زاھدہ رئیس راجی ءِ کہنیں دستونکے پہ وانوکانی تچکیں چمشانک ءَ ندر۔
کپوتاں نالگ ءُ الہان کُرتگ
تہارماہ ئیں شپ ءَ دیوان کرتگ
Kapoutaan’ naalag o alhaan kurtag
Tahaar-mahen’ shap-a diwwan kurtag
برے گوست ءُ برے است ءِ نگیگاں
وتا تہنائ ءَ درشان کُرتگ
Barey gwast o barey hast e nageygaan’
Wata tahnahii a darshaan kurtag
ھموشی ٹیلگان ئِےپُرسگ ءَ اَت
دل ءِ افارگ ئِے کربان کُرتگ
Hamoushi Teylagani pursaga at
Del e uffaragey kurbaan kurtag
جہان ءِ آسر ءَ ، چمانی دیم ءَ
دمان ءَ زندگی، پیچان کُرتگ
Jahaan e aasar a chammani deyma
Damaan a zendagi peychaan kurtag
کجا چم دپ کنئے ستک ءِ مُرادءَ؟
کہیر ءِ ساھگ ءَ ، بیران کُرتگ
Kujaa cham dap kane setk e murdaan’
Kaheer e saheega beyraan kurtag
پہ زَھری زندگی وشّی نہ گُزرایت
پمشکا ھرکس اوں وَشّان کُرتگ
Pah zahrii zendagi vashshi naguzrit
Pameshka har kason’ vashshan kurtag
اے چونیں نوبتے، راجی ماں زردءَ
گوں اندوھاں دل ئِے درمان کُرتگ
Ey chounen’ naubay , Raaji maan’ zerd-a
Goun’ andohaan’ delii darmaan kurtag