لیاقت امین ءِ شئر ءُ پربند ندر پہ باسکاں

[Zahida Raees Raji]

لیاقت امین ءِ پربند ۔ پادکئیت

[Zahida Raees Raji]

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موسمانی تاکچہاں زگریں واب اِیر بنت
ھون، سنج ،ماہیکان چو گلاب اِیر بنت

کدّہے چکار دئے، شادہانی جنّت ءَ
شیشگنت، باتننت گم شراب اِیر بنت

بیگہانی جیہَراں ہیلدار کں شپے
زلپ، نود ،کلکشان تاب تاب اِیر بنت

درد ءِ لال ءُُ زُمرداں، گنج ءِ گوہراں شموش
چول مار مُھرگیں پہ ہساب اِیر بنت

منتگیں نبشتہاں نکش اِتگ ندارگے
مانشیت مکتبے تہ کتاب اِیر بنت

سرجمیں زمانگ ءِ گوشان شہد زیمریت
کُمریانی گریتگیں چمّ گیاب اِیر بنت

اِشک ءِ آکبت امین بد نسیبیں جیڑہے
دیدگانی دامن ءَ دل ھراب اِیر بنت
لیاقت امین

[Zahida Raees Raji]

گم دوبہرَنت راہ ءِ تُنّاپیں دل ءَ
چے گوْزیت اَرواہ ءِ تُنّاپیں دل ءَ

مَہگرءَاِنت تیر بندانی سپر
سنَگرینیت ماہ ءِ تُنّاپیں دل ءَ

ھنّی ءُُ ھون ءِ تپاوت جیڑہّے
جیڑّتگ بیگواہ ءِ تُنّاپیں دل ءَ

پشپد ءَ نہ دوست نہ ہمساہگے
دل جتگ ہمراہ ءِ تُنّاپیں دل ءَ

کلکشیں دروازگے شپ بند بیت
آپ کں بانگواہ ءِ تُنّاپیں دل ءَ

گواڈگانی وشبوہاں ھیسکارتگ
کُنٹگنت سرجاہ ءِ تُنّاپیں دل ءَ

تُستگیں دیدوکاں شنزینیت امین
سارت کں بیگاہ ءِ تُنّاپیں دل ءَ

[Zahida Raees Raji]

۔۔۔۔۔۔۔۔۔۔۔۔۔۔۔۔۔۔۔۔۔۔
ستر باروٹی ءَ مہر ءِ میارے مانترین ایت

شپ ءِ آزمودگیں بھت ءَ گُبارے مانترین اِیت

بگندئے کُنٹ رپتاریں زمانگ منزلے بوجیت

کجا اے آبلہ پاداں سوارے مانترین اِیت

برے دریا ءِ دیدوکاں مچاچے اِیر بوجی کنت

برے چولانی اِیر موش ءَ پتارے مانترین اِیت

دمے برمشیت ارواہ ءِ کپوتے زیمیں پادینکاں

گشے اُوستانی سَر تلّ ءَ توارے مانترین اِیت

دل ءِ آزردگیں چمّاں دو کترہ شہد پٹّین اِیت

زمستان گوپتگیں زلپاں سمارے مانترین اِیت

زِریں بالاد ءِ آتاراں بہ بندیت گوات ءِ پَلّو ءَ

اگں تاکچنڈیں لِیکوہاں بہارے مانترین اِیت

جَلیں روزردگ ءِ جان ءَ مُلوریں ساھگے پیچیت

پدا ھونانی وشبوہاں سگارے مانترین اِیت

[Zahida Raees Raji]

ساہگاں لَڈت گیابءِدرچک گوات ءَ دروھتاں
رہگوزی چلّگ نمارنت چمّ یات ءَ دروہتاں

مُرگے ءَ پسکت کہیر ءِمرتگیں سر شاہے ءَ
کاروان پش کپتگیں تُنگیں چات ءَ دروہتان

آتکگیں آمین بھت ءِ نوبتاںڈوبارتیں
مُولد ءُُ بی بی مُولوکیں گوں کپات ءَ دروہتاں

کیمتی گوہر زبان ءِ وہدءِگرنچ ءَ پشکپیت
اّہد ءِ کلمانٹیں نماسگ پیریں مات ءَ دروہتاں

جنگ گرانیں مرکبانی سینگ ءَ نکشینتگ اَنت
بانڈی دردانگیں کوٹ ءُُ کلات ءَ دروہتاں
لیاقت امین

[Zahida Raees Raji]

