روچگ ءِ ھک۔ زاہدہ رئیس راجی ءِ نبشتانک

[Zahida Raees Raji]

زاہدہ رئیس راجی

روچگ ءِ ھک


گوستگیں سالءَ ھمیں روچگانی ماہءَ پہ کارئے ءَ مردمیءِلوگءَ سر کپت۔ چونائی ءَ آ سکیں دل سپائیں ءُ مردم دوستیں مردمی ات ءُ کُل چاگرد ءِ مردمانی آئی ءِ دل مزن ءُ دستی پچ اَت۔
ہمیں وھدءَ کہ ما آئی ءِ لوگ ءَ نشتگیتیں یک نیم ءَ اُمبریں جنیں آدمے اتک ءُ مئے کشءَ نشت۔ جوڑی ءَ پد آئی ءَ اے لوگ ءِ ھمیں بانوک ءِ دیما چارگ ءَ لگ اِت۔

اے لوگ ءِ بانُک وا گندگا وتی جانءَچے بیزار اَت۔ من دلءَ گوشت بلکیں روچگ ءَ جتگ۔ بلے اے سھبءِ وَھد ات بائد وا نہ اِنت کہ اے وھدءَ مردم اے رنگءَ بے بیت۔

ھیر  تاں  کساس داہ منٹ ءَ جنین آدم ءُ لوگ ءِ بانُک  ءَ یک دیگرے دیم چاراِت اَنت بلے دوئیں ھاموش اتاں۔ بلکیں مئے سوبءَ۔ ھُدا بزانت۔
چیزے وھد پد دوئمی جنیں آدمءَ ھاموشی ءِ کُبل پروشت ءُ گوندیں توارءَ جُستے کُت۔
“ بانوک زکات کدی بھر کن اِت؟
مئے چُک بے دپّوج اَں “

” نیستیں انگتا۔ بیتیں شمارا وت توار پر کنیں“ بانوک ءَ تُرنداکا پسّو دات۔
” شرّیں بانوک ۔ پھل بہ کن ما ترا نا وش کُت۔ “

اے جنین پاد اتکءُ در کپت۔ پدا اے بانوک ءَ منی نیمگءَ چاراِت ءُ بلکیں ماراِت کہ منی زہنءَ بازیں جُست پُرس ایر آں۔

” منی چُک ۔۔۔ من ناجوڑاں منی ھون ءِ پشار بُرز شُتگ۔ اے زکات پچ گروکاں مارا کولنج کوتگ۔ سُھب ءَ سلام بیگاہ ءَ سلام۔  گوں ایشاںمردم ھزابیں ۔ “

من بچکندگے دات بلے ہچ پسو نہ دات۔ چہ ایشانی لوگءَ در کپگءِ وَھد ءَ مات ءَ منءَ گوشت کہ اے زکات پچ گروگ اے بانوک ءِ ناکو زاتیں۔  پیسرا آپ لاپ بیتگاں انّوں مھتاجاں۔ بزگیں مردم مُچ ایں۔ بائد ما شما روچگانی ماہ ءِ ودار مہ کنیں۔ وتی زکاتاں چہ اے ماہءِ آھگ ءَ پیسر بہ دئیں تاں زلورت مندیں مردم پیسرا ایشاں وتی توشگ بکن اَنت۔ ما گوش داران کُت ءُ دیما روان کُت۔

میتگءِ دمک ءَ چے درکپگے وھدءَ اناگہ ءَ من  سر چِست کُت چاراں گوں  یک دوازدہ سالی بچکےءَ  یک اسپیت ریشیں کماشے گِر دارایں۔
ما پہ رکشہ ءِ آھگ ءِِ  ودارءَ کمے چہ ایشاں پُشتءَ اُشتاتگاتیں چم ہما نیمگءَ سک دات کہ باریں چے بوتگ۔

