Author Topic: بلوچ دود ءِ سرا یک دگہ شھماتے  (Read 8972 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
بلوچ دود ءِ سرا یک دگہ شھماتے
« on: August 28, 2011, 08:10:56 AM »
بلوچ دود ءِ سرا یک دگہ شھماتے
 دیریں وھدیں کہ بلوچ ءِ نام ءُ جند چہ درامداں برداشت نہ بیت۔ بل کہ بلوچ آھانی نام ءَ نہ گراَنت ۔ آھانی کارءَ کار نہ داراَنت بلے ایشانی دست ءُ دپ مدام کچگ دئینت۔
 بلوچ یک راج ئے ھیسیت (حیثیت) ءَ چہ اولی روچاں پہ ایشاں سگگ گران اَت پمشکا ایشاں بلوچانی مستریں نزوری یعنی ناتپاکی ءِ ھیل چِت ءُ بلوچ وت ماں وتا میڑینتاں ۔

ھمیں میڑینگ ءِ وھدءَ ایشاں بلوچ ءِ ھند ءُ دمگءَ چے وانگ ءُ زانگ ءِ آسراتی کم کم ءَ گار ترینان کُت اَنت بلے ھمیں رنگءَ کہ بلوچ ھم مہ زانت کہ منءَ چونیں تاوانے رسگءَ ایں۔ وھدے بلوچ ءِ زانت کم تران بیت ایشاں نشہ ءِ لَت مئے ھمک دمگ ءَ انچْش مان دات کہ ایشانی یاروک ھم بلوچ، بھا کنوک ھم بلوچ ءُ چہ ایشاں برباد بیوک ھم بلوچ بیتاں۔

چہ اشی ءَ پد ایشاں چاراِت کہ بلوچ ستر چہ وتی سُد ءُ سما ءَ دیر بی بیت  مستریں چز ایشانی دود ءُ ربیدگ ایں  کہ اے ھجبر یل نہ دئینت گُڑآ ایشاں وتی میڈیا ءِ دیما بلوچ ءِ ھما مردم کہ دیر نہ چاروک ءُ درآمد دوست اتاں دیما یارت اَنت  ءُ آھانی باپُشت ءَ بلوچ ءِ یک گونڈیں دمگ ءِ مردمانی  پجار کہ آھانی پگر چہ پیسرا گُلام بیتگ اَت  کُل راج ءِ ھیر جنگ ءَ دیمایارت ءُ بلوچ ءِ راج دپتر چیر ءَ مان ترینت تاں کس مہ زانت کہ بلوچ کئے بیتگ ءُ کئے ھست۔
 
اشی ءَ مئے جند ءِ نزوری بُگش اِت اگاں نہ دل پاکی کہ ما وتی ایر جنوک ءِ دل ءِ کینگ ءَ سر گوزکنیںءُ  مدام اے گُشیں کہ ما گُلامیں پمشکا مئے دست ءَ ھچ نہ بیت۔

چیزے وھد پیسر یو ٹیوب ءِ سرا ایریں یک جوانیں کلپے ءَ چم کپت ۔ اے کلپ ءِ توکا پلستین ءِ یک دمگ ءَ یک اسرائیلی فوجی۔ دَہ،  دوازدہ سالی بچک ءُ آئی پت ءِ پُشتا پہ گرگءَ تچگایت۔
بچک ءَ تچگ ءِ پُرّا یک سنگے چست کُت ءُ چک ترینت ءُ اے اسرائیلی ءِ جنَگءَ اشی ءِ  پُشتا تچگ بنا کُت۔
اے سکیں ھیرانی ءِ گپ اَت کہ آ سلا بندیں اسرائیلی چہ اے گونڈو ءِ دست ءِ سنگءَ انچش ترس اِت کہ آ ھم چَپ تراِت ءُ  چہ بیما تیز تچان بیت۔
 