دستونک
لیاقت امین


آپ ءُُ نسیب ءَ درمُلکی سَر گوْز بُکتیں

زند ءَ اُمر ءِ ھر سکّی سَر گوْز بُکتیں

چمّاں دردے زرت چو کُلی ءَ رامگ کت

گیابانے ءَ اِیوکی سَر گوْز بُکتیں

تُن ءُُ گژن ءِ توشگ گرْنچے بڈّا اِنت

روچ ءِ برانزاں میلانکی سَر گوْز بُکتیں

درداں اَہد ءِ سَنٹیں باتن چکاس اِت

بے ماتانی بے چُکّی سَر گوْز بُکتیں

نازانتی ءِ واب چراگے بوت امین

رژن ءِ بہاراں کُودکّی سَر گوْز بُکتیں

[Zahida Raees Raji]

شپ دریگاں گوں اُبینگ بوت کنت
شادہ ءِ چہر ءُُ شبینگ بوت کنت

ھون ارزشتے نداریت سوگہیں
تراولیں ارسے کُدینگ بوت کنت

رنگ پالائیت دستانی دل ءَ
ھنّیانی درد مینگ بوت کنت

بام ءِ ساپی ءَ دراتکہ ماہیکان
بانزلاں روچ ءِ اڑینگ بوت کنت

کوہ ءِ مردم سُرکُم ءِ پیداور اَنت
رژن ءِ ادّیرہ بلینگ بوت کنت

برہنگیں پاد ءُُ سواسنت آبلہ
سیہ سریں کشکے ازینگ بوت کنت

شپ داں سہبی ءَ بہ نندیت مردمے
کسّہے گپے ٹہینگ بوت کنت

گواڈگانی نوک آتاریں ملار
موسم ءِ لنٹانی بینگ بوت کنت

آزگیں وہد ءِ گیابیں رہسراں
کُوکرے زیمیں شلینگ بوت کنت

کاگد ءِ بوجیگ ریک ءِ ساوڑا
شرتگاں گوات ءِ تلینگ بوت کنت

ناتوانیں جندئے دیدار ءَ امین
مہرمیں چمّے سرینگ بوت کنت

[Zahida Raees Raji]

ۂۂۂ دید ۂۂۂ
رتکگیں زیبائ ے
چو مُہرگ ءَ
آزمان اِنت ءُ شپ اِنت
کلکشان ءِ ڈکْ ءُ ڈوراں
پشت کپت اسپیتیں آیاتے
گوں استالاں لکیریں اَکسے ءَ
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

[majeed momin]

baaaz wash waja liaqat ameen tangahein hayaal

[Zahida Raees Raji]

۔۔۔۔۔۔۔۔۔۔۔۔۔۔۔
زمزمیں ارس ءِ تیاب اِنت ءُ چم زیر آپنت

زندگی واہگ ءِ باب اِنت ءُ چم زیر آپنت

آزگنت گوش نہ سگّنت کہ ماتی لیلواں

کودکی گوانزگ ءَ واب اِنت ءُ چم زیر آپنت

کاگدی بالی گراباں پہ زہیریگ اِنت کسے

دل کسانی ءِ کتاب اِنت ءُ چم زیر آپنت

ترانگاں اُمر ءِ پتاتگ گوں گم ءِ بندیکاں

آپ ءِ نیمون شراب اِنت ءُ چم زیر آپنت

موسم ءَ گوارچ کتگ زردُکیں مُرگانی رمے

دیگر ءِ رنگ گلاب اِنت ءُ چم زیر آپنت

گلزمین وال کتگ شیشگیں دریائ جڑاں

آزماں روچ ءِ گراب اِنت ءُ چم زیرآپنت

سکّیاں نوبت ءِ ایمان بہا زرتہ امین

شکّلیں زند اَزاب اِنت ءُ چم زیر آپنت

[Zahida Raees Raji]

سُتکگیں تراولے آس مانداشتگیں

زندگی جنگلے آس مانداشتگیں

درچکے ءَ پہمتہ ماہ ءِ دیوانگی

بیگہی شانتلے آس مانداشتگیں

ترمپ ترمپ ءَ سچیت موسمانی بدن

آزگیں چاگلے آس مانداشتگیں

گور جتہ ترانگ ءِ باتنی جیڑاہاں

ایوکی ہمبلے آس مانداشتگیں

بامساری زہاں نوکیں گوناپ دنت

آزمان تلملے آس مانداشتگیں

جمبری ساہگے رولہیں دیگراں

کترہے ترونگلے آس مانداشتگیں

گمجتیں زندے ءِ آسراتی امین

بے تواریں نلے آس مانداشتگیں

ۂۂۂۂۂۂۂۂۂۂۂۂۂۂۂۂۂۂۂۂۂۂۂۂۂۂۂۂ

[Zahida Raees Raji]

