Linked Events

  • baask: December 26, 2009

Author Topic: A.Hameed Mauj. حمید موج ء شئر و پربند۔  (Read 57190 times)

0 Members and 1 Guest are viewing this topic.

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: "zend e padank " by Hameed Mauj
« Reply #90 on: July 01, 2010, 10:56:28 PM »
سلام ءُ دروت مڑاداریں برات واجہ یحی
تئ چم شانک دئیگ لک منت  آیءَ پد من اِے گُشاں کہ اگاں تو شرّ بہ چارءِ منی  شئرءَ شرّیءَ بوانءِ تو اِے گپءَ نہ جنءِ تو پیسر شرّ بوان  کہ من چے گوشگاں(ۓ  ءَ کہ تو گوشگءِ مفرد اِنت بلہ منی لبز جمع منی ھیالءَ ترا جمع ءُ مفرد ءِ پرک گندگءَ نیتک اَگ۔ چوش اگاں جن ے یا جنے بہ لک اِت ایشیءَ معنا بدل بیت بیت جنے 1 جن ۓ بیت نزانءِ ھم انچوش تو ھم جست بہ کن بلکیں من رداں بلہ داں تو کہ لھتے  جاگہ ءَ بلے نہ اِنت لبز بلہ  اِنت تو بلۓ کار مرز کنگءِ  جمع کسانیں ءِ  یا ءَ  یا ءُ  بنت بلی مفرد ے    اِوڑءَ بند  انوں تو بہ چار لبز وڑءِ =اِے وڑے نہ انت مفرد اِنت بلہ اگاں بگشءِ کجام وڑءِ مردم بزاں جمع بیت۔امیت اِنت ترا تئ جواب سار بیتگ بلکیں من رد بیت کناں بلہ  گمان نہ کناں ۔
وتی راج ءِ ھیر لوٹوک     

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: "zend e padank " by Hameed Mauj
« Reply #91 on: July 01, 2010, 11:31:37 PM »
سلام ءُ دروت مڑاداریں برات واجہ یحی
تئ چم شانک دئیگ ءِ لک منت  آیءَ پد من اِے گُشاں کہ اگاں تو شرّ بہ چارءِ منی  شئرءَ شرّیءَ بوانءِ تو اِے گپءَ نہ جنءِ تو پیسر شرّ بوان  کہ من چے گوشگاں(ۓ  ءَ کہ تو گوشگءِ مفرد اِنت بلہ منی لبز جمع منی ھیالءَ ترا جمع ءُ مفرد ءِ پرک گندگءَ نیتک اَگ۔ چوش اگاں جن ے یا جنے بہ لک اِت ایشیءَ معنا بدل بیت بیت جنے 1 جن ۓ بیت نزانءِ ھم انچوش تو ھم جست بہ کن بلکیں من رداں بلہ داں تو کہ لھتے  جاگہ ءَ بلے نہ اِنت لبز بلہ  اِنت تو بلۓ کار مرز کنگءِ  جمع کسانیں ءِ  یا ءَ  یا ءُ  بنت بلی مفرد ے    اِوڑءَ بند  انوں تو بہ چار لبز وڑءِ =اِے وڑے نہ انت مفرد اِنت بلہ اگاں بگشءِ کجام وڑءِ مردم بزاں جمع بیت۔امیت اِنت ترا تئ جواب سر بیتگ بلکیں من رد بیت کناں بلہ  گمان نہ کناں ۔
وتی راج ءِ ھیر لوٹوک     

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: "zend e padank " by Hameed Mauj
« Reply #92 on: July 02, 2010, 02:23:31 AM »
پھل بہ کن برات یحی بلکیں منی گپ کمو  ناسرجم ترا سر کُت اَنت بلہ اشتاپیءَ من لک اِت منی مراد  تئ جمع ءُ مفردءِ سرپد بئیگ منی شئرءِ لبزانیگ اِنت امیت اِنت دلءَ نیارءِ

کدی کارءِ =کجا کارءِ=سرمچارءِ نامءَ
کئ کارۓ=کجءِ کارے=سرمچارے
زانءِ =وانءِ =تانءِ جنءِ  برءِ ورءِ
راہے؛جاہے؛ساہے؛شاھے،ناہے مفرداَنت 1 راہے 1 جاھے 1۔۔۔۔۔۔۔
راہءِ؛جاہءِ؛ساہءِ؛ اِے چوش جستی وڑءَ کاینت یا کہ جمع بہ بنت
تئ شئور سلاھانی راھچار تئ کستر حمید موج
[/color][/color]

Offline Mazaar

  • Baloch Doust
  • ***
  • Posts: 141
  • Karma: 48
  • Rouche Braanzan Man Dazgerag Loutaan
Re: "zend e padank " by Hameed Mauj
« Reply #93 on: July 02, 2010, 09:12:18 AM »
حمید جان دْرھبات ئے۔
تئی ھبر تھنا ناسرجم نہ اَنت بلکیں سرجم ءَ رد اَنت۔ من نہ زاناں اے کُجام زبان ءِ بُنرھبندءِ رھبند اَنت کہ شُما اِدءَ نبشتہ کتگ اَنت بلَے اے ھبر ءَ من پہ دلجمی ءُ سِتک گْوشاں کہ اے بلوچی بُنرھبندءِ رھبند نہ اَنت۔ اے بابت ءَ من وت ءَ گیگ ءُ گْور کناں ءُ ترا سرپد کنگ ءِ جُھد ءَ کناں۔
 بلَے یک بْراتی سوجے ترا دیاں کہ ابید پٹّ ءُ پول ءُ زانت ءَ وسّازیں لیکہ دیم ءَ میار اِت کہ پہ زبان، لبزانک ءُ راج ءِ نودَربراں سکّیں زنڈیں تاوان جوڑ بنت ءُ زبان ءُ لبزانک پہ چُشیں ردیں رھدربریاں ھجبر مارا پھل نہ کنت۔
تئی بْرات
((A clock that does not work is right twice a day))

