے گون تو گپ و ترانا وام گپتین زندگی
آ گہین بے دانکیئے وابانا آ گون ات مدام
مھلبین بانگواھے ھنچو بام گپتین زندگی
مہلب نصیر