منی شعرءُ پِربند

[yahya. याहया]

کینگءُ کست ءِ  سوج اِنت تئی راہءَ

نستئیءِ  ھستءِ سوج اِنت تئی راہءَ

حرص ءِ  مَھری ءِ دروگاں جمازّے

حرص زبردستءِ سوج اِنت تئی راہءَ

راستیں  دستاناں  ریپے  بے  راھی

اِے  تئی دستءِ سوج اِنت تئی راہءَ

سمُل  “  تو   کہ  بَرَ گ  لو ٹے

آھاگیں “مستءِ  سوج اِنت تئی راہءَ

چہ   ازل   منّو   گراں  توحید ءِ

آ  بُتانی پرستءِ سوج اِنت تئی راہءَ

چو   من ءَ  پُھتگی کدی تو دیئے؟

ھامگیں گرستءِ سوج اِنت تئی راہءَ

تو  منی    گُشتناں   کدی   مارے

تائی سرگوستءِ سوج اِنت تئی راہءَ

آجوے  چوں  وتی جندءَ من گُشاں

بندگءُ  بستءِ سوج اِنت تئی راہءَ


تمپ گومازی بلوچستان

[/b]

[yahya. याहया]

شزاریں دل دلبر ءِ گوناپءَ وش نہ کت

سوزمان ارسانی ھوں گرآپءَ وش نہ کت                                 

بے وتیءَ شیدائی گیش بوان بوت

دل “ بانوریں زندءِ سرگواپءَ وش نہ کت                                 

رھن اَت سر دل ریش بوان بوت

ما وتءَ وش نہ کت پنجاپءَ وش نہ کت                                 

ھمک کورانی ھار پیش بوان بوت

ھُشکیں سالانی تریں آپءَ وش نہ کت                                   

ترانگءَ دنتان پمن نیش بوان بوت

منی  ھونءَ  دپ   الکاپءَ وش نہ کت                                     

یحٰی “ دلسیائیءَ آ ءُ اِیش بوان بوت

گناہءِ سازءِ ثوابءِ  چاپءَ وش نہ کت                                     

مرچی ریش دلءِ گیش بوان بوت

شرابانی جُواں ترندآپءَ وش نہ کت                                       



خراسان ایران

[/i]

[yahya. याहया]

چار بند
آ دپ گوں منءَ ترشیپ دینت
دل ترا را آ چطو ریپ دینت
آ نھنگءَ کہ منی دشتءَ برانت
ڈال چاریءِ منءَ شیپ دینت

☺ ☺ ☺ ☺

↓

مئے نصیبءَ کہ نبشتہ ھاکے
منی ارواح تو کشتہ ھاکے
وش نہ بیت ئے درا ارواح ءِبروت
اَیمنیءَ سرا نشتہ ھاکے
واھگے ھنچیں کہ مَرَگ توری
آ بَرَگ لوٹی بھشتہ ھاکے
چو منءَ “ قالوبلٰی “ یاد نہ بیت
پہ وتی وستہ کہ ھشتا ھاکے

♫ ♫ ♫ ♫ ♫

↓

غم کہ روک اِنت دل تہار نہ بیت
شاتءِ قندیلءِ مارا کار نہ بیت
اِے منی دود منی دستءَ نہ اِنت
من مراں مرگءِ وڑا گار نہ بیت

[yahya. याहया]

تئی  دپءِ  گپّ دوئیں  بٹاک اَنت بس

بے  سریں بے بُنیں گویاک اَنت بس

وانءُ   زانتے  کہ  پُشت جتَگ راجءَ

اَگلءُ  پگرءَ  چیں شد ھلاک اَنت بس

مرچی  سوچان ئے  راج ءَ تو واجہ

زھرءُ   ماجین   تئی تریاک اَنت بس

چطو   دگنیا ءَ   تو  بر ئے  باجءَ

 ھُشکیں تئی ھشکءَ  دِریکءُ دراک اَنت بس

مرچی   تژناں  اِدا  بہ  سگّ واجہ

تئی   دپ ءِ  گپّ ھُشکیں جاک اَنت

ھُشک ءَ   مولت  کش  اِتگ دراجءَ

وت  وتی ءِ   تہا ناپاک  اَنت بس

بے  بُنیں چرتاں  تئی وتی  واجہ

پما اِے مرگ چو اولاک  اَنت بس

من  سرا  چوں  ترا دیاں  تاج ءَ

داتگیں  چز تئی  پما ھاک اَنت بس

مرچی  راھے کہ یل کُتگ راجءَ

خاطرا  واجہ ءِ غمناک اَنت بس

[بلوچ]

تئی  دپءِ  گپّ دوئیں  بٹاک اَنت بس

بے  سریں بے بُنیں گویاک اَنت بس

وانءُ   زانتے  کہ  پُشت جتَگ راجءَ

اَگلءُ  پگرءَ  چیں شد ھلاک اَنت بس

مرچی  سوچان ئے  راج ءَ تو واجہ

زھرءُ   ماجین   تئی تریاک اَنت بس

چطو   دگنیا ءَ   تو  بر ئے  باجءَ

 ھُشکیں تئی ھشکءَ  دِریکءُ دراک اَنت بس

مرچی   تژناں  اِدا  بہ  سگّ واجہ

تئی   دپ ءِ  گپّ ھُشکیں جاک اَنت

ھُشک ءَ   مولت  کش  اِتگ دراجءَ

وت  وتی ءِ   تہا ناپاک  اَنت بس

بے  بُنیں چرتاں  تئی وتی  واجہ

پما اِے مرگ چو اولاک  اَنت بس

من  سرا  چوں  ترا دیاں  تاج ءَ

داتگیں  چز تئی  پما ھاک اَنت بس

مرچی  راھے کہ یل کُتگ راجءَ

خاطرا  واجہ ءِ غمناک اَنت بس

baaz vasheN pegr int o seta karzit
baly Balochi labzaN URDU e waDa nibisaak vash na int anchush KATHER, GHAMNAAK