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: "zend e padank " by Hameed Mauj
« Reply #94 on: July 02, 2010, 01:48:18 PM »
جی مڑاداریں برات مزار من تئ  سرپد کنگءِ  ودارایاں کہ شما منءَ سرپد بہ کن اِت من چاراں کہ چنچو رداں من۔! انسان رد بیت کنت  شمے وڑیں زانتکارءِ مے وڑیں ناسرپداں سرپد بہ کنت  دل وش بیت ۔

تئ کستر  تئ برات

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: "zend e padank " by Hameed Mauj
« Reply #95 on: July 02, 2010, 03:26:33 PM »
سلام یک رندے پدا واجہ  مزار
درستاں چہ پیسر  تئ منت کہ تو منءَ سرپد کت بلہ من ترا 1 گپے گشاں اگاں بلوچی رھبند سرجمیں راھبند سید راھبند یں من بزاں رداں اگاں تلفظی  نگاہءَ بہ چارے گڈا راھبند رداِنت پرچا کہ بڑیءِ تلفظ جنے؛ لوگے؛ھرے نہ اِنت بلکیں جنءِ لوگءِ ھرءِ اِنت  بزاں تلفظ نگاہءَ اِے چپ اَنت گیشتریں سرپدی ءِ واستہ اردو ءِ بڑی ءَ بہ چار

