Author Topic: "bel k zahra chy bungirit dunya" dastoonk ey pah chakassaga shoma deyma  (Read 15549 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: "bel k zahra chy bungirit dunya" dastoonk ey pah chakassaga shoma deyma
« Reply #15 on: August 21, 2011, 04:37:18 PM »
August 12 at 9:52pm
Thangi Baloch, Zartosht Baluch, Shastuni Baloch and 4 others like this.

Waleed Garboni بانک زاھدہ تو یک آرٹیکلے بہ نیس و شنگ بہ کن، من دلءِ سیرا آئیءِ سرا بحث کت کناں، شاعریءِ باریگا من نزوراں۔
August 12 at 10:07pm · Like

Mahmood Khan Baloch ‎@waja waleed tai hame ghape sara ai ghap paad kaith k bass kafiya bandi o zobaan daaniya shaery nabith , baaz vashen sarhaal e marduma pa darbaraga baaz rasith aida ,
August 12 at 10:11pm · Like ·  2 people

Zahid Suleman banuk tahi shre mana baz dost both ble be radi aa kass dema na roth banok tou nabshtag kutag ..k tou na junzay na sar behbay jaa hay banok man adda goshaag lota k .. tou na junzay taa sar na bay jaa hay mannat waara
August 12 at 11:34pm · Like

Daniel Shirdel منی جند هم شاعری ء زبر نه انت. اگان رمے به بوتین ات , بلکین ما چیزے گوشت کتگ ات.
August 13 at 12:20am via Facebook Mobile · Like

Qazi Rehan دستونک ءِ پیشردانی سر ءَ من چندیں گال گْوشگ لوٹ آں بلے باند ءَ ۔
August 13 at 1:10am · Like

Shastuni Baloch باز وش انت گوهار- منی خیالا اگان یک بند و مصراعیا چو بدل ببیت شر تر بیت. "زانت وجهدا گون دیمروی، تئی واهگ" چه "رانت ء دنیا ء لوتط انت دیما روگ" شرتر لگ ایت. بزان چوش وانگ بیت: "زانت و جهدا گون دیمروی، تئی واهگ... پشتا کنزئ تو، سرگوزیت دنیا". پهل کن که من هم شاعرئ نهان، بلئ برئ برئ دل جوشئیت و لهتئ گلگجه درشان کنت که ضرور شما مان "بلوچی نام و نشان" وبلاگ دیستگ انت! سوبئین بات!
August 13 at 5:38am · Unlike ·  3 people

Zahida Raeesi sharren qazi rehan ma tai ham chamchank e wadara kanan aahiya pad shome drustani chamshank e sara passav dayan'

shome drustani mennatvaaran' keh ey sarhaal e sara wati pegr darshan kot. ma johud kanan' keh ey durah gappan' site e sara sheng bekanan' taan' pah darbarookan' raahey pach bibit.
wazhnaam baatet shoma
August 13 at 5:02pm · Like

Zia Baloch من ھم واجہ قاضی ریحان ءِ چمشانک ءِ وداریگاں۔ منّت واراں
August 16 at 12:45am · Like
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline qazirehan

  • Baluchi Nadkaar بلوچی ندکار
  • ***
  • Posts: 10
  • Karma: 1
    • Qazi Dad Mohammad Rehan's Blog
گھار زاھدہ رئیسی ءِ گوں بلوچی زبان ءَ مھر ءُ ھدوناکی چَہ کس ءَ چیر نہ اَنت ، گھار ءَ گوستگیں روچ ءَ وتی دستونکے پہ شرگداری ءَ باسکانی دیم ءَ ایرکرتگ اَت ، اے دودانک ھما دستونک ء درگت ءَ گوشگ بوتگ اَنت ۔