اے کلپ مارا یک مزنیں  سکینے دنت زلورت بس اشی ءِ سرپد بئیگ ءِ اِنت۔

 من پدا وتی بُن گپ ءِ سرا کایاں کہ اگاں زیک مئے پیریناں ایشاں انچو موہ مہ داتیں ایشاں مروچی وڑے نہ وڑے ءَ مئے دود ءُ ربیدگ،  بدیں رنگےءَ دیما یارگ ءِ کار دیما نہ بُرتگ اَتَ۔

تاں ایشانی پسو ہمیشانی رنگءَ دئیگ مہ بیت مئے کُکار ءُ سلوات ھچ درد نہ وارت۔

من ادا شمارا یک مسال ءِ دئیاں

منی کار جاہ ءِ میتگ کہ شَھر ءِ مزنیں دمگاں چے یکیں،  ادا بازیں گریبیں بلوچ زالبول پہ وتی چُکانی لاپ دئیگ ءَ لوگاں کار کن اَنت۔ 
یک نیم روچے ءَ من گوں وتی ھمکاریں جنیکاں وتی کار جاہ ءِ در ءِ دپا اُشتاتگایتاں کہ ھمیں بلوچ زالبولاں چے یکے گوں وتی جنیں چُک ءَ کارءِ ھلاس کنگ ءَ پد بسانی ودار جاہ ءَ اُشتات۔
آئءِ چُک ءَ مات ءِ گُوشاں چیزے گْشت گْڑا مات ءَ وتی پندول ءَ چے چیزے کش اِت ءُ چُک ءَءِ دست ءَ دات۔
اے چیز من ءُ منی ہمکار دْرستاں دیست۔ بلے یک پناہگیریں الٹرا ماڈرن جنیکے ءَ پہ ستائینگ ءَ من ءَ جُست کُت:
زاہدہ اے شمئے پشک ءِ دیما اے دراجیں کسگ چی  دردے دوا ایں؟  پہ دو کلدار ءِ کشّگ ءَ شما اشی ءَ انچو چست ایرپرچہ کن اِت؟

من پسو دات کہ اے شمئے ہما کارءِ بدل ایں کہ مالوک ءِ بچا شما وتی ساڑی آنی توکا چہ گُٹے نیمگ ءَ دستا مان دئیت کن اِت ۔
وتی گپّ ءَ بل کہ تؤ  وانندہ وَ پرس ءُ ھینڈ بیگ زورئے کہ ترا وتی دود ءِ سرا لج کنت ءُ بائد یں لج بہ کنت بلے ھُدا ءِ شُگر اِنت کہ مئے راج ءِ وانندہ ءُ بے وانندہ کس وتی پندول ءِ چست ءُ ایرءَ بے ننگ نہ بیت۔
آجنک ءَ سک تؤراِت ۔ کندگی جؤر بیتاں۔
من پہ شری زانتگ کہ اے گپ چہ ھمیدا ھلاس نہ بیت پمشکا من گُشت کہ شمئے اے کمیز شلوار ءِ توکا ( آ وھد ءَ گونڈیں پشکانی پیشن بیتگ) شما چے گُش اِت شمئے ستر چیر ایں ؟
اگاں بلوچانی رنگءَ چادر شما مان مہ پوش اِت راہ ءَ شمئے پشک گوات ءِ گوناں وت سلامی دنت۔ مئے ھُدا ءِ شُگراِنت ھؤر گوات مارا شمئے رنگ ءَ بے ازت نہ کنت۔
اے دگہ جنک کہ اشی ءِ گوناں اوشتاتگ ءُ گپّءَ گوش دارگایتاں دْرستاں پسّو رس اِت۔

مرچی اصغر ندیم سیّد ءَ یک پرائیوٹ چینل ءِ گوشگ ءِ سرا بلوچانی دود ءُ ربیدگ ءِ سرا بدیں چیزے دیما یارتگ۔وھدے کسمانک کارءَ جُست  کنگ بیت کہ  تؤ پرچہ چُش کُتگ گُڑا آئ ءَ پسو دات کہ من ٹی وی چینل ءِ واھُندانی گُشگ ءِ سرا اے نبشتہ کُتگ۔

