سرمچارانی نام ءَ
مے شیر مزاراں مہ کوہ گراں ، نندانت ءُ بندانت سنگراں
پہ مکھیں ڈیھہ ءَ وتی ، پہ راج ءُ بُن بیھہ ء َ وتی
مہ بندی جاھاں بند بنت ، چہ لٹ ءُ کُٹ ءَ ژند بنت
اللہ مدت اللہ مدت مے شیر مزاران ءَ مدت
، اللہ مدت اللہ مدت مے سرمچاران ءَ مدت
موجیں دلوں پریات کنت ، ڈیھہ ءِ شھیداں یات کنت
سد مرحبا سد آفرین ، پھر بندی پر تو گلزمین
اللہ مدت اللہ مدت مے شیر مزاران ءَ مدت
، اللہ مدت اللہ مدت مے سرمچاران ءَ مدت
من وت وتی ڈیھہ ءَ غلام ، پہ حق ءُ مز ءَ باں ملام
داں کد کنے اوپار مہ ، داں کد بےایں چمدار مہ
اگں ھشکیں دارانت مے وطن ، پمہ بہارانت مے وطن
اللہ مدت اللہ مدت مے شیر مزاران ءَ مدت
اللہ مدت اللہ مدت مے سرمچاران ءَ مدت
وتی دُژمناں جور ءُ بدیں ، تیرش جناں من یک زدیں
اکبر پدا زندگ نہ بیت ، بالاچ پدا واتر نہ کنت
ھرچی کناں نوں من کناں ، یا کہ مراں یا کہ کُشاں
اللہ مدت اللہ مدت مے شیر مزاران ءَ مدت
اللہ مدت اللہ مدت مے سرمچاران ءَ مدت
بّلے کننت مارا کید ءُ بند ، مہ انقلاب ءِ وازمند
ھچبر نہ منّے مہ ترا ، توریں بہ بُر تو مۓ سرا
لاشار مۓ چاھبار مۓ ، گوادر گُليں خوزدار مۓ
اللہ مدت اللہ مدت مے شیر مزاران ءَ مدت
اللہ مدت اللہ مدت مے سرمچاران ءَ مدت
باندات ھما باندات بیت ، ماتیں وطن آزات بیت
ھر جاہ بۓ تو پیش سلام ، رندا بیے تو مے غلام
بیراں گراں مہ چہ ترا ، ترا کار بندیں چو حرا
اللہ مدت اللہ مدت مے شیر مزاران ءَ مدت
اللہ مدت اللہ مدت مے سرمچاران ءَ مدت
الیاس آزار
baanuken guhaar raaji
salaamat baate.
kullan che pesh waaja ilyaas e shahden khayaal laaeq e tauseefent pada shuma k shuma post kutag.
mun patakkan o aa jaagahaa ke dast janag loataan aa sakk burzent bale mun watee sittuukaa janaa balke gindok e manaa degaa soj e bidant o mana mani lot dast bikapeet.
guhaar mani sawaal eshent k ayaa ai kullen nazm wazn e saraaent yaa mani chamm door maem na kanant.
agan mani chamm kamzorant guda manaa dast girok e bebee taake mun watee manzilaa sar bibaan.
zaant e shohaazeeg
hafiz aaskani