Baask- Home of Balochi Language, Literature & Culture

Balochi Literature بلوچی ادب => بلوچی شئیر ءُ پـِربَـنـد Balouchi Poetry => باسکانی دیوان ءِبلوچی شائر Baask's Poets => Topic started by: شے سید on July 07, 2015, 12:44:56 PM

Title: نوکیں دستونکے ندر پہ باسک ءِ وانوکاں ــ
Post by: شے سید on July 07, 2015, 12:44:56 PM
دستونک ــ

ھتّ  گوں دل ءِ درداں من نبشتگ ءُ گْریتگ ـ
آئی ءَ منی درائیں ھَتّ ونتگ ءُ گریتگ ـ

کھر ءُ  شپ زوالی ایں شھرے ءَ من بے وانکاں ـ
سُھب ءَ دردے پربستگ بیگہ بُوتگ  ءُ گریتگ ـ

ما ھمے ھیال کت کہ بلکین زھر بوت گوں من ـ
 آئی ءَ بزاں ماھیں مُرک مُجینتگ ءُ گریتگ ـ

آ اوں وھدے ت چونیں کہ گوں ھوری ءَ من تو ـ
 کندتگ گوں گـپّے ءَ ، گـپّے کُرتگ ءُ گریتگ ـ

زندگی گوں تئ یاتاں گوستگ اَت پہ بچکندے ـ
نوں تـئی ھمک ترانگ ما شمشتگ ءُ گریتگ ـ

گوں زئیپ ایں پریات ءُ پُنز ءُ ھسکگیں سوز ءَ ــ
ھالد ءَ منی دیم ءَ دست بستگ ءُ گریتگ ـ
شے سید