نوں کسے چہ آئ ءِ جند ءَ را جُست بہ کنت کہ اگاں کسے تئیگ ءُ آئ ءِ مات ءِ ننگ برگ ءِ نبشتانک ءَ شنگ کنگ بُلوٹ اِت گُڑا چے شُما کن اِت؟

پدا  آ ٹی وی چینل ءَ انچو ھمت چہ بلوچستان ءِ چیزے نامی مردمانی  ھما گُشتانک ءَ چے رسیتگ کہ آھاں میڈیا ءِ دیما دپاں گوں وت جنین ءِ گیرت ءِ نام ءِ سرا زندگک ءَ کلّ کنگ وتی  بلوچی دود گُشتگ۔
 چُزیں بے سُدیں مردم ھم بائد دیما یارگ بہ بنت کہ وتی دمگ ءَ وتی ھاکمیت ءُ بیم گیش کنگ ءِ ھاترا آئی ءِ جند ءَ درآمدی دود بلوچی ءِ نام ءِ سرا بلوچانی سرا مسلط کُتگاں۔
نوں چُشیں چیز چے رنگ ءَ دارگ بہ بنت بائد ما شما دْرا اے گپے سرا پگر بہ جنیں۔
گوں نیکیں واھگاں
وتی راج ءِ ھیر لوٹوک
زاہدہ رئیس راجی
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Waleed Garboni

  • Moderator
  • ****
  • Posts: 146
  • Karma: 24
    • Baluchistan News
Re: بلوچ دود ءِ سرا یک دگہ شاماتے:
« Reply #1 on: August 28, 2011, 12:20:24 PM »
بانک زاھدہ، اے پناھگیرانی توھین شہ زمانگا بلوچ قومءِ چکّا بیتگ اَنت۔ ھنچوش کہ ایرانی فارساں کہ وتا چَلے بھا اش نیست اِنت و ابید شہ تھرانیاں، دگہ ھچ کسا حسابا نہ یار اِنت، پناھگیراں کسا نہ بکشتگ۔ سندی، پٹان، پنجابی و بلوچ ھر قوم اش سل پیشداشتگ و انگت ھمے سلگتی اش یلہ نہ داتگ۔
نیں انٹرنٹ و دگہ رسانکانی برکتا، ایشانی سلگتی بے ڈوبارگا دیما برگ نہ بی اَنت۔ ھر بلوچ ندکار و رسانکار آوانی دروغانی بُنا ٹنگ کنت و راستیا دیما یاریت۔
امید اِنت کہ بانک زاھدہءِ ڈولا پھکیں وانندہ پہ بلوچی ارزشانی دیما برگا وتی وساں جھد کن اَنت۔ میڈیاءِ دیما پدر کنگ ضروری اِنت کہ بلوچ کلچرءِ پاسبان صادق عمرانی نہ اِنت، بلکیں ھما بانکیں جفا کش اِنت کہ آئیءِ مثال بانک زاھدہ داتگ۔
سوبین بات ات
بلوچ، بلوچی و بلوچستان نمیران انت۔

