wo mere paas hai kia paas bulaoon us ko
dil main rehta hai kehan dhoondne jaon us ko
aaj phir pehli mulaqaat se aaghaz keroon
aaj phir door se he dekh k aaon us ko
qaid ker loon usse aankhon k naha khane main
chahta hoon k kisi se na milaaon us ko
usse duniya ki nigahon se keron main mehfooz
wo wahaan ho k jehan dekh na paoon us ko
chalna chaahe to rekhe paaoon mere seene pe
baithna chahe to aankhon pe bithaoon us ko
wo mujhe itna subak , itna subak lagta hai
kabhi gir jaaye to palkon se uthaoon us ko
mujhe maloom hai akhir to juda hona hai
lakin ik baar to sine se lagaoon us ko
yaad se us ki nahi khaali koi bhi lamha
phir bhi darta hoon kahin bhool na jaoon us ko
mujh pe yeh raaz isi aik hawale se khula
baat us ki hai mager kaise bataoon us ko
yeh mera dil, mera dushman, mera deewana dil
chahta hai k sabhi zakham dikhaoon usko
aaj to dhoop main taizi he bohat hai warna
apne saaye se bhi ------ bahlaoon us ko…
