Author Topic: Beyrak by Henjeer  (Read 6880 times)

0 Members and 1 Guest are viewing this topic.

Offline Henjeer

  • Balochi Zaantkaar
  • ***
  • Posts: 74
  • Karma: 53
  • There is No Life Without Baluchistan!....
    • ™®ღ Hénjéér ღ®™'s YouTube Channel!
Beyrak by Henjeer
« on: March 01, 2010, 01:59:25 AM »

Beyrak!

Aazmaana grandetag o gwartagy,
Sabz Sabzz ent!!
Sohren tachouken hounaani haar rawaan ent,
Espyten estaary,
Aazmaane Shoonz o Sohr o Sabzen Keshaare daamona lonjaan ent
By hars o by AAH!!!... By jaak!!...
Grandetag o kandetagy, O gwaate zhippagaani taha
Beyraka rappagy maan!....

Henjeer Baluch
Kadi Aazmaana Pa Wat Distag Choshyn Eyraht Pa Eyraht?!
کدى آزمـان ءَ پَه وَت ديستـَگ ، چُشين ايـرَهت پـَه ايـرَهت!؟؟

Offline Mazaar

  • Baloch Doust
  • ***
  • Posts: 141
  • Karma: 48
  • Rouche Braanzan Man Dazgerag Loutaan
Re: Beyrak by Henjeer
« Reply #1 on: March 01, 2010, 12:42:33 PM »
مڑاھداریں  واجہ  ھِنجیر
    دْروت ءُ دْرھباتے  اَرز  اِنت پہ  شُما
    شُمئے  ساچِشت  من  وَنت  ءُ  من ءَ سکّ  باز  دوست  بُوت۔ شالا  کہ  بلوچانی  بَیرک بلوچ  ڈیھ ءِ  دلبند  ءُ  نِیلّیں آزمان  ءِ  پْراھگاں  گوں  کَوش ءِ  شِیکّگاں  مُدام  چَنڈاں بہ بات۔
    پَرنگ  گْوش اَنت  کہ  "نماسگ  سَتر  بلَد بہ بیت بلئے  بلُّک ءَ  سوج  نہ  دنت  کہ  ھَیک ءَ  چوش  پَچ اَنت۔" بلئے من ء  نابِزانتیں  نماسگ  مرچی  اے  زَنڈیں  دَپار ءَ  وَراں، بلئے من  ءَ  تُرس اِیت  کہ  اے  ٹُوھیں  دپار  منی  گُٹّ ءَ  مہ  اَڑ اِیت۔
تئی  نبشتہ  رھبند ءِ  تھا  "ھَرس" ءِ  گال  من  ءَ  سکّ  باز اَڑینگ ءَ  اِنت۔ اُمیت  اِنت  کہ  تو  من ءَ  چہ  اے  اڑ ءَ  گِیشّین ئے  ءُ  من  ءَ  وتی  وامدار  کن ئے۔
منی  اَڑ  سکّیں  مزنیں  جیڑھے نہ اِنت۔ اگاں  بلوچ راج  ھما  مزنیں  اڑاں  بہ گِیشّین اَنت  گُڑا  اے  کسانیں  "گالی اَڑ" وت  گِیشّ اَنت۔
منی  نِزّ ءَ  اگاں  ما  اے گال ءَ  بزاں کہ  "ھَرس" ءَ "اَرس" نبشتہ  بہ کن ایں گُڑا پہ وانگ وَش تِر  بیت ءُ  گوں  تازی ءِ گال  "حِرص" ءَ  کہ  بلوچی ءَ  ما "ھِرس" نبشتہ یے  کن ایں گوں  ایشی ءَ  اڑ ایت ءُ  وانوک ءَ  بَمبِرّین اِیت۔ ھنچُش کہ  ما ءُ  شُما  شَرّی ءَ  سرپد ایں کہ  مئے  گیشتِر  لبزانت ءُ  نبیسوک سُرینوکانی  جَنگ ءِ  ھیال ءَ  گْور نہ کن اَنت ءَ  ھمے  ڈولیں  نَدکارانی  بے سُرینوکیں  نبشتہ رھبند منی  ڈولیں  نا بزانتانی واست ءَ پہ وانگ ءَ  جنجال جوڑ کن اَنت۔ اے ھبر ءَ من سدّک آں کہ بلوچی  زُبان ءِ تہ ءَ چہ  "اَرس" ءَ  ابید دگہ  چوشیں لبز نیست کہ  آ  ارس ءِ  ھمتوار بہ بیت ءُ یا کہ  چو ارس ءَ نبشتہ کنگ بہ بیت۔ پمیشکہ "ارس" ءِ گال منی ڈولیں نابلَدان ءَ نہ اَڑین ایت ءُ گوں گندگ ءَ مردم ھمے سرپد بنت کہ  اے "ارس" ءِ گال پہ ھمے آپ ءَ کاربندگ بیگ ءَ اِنت کہ چہ چمّاں  رِچ اِیت۔
   اگاں اے گال ءَ ما "ھرس" نبشتہ بہ کن ایں گُڑا وانوک ءَ اڑین ایت ءُ آرا  دو دِلَگ کنت کہ اے گال باریں پہ "ارس" ءَ یا کہ پہ "ھِرس" ءَ کاربندگ بُوتگ۔
   اُمیت کن آں کہ  تو  منی  اے  ھبراں گوں اے بتل  "ھُشتِر سَتر گُژنگ بہ بیت بلئے وتی مَھار ءَ نہ ڈلِیت"  ءَ ھمگرنچ نہ کن ئے۔
                                                                                                       شُمئے کستِر، مزار بلوچ
((A clock that does not work is right twice a day))

