***______اِرشـــــاد پروازــــــــــــــ٭٭٭
پشت کپتگیں عُمر ءَ گوں گرفتار توکائے
یک روچے ہمے پیم ءَ من ءَ کار توکائے
دَم کشّاں چڑکـّاے دِگہ باطن ءَ جُمبیت
حاموشی ءَ جیسکان بیت کُوکّار توکائے
چمـانی سراآبلہ وت رودیں نِہال اَنت
قبرانی سرا چِست بنت بازار توکائے
اٗوشتاتہ پہ تو سُہب ءِ سر ءِ آپ تچوکیں
مہتل پہ ترا وشبواں ہینـار توکائے
اے وہد ءَ منی چمّ دِگہ راہے ءَ دْرنگ اَنت
اے وہد ءَ نہ زانتگ کہ منی یار توکائے
اِرشادؔ وتی دست ءِ دِل ءَ پُلـے بِہ کِش گوں
کُنٹگ پہ ترا موسم ءِ رہچار تو کائے
(٭٭٭()٭٭٭)