Offline Mazaar

  • Baloch Doust
  • ***
  • Posts: 141
  • Karma: 48
  • Rouche Braanzan Man Dazgerag Loutaan
Re: "zend e padank " by Hameed Mauj
« Reply #96 on: July 02, 2010, 06:18:54 PM »
ھمبلیں بْرات حمید موج
دْروت ءُ دْرھبات ئے۔
اِدءَ تو کہ رھبندءِ سرپد کنگ ءِ جُھد ءَ کنگ ءَ ئے اے چہ منی سرپدی ءَ ڈَنّ اِنت۔ چہ سرپدی ءَ ھمے ھاترءَ ڈنّ اِنت کہ نبشتہ رھبند پھک رَد اِنت ءُ اے ردیں نبشتہ رھبندءَ تئی ھبر ھنچوش مانگِیشینتگ اَنت کہ اگاں  دُنیا ءِ سجّھیں زانتکار ھور بہ بنت بلے انگت اے اَڑاں گیشینت نہ کن اَنت۔ تو بِگندئے وتی مَنّءَ شَرّ نبشتہ کُتگ اَنت بلَے ھکّیں ھبر ایش اِنت کہ ترا انگت بلوچی نبشتہ رھبند ءِ بابت ءَ سرپدی باز نیست اِنت۔
   اِدءَ تو کہ “مفرد” ءُ “جمع” بِزاں کہ “یکّی” ءُ “بازی” ءِ پرک ءُ جتائی ءِ ھبر ءَ کنگ ءَ ئے اے بلوچی رھبند نہ اِنت۔ اے  من ءَ وسّازیں رھبندیے گندگ ءَ پیداگ اِنت ءُ بلوچی رھبندءَ گوں ایشی ءَ ھچ وڑیں سْیادی یے نیست۔
   البت تئی اے ھبر راست اِنت کہ نامگال ءِ دیم ءَ “ے” ءِ آب نبشتہ بیت ءُ آ یکّ نامگالے جوڑ بیت۔ بلَے تئی دومی ھبر پھک رَد اِنت کہ “ءِ” ءِ گال باز نامگال بِزاں کہ جمع نامگال جوڑ کنت۔
   چہ تئی لچّہ ءِ وانگ ءَ رَند من اے سرپد باں کہ ترا “ئے” ءُ “ءِ” ءِ گالانی تواراں سکّ باز اَڑینتگ۔ اے دوئیں گال بِزاں کہ “ءِ” ءُ “ئے” ءِ گالوار یک ڈول ءَ اَنت بلَے ایشانی کارمرزگ ءِ جاگہ یکّ نہ اَنت۔ اگاں اے دوئیں گالانی کارمرزگ ءِ جاگھاں سرپد بہ بَے گُڑا تئی نبشتہ ءِ یک مزنیں جیڑھے گِیشّ اِیت۔ تئی لچّہ ءِ تہ ءَ گیشتریں نبشتہ رھبندءِ رَدی ھمے دوئیں گالانی اَنت۔ نوں بْیا اے دوئیں گالانی کارمرزگ ءِ جاھاں گِیشینیں۔۔
   “ئے” ءِ گال ھروھد کارگالانی دیم ءَ نبشتہ بیت۔ اے ھما کارگالانی دیم ءَ نبشتہ کنگ بیت کہ آیانی “کنوک”(سبجکٹ، فعل) “تو” بہ بیت۔ “ئے” وت یک جتائیں گالے کہ ایشی ءَ کمکّارگال یا کہ پتورگال گْوش اَنت، یا کہ ارزانیں لبزانی تہ ءَ چوش گْوشت کن ئے کہ اے یک سادئیں کارگالے ءُ ایشی ءَ ھروھد چہ مزنکارگال (پرنسیپل ورب) ءَ جتا نبشتہ کن اَنت۔ بِزاں کہ اے گوں مزنکارگال ءَ ھور نبشتہ کنگ نہ بیت ءُ ایشی جتا نبشتہ کنگ ءِ سْوب ایش اِنت کہ بازیں جاھاں اگاں اے گوں مزنکارگال(پرنسیپل ورب) ءَ ھور نبشتہ بہ بیت گُڑا ایشی گالوار سکّیں مزنیں اڑیے ءِ آماچ بیت۔(بازیں ندکار ایشی ءَ گوں مزنکارگال ءَ ھور نبشتہ کن اَنت بلَے نمیرانیں سید گْوش اِیت کہ ایشی ءَ گوں مزنکارگال ءَ ھور نبشتہ کنگ پھک رَد اِنت)
   انچوش کہ:
    “تو کُجا بُوتگ ئے؟”
   اِد ءَ مزنکارگال “بُوتگ” اِنت ءُ ایشی دیم ءَ “ئے” نبشتہ کنگ بیت، چی ءَ کہ “کنوک”(سبجکٹ، فاعل) “تو” اِنت۔ اگاں ما نبشتہ بکنیں:
   “تو کُجا بُوتگ ءِ؟”
   اے وڑ پھک رَد اِنت۔ “ءِ” ءِ کاربندگ ءِ جاگہ دگریے کہ اے بابت ءَ رَند ءَ ھبر کنیں۔
   “منی ھمبل تو وش بات ئے۔”
   “تو مرچاں چہ سلامے ءَ کپتگ ئے۔”
   “سکّی ءُ سوری مہ گِندات ئے۔”
   “تو وَ ھاک ءُ پُر نہ زان ئے۔”
   اے بُرز ءِ درورانی تہ ءَ “بات”، “کپتگ”، “مہ گِندات” ءُ “ زان” کارگال بِزاں کہ فعل اَنت۔ اے گالرِدانی (جُملہ) تہ ءَ کنوک (فاعل) “تو” اِنت۔
   کے وش بات؟ تو
   کے چہ سلامے ءَ کپتگ؟ تو
   کے سکّی ءُ سوری مہ گِندات؟ تو
کے ھاک ءُ پُر نہ زانت؟ تو
اُمیت اِنت کہ “ئے” ءِ کارمرزگ تئی زانت ءُ پھم ءَ نوں آتکگ۔ اے گال ءِ گیشیں سرپدی ءِ واست ءَ “بلوچی سْیاھگ ءِ راست نبیسگ” ءِ تاکدیم ھشتاد ءُ سہ (83) ءَ بچار۔
   نوں بْیا “ءِ” ءِ گال ءِ بابت ءَ تْران کنیں۔
   “ءِ” ءِ گال ءَ ما ھروھد یک چیزے گوں دومی ءَ بندوک کنگ ءِ واست ءَ کارمرز کنیں۔ ایشی ءِ کارمرزگ ءِ جاگہ چو روچ ءَ پدّر اِنت ءُ ھچ وڑیں اَڑیے ءِ آماچ نہ اِنت۔ وھدے کہ ما یک چیزے گوں دِگرے ءَ بندوک کنیں گُڑا “ءِ” ءِ گال ھمے دوئیں گالانی نیامجی ءَ نبشتہ کنگ بیت۔ انچوش کہ :
   “اے حمید ءِ لچّہ اِنت۔”
   اِد ءَ ما لچّہ گوں حمید ءَ بندوک کُت۔ بِزاں اے لچّہ ءِ واھُند حمید اِنت۔
   “منی ھمراہ ءَ من ءَ راہ ءِ نیم ءَ یلہ دات۔”
   اِد ءَ ما نیم گوں راہ ءَ بندوک کُت۔ کئی نیم؟ راہ ءِ نیم
   “ھُشترءِ مھار ءَ بِدار۔”
   مھار کئیگ اِنت؟ ھُشتر ئیگ اِنت۔
   “بشّام ءِ لوگ ءَ ھور ءَ سکّ رِتکگ۔”
   “گِسِدگْوار سید ءِ وانگی اِنت۔”
   “کولواہ ءِ پٹّ سکّ مزن اِنت۔”
   “دَشت ءِ گَرماگی شَمال سکّ سوچ اِیت۔”
   “پروم ءِ کوش ءِ مَٹّ اے جھان ءَ نیست۔”
   اِد ءَ ما لوگ گوں بشّام ءَ، وانگی گوں سید ءَ، پَٹّ گوں کولواہ ءَ، گرماگی شمال گوں دشت ءَ ءُ کوش گوں پروم ءَ بندوک کتگ اَنت۔
   اُمیت اِنت کہ “ءِ” ءِ کارمرزگ نوں ترا نہ اَڑین اِیت۔ پہ اے گال ءِ گیشیں سرپدی ءِ واست ءَ “بلوچی سْیاھگ ءِ راست نبیسگ” ءِ تاکدیم پنجاہ ءُ چار ءَ بچار۔ اے بابت ءَ  اگاں ھرچ جُستے ھست گُڑا دپ ءَ دوست مدار۔
   نوں من ترا یک کاریے دیاں ءُ اے زانگ لوٹاں کہ منی ھبراں ترا سرپد کُتگ یا اِینّا۔ تو وتی لچّہ ءَ شرّی ءَ بچار ءُ یکرندے پد ءَ دست ء وت وتی لچّہ ءَ ھمد ءَ نبشتہ بکن ءُ ھرچ ردی یے کہ ھست آیاں راست بکن داں کہ من ھم بزاناں کہ تو سرپد بوتگ ئے۔
منّہ وار
تئی بْرات
((A clock that does not work is right twice a day))

