Baask- Home of Balochi Language, Literature & Culture

Baask Management => Announcements, Greetings & Sorrows => Topic started by: Zahida Raees Raji on March 05, 2015, 05:00:30 PM

Title: ناکو عبدالصمد امیری ءِ بیرانی ءَ باسک سک دردیگ انت
Post by: Zahida Raees Raji on March 05, 2015, 05:00:30 PM
(http://baask.com/literature/abdus_samad_ameeri/nakou_ameeri.jpg)

دلپدّردیں ھال
بلوچی زبان ءِ نامداریں جہدکار، نبشتہ کار,, راجدوست ءُ زبان زانت ءُ باسک ءِ بنگیجی دْور ءِ رھشون ءُ موڈیریٹر واجہ عبدالصمد امیری مروچی امارات ءَ بیران بوتگ۔
اناللہ وانا الیہ راجعون
آئی ءِ نماز جنازہ مرچی امارات ءِ دمگ جرف عجمان ءَ بیگاہ ءَ وانگ بیت,
واجہ عبدالصمد امیری ءِ وڑیں شہزانت ءُ راجی ھزمتگار ءِ بیرانی پہ بلوچ راج ءَ مزنیں تاوانے. گوں اللہ پاک ءَ دُعا ایں کہ واجہ امیری ءَ وتی رھمتانی ساھگے ءَ جاہ بہ دنت ءُ پُشت پداں اے تاوان ءِ سگگ ءِ اوپار بہ دنت ۔
باسک ءِ کارگشاد گوں وتی  باسکاں ءُ لوگ ءِ مردماں اے دردانی شریدار انت۔
Title: Re: ناکو عبدالصمد امیری ءِ بیرانی ءَ باسک سک دردیگ انت
Post by: rigi.mahnoor on March 06, 2015, 02:48:08 AM

مان برزین آزمانء ارواه شاد به بیت
Title: Re: ناکو عبدالصمد امیری ءِ بیرانی ءَ باسک سک دردیگ انت
Post by: Adabi Hakim ادبی ھکیم on March 06, 2015, 04:06:23 AM
انّـا لله واِنّـا الـیـه راجـعـون ، بـاز دِلـپَـدَردیـں هـالـے ، ابَـدمـانـیـں گـُـلـبـاگ آئـیءِ کِـزّمَـت بـات - آمـیـن.
[/b]
Title: Re: ناکو عبدالصمد امیری ءِ بیرانی ءَ باسک سک دردیگ انت
Post by: Zahida Raees Raji on March 08, 2015, 02:27:03 PM
عبدالصمد امیری و ایی ء کھول ء پ بلوچ و بلوچی ء باز کربانی داتگ ایی برات رشید عراق ء ساواک ء چیر اندرین کارروایی ے ء کشگ بیت عبداصمد ء ھم بازین در پ دری ومھنتے پ بلوچی ء کشتگ گون سید ھاشمی ء ھمراہ ھمگام پ زبان ء ماھتاک تپتان ء تھا گچینی نبشتانک تاریخ سازین دورے گوازینت و دان زندء گڈی روچان مان امارات عجمان ء گون بلوچی ء ھمراہ و ھورات. -- منیں علی بخش دورندء گون ایی ء دپ کپتگ و ھم دیوان بیتگان. یک رندے گوادرا سید گنج ء دیمدرایی دیوان ء دگے برے امارات عجمان ء ایی ء جندء لوگ ء ا یک سرپدین ھژارین و پرین مردم ے ا پ بلوچان وت یک دپترے ات ھاوند ایی ء جاہ ء گلباگ ء سارتین منھان کنات و ایی ء پشپدان اوپارے بدے ات ؛ ایی ء پشپد امیت ا نت ایی ء برجمین کاران چن انت و. نزار نت و اے راجی امانتان پ بلوچ راج ء سر کن انت
علی بخش دشتیاری
Title: Re: ناکو عبدالصمد امیری ءِ بیرانی ءَ باسک سک دردیگ انت
Post by: Zahida Raees Raji on March 08, 2015, 04:45:21 PM

گوشنت کہ پیریں درچک روچے مرگ ءِ دامن ءَ کپنت بلے آ درچک کہ چہ وتی سارتیں ءُ پُرمہریں ساھگ ءَ انچیں مساپراں ھم جاہ دینت کہ آ چہ وتی راہ ءَ گسر کپتگ انت،  چُشیں پیریں درچک  چہ مرگ ءَ ھلاس نہ بنت کہ آھانی بے مٹیں یات مساپرانی دل ءَ دائما زندگ بنت ۔ ناکو عبدالصمد امیری ھما راھشون ءُ رھدربر انت کہ ستر آ نوں مئے میان ءَ نہ انت بلے گوستگیں دَہ سالانی باسک ءِ سپر ءَ آئ ءَ کہ وتی اے چُک ءِ رھشونی ھمک گرانیں نوبتاں کُتگ تاں زندگیں شموشکار نہ بئیں۔
زاھدہ رئیس راجی
Title: Re: ناکو عبدالصمد امیری ءِ بیرانی ءَ باسک سک دردیگ انت
Post by: Shastuni on March 09, 2015, 06:17:27 AM


بلوچی زبان و ادب، دود و ربیدگ و مزنین شوهازکار و زانتکار، عبدالصمد امیری نمیران بوت. ناکو امیری وتی تمامین عُمرا، په خلوص و پاکی گوازئینت و هر دورا، بلوچ و بلوچی ۓ یک پر مِهرئین دوزواه و بُرزین کوهے اَت. یاتی ابدمان انت. گَمانی شریدار: شستونی بلوچ (بلوچی نام و نشان)
Title: Re: ناکو عبدالصمد امیری ءِ بیرانی ءَ باسک سک دردیگ انت
Post by: Zahida Raees Raji on March 09, 2015, 04:37:18 PM

وتی دوست و ھـمکارابد سَـمد امـیریـئیے بـیرانـیئے ھـال ئے اِشکـنگا باز پَـدرد و دِلـرنج بوتان۔ آ مـنی ھَـمکار و ھَـمکـوپگین دوستـئے اَت پہ بلوچ سـرڈگار ئے آجـوئی جـھدان تان دْراجـین وَھـدئیا من و آ یکـجا بوتگ ان۔
آ بلـوچی زبان و لَـبزانک ئے نامکـپتین جُـھـدگـرئیے ات و لَـبزانکی پِڑا منی دِلسـتکـین ھـمـراہئیے ات۔ مـن گـون آئیا ھـمنچک نزیک بوتگان کہ باز مـردمئے ھـیال بوتگ مئے کُـٹمدان یک انت۔
گـون راجـی و لَـبزانکی کاران آئـیے دِلـواھـی و ھَـمگـرنچی ھـمنچک باز ات کہ وَتی اُمـرئے گُـڈّی روچـان ہـم ھـرجا کہ بلـوچی مُـچی و مـیڑیئے بوتگ ات، آ گـون وتی دَسـتـلَـٹا گـون اَت۔ بلـوچی راجـی آزاتی ئیے جُـھـدان آئـیےواھگ و لَـھـڑ و جـوش ھـر وَھـد ورنا اَت و آئیے باوَر انچـش زورمـنـد ات، کہ نِزوری و ناتوانیان آ ھـچبـر دِلیکـیم و دِلـپروش کت نہ کت۔
ھـدا آئـیے پساھـندگان سگّ و توان بدنت و آئـیے اَرواھـا باگـین بھـشـتا وَشگـیگ بکـنت – اَنچــش بات۔


سدیک آزاد