[yahya. याहया]

سلام بے توار
رند چہ سلامءَ تئی  باز منت کہ ترا منی خیال وش بیتگاں
تئی جستءِ پدءَ عرض اِنت کہ اِے بلوچی لبز نہ اَنت اِے لبزاں تو فارسی  یا عربی گوْشت کن ئے “  آ کہ خاطرا اِنت فقط منی خاطرا اِنت
غم اے سرجمیں لبز بلوچی نہ اَنت ۔ منی کرّا ھر لبزءِ کارمرد کنگءِ دلیل است اِنت 

[بلوچ]

سلام بے توار
رند چہ سلامءَ تئی  باز منت کہ ترا منی خیال وش بیتگاں
تئی جستءِ پدءَ عرض اِنت کہ اِے بلوچی لبز نہ اَنت اِے لبزاں تو فارسی  یا عربی گوْشت کن ئے “  آ کہ خاطرا اِنت فقط منی خاطرا اِنت
غم اے سرجمیں لبز بلوچی نہ اَنت ۔ منی کرّا ھر لبزءِ کارمرد کنگءِ دلیل است اِنت 

walaikom salam Yahya
passav dayag e mennatvaar
thai sarjameN passav e sara yak kawwas e goshtan dema atk.
aa goshit dunya a incho zalar nazaantkaaraN nadaatag incho keh radeN zaant e eyr kanokaN daatag.
mani braat ilm chizze ketaabani waanag e naam na int aahaN keh dunya gooletag pah raasti e shohaaza aa johdkaraN salament keh aa Balochi a begwah bayag a naelant.

[yahya. याहया]

سلامءُ دوروت واجہ بیتوار
رند چہ سلامءَ عرض اِنت کہ اگاں یکے بہ لوٹ اِیت آ درآمدیں لبزاں بلوچی کنگ لوٹیت دیگے گپّے
بلوچیءِ تہا چُشیں باز لبز است اِنت کہ آ بلوچی لبز نہ اَنت بلے ما آھاں بلوچی لبز گُش ایں مارا زانگ لوٹ اِیت کہ بلوچیءِ تہا بلوچی لبز کجام اَنت ءُ بلوچیءِ تہا درآمدیں لبز کجام اَنت ھو اِے گپّ است اِنت“ سید ظھور گوشتگ کہ درآمدیں لبز بلوچی نبیسراہ نبیسگ بہ بنت بلے “ سید ءَ ” درآمدیں لبز ھجبر بلوچی نہ گوشتگ اَنت
آ لبزانی زانگءِ خاطرا اِدا بچار ۔ بائد ھما لبز کہ بلوچی نہ اَنت آھانی بلوچی لبزاں شوھاز بہ کنیں ۔ ادا بہ چار

http://baluchidunya.blogsky.com/1389/07/04/post-11/

[Thangi Baloch تنگی بلوچ]

براتیں سنگت یحیی جان وژدل بات اِت ، تئی پربند ستا کَرزانت

زِردال ءَ میار دیما زَرد بَنت زَرداب٭٭٭تُرّ ءُ تاجان نہ بُرتگ باج گیر چہ زَواک


 

[yahya. याहया]

برات گونگیں سنگت تنگی جاں سلامت بات ئے
تئی باز منت واراں کہ تو منی اِے پربند دوست داشت
وشیانی جمبرتئی سرا بوگوارات اَنت

براتیں سنگت یحیی جان وژدل بات اِت ، تئی پربند ستا کَرزانت

زِردال ءَ میار دیما زَرد بَنت زَرداب٭٭٭تُرّ ءُ تاجان نہ بُرتگ باج گیر چہ زَواک


 

[yahya. याहया]

مروچاں ڈیھھءَ مئے ھر گور بہاراِنت

اِدا  ھونانی   آپ ! قبرءِ کِشار اِنت

اِے کوہ سالونک اِے ءُ زمین بانور

غمءِ  شاکامی ءِ  تیر ءِ  توار  اِنت

چمّگ  کوھانی بُنءَ آ  کلر ءُ سور

اِدا  چمّانی   کورءَ  رنج  ھار اِنت

مرگءَ مانْشانتگ چو شرکنی پہ مور

منی دژمن  مروچاں مئے لِوار اِنت

واد  ءُ  آرت اِدا  ھمسنگ ءَ  تور

اِدا   لدیگ  حاکم  حرام  وار اِنت

 دژمن اِنت  دل  گنگ ءُ  دل  کور

آ  پدّرءَ  تئی  برادل  ءُ  یار  اِنت

ترا  ریپینیت  گوں  تو  اِنت  ھور

بگند   یحٰی تئی آستونکءِ مار اِنت