لچھکار ءِ ھیال باز وش اَنت بلے پیشردانی کارمرد ءَ رد کپتگ

زاھدہ رئیسی ءِ دستونکے - بلوچی لچھکارانی پیشردءِ رَد کارمردی ءِ دَرور

بلوچی لچھکار دنیگت اے منگ ءَ ساجو نہ اَنت کہ لچھکاری ایوک وتی ھیالانی دْرانگازی نہ اِنت بلکیں یک ازمے ھم ۔ پمیشکالچھکاری ازم ءِ سر ءَ بلوچی زبان ھم ھچ نہ گْوش اِیت ۔ نوکباھندرواجی دپگال گْوشداراَنت یا سوتیانی سوتاں اِش کْون اَنت ءُ ھمیشانی گیگانءَ لچہ گْوش جوڑبنت ۔ دنیگت اے کڈن نہ اِنت کہ بلوچ لچھکار باید زبان ءُ لچہ ءِ ازم ءَ بزانت ۔ روبرکتی بلوچستان ءَ دربرجاھانی تہ ءَ وانینگ بیوکیں لوزانک ھم پہ آھاں ھچ سوتمند نہ اِنت پرچا کہ اِد ءَ ایوک چندیں اُردو لچھکارانی دستونک ءُلچھاں وانین اَنت لچھی ازم یا لوازنکءِ دگہ تھرانی ازمی تک ءُ پھنات نودربراں سوج دیگ نہ بنت ۔ وانوک سرپوستی ھرچی کہ دربارت آئی ءَ پہ لچھکار جوڑ بوگ ءَکمک نہ کن اَنت البت روایرشتی بلوچستان ءَ چوش نہ اِنت آاُود ءَ ’’لوزانک ‘‘ ءُ زبان دربرگ ءِ کتاب گستا اَنت ۔آاُود ءَ درسدی ھساب ءَ بلوچی لچھکار کم اِنت بلے ھرچی کہ ھست آلچھی ازم ءَ چَہ اے دست ءِ لچھکاراں آژناک تر اَنت ۔ بژنی ھبر اِیش اِنت کہ ابید چَہ چابھار ءُ آئی ءِ دور برءِ چندیں لچھکاراں دگرانی بلوچی کتابءُ ماھتاکاں دزرس کم اِنت۔اگاں آاُود ءِ لچھکارانی ازم ءُ اے نیمگ ءِ لچھکارانی ھیال سْراچی ءِ یکجابوگ ءِ راھے در بئیت بلوچی زبان ءَ لچھکاری ازم دیمروی کرت کنت بلے بئے ھمیش اِنت کہ لچھکار لچہ گْوشی ءِ پجیگ ءَ لچھی ازم ءِ نیمگ ءَ ھم دلگوش بہ دئے اَنت ۔ساچشتءِ پڑ ءَ گوں نوکیں تجربگاں وتی ند ءَ شر بہ چکّاس اَنت بلے ھیالگور بہ کن اَنت کہ لچھکاری شاتکامی ازم ( فنون لطیف )ءِ چَہ کْوھن تریں تھراں یکے ، ایشی ءِ تہ ءَ نوکیں تجربگ ھم بے راھبند ءَ روا نہ اِنت ۔
