Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on October 09, 2014, 07:49:09 AM

Title: فضل پرواز ءِ پربند ندر پہ باسک ءِ وانوکاں
Post by: Zahida Raees Raji on October 09, 2014, 07:49:09 AM
"گوانکو ءِکلوہ"
 پھل کن کہ من ترا چِہ واب ءَ ھزاِینت
 زاناں تو گوں منی گندگءَ
 ابکہ ءُ ھیران بوتگ ئے؟
 ھچ دلءَ مہ جیڑپریشان مَہ بَہ ئے
  من تئی جندے راہ داتگیں ربالّ آں
 چہ تئی ھما بےوس ءُ دلتنگیں مردمے
 دست ءَ لگوشتگ پہ ترا اتکگ آں
 ایمن بِہ بَہ ئے  چوشیں ابکھی  ابکہ گپے نئےاِنت
 کہ ترارا جیڑگءَ بہ پرمائیت
 چوشیں ھیرانی ئیں ھم ھبرنیست
 کہ ترا تکانسر بہ کنت چہ زندءَ
 من تئی ھما رپتگیں کلوھاں
 کہ چہ گِرءُچیلاں  سستگ آں
 اتکگ آں پہ ترا سر بوتگ آں
 من زان آں کہ تو چہ باز دیرءَ
 منی ودارا نشتگ ئے
 نوں سارتیں آھےبِہ کش ساکم بِہ بَہ ئے
 گواتگیرءَ سر داں پاداں پِردَے
 وتءَ نیم مرگ ءِ آماچ کن
 کہ من ءَ تئی گوانکو ءِ کلوہ 
فضل پرواز