Offline Mazaar

  • Baloch Doust
  • ***
  • Posts: 141
  • Karma: 48
  • Rouche Braanzan Man Dazgerag Loutaan
Re: "zend e padank " by Hameed Mauj
« Reply #97 on: July 02, 2010, 06:38:47 PM »
سلام یک رندے پدا واجہ  مزار
درستاں چہ پیسر  تئ منت کہ تو منءَ سرپد کت بلہ من ترا 1 گپے گشاں اگاں بلوچی رھبند سرجمیں راھبند سید راھبند یں من بزاں رداں اگاں تلفظی  نگاہءَ بہ چارے گڈا راھبند رداِنت پرچا کہ بڑیءِ تلفظ جنے؛ لوگے؛ھرے نہ اِنت بلکیں جنءِ لوگءِ ھرءِ اِنت  بزاں تلفظ نگاہءَ اِے چپ اَنت گیشتریں سرپدی ءِ واستہ اردو ءِ بڑی ءَ بہ چار
بْرات حمید
من ءَ تئی اے ھبر ءِ سر ءَ کندگ پیداک اِنت ءُ بژن ھم۔ زبان ءِ رھبند ھروھد یکّے بیت ھزار نہ بنت۔ ءُ اے گپّ ءَ ھرکس زانت کہ رھبند تھنا یکّین اِنت کہ سید ءَ گیشینتگ۔ بلوچی ءَ دگہ ھچ نبشتہ رھبند نیست ابید سچکانیں رھبند ءَ۔ اگاں یکّے وتی وڑ ءَ نبشتہ کنت گُڑا آئی ءَ ما رھبند ءِ نام دات نہ کنیں چی ءَ اگاں کسے ءَ رھبند ءِ سر ءَ کار کُتگ ءُ دگہ رھبندیے ٹاھینتگ ئِے گُڑا آئی ءَ دیم ءَ بْیار اِیت دانکہ ھر کس بِگندیت ئِے۔ سید ءَ کہ رھبند جوڑ کُتگ گُڑا آئی ءَ دیم ءَ آؤرتگ۔
    تئی دومی ھبر کہ پہ گیشیں سرپدی ءَ اُردو ءِ بڑی یا ءَ بچار من ءَ سکّ تورینگ ءَ اِنت کہ تئی ڈولیں بلوچے ءِ دپ ءَ ھچ تام مان نیست کہ من ءَ بگْوش ئے کہ اُردو ءِ بڑی یا ءَ بچار۔ بلوچی زبان زانا چہ اُردو زبان ءَ جوڑ بُوتگ کہ من بلوچی ءَ گوں اردو زبان ءَ دیم پہ دیم بکناں؟ اردو والا وَ دگہ ھزار کار کن اَنت گُڑا ما گوں ھمایاں گوں بہ کپ ایں؟ اے چونیں گپّ اَنت کہ من چہ تئی دپ ءَ مرچی اِشکنگ ءَ یاں۔ اردو والا وَ پینٹ ءُ پتلون پاد ءَ کن اَنت گُڑا ما وتی بلوچی پشک ءُ شلواراں بہ کشّیں ءُ اردو والایانی ڈول ءَ بکنیں؟ اردو والایانی جنین وَ سریگ سر ءَ نہ کن اَنت ءُ آیانی پشک تنک ءُ بے آستونک اَنت گُڑا ما دُورساہ وتی مات ءُ گُھاراں ھمے سکین ءَ بہ دئیں کہ اردو والایانی ڈول بکن اِت؟ اردو دگہ زبانے ءُ بلوچی دگہ، اُردو والا دگہ راجے اَنت ءُ ما دگہ، گُڑا پرچا ما وتی زبان ءَ گون اردو ءَ مٹّ ءُ بدل بکنیں۔ بلوچی وت یک سرجمیں زبانے کہ ایشی ءَ اردو ءِ پادُونان کپگ  پکار نہ اِنت۔ ما بلوچ یک سرجمیں راجے ایں ءُ مئے زبان ءُ دود ءُ ربیدگ چہ جھان ئیگاں شرتر اَنت۔ اردو والایاں آیانی زبان ءُ دود مبارک بات اَنت ءُ مارا مئے۔ ھرکس وتی پوشاک ءِ تہ ءَ بْراھدار اِنت بْرات۔
((A clock that does not work is right twice a day))