” ترا لج نہ کنت منی سپائیں پُچ تؤ برباد کُت اَنت۔ چم تئ کوراں دیست نہ کُت چہ دیما کئے پیداکیں۔ “ کماش ءَ بچک کپنچوکا چے داشتگ اَت۔

”اللہ انّا ناکو۔۔۔ منی دل واب اَت من اُستاد ءِ واست ءَ آپ بَرگایاتاں ءُ من نہ دیست شما دیمےدمک ءَ چے پیداک اِت۔ “ آ بچک چہ کماش ءِ شاماتاں وتا رکھینگ ءِ کوشست ءَ اَت۔
” بُگش کُج اِنت تئ استاد؟  من ھالے دیاں چُشیں بے سُد ءُ بد تمیزیں بچکاں آئی ءِ گْورا“ کماش ءَ بچک ءِ کپنچوک چک اِتاں پہ برگ بلے آئی ءَ وتی پاد داشتاں۔

” ناں واجہ۔۔۔۔ چُش مہ کن۔ من بزگاں۔ اُستاد من ءَ سک ھبر دنت۔ “ آ بچکءَ پریات کُت۔
ھمیں درگتءَ کشے نیمگءِ دُکان ءَ چے یک مردکے اتک پہ صلاح کنگءَ۔ ائی ءَبچک ءِ کپنچوک چہ کماش ءِ دستاں در کُت ءُ بچک بگل  ءَ کُت ءُ گوں کماشءَ گوشت
” واجہ چُک ایں بہ بکشیتی۔ انچو مزنیں گپے نہ اِنت۔ آپ شمئے چکّ ءَ رتکگ۔ روچ تُرند اِنت انّوں شمئے پُچ  ھُشک بنت۔
بل بچلوک رؤت۔ اشی ءِ اُستاد خبیثیں مردمیں۔ بازیں سزائی دنت۔ گریبیں بچکیں۔ روچگیں پمشکا دلے واب اَت ءُ ترا نہ دیستگی۔ “ آ دکاندارءَ اے بچکے وکالت کُت۔

” واجہ شُما کئے اشی ءِ وکیل گِری کن اِت۔ منءَ مسیت ءَ رؤگی ایں۔ ظہر ءِ نمازمنی کزا بیتیں اھساس ھست شمارا۔ اے ناپاکیں گُدانی گوناں من چوں نماز واناں “ آکماش سک گرم گپتگ اَت
” بچار واجہ اے ردی بائد مہ بوتیں بلے نوں بوت مردم چے پہ کنت؟ ھمیں بہ زان اِت کہ اے گُونڈو شمئے وتیگ اِنت۔ انچش ما وتی چُکانی ردی آں پھل کنیں اے چُک ءَ ھم پھل بہ کن اِت اللہ شمئے اے نیکیءَ گار بوئگءَ نئیلیت۔ “

اے دُکان دارءِ گپ ایشکونگءَ پد آ کماش ءَ بچک یل کُت ءُ نُروندان بیت شُت۔

من ھیرانتاں کہ اے تُرندی زاناں روچگ ءِ سَوب ءَ اَت؟اے نماز روچگ مارا چے درس دئینت؟ ھمیں کہ وتی  شُد لاپی ءِ زَھرءَ دیمے مردمے سرابہ کشِ؟
گوشگااے روچگ ما پہ مردماں داشتگ۔  نزاناں کُجا گار بنت مئے سبر ءُ اوپار کہ ما دیمے مردمے کسانیں کسانیں ردی آں پَھل بہ کنیں۔ اللہ وت مارا نیکیں راہ ءَ سر بہ کنت۔ شالا انچُش بات۔

ھلاس

[Asghar Zaheer Baloch]

باز جوانیں سرھالے۔اے ماہءَ باید مردم گیشاں چہ گیش سگءُ اوپار بہ کنت۔بلئے بہ گپتء شما بلکن آھانءَ روچگاں  تورینتگ۔ سگءُ اوپار یک سکیں مزنیں کارے بلئے ایشیءِ تہا سوب مندیءُ ارزانی سک باز اِنت۔