بے ازمیں ساچشت (تخلیق /اثر) ءِ سر ءَ شرگداری بے شاھیم ءَ تور کنگءِ پیم ءَ اِنت ۔پیش ءَ گْوشتگ کہ بلوچی زبان ءِ لچہ بے راھندیں لچھے ۔چَہ زبان ءُ یاداشتاں گاگداں ایر گیجگ بوتگ بلے دنیگت دپگالی ھساب ءَ اِنت ۔ لچہ کار ھما توار ءَ اِش کْو نت ھمائی ءِ سر ءَ وتی گالاں رد ءُ بند کنت ، گْوشگ ءِ زبان ءَ راھبند ھم نہ بیت پمیشکا بلوچی لچھانی تہ ءَ زبان ءُ ازم ءِ بے کساس ردی مان اِنت ءُ اے ردیاں انچوش رواج گیپتگ کہ نوں راھبندی سما بنت بلوچی گیدی لچھاں کہ زبانی بوتگ اَنت آ وَ اے رد ءَ ھوار کنگ نہ بنت، اگاں گپے چَہ یک مردمے ءَ دومی ءَ سر بہ بیت گال ئِے بدل بنت گیدی لچہ ھم ھزار ھاں مردماں پد مارا سر بوتگ اَنت کس گْوشت نہ کنت کہ ایشانی پیشی رد ءُ بند چِہ رنگ ءَ بوتگ بلے انوگیں دور ءَ ھما کہ سر لچھکاراَنت آھانی گْور ءَ ھم اَنچیں ڈلگیں ردی گندگ بیت کہ چَہ لچھی ازمءَ کمے باز آژناھیں مردم اِش ھم زان اَنت چَہ ھمیشان یکے ’’ پیشردانی ‘‘ کارمردءِ ردی اِنت ۔
من چد ءُ پیش ھم ’’ پیشرد ‘‘ ءِ ردیانی سر ءَ الکاپی ءَ گپ جتگ ۔منی نوشتانک ’’منظور بسمل ءِ ازمی پولنگ ‘‘ ءِ تہ ءَ ھم ’’پیشرد ‘‘ ءِ سر ءَ گپ ھست ءُ دگہ یک نوشتانکے ’’پیشرد چی اِنت ‘‘ ایوک ءَ پیشرد ءِ سر ءَ اِنت پمیشکا اے نوشتانک ءَ نوکیں گپ ایوک بانک زاھدہ رئیسی ءِ ’’ دستونک ‘‘ اِنت ۔
بل کہ زھر ءَ چَہ بن گِر اِیت دنیا
تو مہ اِشکن ستر گوش اِیت دنیا
کجگ ءَ اگاں تئی رد اِیت دنیا
تئی ریشاں چتورکد اِیت دنیا
نے کس ءَ دنت ءُ نے کس ءَ مار اِیت
نے کسی ھاتر ءَ مر اِیت دنیا
وت ءَ دیناں مہ دَئے تو دنیا ءِ
روتگاں چَہ ترا گْوج اِیت دنیا
تاں کدین ءَ وتارا ڈوبار ئے ؟
ماہ ءُ استالاں ٹک چن اِیت دنیا
روچے دنتاں کپ اَنت دنیا ءِ
وھدے ھد ءَ چہ سرگوز اِیت دنیا
دل ستر ھل کنت مہ کن پیسکگ
بل کہ زنگان چَہ سر رِچ اِیت دنیا
پُرشتگیں واب ءُ آگھیں چماں
باریں چینچوھبر گْوش اِیت دنیا
کس مہ زانت اِنت اے جاوران زند ءِ
بزگ ءُ بے وساں گْوج اِیت دُنیا
تونہ جنرئے ، نہ سر بَہ ئے جاھے
نہ پہ تئی ھاتر ءَ سر ایت دنیا
دربہ کپ توکہ اے تئی جھد اِنت
تئی پشت ءَ نوں در کپ اِیت دنیا
چونیں ھیلے منی اے راج ءَ گوں
نشتگ چار اِیت کجا رس اِیت دنیا
زانت ءِ دنیا ءِ لوٹ اِنت دیم ءَ روگ
پشت ءَ کنز ئے تو سر گْوز اِیت دنیا
مھرمیں واھگاں بہ دار دل ءَ
ساھگ ءَ مھر ءِ سمبھ اِیت دنیا
تک ءُ پھناتاں بُر بُر اِیت راجی
یک برے دل ءَ سرپ اِیت دنیا

