Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: Zahida Raees Raji on February 25, 2015, 05:03:07 PM

Title: عدنان دلدوست ء، پربند ندرانت پہ باسک ء، وانوکان
Post by: Zahida Raees Raji on February 25, 2015, 05:03:07 PM
...مساپرانی سنگتاں
 سپر منی کجا تم ایت
 من در پہ در پہ منزلے
 زند آپے ءِ نشانی ءَ
 یک تُنگیں کپوتے ءِ
 کدوہ ءِ جر ءُ داریاں
 پنیر ءِ یکیں دانگ ءَ
 اے دل منی کجا جم ایت
 مساپرانی سنگتاں
 سپر منی کجا تم ایت
 ...من ساھگیاں برھنگین
 گیاب ءِ ژندین سینگ ءَ
 دل ءِ مُسلہ ءَ منی
 گمانی لشکر ءَ بچار
 ملارین شیشگ ءِ وڑ ءَ
 تھاری ءَ چہ زُنڈ اِتگ
 چراگ ءِ بے وسی ءَ گند
 چمے نیست کوھینگ ءَ
 من ساھگیاں برھنگیں
 گیاب ءِ ژندیں سینگ ءَ
 ...منی تو سیاھی ءَ بہ مار
 من تپتگیں تلاریاں
 لچھی من وزمیاں
 دلانی مانگا  دیاں
 کتاب ءِ ھستی ءِ تھا
 نشانیاں من پگرے ءِ
 من ساھگانی کاتلاں
 دردی پیشگاھیاں
 منی تو سیاھی ءَ بہ مار
 من تپتگیں تلاریاں
 ★ عـــدنان دلدوست★
Title: Re: عدنان دلدوست ء، پربند ندرانت پہ باسک ء، وانوکان
Post by: Zahida Raees Raji on March 19, 2015, 03:18:04 PM

عدنان دلــــدوست ءِ پربند شمئے چمشانک ءِ وداریگ

کــــوھیں جگر مئے ھستی ءِ تو چار اتگ دل چار اتگ
تــــرانگ زبـــادین دوســـتی ءِ سینگار اتگ دل چار اتگ


مــھر ءِ جڑانی ساھگ ءَ تئی پلو ءَ ترانجے کپ ایت
ھــونـــانی ارســــاں بـستی ءِ ھیسکار اتگ دل چار اتگ


پـــــــگر ءِ منی سھرین کَپُن ترندآپے ءِ گـــورگ ءِ دپ ءَ
دھــــکان ءِ اگـــــدہ مـــستی ءِ آتــــــــار اتگ دل چار اتگ


گالاں ھلاسیں شائرے پــــــــہ لبزے ءَ مردم کش ایت
ڈکــــال ءَ دردے نیـــــــــستی ءِ انـــــبار اتگ دل چار اتگ


دل ترانگ ءِ کور ءِ دپ ءَ جلجاک کنت ءُ جر جش ایت
دلدوست ءِ پگراں دستی ءِ آسگوار اتگ دل چار اتگ


عدنان دلــــدوست