Offline Hameed Maoj حميد موج

  • Baluchi Nadkaar بلوچی ندکار
  • ***
  • Posts: 360
  • Karma: 12
Re: "zend e padank " by Hameed Mauj
« Reply #98 on: July 02, 2010, 06:52:44 PM »
آریپیں واجہ مزار
منی گپ تو چپی نیمگءَ چاراِتگ ءُ چپ سرپد بیتگ ءِ من ترا اردو اِے واستءَ گُشت بہ چار کہ ے بڑی چہ پیمءَ تلفظ بیت من ترا نہ گشت کہ مردم وتی ربیدگءَ بدل کنت اگاں تو سید شرّیءَ ونتگ ءُ سرپدءِ نہ گوشءِ کہ سیدءَ ھما چیز ھڈ کتگ گیشینتگ ھما راست اِنت اناں منی مڑا داریں واجہ چش نہ اِنت بلوچی چوناھیءَ ھمے وڑیں مشکلاں ھڈینتگ کہ ما ھدءَ چہ گیش وتءَ تعصب ءَ دور داتگ من وتی گپءَ پدا زیراں ءُ موہ دیاں ھما مردماں کہ بلوچیءَ دیمءَ بہ برنت بزاں من آ سنچءَ وتی تھا نہ گندگاں بزاں منءَ آ کابلیت نیست پرچا کہ کسانیں گپ ادا مزن بنت  تو اگاں ادبءَ سرپدءِ من تئ ادبءِ دیمءَ سجدہ کناں بلہ  ھچ وھد  نہ گشاں کہ سیدءِکار ھرچ بلوچءَ سر ءُ چمان اَنت بلہ سیدءَ وت گشتگ بیت کنت منی راھبند سرجمیءَ تچک نہ اِنت ھما کس ءَ سید ونتگ اِے گپءَ مننیت گیش نہ گشاں
تئ کستر پاد 

Offline Sorouz

  • Semi Seniour Baask
  • ***
  • Posts: 119
  • Karma: 9
  • Shap pa estaal wash ant, o gayaabaan pa....Baloch.
Re: "zend e padank " by Hameed Mauj
« Reply #99 on: July 02, 2010, 08:56:43 PM »
 
   salam-o-drout!
Madahdaaryn waja Abdul HAmeed Moj!

    Shomy hayaal o pegr jwan ant baly shomy lachchaha ke shoma nabees et goda charaiya pad yak chamshaank e bediyet esh yak baz bara hanchoush ham bit ke man aa nezza wati nebeshtaank a sarpad begayan begend e ke wanoukiya mani goshtagyn labz o band be aggadynan.
   
    Man hamy sarpad ban ke shomy taha sharren dastounk nabeesag e zaant hast baly labz maan geeshant o dymy mardomy sar bary bary per nabit ke shoma che goshag lotaga et.

          Wati dastan madaar et,Allam yak wahdy ket ke shoma rahbandan sharriya ger et.