مہر بنی آدمءِ زندءِ مستریں مڈی اِنت“۔آشوبی ”

[Thangi Baloch تنگی بلوچ]

سلام ءُ درواھبات بانک زاھدہ رئیس راجی بلوچ
مردم زانت نکنت تاں کدی مالداریں، کدی لاچار اِنت بائداِنت مدام درمیانیں پگرے بداریت چیا کہ اے ویل گوں وھدءَ ھوارءُ مردم سرا ھست،رمضان پر برکت اِنت ھمک رنگیں چیزبکشتگ ھُداءَ بس لوٹءِ زانت بہ بیت،اے با برکت ماہءِ کدر ءُ منزلتءِ اھترام ءُ اِزّت بئیگ لازمی انت
تنگی بلوچ

[Adabi Hakim ادبی ھکیم]

Ramazan e porr barkaten maah

[AhmedHout]

Baz jawanean bungap ea, banokean gohar minute wasta ma goshean : "damanuk". huda tea rochag o numaz kubol be kanat.

[Zahida Raees Raji]

باز جوانیں سرھالے۔اے ماہءَ باید مردم گیشاں چہ گیش سگءُ اوپار بہ کنت۔بلئے بہ گپتء شما بلکن آھانءَ روچگاں  تورینتگ۔ سگءُ اوپار یک سکیں مزنیں کارے بلئے ایشیءِ تہا سوب مندیءُ ارزانی سک باز اِنت۔

مہر بنی آدمءِ زندءِ مستریں مڈی اِنت“۔آشوبی”

[/r]

برات آشوبی،
سلام ءُ دروت،
شمئے منتواراں پہ نبشتانک ءِ چیرہ وتی چمشانک دئیگ ءِ۔ برات بے سگگ ءُ اوپار ءَ روچک ءِ ھک وَ بیگواہ بیتیں بلے گوں اشیءَ انسان ءِ باتنءِ نزوری کہ برے برے آ وتی شری ءِ زائر کنگ ءَ چیر دنت آئ ءَ ھم پدّر کنت۔

وژنام بات ٰئے
شمئے کستر
زاہدہ

[jabarasKANI]

salamati pa kull ashrafull makhlokat ani sara baat..


                  ALLAH  PAAK aa ebaadat ensaan e sara eer kurtag , fakat wati shukr e ada kanag e waast aa
                  labz e shukr , yaani ALLAH PAAK e niyaamat o rahmataani ehsan mand bayag.ee drosten
                  niyamatani badal ALLAH PAAK fakat yakk SHUKR e chamma lootit...kurbaan aan wati  RABB e
                  chushen ARZAAN een badal e chamma lootit...................

                                                tao fakat bugosh ....ALLAH JAN MANA SHUKR INT TAI NIYAMATANI.....

                  Hame yakk en LABZ AGA TAO DIL SETHK ZUBAAN AA ADA BEKANE ,,,RABB TARA CHA RAAZIG     
                  BIT.......bale afsoos maa hame yakken LABZ aa gun DIL SETHK ada kurt nakne.....
                                             
                  yakk farsi gapp egushan,,,Dil  badast  aaward  hajj e  akbar  hast
                                                             az haraan kaab aa yekk Dil behtar hast...

                                             ALLAH PAAK  KULL ENSAANAN SABR E TAOFEEK BEDANT....AAeeeen                 

[Zahida Raees Raji]

سلام ءُ درواھبات بانک زاھدہ رئیس راجی بلوچ
مردم زانت نکنت تاں کدی مالداریں، کدی لاچار اِنت بائداِنت مدام درمیانیں پگرے بداریت چیا کہ اے ویل گوں وھدءَ ھوارءُ مردم سرا ھست،رمضان پر برکت اِنت ھمک رنگیں چیزبکشتگ ھُداءَ بس لوٹءِ زانت بہ بیت،اے با برکت ماہءِ کدر ءُ منزلتءِ اھترام ءُ اِزّت بئیگ لازمی انت
تنگی بلوچ