Offline Henjeer

  • Balochi Zaantkaar
  • ***
  • Posts: 74
  • Karma: 53
  • There is No Life Without Baluchistan!....
    • ™®ღ Hénjéér ღ®™'s YouTube Channel!
Re: Beyrak by Henjeer
« Reply #2 on: March 03, 2010, 01:38:29 AM »
مڑاھداریں  واجہ  ھِنجیر
    دْروت ءُ دْرھباتے  اَرز  اِنت پہ  شُما
    شُمئے  ساچِشت  من  وَنت  ءُ  من ءَ سکّ  باز  دوست  بُوت۔ شالا  کہ  بلوچانی  بَیرک بلوچ  ڈیھ ءِ  دلبند  ءُ  نِیلّیں آزمان  ءِ  پْراھگاں  گوں  کَوش ءِ  شِیکّگاں  مُدام  چَنڈاں بہ بات۔
    پَرنگ  گْوش اَنت  کہ  "نماسگ  سَتر  بلَد بہ بیت بلئے  بلُّک ءَ  سوج  نہ  دنت  کہ  ھَیک ءَ  چوش  پَچ اَنت۔" بلئے من ء  نابِزانتیں  نماسگ  مرچی  اے  زَنڈیں  دَپار ءَ  وَراں، بلئے من  ءَ  تُرس اِیت  کہ  اے  ٹُوھیں  دپار  منی  گُٹّ ءَ  مہ  اَڑ اِیت۔
تئی  نبشتہ  رھبند ءِ  تھا  "ھَرس" ءِ  گال  من  ءَ  سکّ  باز اَڑینگ ءَ  اِنت۔ اُمیت  اِنت  کہ  تو  من ءَ  چہ  اے  اڑ ءَ  گِیشّین ئے  ءُ  من  ءَ  وتی  وامدار  کن ئے۔
منی  اَڑ  سکّیں  مزنیں  جیڑھے نہ اِنت۔ اگاں  بلوچ راج  ھما  مزنیں  اڑاں  بہ گِیشّین اَنت  گُڑا  اے  کسانیں  "گالی اَڑ" وت  گِیشّ اَنت۔
منی  نِزّ ءَ  اگاں  ما  اے گال ءَ  بزاں کہ  "ھَرس" ءَ "اَرس" نبشتہ  بہ کن ایں گُڑا پہ وانگ وَش تِر  بیت ءُ  گوں  تازی ءِ گال  "حِرص" ءَ  کہ  بلوچی ءَ  ما "ھِرس" نبشتہ یے  کن ایں گوں  ایشی ءَ  اڑ ایت ءُ  وانوک ءَ  بَمبِرّین اِیت۔ ھنچُش کہ  ما ءُ  شُما  شَرّی ءَ  سرپد ایں کہ  مئے  گیشتِر  لبزانت ءُ  نبیسوک سُرینوکانی  جَنگ ءِ  ھیال ءَ  گْور نہ کن اَنت ءَ  ھمے  ڈولیں  نَدکارانی  بے سُرینوکیں  نبشتہ رھبند منی  ڈولیں  نا بزانتانی واست ءَ پہ وانگ ءَ  جنجال جوڑ کن اَنت۔ اے ھبر ءَ من سدّک آں کہ بلوچی  زُبان ءِ تہ ءَ چہ  "اَرس" ءَ  ابید دگہ  چوشیں لبز نیست کہ  آ  ارس ءِ  ھمتوار بہ بیت ءُ یا کہ  چو ارس ءَ نبشتہ کنگ بہ بیت۔ پمیشکہ "ارس" ءِ گال منی ڈولیں نابلَدان ءَ نہ اَڑین ایت ءُ گوں گندگ ءَ مردم ھمے سرپد بنت کہ  اے "ارس" ءِ گال پہ ھمے آپ ءَ کاربندگ بیگ ءَ اِنت کہ چہ چمّاں  رِچ اِیت۔
   اگاں اے گال ءَ ما "ھرس" نبشتہ بہ کن ایں گُڑا وانوک ءَ اڑین ایت ءُ آرا  دو دِلَگ کنت کہ اے گال باریں پہ "ارس" ءَ یا کہ پہ "ھِرس" ءَ کاربندگ بُوتگ۔
   اُمیت کن آں کہ  تو  منی  اے  ھبراں گوں اے بتل  "ھُشتِر سَتر گُژنگ بہ بیت بلئے وتی مَھار ءَ نہ ڈلِیت"  ءَ ھمگرنچ نہ کن ئے۔
                                                                                                       شُمئے کستِر، مزار بلوچ

Mani Madaadaar o Aaripen Ostaad waaja Mazaar
Drout o Drwahbaaty shank ent pa shomaa...