محمد یعقوب آسی ’’فاعلات ‘‘ءِ تہ ءَ دستونک ءِ ستا ءَ نوشتہ کنت (تاکدیم 32-33):’’دستونک چَہ تلمل بند (مطلع) ءَ بندات بیت ۔ تلمل بند ءِ ھر دو کڑی ھم پیشرد (قافیہ ) ءُ ھم رد ( ردیف ) بنت ۔سرجمیں دستونک یکیں زراب ( بحر ) ءَ بیت ۔ ھمک بند ءِ دومی کڑی گوں تلمل بند ءَ ھم پیشرد ءُ ھم رِد بنت ۔دستونک ءِ گڈی بند ءَ کہ لچھکا ر وتی نام یا پنام ءَ ھوار کنت کھربابند (مقطع ) گْوش اَنت ۔‘‘
دستونک ءِ بنچکی ڈکاں ( شرط ) یکے پیشرد ءُ رِدانی یک بوگ اِنت۔اگاں کسے پیشردءِ لس بزانت ءَ ھم سرپد اِنت زانت کہ اے دستونک ءِ تہ ءَ پیشرد انی ھچ ھیالداری کنگ نہ بوتگ البت زانگ لوٹ اِیت کہ لچھی ازم ءَ پیشرد ءِ ساڑا اِیوک ءَ ’’ھمتوار یں گال نہ اِنت ‘‘ بلکیں پیشرد ءِ زانشت (علم قافیہ ) لچھی ازم یا لچھی زانشتءِ یک مھکمیں بھرے پمیشکا نامی ئیں لچھکار ھم گوں کسانیں نا دلگوشی ءَ ایشی ءِ کارمرد ءَ رَد کپ اَنت ءُ لچہ اِش پولنگ بنت ۔
اگاں من عربی راھبند ( فارسی ءُ اُردو ءَ ھم ھمے راھبند زرتگ ) ءَ یاگوں ھما ھانی گالبنداں( اصطلاحاں ) گپ بہ جن آں بہ گند ئے وانوک سر کچ مہ ور اَنت ۔ پہ اے دستونک ءِ ردیانی نشون دیگ ءَ المی ھم نہ اِنت کہ ما ’’پیشرد ‘‘ءِ زانشت ءِ بارو ءَ گپ بہ جن اِیں۔ اد ءَ پہ گپ ءِ گیشوار ءَ ھچ زیادھیں دلسیاھی نہ لوٹ اِیت۔ پیشرد ءُ رِد تچک ءَ زانگ بوگ ءَ اَنت کہ کجام اَنت منطور بسمل ءِلچھانی تہ ءَ چَہ سیاھگ ءِ ترینگءَ ردی چیر تر اِتگ اَنت بلے اے دستونک ءِ لچھکار ءَ چوش ھم نہ کرتگ بلکیں گال گیشینتگ ءُ راستیں سیاھگ ءَ نوشتگ اَنت ۔ دستونک ءِ رد ’’اِیت دنیا ‘‘ اِنت ءُ پیشرد ’’ گر ، گوش ، رد ، کد، مر، گوج ،چن ،سررچ ، گْوش ، گْوج ، سُر، کپ ، رس ءُ گْوز، سمبھ، سرپ‘‘ زورگ بوتگ اَنت ۔ پیشردءِ سادگیں ساڑا ’’ھمتواریں گال ‘‘اِنت ءُ چَہ اے گالاں ابید چَہ ’’ گِر ۔ مِر ‘‘ ءُ ’’رُد ۔ کُد ‘‘ءَ آدگہ گال ھمتوار نہ اَنت۔ اگاں ایشانی سیاھگ ترینگ ءُ ھوار نویسگ ھم بہ بنت پیشرد منگ نہ بنت پرچا کہ پیشردی زانشت ءِ پد ءَ ’’پہ پیشرد انی چارگ ءَ ’’بن پیشرد ‘‘ گستا کنگ بنت ۔ بن پیشرد ’’پیشرد ‘‘ ءِ ھما بھر ءَ گْوش اَنت کہ درسیں پیشردگالانی تہ ءَ ھوار بہ بیت توری یک آبے ھم بہ بیت ۔‘‘ پہ درور اگاں اد ءَ ’’ دنیا ‘‘ ءَ رِد بہ من ءُ آدگہ گالاں گوں ’’اِیت ‘‘ ءِ توار ءَ ھوار پیشرد ھساب بہ کن اِیں ، چوش کہ :’’ گریت ۔ گوشیت۔ ردیت ۔ کدیت ۔ مریت۔گوجیت۔چنیت۔ سررِچیت ۔ گْوشیت ۔ گْوجیت ۔ سُر یت ۔ کپیت ۔ رسیت ۔گْوزیت۔ سمبھیتءُ سرپیت ‘‘ھم پیشرد نہ بنت پرچا کہ ’’یت ‘‘دمپارگ اِنت ءُ پیشردانی ھما بھر کہ پیشردانی تہ ءَ دمپارگ(تکرار ) بہ بیت آ رِد (ردیف ) ءِ بنرد گْوشگ بیت ءُ پہ پیشرد ءِ چارگ ءَ چَہ پیشرد ءَ گستا کنگ بیت ۔ اگاں چَہ بنرد ءِ گستا کنگ ءَ گال ءِ پشت کپتگیں بھر ’’بزانتدار بہ بنت ءُ بنرد ءَ ھم گستا بزانت بہ بیت پیشرد گْوشگ نہ بنت بلے اگاں چَہ دوبھر ءَ کنگ بزاں بن پیشرد ءُ بنرد ءِ گستا کنگ ءَ پد ھر دو بھربے بزانت بہ بنت گڑا پیشرد بوت کن اَنت۔ اگاں یکے ءَ بزانت بہ بیت ءُ دومی ءَ مہ بیت ھم پیشرد بوت کن اَنت ۔‘‘ اے پیم چَہ گستا کنگ ءَ پد ءَ ’’یت ‘‘پشت کپ اِیت کہ ’’آ‘‘ ءِ کمکار گال اِنت ءُانچو ش کہ لچھکار ءَ وتی سیاھگ ءَ چَہ آدگہ گالاں گستا نویسگ اِتگ ھمے رنگ ءَ گستا نویسگ بیتءُ بزانتداریں گالے ۔
دستونک یا لچہءِ دگہ تھرانی تہ ءَ پیشرد ءِ گوں ھمے بزانت ءَ چَہ یکے ءَ گیشر رند ءَ کارمرد ھم پولنگ لیکگ بیت اگاں ھمے دستونک ءَ کارمرد بوتگیں گال پیشردبوتین اَنت’’ گوش ءُ گوج ‘‘ ءِ دورند ءَپیشرد کنگ پیشرد انی دمپارگ (تکرار ) ءِ پولنگ (ایطا شعر)اَت ۔
بانک زاھدہ رئیسی راجی چَہ بلوچی ءِ وانندہ ءُ سرپدیں نوشتانکا راں یکے اُردو لچہ ءُ دستونک ھم نوشتہ کنت ءُ سک شر نوشتہ کنت بلے آئی ءِ اے دستونک ءِ تہ ءَ ھیال ءِ سنگینی گندگ بیت اِزم نہ گْواھی اِیت۔
***
21-08-2011