ازتمندیں واجہ تنگی بلوچ،
وعلیکم اسلام ءُ دراھبات پہ شما۔
شمئے گپ سد در سد راستیں۔ رمضان ءِ برکت کئےءَ رسیتگ ءُ کئے ءَ نہ رسیتگ ھر کس وتی دل ءَ شرتر زانت کہ ھُدایا اے داد ھمک انسان ءَ را داتگ۔

شمئے نمدی ءِ منتواراں
شمئے کستر
زاہدہ رئیس راجی

[Zahida Raees Raji]

Ramazan e porr barkaten maah

واجہیں برات ادبی ھکیم
سلام ءُ دروت ءُ دْراھبات پہ شما۔
برات شمئے نمدی ءِ منہ واراں۔ شمئے گوشتگیں کسّہ شریں سکین دئیگائیں۔ پہل بہ کن اِت کہ رمزان ءَ منی گْورا انچو موہ نیست اَت کہ من وھدے سرا شمئے پسّو ءَ بہ دئیاں۔ اُمیتیں شما دل ءَ نہ یاراِت۔
شمئے نیکیں دُعایانی مدام راہچار
شمئے کستر
زاہدہ رئیس راجی

[Zahida Raees Raji]

Baz jawanean bungap ea, banokean gohar minute wasta ma goshean : "damanuk". huda tea rochag o numaz kubol be kanat.

mennatvaran braat shome doust daarag e. wajah huda shome ham numaaz rouchagan bemannat (shala anchush baat)

braat minute e baluchi e haal dayag e mennatvaran'.
asla man hama sahata ey nebeshta kangayatan zehna ey labz naytk o man pada wadaar hejbar nakanan' sheng kanag a keh yak barey nebeshtank eyr bit goRa saalani sara ham aa sheng nabitten'

shoma pah minute a damanuk gwasht asl a ey labz damaan en'
tao damaaney baya = come for a while
yak damaney bedar = stay for a minute
chizzey damaan maara ham bedaet = please give me some time.

wazhnaam baatet

[Zahida Raees Raji]

salamati pa kull ashrafull makhlokat ani sara baat..


                  ALLAH  PAAK aa ebaadat ensaan e sara eer kurtag , fakat wati shukr e ada kanag e waast aa
                  labz e shukr , yaani ALLAH PAAK e niyaamat o rahmataani ehsan mand bayag.ee drosten
                  niyamatani badal ALLAH PAAK fakat yakk SHUKR e chamma lootit...kurbaan aan wati  RABB e
                  chushen ARZAAN een badal e chamma lootit...................

                                                tao fakat bugosh ....ALLAH JAN MANA SHUKR INT TAI NIYAMATANI.....

                  Hame yakk en LABZ AGA TAO DIL SETHK ZUBAAN AA ADA BEKANE ,,,RABB TARA CHA RAAZIG     
                  BIT.......bale afsoos maa hame yakken LABZ aa gun DIL SETHK ada kurt nakne.....
                                             
                  yakk farsi gapp egushan,,,Dil  badast  aaward  hajj e  akbar  hast
                                                             az haraan kaab aa yekk Dil behtar hast...

                                             ALLAH PAAK  KULL ENSAANAN SABR E TAOFEEK BEDANT....AAeeeen                 

wajah jabarasKANI,
Salam o drout,

shome nimdi e mennatvaaran'. insaan e niyyat o duayani mannenag e babata shome gap set karzit.
shome kaster

Zahida Raees Raji

[MirAskaniBaluch]

خلقت الانس ؤ جن ء الی یعبدودن

خداوند انسانا پیدا کرتک تا کہ آئ پشت پد بہ بیت ؤ آئ عبادتا بہ کنت
ھنچو کہ مردے واھگ کنت پہ یک مردین چوکے کہ آی پشت پد بہ بیت.