0 Members and 1 Guest are viewing this topic.
آزمانکار: زاہدہ رئیس راجیگونڈیں آزمانک : ”واہ ڑے واہیک مردکے ءَ رؤگ ءِ پُرا چہ دمگ ءِ کُنڈا یک الاسیں کروسے دزگپت۔سک گل ءُ شادان بُوت ءُ کروسی بگل ءَ کُت ءُ تچان دیم پہ لوگ ءَ روان بوت۔ انچش پادی بان ءِ دپا ایر کُت اَنت چارایت لوگ ءِ توک سک تہار اِنت ۔ سرپد بیت کے لین نیست اِنت۔ بے لینی ءَ بے وڑ بوت ءُ وت سرا نُرونڈان بیت ”شُمیں لین پدا شوت اَنت۔ ھُدا جُستی بہ کنت اے لین والایاں۔ شُمیں نکس نئیلنت مردم راھت بیبیت۔“گوں نرونڈگ آ تچککا کوٹی ءِ توکا پُترایت تاں قندیل ءَ روشن بہ کنت۔ بلے انچوش قندیل ءَ دست ءَ کنت چارایت اشی ءَِ وا ٹیل مان نیست۔ نوں گنتر زاہر ءَ پُر بیت اِنت۔ پدا چُل ءَ پُترایت ءُ باکس ءَ شوہاز کنت تاں گیس ءِ چُل ءَ روشن بہ کنت بلے انچوش گیس ءِ بٹن ءَ ترینیت چارایت اِدءَ وَ گیس ھم نیست۔ ھمیں وھد ءَ چہ کوٹی ءِ کُنڈا نشتگیں لوگ بانک توار ءَ پر کنت۔” مروچی سوبگینیں گیس نیست برو دار بیار دار ءِ سرا کنور کنیں بلے تہاری ءَ کنورکنگ نہ بیت گہتر ھمیش اِنت چہ ڈنّ ءَ بہ گر بیارمن ھم نیم روچیگینیں شودیگاں“ اے گپ ءِ ایشکونگ ءَ مردک ءِ سر گنتر ترگ ءَ لگیت۔ چہ زاہر ءَ پُر کروس ءَ زُورایت ءُ در کپیت ءُ پدا ھما دمگ ءِ کُنڈا کروس ءَ یل دنت۔ کروس چہ گلاں بال تچان بیت اِنت ءُ سکا سکا گُشیت۔ واہ ڑے واہ۔ واہ ڑے واہ۔ زندگ بات بھٹو، زندگ بات زرداری ۔ زندگ بات بی بی بی۔ زندگ بات پی پی پیزیگ ھم کروس زندگ بیتگ ءُ مروچی ھم زندگ اِنتواہ ڑے واہ ۔ واہ ڑے واہھلاس