        Shome douzdaarage lakk mennat. O man baaz wash oun ke Inchu wahda o rand yakkiya mani nobeshtaankiye taha radiye gept, :> chiya ke taan radi gerag mabant goda allam Mardom gaar o bysaren kourkeshaan sarjanaan o cha raastiya door o gesar kapit. Goun radiyaani paddar kanaga agan aa padel radi bebant goda mani zaante tahaa gyshi keyt o agan Waanouk rad ent goda cha jost kanaga raastiya sarpad bit.

        "Hars" yaan "Ars" hamy yakken chizz ent, bale Baluchistane gyshteren mardom aara "ARS" gwashant... Gap pada keyt o gaalwaarani sara dokkit, Hanchosh ke "Har o Hoshter o Hansag, Hapouk, Houst, Habar, Hamraah" e Gaalani bendaat cha "HY" aa ent bale yak bahry cha baluchdyhe mardomaani Gaalwaarani taha ey gaalani "HY" aa door kanant o chu gwashantesh: "Ar, Oshter, Ansag, Apouk, Oust, Abar, Amraah", Pada lahty degy darwary shome dyma pysh kanaan lahty hanchen gaal hast ke aayan hech "HY" e zaroorat nahent "Aadynk, Aap, Aart, Aasting" bale chushesh gwashant: "Haadynk, Haart, Haap, Haasting" ke aayani raasten rahband ey dolaa nahent O ey gaalani tagal warag daraamaden zobaanani sogaat ent ke pa zour me taha kaptag...  ey haadynk o ars noon me gaalwaarani yak bahry bootag ant o gaalwaarani sara  ma eyraad gept nakanen o harkas harch wad ke gwashtesh kant aayi marzi ent bale nobeshtaanki rahbanda Handi o damagi gaalwaaran jaagah nyst o maa baayad Baluchiye MAJG o PAALATAGEN gaalaan dyma biyaaren ke Baluchi Baluche saah ent o jaan. :)

         Eda eshi sawaba ham shomaara gwashaan ke parcha ke man "HARS" lekketag, "Sohren Tachouken Hounaani Haar Rawaan ent" eda ey banda bechaaret. "By Hars o by AAH"... Baluchi raasten nobeshtaanki rahbande touka maa nagwashen "ARS", chiya ke agan man eda "ARS" bekorten goda aa Borzaadi band oun ham baayad chu belekketen " Sooren tachouken Ounaani Aar Rawaan ent" bigsmile... Eda habar hamaa Aabani sara keyt ke lahty hanchen aab hast ke aayan maa kaarmarz nakanen... Ars wa rad nahent bale nobeshtaanki rahbanda kaarbandag nabit. goun gaalwaari gaalani aaraga nobeshtaanki rahbande tahaa goda Ey dolaa hama batale darwara shome dyma pysh kanaan ke: Gousht pouste touka koutag bit. O man eda wati nobeshtaanke touka drwahen jaagahan zyr o zabar o pyshy ke bootag aa daatag ant O agan kasy ke goun zyr o zabar o pyshaani boowaga ham pada (HARS) aa goun (HERS) aa yakk bekant goda begende ke nobeshtaanki hech nawantag, Agan man Hars e badala Ars belekketen goda wati naam oun ham baayad ent Henjeer e badala Enjeer bekorten loool..



Yakrandy pada shome mennat o modaam shome washen souj o darbar o delbaddiyaani rahchaar oun. Washdel o washwahd baatet!

Shome kaster o washiye Loutouk E| (F)
Henjeer
Kadi Aazmaana Pa Wat Distag Choshyn Eyraht Pa Eyraht?!
کدى آزمـان ءَ پَه وَت ديستـَگ ، چُشين ايـرَهت پـَه ايـرَهت!؟؟

Offline MIR JIHAND BALOCH

  • Seniour Baask
  • ****
  • Posts: 758
  • Karma: 8
Re: Beyrak by Henjeer
« Reply #3 on: March 03, 2010, 07:41:29 PM »
baaz wash

