چیا بلوچان عرب انت؟

[Shastuni]

چیا بلوچان عرب انت؟

نبیسوک: شستونی بلوچ  http://balochiname.blogspot.com

دوشنبه 22 آگوست 2011
 
گئیشتریں زبانزانتاں گؤشنت کہ بلوچی یک ایرانی زبانے و یکے چہ ھندواروپایی، بزان اندویورپین زبانان انت۔عربی زبان و عبری، بزاں ھبرو، سامی زبان زانگ بنت۔ اے دلگؤشیا رند، سرپد بئیں کہ بلوچاں عرب نہ انت بلکہ گؤں پارسیان و کُرداں، زبانی لحاظا نزّیکتر انت۔
اے گپ الّم و پدّر انت کہ بلوچاں ھم، آدگہ قوم، ملت و مردمانئ دروَرا،”خالص” و پَلگار بوت نہ کننت۔ اگاں تاریخا چمّئے شانک بدئیں، شرّیا گندئیں کہ آریایی مردماں باز وھد پئیش چہ عربانی اُرَش و مسلمانانی یھتن ماں ائے سردگار، بزاں فلات ایران(ایرانین پلاتئؤ) یھتگ و جھمنند بوتگ انت۔ بلوچستان (سرجمئیں بھران) ائے فلات ایرانئ یک بھرئے زانگ بنت (دلگؤش کنئیں کہ منی مقصد جغرافیا و زمین زانتی انت، و منا گؤں مروچیگئیں ملک و کشور و سیاسی چست و ئیراں کارئے نیست انت۔) البت اے گپ بوت کنت کہ بازئیں عرب مسلمان ھم، رَندا، بلوچستان یھتگ و جھمنند بوتگ انت، ھما وڑا کہ ماں پارس، خراسان، مازندران، سند ، کردستانا ھم یھتگ و نشتگ انت۔ مسلمانئین عرباں،گؤں اے قوماں ھور و ھوار بوتگ و آ وت ھم بلوچی زبان و دؤد و ربیدگا زرتگ و بلوچ بوتگ انت، پارسی و کُرد و ۔۔۔ بوتگ انت۔ البت، اے قومانی زبان و دؤدوربیدگ ھم چہ عربانا اثرے ضرور زرتگ، بلئے بلوچ و کرد و پارس و مازندانی کدی ھم عرب نبوتگ انت۔ مروچئین فارسی زبانا باز باز گئیشتر عربی لبز مان انت۔ چیا پارسیاں یا کرداں عرب انت!؟
بلوچانی ھزاران ھزار مردم ھنّوں ماں عربی مُلکاں کاروبارا گُلائیش انت و اؤداں جھمنند بوتگ انت۔ آیانی گئیشتریں بھرے ھم عربانی پئیما سُنّی ئین مسلمان انت و وتی زبان و دؤدربیدگا ھم بازئین واک و اختیارش ھم ھست، پمئے خاطرا لھتے بلوچ وتارا عرب لئیک انت! اے گپّا البت، ھچ زانتکاری بنداتے نئیست انت۔ زبانزانت و مردم زانتاں ھم گؤں اے گپ تپاک نہ انت۔
مئی بلوچی زبان ماں کراچی و رودرھتی بلوچستان چہ پاکستانے اردو گپ جنؤکئیں ھندوستانی مسلمانانی زَبردستیا، جَھل کپتہ و تاوان زرتگ۔ چیا ما بلوچانا، یک ھندوستانے اردوزبانئیں ٹَکّے گؤشت کنئیں؟! ھمے پئیما مئی رؤنندی بلوچستانا چہ پارسی زبانئ اثرا، بلوچی زبانا لھتے سررؤپ چارؤکئیں مردم، بلوچی زبانا پارسیئ یک لھجہ بزاں گالوارے زاننت! البت اے سرجما رَد انت۔
ما درستانا دلگؤش کنگ لؤٹیت کہ زبان، ادب، دودربیدگ و شؤھازکارئ چاگِردا، گؤں وتی احساسات، مارشت و سیاسی سیادی و دلچسپیاں ھؤر تھؤر مہ کنئیں۔ آریایی ببیت، سامی ببیت یا دراویدی و۔۔۔ پر ما نان و آپ نہ بیت، مئی سر بُرزتر یا جَھل تر ھم نہ بیت۔ مئی کؤشست اے ببیت کہ گؤں سار و ھؤش و گؤں عِلمی و شؤھازکاری رھبنداں، وتی زانتا گیش بکنین و بلوچی زبان و دؤدربیدگا گار مہ کنئین، بلکیں گیشتر ردؤم بدئیں۔
گؤں نئیکیں واھگاں وژنام و سؤبئیں بات ات
شستونی بلوچ -بلوچی نام و نشان