                  baloch-raaj-e-tepaaki-loutouk
 Shome-kaster
       Sorouz Baloch

Offline Mazaar

  • Baloch Doust
  • ***
  • Posts: 141
  • Karma: 48
  • Rouche Braanzan Man Dazgerag Loutaan
Re: "zend e padank " by Hameed Mauj
« Reply #100 on: July 03, 2010, 05:19:46 PM »
آریپیں واجہ مزار
منی گپ تو چپی نیمگءَ چاراِتگ ءُ چپ سرپد بیتگ ءِ من ترا اردو اِے واستءَ گُشت بہ چار کہ ے بڑی چہ پیمءَ تلفظ بیت من ترا نہ گشت کہ مردم وتی ربیدگءَ بدل کنت اگاں تو سید شرّیءَ ونتگ ءُ سرپدءِ نہ گوشءِ کہ سیدءَ ھما چیز ھڈ کتگ گیشینتگ ھما راست اِنت اناں منی مڑا داریں واجہ چش نہ اِنت بلوچی چوناھیءَ ھمے وڑیں مشکلاں ھڈینتگ کہ ما ھدءَ چہ گیش وتءَ تعصب ءَ دور داتگ من وتی گپءَ پدا زیراں ءُ موہ دیاں ھما مردماں کہ بلوچیءَ دیمءَ بہ برنت بزاں من آ سنچءَ وتی تھا نہ گندگاں بزاں منءَ آ کابلیت نیست پرچا کہ کسانیں گپ ادا مزن بنت  تو اگاں ادبءَ سرپدءِ من تئ ادبءِ دیمءَ سجدہ کناں بلہ  ھچ وھد  نہ گشاں کہ سیدءِکار ھرچ بلوچءَ سر ءُ چمان اَنت بلہ سیدءَ وت گشتگ بیت کنت منی راھبند سرجمیءَ تچک نہ اِنت ھما کس ءَ سید ونتگ اِے گپءَ مننیت گیش نہ گشاں
تئ کستر پاد 
بْرات موج
من تئی ھبرچپّیں مانا نہ داتگاں، ھرچی کہ شُما گْوشتگ اَت من ھما ڈول تئی پسّو داتگ ۔ تو من ءَ اردو ءِ “ے” ءِ بابت ءَ گْوشتگ اَت کہ من بچاران ئِے کہ ایشی گالوار ءَ چوں کشّ اَنت۔ من ترا تئی ھمے ھبر ءِ پسّو دات کہ اردو دگہ زبانے ءُ بلوچی دگہ۔ بلوچی زبان چہ اردو زبان ءَ جوڑ نہ بُوتگ کہ ما اے دوئیں زباناں دیم پہ دیم بہ کنیں۔ ءُ اے الّم نہ اِنت کہ اردو آبانی توار بلوچی آبانی توار ءَ بہ کشّ اَنت، چی ءَ کہ اے دوئیں زباناں وت ماں وت ھچّ سْیادی ءُ وارِسی نیست۔ اگاں ما بلوچی آبانی گالواراں اردو آبانی چمدار بہ کنیں گُڑا اے گوں زبان ءَ سکّیں مزنیں ناھکّی یے زانگ بیت۔ تئی مُول اگاں ھمیش اِنت کہ ما بلوچی “ے” ءَ گوں اردو ءِ “ے” ءَ دیم پہ دیم بہ کنیں ءُ ایشانی گالواراں بہ گِیشینیں گُڑا اِے ھبر ءِ کنگ ءَ پد ءَ من چکّ ءُ پد نہ باں کہ اردو والاایانی دوداں مَیار ءُ بلوچانی سر ءَ بِر مہ مُش، چی ءَ اے دوئیں جتائیں راج اَنت۔( اے تئی وتی لیکہ اِنت اگاں منی ھبراں “تعصّب” ءِ رنگانی تہ رَج ئے) اگاں زبان ءِ پلگارگ ءُ تچکی ءِ ھبر کنگ “تعصّب” یے گُڑا اے “تعصّب” ءَ من ھزار رند کناں۔
   تئی دومی ھبر کہ تو منی ادب زانتی ءِ دیم ءَ “سجدہ” کن ئے گُڑا من ترا اے گْوشگ لوٹاں کہ  منی دیم ءَ کونڈاں مہ کپ ءُ وتی پونز ءَ مہ رُوسیں چی ءَ کہ من لبزانتے نیاں بلکیں لبز دوستے آں۔ اگاں ترا “سجدہ” کنگی اِنت گُڑا سید ءِ دیم ءَ کونڈاں بہ کپ کہ آئی زند ءِ ھمک کترہ ءُ دمان پہ بلوچی زبان ءُ لبزانک ءُ بلوچ راج ءَ ندْر بوتگ۔ اگاں مرچی منی ءُ تئی زبان پشت کپتگ ءُ من ءُ ترا پجّاریے ھست گُڑا اے ھمے مرد ءِ ھیدریچی ءُ زھمتانی آسر اِنت۔
   تئی اے ھبر کہ سید ءَ زبان ءِ ھرچ اَڑیے کہ گِیشینتگ آ راست نہ اِنت، من ترا اے گْوشگ لوٹاں کہ اگاں کسے ءَ بدزِردی ءِ چِلّی ئیں شال وتی چمّانی دیم ءَ مانپوشتگ گُڑا ھو تو راست گْوش ئے کہ سید ءِ ھرچ گپ راست نہ اَنت، بلَے اگاں کسے ءِ دیدوکاں میم ھست ءُ زبان ءُ راج ءِ مِھر ءُ واھگ آئی دل ءَ اِنت گُڑا آ سرپد بیت کہ سید کے بوتگ ءُ آئی جُھد ءُ ھیدریچی پہ زبان، لبزانک ءُ راج ءَ کُجام ارزِشت ءُ بِستار ءَ دار اَنت۔ ھمے مردم کہ تھنا پہ بدزِردی سید ءِ جُھداں کور ءَ چگل دینت من ھمے مردماں گْوشاں کہ شُما سید ءِ کُرتگیں کارانی یک در سد بکن اِت ءُ پیش بِدار اِت گُڑا من شُمے زباندوستی ءُ راجدوستی ءِ جار ءِ پِرّینوک باں۔ بلَے تھنا ٹاپ ءِ یکّش ءَ رندگ ءُ ھُشکیں بٹاک جنگ ءَ کس آیاںی سر ءَ لبزانکی تاجے ایر نہ کنت۔ اگاں کسے ءَ لبزانکی تاج سر ءَ کنگ ءِ ھُبّ ءُ واھگ ھست گُڑا آ دیم ءَ بہ کِنز اِیت ءُ جُھد بہ کنت، آیانی جُھداں آپ نہ بارت۔ اے ھما مردم اَنت کہ وت راجی کارانی تہ ءَ ھَوار بُوت نہ کن اَنت بلَے کار کنوکانی راہ ءِ دیم ءَ ڈنگر دینت۔ چُشیں مردم منی نِزّءَ راج دُژمن اَنت ءُ ایشانی آسر گاری ءُ بیگْواھی اِنت۔ نوں راستی ءِ بام ءَ داتگ ءُ ھرکس ءَ تنگہ ءُ رود ءِ  زانت ءُ سرپدی ھست۔
         آس اِیت بام راستی ءِ دْروگ ءِ شَپیں دل ءَ
         تَنگہ دو تَنگہ اِیت ءُ کُٹیں رود رود بیت
    تو انگت اے سرپد نہ ئے کہ “ے” ءِ توار بلوچی ءَ چوں گِیشّ اِیت۔ “ے” ءِ توار ھروھد چہ ایشی ساری آیوکیں آب ءِ واستیگ اِنت۔ اگاں ساری تر ءِ آب ءِ سر ءَ سُرینوک (زبر) ھست اِنت گُڑا ایشی توار چو “ءِ” ءَ اِنت۔ ھنچوش کہ:
“اَے” شھر ءِ مردماں، بیا اِت ءُ “اِے”  گنوک ءِ ھبراں گوشدار اِت کہ چوں رد اِنت۔
اے گالرد ءِ تہ ءَ “اے” ءِ توار دو وڑ ءَ اِنت۔ اول سر ءَ ایشی توار چو “ءِ” اِنت۔ اِد ءَ کہ “ا” ءِ سر ءَ سُرینوک ھست اِنت ھمے سُرینوک ایشی توار چو “ءِ” ءَ کنگ ءَ اِنت۔ بلَے دومی جاہ ءَ کہ سُرینوک(زیر) “ا” ءِ چیر ءَ اِنت گُڑا اِد ءَ ایشی توار چو سبکّ اِنت۔ چہ اِے ھبراں زانگ بیت کہ “ے” ءِ توار بلوچی ءَ گوں پیسرترءِ آیوکیں آب ءَ بندوک اِنت ءُ ایشی توار ءَ ما ابید چہ پیسری آب ءَ گِیشینت نہ کنیں۔
انچوش کہ: بَے ءُ بِے اَنت۔ اَے ءُ اِے اَنت۔  شُمَے ءُ ھمِے اَنت۔
پہ ھُدائی نام ءَ بچار اِت اگاں شَرکاری یے شُمَے دست ءَ نہ بیت گُڑا مردماں رَدیں رھدربری مہ کن اِت کہ شُمَے ردیں رھدربری پہ زبان ءُ لبزانک ءَ سکّیں زنڈیں تاوان اَنت۔ ابید راستیں پٹّ ءُ پول ءَ وتی وسّریں لیکھاں مردمانی سراں مہ مُش اِت کہ راستی ءِ ھار اے نزوریں لیکھاں پتار دَنت ءُ زِر ءِ پْراھگاں اوگار اِیت۔
               شُمَے کستر
((A clock that does not work is right twice a day))