۔۔۔

آپ ءِ گوانزگ گوات ءِ گیچن بیتگ ئے

بوہ ءِ مہلب رنگ ءِ دیِدن بیتگ ئے

لجّ ءُ انجیر ءِ پتن تاکی نہ شت

کُچّلیں دروْگانی وردن بیتگ ئے

دود ء دنیا گوھری توجیل اِتنت

چمّ نہ دیستیں اَہد ءِ گوْاچن بیتگ ئے

دیدمان ءِ ایوکی درچکے زِری

پُرشتگیں اُوستانی راچن بیتگ ئے

آکبت چرپیں زبان ءَ دروْھتگ

وہد ءِ زیمر مہر ءِ دادن بیتگ ئے

بجّ اِتگ اَمن ءِ کپودر اِمبری

چارتگ اَکسے ءُ اِیمن بیتگ ئے

ھر کُجا چکاستگ دیوانگی

ھون ءِ گردش درد ءِ سُوچن بیتگ ئے

گرْنچ گرْنچ ءَ بُتکگنت رژن ءِ متاہ

دمک دمک ءَ دوست ءُ دژمن بیتگ ئے

مُوکتگ پاہاراں ھاک ءِ زندگی

گنج ءِ میراس رھنیں مادن بیتگ ئے

گژنگیں مہمان ءِ بژنیگیں دل ءَ

لنگڑانی ھورکیں شیکن بیتگ ئے

اَمبریں زلپانی نوداں پیڑ اِتگ

چمّگیں وابانی رودن بیتگ ئے

ھر کدیں ارواہ ءِ ساہگ نمب اِتگ

مُوم ءِ دُتّک آپ ءُ آسن بیتگ ئے

واہگ ءِ آھُو نمائیں نوبتاں

سُور ءُ پُرساں کارچ ءُ گردن بیتگ ئے

اَبرمیں زانت ءِ چراگاں ٹمبتگ

ھپت تبک آزمان ءَ روشن بیتگ ئے

شادہاں اَزگاریں پندْے بُر اِتگ

واب ءِ دریا اُوست ءِ بندن بیتگ ئے

مہلبیں ھنکین ءَ آتاریت گمے

مہروانیں زرد ءِ زامن بیتگ ئے

کُوچگ ءِ آبادیں بَست ءُ کیلگاں

جلگہیں یاتانی شہرن بیتگ ئے

کسہے دردے یا بانوری شپے

وشبوانی شہر ءِ جوگن بیتگ ئے

پازُلی شئرانی برانزیں ساہگ ءَ

چو عطا گپتار ء مومن بیتگ ئے

پہمتہ زند ءَ شکاری ھاجتے

تَلّی کرگوشک کوہی پاچن بیتگ ئے

واہگانی سنج آچاری زہاں

کُوکِریں ارسانی بلّن بیتگ ئے

وسّرا مانگیشتگ دروْہاپے ءَ

گنگدامیں راج ءِ گوْاجن بیتگ ئے

کنٹگاں چاریت ءُ پُلے دست جنت

سہاتوئیں سہبانی ساچن بیتگ ئے

آشکی شیدائ ءِ نام اِنت امین

دل بگیریں جندئے باتن بیتگ ئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

[Zahida Raees Raji]

یک دریگے ءُ دو کندیل مان دمکے ءَ
شپ تہار اِنت ءُ ابابیل مان دمکے ءَ
زندگی کوہی بلوچے گشے شہر ءَ آتکہ
ترءُمانتر گّر ءُ چیل مان دمکے ءَ
رولہاں پشت کپیت سنج ءِ گلابیں گوناپ
رنگ ءُزیبائ ءِ مندیل مان دمکے ءَ
چمّ کپوتے ءُ گیابان ارسی استونے
زلپ ء سر سستگیں زمزیل مان دمکے ءَ
ایوکی زیمریں ارواہ ءِ زہیری چاڑے
گم تیابے ءُ اَجب زیل مان دمکے ءَ
موسمی مرُگے ءِ بیچاڑیں تلب شیزاریت
ساہگ ءَ درچکے ءِ توجیل مان دمکے ءَ
آشنا بیت کجا کوکریں لبزاں گوں امین
آزمان گشتنیں اِنجیل مان دمکے ءَ
لیاقت امین

[Zahida Raees Raji]

پٹّیت نوک ناہی ءَ نوک آپیں شیرگے
تالانیں مچکدگ چو ہدا رنگیں چہرگے
اِیرہتیں ساہگانی دل ءَ اِیر مرز اِتہ
مانکش اِتہ ندارگاں بیگاہی سُرمگے
مُرگاں کماتگاں کہ دوبراَلوت ءِ کلونٹ
گترانکیں ہاجتے ءَ نَپاشینتہ آرگے
واتر اِتہ نسیب کہ بروار اَتکگاں
بُنجل کتہ شگنز چو ہونکیں ساہگے
بینگ شوہاز کنت چہ آواریں موسم ءَ
چانگالیں ترانگے یا زہیرانی شہ رگے
تہنائ ءَ کپات کلمپوگ ءَ درنج اِتہ
موزاتی ایں ہیال شپاریں ندارگے
پوگسیں اُوستے ءَ دگہ رنگے چِتہ امین
کپاں کُلی ایں درد بہشتی ایں واہگے
لیاقت امین