Offline Mazaar

  • Baloch Doust
  • ***
  • Posts: 141
  • Karma: 48
  • Rouche Braanzan Man Dazgerag Loutaan
Re: Beyrak by Henjeer
« Reply #4 on: March 05, 2010, 12:16:24 AM »
منی چمروکیں واجہ ھنجیر جان
   دْروت ءُ دْرھباتانی شاگیں گوْانزگ ءَ شِیکّ ورات ئے
   تو پیسرا رَد نہ بُوتگ ئے ءُ نہ کہ من تئی ساچشتءِ تہ ءَ ردی یے کَشّ اِت۔ بلئے نوں الّم پہ سدّکی گوْشاں کہ شمئے پسّو ءِ تہ ءَ ردی ھست۔
   اوّلی ردی وَ ھمیش اِنت کہ تو گوْش ئے کہ "من باز وشّاں کہ اِینچو وھد ءَ رَند یکّے ءَ منی نبشتانک ءِ تہ ءَ ردی یے گِپت۔"
    تئی اے ردیں ھبر ءِ تچک کنگ ءِ واستءَ من ترا گوْشگ لوٹاں کہ منی نبشتگیں تو شَرّی ءِ سرا نہ ونتگ پمشکا تو چوش گوْش ئے کہ من چہ تئی نبشتانک ءِ تہ ءَ ردی گپتگ۔ منی نبشتگیں پسّو ءِ تہ ءَ ترا "ردی" ءِ لبز پہ ارواہءِ دارُوءَ گندگءَ نئیت۔ من چوش نہ گوْشت کہ اے "رد" اِنت بلکیں گوْشتوں کہ اے گال من ءَ اڑینگ ءَ اِنت۔
   ھمے ٹُوھیں دپار ءِ گُٹّ ءَ  اَڑگ ءِ تُرس گوں تئی اے گپّءَ کہ "من چہ تئی نبشتانک ءِ تہ ءَ ردی کَشّ اِت" راستے بُوت۔
   بلئے ھَیر، اے جیڑگی ھبر نہ اَنت چی ءَ کہ برے برے نبشتہ کنوک گوں وتی جِند ءَ ھنچوش مانگیش اِیت ءُ اڑ اِیت کہ وانوک آئی ھبراں وتی واھگانی زبان جوڑ کنت ءُ درشان اِیت۔
    منی واھگ ایش نہ اَت کہ من تئی نبشتہ رھبند ءِ سرا ایراد بہ گِر آں ءُ وت ءَ بلد بہ لیک آں۔ منی مول ءُ مُراد ایش اَت کہ بلوچی نبشتہ رھبند کہ [منی دپ گوں کوھے ءَ سکّ بہ بات] گاری ءِ سیمسراں سَر اِنت ھمیشی ءِ گیگ ءُ گوْر کنگ ءُ چِنگ ءُ نزّارگ ءِ واست ءَ تْرانے بنگیج بہ بیت۔
    تئی ھبر سد در سد راست ءُ تچک اِنت کہ بلوچستانءِ پَٹّ ءِ پْراہ ءُ شاھگانی ءَادءِ نندوکیں مردمانی گالوارانی تہ ءَ جتائی آرتگ ءُ بازیں ھنچوشیں گال ھست اَنت کہ گالوارءِ جتائی ءِ سَوَبءَ جتائیں وڑ ءُ ڈول ءَ نبشتہ کنگ بنت۔
  "ا" ءُ "ھ" ءِ آب ھم چہ ھمے آبان اَنت کہ ایشانی توار ءِ سیادی ءُ نزّیکی ایشان ءَ بازیں جاھاں اڑین اِیت۔
   بلئے اے اَڑ اِدا نہ گِیش اِیت کہ ما اے دلیل ءَ بہ دئیں ءُ بہ گوْش ایں کہ جتا جتائیں گالوارانی سَوَب ءَ گال ھم جتائیں وڑ ءُ رھبنداں نبشتہ کنگ بہ بنت۔ اگاں ما بلوچستان ءِ جتائیں گالواراں بہ چاریں ءُ گالانی نبشتہ رھبند ءَ گالوارانی گوْشگ ءِ وڑ ءُ پیم ءَ نبشتہ بہ کن ایں گُڑا من ترا اے گوْش آں کہ ما ءُ شُما ھما دوازدھیں آب [ث، ح، خ، ذ، ص، ض، ط، ظ، ع، غ، ف، ق] کہ چہ وتی نبشتہ رھبند ءَ دَر کُتگ ءُ چگل داتگ ایشاں ھم کار بہ بند ایں چی ءَ کہ بلوچستانءِ رودراتکی ھنداں اے آبانی [غ، ص، ف، ث، خ] گالوار شَرّیں وڑے ءَ گندگ ءُ اِشکنگ بنت۔
   اِدا اے جیڑہ چِست بیت کہ اگاں ما گالوارانی توار ءَ بہ چاریں ءُ نبشتہ بہ کن ایں گُڑا بلوچستانءِ رودراتکی ھندانی گالواراں ڈلگ چار کنگ گوں آ ھند ءِ مردم ءُ مھلوک ءَ ناھکّی یے لیکگ بیت چی ءَ کہ آ ھم ھمے ڈیھ ءِ بھر اَنت۔