Reply
 Forward

[Thangi Baloch تنگی بلوچ]

بلوچانی سرگوست ءِ باروا کسانیں چمشانک ئے ،چوش کہ مئے راجدپتر زانت ءَ شائرا ں گوشتگ انت بلوچانی سہ مزنیں لڈ ءُ بوج بیتگ انت ، برئے گوش انت چہ حلب برئے گوش انت چہ کربلا برے گوش انت چہ یمنءَ کسے ھستیں کے اے لڈ ءُ بوجانی راجدپتریءَ ادا گوشت بکنت،چوش نہ انت کے عرب بوتگ انت پہ بلوچستان آتکگ انت گون بلوچاں سور ءُ سانگ اش کُرتگ اِش ، پرچہ کے بلوچانی زبان پوشاک چتائیں چیزئے پیش داریت پہ دود ءُ ربیدگانی رواجءَ ، من ایشے منوک نیاں ، چوکہ بلوچانی دود ءُ رواج پیش دار وک اِنت بلوچان وتی سرزمین ءِ نندوک بیتگ انت، بلوچ ءِ نام ءُ راجدپتر ءِ نشان ،چِدگ وت بلوچ ءِ دوازدہ ھزارا سالا گیش نشانانی شاھدیا د یاں انت۔بلوچی لبزانک ءُ زبان
پوشاک اِنت،بلوچستان کلات ءُ ماڑیانی چدگ اَنت چہ ھزارھاں ھزار سال
مک اَنت۔ منی سرپر نہ بیت پرچا مئے زانتکاراں ءُ شائرھاں بلوچ
راج گوں دیگہ کوم ءُ راجاں لِچینتگ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تنگی بلوچ

[Shastuni]

Thangi Baloch wrote:

بلوچانی سرگوست ءِ باروا کسانیں چمشانک ئے ،چوش کہ مئے راجدپتر زانت ءَ شائرا ں گوشتگ انت بلوچانی سہ مزنیں لڈ ءُ بوج بیتگ انت ، برئے گوش انت چہ حلب برئے گوش انت چہ کربلا برے گوش انت چہ یمنءَ کسے ھستیں کے اے لڈ ءُ بوجانی راجدپتریءَ ادا گوشت بکنت،چوش نہ انت کے عرب بوتگ انت پہ بلوچستان آتکگ انت گون بلوچاں سور ءُ سانگ اش کُرتگ اِش ، پرچہ کے بلوچانی زبان پوشاک چتائیں چیزئے پیش داریت پہ دود ءُ ربیدگانی رواجءَ ، من ایشے منوک نیاں ، چوکہ بلوچانی دود ءُ رواج پیش دار وک اِنت بلوچان وتی سرزمین ءِ نندوک بیتگ انت، بلوچ ءِ نام ءُ راجدپتر ءِ نشان ،چِدگ وت بلوچ ءِ دوازدہ ھزارا سالا گیش نشانانی شاھدیا د یاں انت۔بلوچی لبزانک ءُ زبان
پوشاک اِنت،بلوچستان کلات ءُ ماڑیانی چدگ اَنت چہ ھزارھاں ھزار سال
مک اَنت۔ منی سرپر نہ بیت پرچا مئے زانتکاراں ءُ شائرھاں بلوچ
راج گوں دیگہ کوم ءُ راجاں لِچینتگ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تنگی بلوچ

