Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on January 20, 2015, 09:00:00 AM

Title: لقمان امداد۔ عمان ءِ لچّہ تو منی لالا ابّا نئے
Post by: Zahida Raees Raji on January 20, 2015, 09:00:00 AM
لچّہ

(تو منی لالا ابّا نئے)


زی کہ سہبے سرا
زہگ گوں بستہ آں
لوگے دریگے دپ ءَ
چمے راھے سر ءَ
چیزے گوں کاپی آں
لیب ءَ لوگ ءِ دپ ءَ
چیزے گریوان اتاں
دوراوشتاتگیں زہگے ارسان ءَ دیست
شاشومنی گریوان ءِ تو
شاشو چیاگریوان ءِ تو
دست ءِ سمار من کہ سرءَ
گریواسکیں گوں لنٹاں وتی
ابّا نئے
تو منی لالا ابّا نئے
تو منی لالا ابّا نئے
لقمان امداد۔ عمان
Title: Re: لقمان امداد۔ عمان ءِ لچّہ تو منی لالا ابّا نئے
Post by: Zahida Raees Raji on January 21, 2015, 09:55:11 PM
واجہ لقمان امداد
سلام ءُ دروت پہ شما
دیوان ءَ شمارا وش آتک کناں
پربند ءِ ھیال سک زیبا انت بلے پربندگ ءَ شما کمے اشتاپی کُتگ پمشکا انگت کار لوٹیت۔
 بلے من کہ اے ساھت ءَ شمارا چمشانک دئیگایاں سوب شمئے دلگوش  رھبندی ردی ءِ نیمگہ گور کنگ  انت کہ آئ ءِ سوب ءَ وانوک شمئے پربند ءَ پہکا سرکیچ وارت نہ کنت ۔
رھبندی ردی ءِ مراد گرامیٹکل مسٹیک انت ۔
 ماں بلوچی ءَ دراجیں ” ے “ ھما جاہ ءَ کارمرز بیتیں کہ شما یکے ءِ نیمگ ءَ اشارہ کنگ ءَ بہ بئیت چُش کہ
اے کتابے ، آ لوگے ، اے دپترے، آ روچے، اے شپے ، زھگے ، مردے 
متلب یک کتابے ، یک لوگے ، یک دپترے ، یک روچے ، یک شپے، یک  زھگے ، یک مردے
بلے اگں شما گوشگ لوٹئے کہ پلاں وھد ءَ پلاں چیز بوت گُڑا  نام گال ءَ رند کمک گال یا ھیلپنگ ورب لوٹیت ءُ کارگال ءَ رند پریپوزیشن ءِ زلورت کپیت۔ 
چُش کہ
In the morning = سہب ءِ سرا
At night = شپ ءَ
At mid night = شپ ءِ نیم ءَ
Home’s = لوگ ءِ
At window =  دریگ ءِ دپا
On the way = راہ ءِ سرا
پدا شما وھدے گوں دیم ءِ مردما گپ جنگ ءَ بہ بئے باید ”ئے “ ءَ کارمرز بہ کنئے ۔ چُش کہ
تو منی برات ئے = تو منی براتئے
تو منی لالا  نئے، تو کئے ، تو گوشئے ، تو روئے، تو کنئے

شما وتی پربند ءَ گوشتگ
شاشومنی گریوان ءِ تو
باید چُش بوتیں : شاشو منی گریوانئے تو
پہ بلوچی ءِ سیاھگ (املا) ءِ رھبند (گرامر) ءِ سرپدی  ءَ سید ظہور شاہ ھاشمی ءِ اے کتاب ءَ الما بُوان ئے۔
http://baask.com/diwwan/index.php/page,syahag_o_raast_nibissag.html
گوں نیکیں واھگاں
وتی راج ءِ ھیر لوٹوک