    اگاں ھبر چوش بہ بیت کہ گالوارانی توار ءِ ھساب ءَ ھر یک ھندے ءِ مردماں اے موکل ءُ اجازت دیگ بہ بیت کہ آ وتی گالواراں وتی جوڑینتگین ءُ وسّاچیں وڑ ءُ رھبنداں نبشتہ بہ کن اَنت گُڑا من اے ھبر ءَ پہ سدّکی گوْشاں کہ زبان ھچبر وتءَ تچکیں رھبندے ءَ نیار ایت ءُ سَر نہ کنت چی ءَ کہ ھر کسی گوْرا اے دلیل پشکپ ایت کہ من وتی گالوارءِ رِد ءَ اے رھبند زُرتگ ءُ نبشتہ کنگءَ آں۔ اگاں ھبر چوش بہ بیت گُڑا مئے گوْرا ھجبر اے دلیل نہ بیت کہ دومی ءِ نبشتہ رھبندءَ رَد بہ گوْش ایں۔
     نوں من اِدا تئی اے ھبر ءِ سرا چمشانکے دیاں کہ تو گوْش ئے "ارس" ءُ "ھرس" یکّیں گال اَنت ءُ پرک تھنا گالوارانی اِنت۔
     اگاں "ا" ءُ "ھ" ھنچوشیں اڑتگیں آب انت کہ بلوچی زبان ءِ تہ ءَ ایشانی گالوار ءِ پجّارگ گْران انت گُڑا منی نِزّءَ گھتر وَ ھمیش بیت کہ چہ اے دوئیں آباں یکّے ما چہ وتی زبان ءَ بہ کَشّ ایں دانکہ راج چہ اے مانگیشتگیں اڑاں بہ رکّیت ءُ زبان وتی راہءَ تچک ءُ پلگار بہ کنت۔
    منی گوْشگ ءِ مول ایش انت کہ "ارس" یک ھنچوشیں گالے کہ ایشی امروزءِ بازیں گرم ءُ سرد سگّگ ءَ رند وتی ھکّیں جاہ گپتگ ءُ ایشی پجّار [تو وت گوْش ئے] کہ  بلوچستان ءِ گیشتریں مردمانی کِرّا گوں "ارس" ءَ بیت۔
وھدے کہ یک گالے ءَ وتی نبشتہ رھبند تچک کتگ ءُ وتی ھکّیں جاہ گپتگ ءُ گیشتر مردم آئی ءِ منّوگر اَنت گُڑا چوشیں گالانی آرگ ءُ پدا  گوں آئی ھمرنگیں گالاں اڑینگ مستریں جیڑھے چِست کنت ءُ اے جیڑیانی گیش بیگ پہ زُبان ءِ گیشتر وَنڈ ءُ بھر کنگ ءَ نیمون جوڑ بنت۔
من ءَ کساس پانزدہ سال بیت کہ بلوچی کمّے باز واناں بلئے تاں روچ ء مروچی منی دیم ءَ "ھَرس" ءِ گال نہ گوْستگ کہ پہ ھمے آپ ءَ کاربندگ بہ بیت کہ چہ چمّاں در کیت ءُ رِچیت۔ البت اے گال پہ تازی گال "حِرص" ءَ کاربندگ بُوتگ۔ وھدے کہ اے دوئیں گالاں وتی وتی جاہ گپتگ اَنت گُڑا پدا اے گالانی وت ماں وت ءَ اڑینگ پہ زبان ءَ چہ نپ ءَ گیش تاوانے بوت کنت۔
    تئی ھبر راست انت کہ لچّہ ءُ شَیرانی تہ ءَ برے برے گالوارانی ھمدپ کنگ ءِ ھاترا مارا گالانی تہ ءَ بدلی آرگ پکار بیت بلئے "ارس ءُ ھار" تئی لچّہ ءِ تہ ءَ ھچ وڑیں پْرشت ءُ پْروشے نیاریت کہ چریشی ءَ تئی لچّہ چہ سَنگ ءَ ڈنّ بہ رَوت ءُ سُبکّ بہ بیت۔
    اُمیت اِنت کہ منی ھبراں شرّیں وڑے ءَ زُور ئے۔
[منی ایرادءِ مستریں مول ایش اِنت کہ مئے باسک چہ بلوچی تچک ءُ پلگاریں نبشتہ رھبند ءَ سرپد بہ بنت ءُ اے نیمگ ءَ ھم وتی جُھداں بُنگیج بہ کن انت دانکہ بلوچی رھبند وتی ھکّیں جاہ ءَ بہ گِر ایت ءُ سید ھاشمیءِ نیم بُندگیں واب سرجم بہ بیت۔]
 بلوچ ءُ بلوچی لبزانک سبز ءُ مَکُّران بات اَنت۔ شالا ھنچوش بات۔
((A clock that does not work is right twice a day))