Offline yahya. याहया

  • Baask's Asset
  • ***
  • Posts: 468
  • Karma: 42
  • याहया-बास्क
    • بلوچی دگنیا BALUCHI DUNYA
Re: "zend e padank " by Hameed Mauj
« Reply #101 on: July 04, 2010, 04:42:26 PM »
مارا اِنچو مانگشّگ نہ لوٹیت ، ما بچاریں کہ آ دیگے شاعراں ءُ زانتکاراں چون نبشتہ کتگ ءُ کنگاینت
من شمے دیما لھتے گال کاراں اِ ے گال چو “برات حمیدءِ گالءِ چارگءَ جن اَنت۔ اے شعراں چیں زانگ بیت کہ کۓ راست ءُ کۓ رد !
ھدا مُرزی گل محمد وفا “ چو گپ جنت
گپ جن ۓ یا نہ جن ۓ
پہ منءَ یکیں توۓ
واھگانی کلکشان!!
پُل شوکیں پرپُک ۓ
بس دمانے زھر کنت
اِے کجا دربُرتگ ۓ
جند ھوں بے باور اِنت
 وت برے بے حاجت ۓ
منزلے کہ دور بیت
تہ میا گوں دمبرۓ
آ وفا کندان شُت
 تو چنیں گریوسکے ۓ

منی ھیال اگاں اے شعرءَ تئ رھبندءَ بنویسے گڑا اِے چوش بیت
گپ جنءِ یا نہ جنءِ

بیشربیدار گوشیت!

باریں بُگش کہ چی کن ۓ
دنتاناں نوں پہ کۓ دُرش ۓ

اگاں تئ ھسابءَ نویسگ بہ بیت گڑا چوش بیت

باریں بگش کہ چی کنءِ
دنتاناں نوں پہ کۓ درشءِ

انچو کہ تئ گالءِ تہا اَست اِنت “کن“اِے من ھچ کسی نبشتانکءِ تہا “کنءِ”نہ دیتگ
اَنچو “شمبے کریم“ کنے فارسی ءِ طرزءَ ”کنے “نویسیت فارسی تہا البت “ے“نوکیں فارسیءِ تہا کاربندگ بند اِنت گڑا فارسیءِ تہا “کُنی“ کار بندگ بیت
شمبے کریم گُشیت
بڈءَ اِنت ترا دائم تپر
گوں براتاں “کنے“ بس درءُ دوچ

اگاں اِیشیءَ تئ طرزءَ نبشتہ بکنے گڑا اِے چوش بیت

بڈءَ اِنت ترءَ دائم تپر
گوں براتاں “کن“ءِبس درّ ءُ دوچ

سید ظھور شاہ چو گُشیت
پرچہ اِیرجیگ ۓ ھانُلءِ نامءِ
زاناں زانتءُ سما اِت برادر شُت

اگاں ما اِیشیءَ تئ تھرءَ بنویسیں گڑا اِے چوش بیت

پرچہ” اِیرجیگءِ “ھانلءِ نامءِ
زاناں زانتءُ سما اِت برادر شُت


اسحاق خاموش چو گُشیت  

تو چون گش ۓ وھد نہ کنت مردمءَ بدل
من اِے نہ گوشتہ شاعرے تئ غم بہ کنت منءَ

تئ رھبندءَ چو بیت

تو چون” گُشءِ“ وھد نہ کنت مردمءَ بدل


عنایت اللہ قومی چو گپءَ تچک کنت

تو اگاں مُٹکءَ مُجین ۓ تئ گلیں گوناپ روت
مۓ دلءِ ٹپاں کُدین ۓ تئ گلیں گوناپ روت

ایشیءَ اگاں تئ گوناپءَ بنویسے گڑا اے چوش بیت

تو اگاں مٹکءَ “مجینءِ“ تئ گلیں گوناپ روت
مۓ دلءِ ٹپاں “کُدینءِ“تئ گلیں گو ناپ روت