واجهئین برات تنگی دراه بات
من تئی گونا تپاکون که بلوچا باز دراجین تاریخ و راجدترئ مان مئی سردگار هست انت. تاریخا جنگ بوته، مهاجرت بوته، سانگ و بند بوته؛ بلئ آ که یهتگ و گون مئی بلوچان هور بوتگ و وت هم پدا ادان نشتگ و جهمنند بوتگ انت. ، هم بلوچ انت. په درورا، مئی بلوچ سید و سادات و صاحبانئ یک و دو بن پیرک سدانی سال پئیسرا، جه عربستان  یهتگ و جن و چک اش کرته و جهمنند بوتگ انت یا مئی لهتئ بن پیرک بلکئین چه اوگانستان یهتگ. ائیشان البت اینکه باز نبوتگ انت که لهتئ درستئین بلوچانا عرب بلئیکنت! هما پیما که من دیمترا نبشتگ زبانزانت و مردم زانت و شوهازگرانئ مطابق بلوچی زبان یک ایرانی/ هندواروپایی زبانئ انت؛ و بلوچانا وتی کوهنئین تاریخ، ادب، دود و ربیدگئ بوته و عرب نه انت. وژنام بات

[Adabi Hakim ادبی ھکیم]

parcha balouch arabant.

[Shastuni]

  منی واجهئین برات ادبی هکیم
چه تئی چمشانکا منت وارون؛ بلئ په منئ گمانا تو منی کسانئین نبشتانکئ مقصدا بلکئین شریا سرپد نبوتگئ؛ منا باز پهل کن که ائ ضرور منی نبیسگئ رهبند انت یا منی لهجه و گالوار؟ من نزانان! هر پئیم، دوستئین واجه هکیم، من نگوشته که منا گون ملک و کشور و آدگه کار و باران کار نیست انت. من چه تو دزبندی کنان که پدا یک دگه برئ منی نبشتانکا بوان. من کدی چوش نگوشتگ.
هما پیما که منی دوست، تو وت هم منی دو جمله ها سهرئین رنگئ داته، منی مقصد جغرافیا و زمین زانتی (زمین شناسی- بزان جیولوجیکال)  چمشانکئ ات که بلوچستان مان فلات ایران (ایرانین پلاتئو) انت. وهدی که من گوشتگ که منا "گون مروچیگئین ملک و کشور و سیاسی چست و ئیران کار نیست" منی مطلب و مقصد پدر و الم ات و من ایوک و تهنا فلات ایرانئ باروا گپ کرتگ ات. وهدی من گوشتگ ات که "سرجمئین بلوچستان" مان "فلات ایران" انت، ایشیئ معنا ائ نه انت که "سرجمئین بلوچستان" مان "کشور" یا "ملک" ایران انت! منی خیالا ائ نا انصافی گپئ انت که تو یک کسانئین کپ و بهرئ چه یک پاراگرافئ جتا کتگ و منی مقصدا اشتباه بزان غلط پئیش دارگائی.
.
منی دوست، من دلجمان که تو "فلات بزان پلاتئو" و ملک و کشور بزان "کنتری" ء فرقا ضرور زانئ. من حیران و هبکه بوتان که تو گوشئ که "شوهازئ دپتر" بند ببیت! نه منی واجهئین برات! شوهاز باید انت که گئیشتر هم ببیت. مروچی ما باید انت که گون علم و زانت و شوهازکاریا دئیما برئین. هر کس بلکئین شعار و نعره بدنت، بلئ ائ منی و تئی اگده و وظیفه انت که جست کنئین که هر گپی ثبوت جئ انت. من نه تئی و نه هچ دگه مردمئ سیاسی فکر و ازم و خیالا کدی ائیر نجتگ. گپ ایش نه انت که کسئ گونا فکری تپاکی یا ناتپاکی ببیت، بلئ باز باز گهتر انت که ادبی "امانتداری" ببیت و  لهتئ لبزئ زورگ و چه معنا و مقصد درکنگ، په منی خیالا، "امانتداری" نه انت. البت منی دوستئین برات، تئی حق انت که ضرور ایرادگیری بکنئ، بلئ "امانتداری" هم شموشگ مه بیت.
دلگوش:
plateau=فلات/پلاتئو
country=کشور/ملک
وتی حقان هم پهل کن اگان ردی بوتگ
سوبئین و وژنام بات
شستونی بلوچ

[Adabi Hakim ادبی ھکیم]

balouch chia arabant?