Offline Henjeer

  • Balochi Zaantkaar
  • ***
  • Posts: 74
  • Karma: 53
  • There is No Life Without Baluchistan!....
    • ™®ღ Hénjéér ღ®™'s YouTube Channel!
Re: Beyrak by Henjeer
« Reply #5 on: March 16, 2010, 10:21:48 PM »
Mani Aarip o Waajahen Ostaad Mazaar!
Drout o Shaala ke wash o drwaahet. (F)


         Nazaanan mani passowe tahaa radiye hast yaan shome adetagen gaale tahaa , bale man hamy samjet wahdy ke Ady tahit goda allam aa ad tahynouk wati tahyntagen ade sara radiye gendit pameshka ad tahit, Heyr ey choshen mazanen gapy nahy lol :hehe:  "Hers" aa baret o yak kondiya chagal diyet chiya ke Inwahdi gap "HARS" e saraa ent, Ey adetagen "HARS" mani wassaachetagen gaaly nahy ke kasy aaiy waasta pryshaan bebit. "HARS" Baluchiye palgaar o paalaatagen gaaly ke goun kash o kerre hamsaahegen gaalaan hech dolaa syaadi nakant, Bale "ARS" hamy "HARS" e tokkor tokkor kortagen gaal ent ke Hamsaahegen o zouraaken zobaanani saachariya chou badgaaten wad o droushomiya dar aatkag, Eywaka Hars nahent ke wati palgaaren droushomi cha dast daatag, Baluchiye hanchen majgen Gaal hast ke aa Hanchu gaajyl kanaaeynag bootag ant, Ey padardi gappy ke me nadkaar ey dolen radiyaani maarage waasta tayaar nahant... Harch zobaaniya wati jende taby hast, Me Baluchi zobaane taby sakken naazorken ke aaiye gaal hanchu johl o palgaar ant ke to aayani darwara hech dolen daraamaden zobaaniya dit nakane, Agan Baluchi shaahen zobaan hamy daaba goun nezhwaar o saachar saachen gaalaan dymaa rawaan bebit, Dyry nagwazit ke bygwaahiye aamaach bit o chou Urdu o Parsi zobaanani dola nezhwaar o haraab bit... Baluch Raaje Nadkaar ey mazanen taawaana hechch peyma maaraga nabootag o angat maaraga nahant. O Agan mani raasten "HARS" Baluchi zobaane waasta taawaany goda man ey tachken raastiye Taawaana wati dobbaaha zooraan o manaa sar o chammaan ent. Agan Sayade (naame pa adab geraan) gishintagen Syaahaga Baluchi zobaane waasta taawaaany bootag goda mani HARS masteren taawaany aaort nakant. O shomaara ey gapa pa deljami gwashaan ke man taan wati gaalaani raastiya sarpad o zaantkaar mabaan aayaan beh dymaa niyaaraan Balken nobeshtaanke jenda wazm mabit o gaal pasht o pysh kanag bebant. bale Hakken raasti degy chizzy ke cha shome chammaan chyr o andar ent. Ars e dolen gaal ke (Shome gwashtena gishinag o cha aas o aapan rahynag bootag) o Me nadkaar o nobeshtakaar aayie raastiye sara sedk ant Raajdaptari polynag ant ke Baandaate waasta syaahage jaana naksh bant... Bale pa maaraga o zaanaga hejbar dyr nahent. Mardom hamaa rouche kadra bezaant ke tahaaenty o Zigen rouch pada aarag nabit o baandaata ham marchi rawag nabit taan baandaat wat mayet, Sabr o sagg o Zaant pa baandaatiye Ommyta mardome haatia tour ant, Ey Raasten "HARS" e sara agan man rad oun, raasten radiye zemmaya zooran bale wati gaalaan aasari poleng nakanaan nakshen ke Trahjaaha kont oun pach belarzit. Pada shome mennat o mehrabaani ke wati kimatien wahdo pa mani ey chout o raden nobeshtaanke sara nadr kortag. Baluchi Tachken siyaahag e baabata o Hars e dolen gaalaani baabata Agan zenda nymraaha nadrouhet oun pa hamy zootaan shome o baaske baaskani waasta chizzy nadr kanaan...

Shome washen souj o darbaraani modaam rahchaar E|
Henjeer
Kadi Aazmaana Pa Wat Distag Choshyn Eyraht Pa Eyraht?!
کدى آزمـان ءَ پَه وَت ديستـَگ ، چُشين ايـرَهت پـَه ايـرَهت!؟؟

Offline Henjeer

  • Balochi Zaantkaar
  • ***
  • Posts: 74
  • Karma: 53
  • There is No Life Without Baluchistan!....
    • ™®ღ Hénjéér ღ®™'s YouTube Channel!
Re: Beyrak by Henjeer
« Reply #6 on: March 16, 2010, 10:28:07 PM »
baaz wash

Braat TANHA BALOCH shome sataa o delbaddiye Mennatwaar! :) (F)

 goun_neiken_wahagan
 Henjeer
Kadi Aazmaana Pa Wat Distag Choshyn Eyraht Pa Eyraht?!
کدى آزمـان ءَ پَه وَت ديستـَگ ، چُشين ايـرَهت پـَه ايـرَهت!؟؟