مۓ کُنرک“ءِ شاعر واجہ “ملاچمل“چو گُشیت
تو اگاں روچے منی مھرءَ دپءُ نام کن ۓ
وتی جرندءَ ماں جھانءَ بزاں بنّام کن ۓ


اِے تئ رھبندءَ چو بیت

تو  اگاں روچے منی مھرءَ دپءُ نام “کنءِ“
وتی جرندءَ ماں جھانءَ بزاں بنّام “کن ءِ

گڑا نی چی گُش ۓ یا گشے ؟ سرجنیں شاعرانی ءُ زانتکارانی گالءُ گپاں بچار تقریبا یکیں وڑا ینت

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an

Offline yahya. याहया

  • Baask's Asset
  • ***
  • Posts: 468
  • Karma: 42
  • याहया-बास्क
    • بلوچی دگنیا BALUCHI DUNYA
Re: "zend e padank " by Hameed Mauj
« Reply #102 on: July 06, 2010, 07:02:17 PM »
سلام ءُ دروت مڑاداریں برات واجہ یحی
تئ چم شانک دئیگ ءِ لک منت  آیءَ پد من اِے گُشاں کہ اگاں تو شرّ بہ چارءِ منی  شئرءَ شرّیءَ بوانءِ تو اِے گپءَ نہ جنءِ تو پیسر شرّ بوان  کہ من چے گوشگاں(ۓ  ءَ کہ تو گوشگءِ مفرد اِنت بلہ منی لبز جمع منی ھیالءَ ترا جمع ءُ مفرد ءِ پرک گندگءَ نیتک اَگ۔ چوش اگاں جن ے یا جنے بہ لک اِت ایشیءَ معنا بدل بیت بیت جنے 1 جن ۓ بیت نزانءِ ھم انچوش تو ھم جست بہ کن بلکیں من رداں بلہ داں تو کہ لھتے  جاگہ ءَ بلے نہ اِنت لبز بلہ  اِنت تو” بلۓ کار مرز کنگءِ  جمع کسانیں ءِ  یا ءَ  یا ءُ  بنت بلی مفرد ے    اِوڑءَ بند  انوں تو بہ چار لبز وڑءِ =اِے وڑے نہ انت مفرد اِنت بلہ اگاں بگشءِ کجام وڑءِ مردم بزاں جمع بیت۔امیت اِنت ترا تئ جواب سر بیتگ بلکیں من رد بیت کناں بلہ  گمان نہ کناں ۔
وتی راج ءِ ھیر لوٹوک     



سلام ءُ دروت مڑاداریں برات واجہ حمید جان

بلہ
اِے لبز “بلہ“ نہ انت پہ بلوچیءَ لبز “بلے“اِنت۔ بلوچیءِ تہا اِے “بلہ“ بلہءَ گُشگ بیت فارسی وتی بُندری جاگاہ چیں دور شتگ نی فارسیءِ تہا “ے“ دراتکگ بلے ۲۰۰ صد سالءِ فارسیءَ بچار آ بلوچیءِ رنگانت ءُ بلوچیءِ گپ بلوچی ماشااللہ وتی بندری جاہ اُوشتاتگ
اِے مۓ گپاں بچار ترا معلوم بیت کہ بلوچیءِ تہا “بلہ“ بلاءِ گالوارءَدر کنت

بیتہ “شتہ “ کرتہ“ نشتہ “ اِے بلوچی تہا بُرزا کّشگ بنت ھمے ھسابءَ  تئ  “ بلہ“ ھم برزا کشّگ بیت
وشتریں ایش اِنت کہ بلوچیءِ تہا لبز “بلے“ وتی بُندری رنگءَ است انت
[/color][/size]

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
"Zamaanag Lagatmaal kant" Abdul Hameed Mauj e perband
« Reply #103 on: October 20, 2010, 04:10:11 PM »
"Zamaanag Lagatmaal kant" Abdul Hameed Mauj e perband
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Thangi Baloch تنگی بلوچ

  • Global Moderator
  • ******
  • Posts: 1234
  • Karma: 196
Re: "Zamaanag Lagatmaal kant" Abdul Hameed Mauj e perband
« Reply #104 on: October 22, 2010, 01:23:36 AM »

سلامءُ درواھبات واجھیں برات حمید موج
وشیانی جمبر ھمُک وھد تئی سرءَ ساچان بات اَنت،تئی پِربندءُ نبشتانک ستا کرزاَنت۔
اِے باز وشیں گپے کہ ماتیں زُبانءُ لبزانکءِ دیمءَ برَگءَ مُدام جُھد کَنِت ، اگاں چہ منی گپاں بد نہ براِت اِے دستونکءِ تہءَ لھتیں گالانی لبز چوش تَرّینگ بہ بنت منی ھَیالءَ گھتربیت اِنت
چوش کہ :
   پرشتگیں ھیالاں سر ریچ اِنت ھیال
پُرشتگیں ھَیالاں سرّ ریچ اِنت ترانگ

شیرکنیں مھرانی درچک سوتکگ گمءَ
ساھِگیں مھرانی درچک سوتکگ گمءَ

نیاراِیت پدءَ بود گُلاباں گوزاِیت
نیارایت  پد ءَ بود  پُلّاں  گوزایت
Our moderator Aslam Hoath (Thangi Baloch) is no more ... اناللہ وانا الیہ راجعون
Do remember him in your prayers.