نام اؤں آسکانی جوانیٰ گواہ ایں.
مع دپٰ ذکر اؤں قل ھواللہ ایں.
بؤر ھؤسناک ؤ راہٰ گمراہ ایں.
دیم اؤں گوں تچکیں کعبت اللّہ.
مکہِ دربند وھدی بون جاہ ایں.
پع منی گامٰ صحبُ ؤ بیگاہ ایں.
ذاتِ ذریاتؤں چہ عظام شاہ ایں.
قیصر کسرا رؤم مئ جنگ جاہیں.
مئ قلم سرکشُ کاغد برجاہ ایں.
مکران گالوار اؤں سرا براہ ایں.
شپ تہار ماہ و یا کہ پہ گاہ ایں.
جنگ پیکارا عادت اؤں ڈاہ ایں.
دژمن دوست واہ آکہ بدواہ این.
قدرتاں پاکیں رب اؤں امراھیں.
مئ بلوچ قومِ رھبند بیگواہ ایں.
یا شم ئے ڈولان ی غلام گاہ این.
اگاں کسِ دیوانٰ شم ئے شاہ ایں.
شاہ سوارے اؤ عقل برجاہ ایں.
اے وڑیں دیوان منئ مڑاگاہ ایں.
من کناں دراجکش گپِ بونجاہیں.
وتسرا وت آسکانی وت واہ ایں.
گوں دلوتان سر چئیر دلسیاھیں.
میر آسکانی بلوچ.