Offline Mazaar

  • Baloch Doust
  • ***
  • Posts: 141
  • Karma: 48
  • Rouche Braanzan Man Dazgerag Loutaan
Re: Beyrak by Henjeer
« Reply #7 on: March 22, 2010, 06:27:55 PM »
برات ھنجیر
     چہ تئی ھبراں من اے سرپد باں کہ تو اے مارئے کہ من اے اَڑ پہ زور ٹھینتگ ءُ منی مُول تھنا تئی نبشتہ رھبندءِ نہ منَّگ اِنت ءُ بسّ۔
      اگاں تو ھمے سرپد بئے کہ من اے اَڑ تھنا پہ تئی نبشتہ رھبند ءِ ایرجنَگ ءُ ترا نزانتکار لیکگ ءِ ھاترا ٹاھینتگ گُڑا تو یکرندے پدا سکّ رد کپتگ ئے ءُ اے ردی ءِ میار ءَ منی کوپگانی سرا مہ لڈّ۔
      اگاں تو دِلجم ئے کہ من تھنا ترا ایرجَنگ ءِ ھاترا تئی نبشتہ رھبند ءِ تہ ءَ اَڑے ٹاھینتگ گُڑا من چہ تو پَھِلّی لوٹاں کہ منی مُول تو وتی واھگانی زُبان جوڑ کُرت ءُ درشانت۔{من چوناھیگا اے سرپد بُوتگاں کہ دُنیا ءِ تہ ءَ ھچ چِیز سرجم ءُ برجم نہ اِنت ءُ ھرچیزّے کہ ھست آئی واست ءَ گیگ ءُ گوْر بَیَگ ءِ راہ ءُ در ھست بلَے مرچی من سرپد بُوتاں کہ لھتیں ھنچیں چیز ھم ھست اَنت کہ آ سرجم اَنت ءُ آیانی تہ ءَ بدلی ءُ سدَلی ءِ نام ءِ گِرَگ زنڈیں گُناھانی تہ ءَ شُمار بیت۔}
       تو منی ھبرانی مُول ءَ من گوْشاں کہ ھچ سرپد نہ بُوت ئے پمیشکا من ءَ اے شَور ءَ دَیگائے کہ من "ھِرس" ءَ یک کُنڈے ءَ چگل بہ دیاں ءُ گوں "ارس" کولء تئی ءَ "ھَرس" ءَ گوں جِیگ ماں جِیگ بہ باں۔
       اگاں من "ھِرس" ءَ یک کُنڈے ءَ چگل بہ دیاں گُڑا دگہ ھچ وڑیں ھبرے نہ مانِیت کہ من ءُ تو اے بے سریں جنگ ءَ دْراج بہ کشّ ایں۔ اے اڑ کہ من پاد کُتگ اَت گُڑا ایشی مُول ھم  ھمیش اَت کہ اے ڈولیں یک گالے چوناھیگا پیسرا چہ بلوچی زُبان ءِ تہ ءَ ھست اِنت ءُ پدا دگہ ھمے ڈولیں گالے ءِ آرگ ءُ اے رھبند ءَ نبشتہ کنگ زبانءَ پہ وانوکءَ گْران کنت ءُ زبان ءِ گْرانی ءُ مانگیشّینگ وانوک ءَ چہ زُبان ءَ دُور تاچین اِیت ءُ وانوکانی دُور تَچگ پہ زُبان ءَ سکّ تاوان اِنت۔ {یکبرے پدا ترا گوْشاں کہ منی ھبراں وتی واھگانی رنگاں گوں مہ رَج}
      تو ھبرءَ اِدا سِندگ ءُ ھلاس کنگ لوٹ ئے پمیشکا من ءَ اے شور ءَ دَیگائے کہ "ھِرس" ءَ اَنّی کار مہ داراں۔
      ھو، تئی ھبر راست بیت اگاں ما "ھِرس" ءَ یک کُنڈے ءَ چگل بہ کن ایں ءُ تھنا "ھَرس" ءِ بابت ءَ گپ بہ کن ایں گُڑا جیڑہ ھلاس بیت۔ وھدے کہ اڑءِ پاد کنوک "ھِرس" ءِ گال اِنت گُڑا اے گال ءَ ما یک کُنڈے ءَ چگل دات کُت نہ کن ایں منی واجہ۔ ھمے ساھت ءَ کہ من ءُ تو ھبر کنگا ایں اے ساھت ءَ پہ دمانے ءَ اے اڑ گِیش اِیت کہ کول ء تئی ھبرانی ما ایشی ءَ کُنڈے ءَ چگل بہ کن ایں بلَے داں کہ ما "ھِرس" ءِ گال ءَ چہ بلوچی زُبان ءَ مہ کَشّ ایں ءُ "کُنڈے ءَ چگل مہ کن ایں" اے جیڑہ ھجبر نہ گِیش اِیت۔
      ھنچوش گوْش اَنت کہ یکّے ءِ پتّر ءَ گْوات بارت" ءُ تو اے ھبر ءَ وت مَنّگائے کہ بلوچانی گیشتریں لبزانت ءُ زبانزانت "ارس" ءِ گال ءِ سرا تپاک اَنت ءُ وانوکانی واست ءَ "ارس" ھچ وڑیں جیڑہ ءُ جنجالے دیما نیاریت گُڑا اے گال ءِ پدا زُورگ ءُ "ھرس" نبشتہ کنگ چہ زبان ءِ دیمروی دیگ ءَ گیشتر نام کٹّگ ءِ لَڑ ءَ شُمار بیت۔