http://baask.com/diwwan/index.php/topic,5645

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: "bel k zahra chy bungirit dunya" dastoonk ey pah chakassaga shoma deyma
« Reply #17 on: September 02, 2011, 02:00:31 PM »
dordaanagen gohaar,banok zahida raaji.
salaam o pollen droot.
gohaar shomay dastounk mana pasond boot, shomay waahag baaz johlaanken bezaantey daareet (ff) , agan wanouk sarpad bebant.
Chounen Heiley Mani Raaja Goun
Neshtag o Chaareet Koja Raseet Donya

souben bebaatet.

shomay braat
adabi hakim


Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: "bel k zahra chy bungirit dunya" dastoonk ey pah chakassaga shoma deyma
« Reply #18 on: September 03, 2011, 08:14:22 PM »
August 12 at 9:52pm
Thangi Baloch, Zartosht Baluch, Shastuni Baloch and 4 others like this.

Waleed Garboni بانک زاھدہ تو یک آرٹیکلے بہ نیس و شنگ بہ کن، من دلءِ سیرا آئیءِ سرا بحث کت کناں، شاعریءِ باریگا من نزوراں۔
August 12 at 10:07pm • Like

واجہ ولید گربونی ھما روچ ءَ کہ شما اے گپ جتگ اَت منی نبشتانک پہ اے کارے گی آمادہ اَت بلے رمزان ءِ دزگٹی ءَ من ءَ موہ نہ داتگ۔ انشاء اللہ مرچی باند ا من باسک ءَ دئیانی شما وتی گراں بہائیں چمشانک ءَ درشان بہ کن اِت منہ وار بَیاں۔
شمئے کستر
زاہدہ رئیس راجی
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Meer Anwar Meer

  • Junior Baask
  • **
  • Posts: 22
  • Karma: 2
Re: "bel k zahra chy bungirit dunya" dastoonk ey pah chakassaga shoma deyma
« Reply #19 on: September 05, 2011, 02:20:13 PM »
Waja Qazirehan mudam salamt baty.
Thi nebishtank pa Zahida ey dastoonky barwa bymisal ant o ma omed kanain k tau vati choshain nebishtankan mudam pa Baaskay
wanokan nadr kanay , k may vadain nabizant cha shaire ey rahbandan sir pad bayban o ach tra chy vati elmay madiyan gaish
baykanain.
Thi Nebishtankani rachar
Meer Anwar Meer

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: "bel k zahra chy bungirit dunya" dastoonk ey pah chakassaga shoma deyma
« Reply #20 on: September 09, 2011, 09:10:01 PM »
Quote
Mahmood Khan Baloch ‎@waja waleed tai hame ghape sara ai ghap paad kaith k bass kafiya bandi o zobaan daaniya shaery nabith , baaz vashen sarhaal e marduma pa darbaraga baaz rasith aida ,
August 12 at 10:11pm • Like •  2 people
mennatvaaran' braat. bahed shoma ham wati maareshte e hesaba ey bechakkaseten'. del washter bittaga'

Quote
Zahid Suleman says:

banuk tahi shre mana baz dost both ble be radi aa kass dema na roth banok tou nabshtag kutag ..k tou na junzay na sar behbay jaa hay banok man adda goshaag lota k .. tou na junzay taa sar na bay jaa hay mannat waara
shome chamshank e mennatvaaran'
agan’ dela mayaret edaa gap ey paddar baygaen keh shoma sheri asloob a sarpad nabaet. mani ey perband e awali band goun dohmi a hamgranch-ent o doen yakken behr/meter e tookayan'

tao nah junzey === (neither you will move )
nah sar bae jaahey = (nor you will reach to your target)

shome chamshank e mennatvaaran’

Quote
August 12 at 11:34pm • Like

Daniel Shirdel منی جند هم شاعری ء زبر نه انت. اگان رمے به بوتین ات , بلکین ما چیزے گوشت کتگ ات.
August 13 at 12:20am via Facebook Mobile • Like

شما ونت پہ من ھمنچو باز اِنت۔
Quote
Shastuni Baloch باز وش انت گوهار- منی خیالا اگان یک بند و مصراعیا چو بدل ببیت شر تر بیت. "زانت وجهدا گون دیمروی، تئی واهگ" چه "رانت ء دنیا ء لوتط انت دیما روگ" شرتر لگ ایت. بزان چوش وانگ بیت: "زانت و جهدا گون دیمروی، تئی واهگ... پشتا کنزئ تو، سرگوزیت دنیا". پهل کن که من هم شاعرئ نهان، بلئ برئ برئ دل جوشئیت و لهتئ گلگجه درشان کنت که ضرور شما مان "بلوچی نام و نشان" وبلاگ دیستگ انت! سوبئین بات!
August 13 at 5:38am • Unlike •  3 people
Brat shastooni Baloch,
shome chamshank e mennatvaaran’
brat shome souj maan’ sar o chamman’ . shome daatagen bande pegr mana doust bit bale ey band e jind cha dastoonk e beher/meter a dannent.
brat shome shaairee a man allama charan’ o watee chamshank a ham dayan’
shome mennatvaar
shome kasteren’ gohaar
Zahida
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line