      تئی واھگ اگاں ایش اِنت کہ تو بلوچی زُبان ءِ ھما کوْھن ءُ کدِیمیں رھبند ءَ دیما آرگ لوٹ ئے کہ زُبان چہ زمانگ ءِ نوکیں تب ءُ مَیلاں دُور ءُ یکّر بہ بیت گُڑا من ترا اے شور ءَ دیاں کہ تو "مردمانی" ءَ "مردمانءِ" نبشتہ بہ کن چی ءَ کہ اے ھبر سید ءَ ھم منّ اِتگ کہ مرچیگیں "ی" کوْھنیں "ءِ" اِنت کہ ایشی وتی رنگ بدل کُرتگ ءُ "ی" جوڑ بُوتگ۔
      زبان چوشیں چیزے نہ اِنت کہ آ مُدام یکّیں جاہ ءَ بہ اوشت اِیت ءُ وتا پُتینکانی باھوٹ بہ کنت۔ اگاں زُبان گوں اھد ءِ رنگ ءُ  دْروشماں وتا بدل مہ کنت ءُ مہ مٹّین اِیت گُڑا آ زُبان مُرتگیں زُبانے{ڈِڈّ لینگویج} زانگ بیت ءُ مُرتگیں زُبان مُرتگیں راجانی گُڈّی چیدگ ءُ نِشان اِنت۔
     زبان چوشیں چیزے نہ اِنت کہ آ پہ زور پُتینکانی باھوٹ کنگ بہ بیت۔ راج کہ زبانے دار اِیت گُڑا وھد ءِ ھمراھی ءَ زبان ھم وتی رنگ ءَ مٹّ کناں بیت ءُ مُھکمی ءِ نیمگ گام جناں بیت بلَے اگاں زُبان ءَ تو بہ زُور ئے ءِ گوں پاری ءُ پَیراری ءَ بندوک بہ کن ئے گُڑا چہ چُشیں زُبان ءَ دیمروی ءُ سوبیں بیگ ءِ گَت ءُ گُمان ءَ مہ دار۔
     چندے سد سال پیسر پرنگانی زُبان تھنا سی ءُ دو ھزار گالانی یک پد منتگیں زُبانے بُوتگ بلَے مرچی ھمے سی ءُ دو ھزار گالانی زُبان ءِ تہ ءَ چہ ھِساب ءَ گیش گال اتکگ ءُ اے زبان ءَ ھنچوش باز دیمروی کُتگ کہ دُنیا ءِ گیشتریں مردمانی لوٹ جوڑ بُوتگ کہ بید ایشی ءَ کس زندگ بیگ ءِ گُمان ءَ نہ کنت۔ اگاں پرنگانی زُبانزانت گوں وتی کدیمیں ءُ پُتینکی زُبان ءَ بہ اڑاِتین انت گُڑا مرچی اے زبان ءَ ھجبر دُنیا ءِ سرا راج نہ کُرتگ اَت ءُ چہ ایدگہ زُباناں باج یے نہ بُرتگ اَت۔
      گُڈّ سرا من ترا اے گوْشگ لوٹاں کہ "ھَرس" ءِ گال بلوچی ءِ نوک ءُ کوھنیں ھچ وڑیں سیاھگانی تہ ءَ ترا گِندگ ءَ نئیت پمیشکا ترا گوْشاں کہ ھنچوش کہ مئے ایدگہ کوّاس ءُ زانتکار اے گال ءَ "ارس" نبشتہ کن اَنت تو اوں "ھَرس" ءِ دُمبُل ءَ یلہ بہ کن ءُ "ارس" نبشتہ بہ کں داں کہ زبان ارزان ءُ واناک بہ بیت ءُ بلوچی زبان ءِ وانوکانی دل ءَ شکّ ءُ گُمان در بیا اَنت۔
     بلوچی زبان ءِ تہ ءَ بازیں چُشیں گال ھست اَنت کہ برے گوں "ا" ءُ برے گوں "ھ" ءَ بندات بنت ءُ چُشیں گالانی بازیں درور ترا "سید گنج: ءِ تہ ءَ گندگ ءَ کَیت۔ اگاں "ھَرس" ءِ کسانیں راہ ءُ در ءُ دلیلے بہ بُوتیں گُڑا مارا "سیدگنج" ءِ تہ ءَ گندگ ءَ آتکگ اَت۔
    بلوچی زبان ءُ لبزانک سبز ءُ زامُران بات اَنت۔ {شالا ھنچوش بات}
    تئی کَستر
    مزار بلوچ
((A clock that does not work is right twice a day))

Offline yahya. याहया

  • Baask's Asset
  • ***
  • Posts: 468
  • Karma: 42
  • याहया-बास्क
    • بلوچی دگنیا BALUCHI DUNYA
Re: Beyrak by Henjeer
« Reply #8 on: May 31, 2010, 02:34:47 PM »
Man Balochi dapa geshiter , Ars , esh, kotag ,ey Ars , cha farsi ey ASHKe seyadiya kant . ey farsi o Balochi ey bondari syadiey . anaaN maa HARS benavseyN goRa cha balochi farsi ey rahbanad cheyN dar kaeyN .bale tai gaal wati maTT wat ent .
sata ey Haqa da rit.

And Satan said:
I had no power over you
except that I called you
and you obeyed me.
So do not blame me
but blame your selves.
Al Qur ' an