Offline daniel

  • Active Baask
  • ****
  • Posts: 42
  • Karma: 6
Re: بلوچ دود ءِ سرا یک دگہ شھماتے
« Reply #2 on: August 28, 2011, 02:25:40 PM »
باز جوانین نبشتانکے. 
اپسوزی گپ ایش که ایران و پاکستان ء میڈیا بلوچانی خلاف ء انت. ایران ء هم بلوچان ء یا ایر جن انت یا که هچ هبر ء موه اش نه دے انت. اے وڑین میڈیا هانی دیم ء میڈیا داشت کن انت وبس.
میی سر ء فرض انت که گون همے میڈیاهان که میی دزرس ء انت, اینٹرنت به بیت یا که روتاک و ماهتاک به بنت, گون دنیا ء اے دگه قومان ء الکاپی ء وتی پجار ء به کن این. اے کار ء ما باز دیم ء شتگ این بلے انگت گبشتر کار کنگ لوٹ ایت.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: بلوچ دود ءِ سرا یک دگہ شھماتے
« Reply #3 on: August 28, 2011, 05:23:57 PM »
بانک زاھدہ، اے پناھگیرانی توھین شہ زمانگا بلوچ قومءِ چکّا بیتگ اَنت۔ ھنچوش کہ ایرانی فارساں کہ وتا چَلے بھا اش نیست اِنت و ابید شہ تھرانیاں، دگہ ھچ کسا حسابا نہ یار اِنت، پناھگیراں کسا نہ بکشتگ۔ سندی، پٹان، پنجابی و بلوچ ھر قوم اش سل پیشداشتگ و انگت ھمے سلگتی اش یلہ نہ داتگ۔
نیں انٹرنٹ و دگہ رسانکانی برکتا، ایشانی سلگتی بے ڈوبارگا دیما برگ نہ بی اَنت۔ ھر بلوچ ندکار و رسانکار آوانی دروغانی بُنا ٹنگ کنت و راستیا دیما یاریت۔
امید اِنت کہ بانک زاھدہءِ ڈولا پھکیں وانندہ پہ بلوچی ارزشانی دیما برگا وتی وساں جھد کن اَنت۔ میڈیاءِ دیما پدر کنگ ضروری اِنت کہ بلوچ کلچرءِ پاسبان صادق عمرانی نہ اِنت، بلکیں ھما بانکیں جفا کش اِنت کہ آئیءِ مثال بانک زاھدہ داتگ۔
سوبین بات ات
بلوچ، بلوچی و بلوچستان نمیران انت۔




مڑاداریں ءُ اِزّت مندیں واجہ ولید گربونی،
سلام ءُ دْروت،
شمئے نمدی ءِ منتواراں۔
شمئے گپ سد در سد راستیں اے راج ءِ پاسپان صادق عمرانی ءُ اے دگہ نہ یاں کہ پہ امروز ءِ وشیانی ھاترا وتی راج ءِ بنام کُتگ ۔
 
منی جند ءِ زندءِ مستریں اُصول ایش انت کہ اگاں ردی منی
وتیگیں گڑا من ہجبردیگراں میاریگ نہ کناں
بلےاگاں دگہ کسیگ اِنت گُڑا ہجبر نہ منناں۔ پمشکا تاں وتی جند ءِتوکا چے ما لگوراں رُزوا مہ کنیں ءُ توبہ مہ پرمائینیں درآمد مدام ایشاں مئے راج ءِ ایر جنگءَ کارمرز کنت۔
 
انچُش کہ واجہ رسول اللہ صل اللہُ علیہ وسلم ءَ بازیں جاہاں مُناپک چہ مُشرکاں گنترگُشتگ ءُ چہ ایشاں وتا دیر دارگ ءِ سکین داتگ ھمیں رنگ ءَ مئے راج ءِ دُژمن درآمد وَ بے شک ھستاں بلے چہ وتی رِِداں اُشتاتگیں مُناپکیں ءُ درآمد دوستیں بلوچ ھم در کنگ لوٹ اَنت۔
شمئے کستر
زاہدہ رئیسی
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Waleed Garboni

  • Moderator
  • ****
  • Posts: 146
  • Karma: 24
    • Baluchistan News
Re: بلوچ دود ءِ سرا یک دگہ شھماتے
« Reply #4 on: August 29, 2011, 02:49:41 PM »
گش اَنت کہ ھر قومءِ کلچرا پھازوکیں واک ھمائیءِ مڈل کلاس اِنت۔ سربُری کلاس وتا شہ کلچر و قوم و زبانا برزتر لیکیت و گوں دگہ قومانی سربری کلاسا نند پادا کنت، جَھلتری کلاسءِ زبان، کلچر، قوم و ملک چنڈے نان اِنت کہ پہ ایشی جلا اِنت۔
ما بلوچانی بھتاوری اِنت کہ مئے جھلتری کلاسءِ کارکرد پہ وتی قوم، ملک، زبان و دودءِ زندگ کنگا مڈل کلاسءِ درور اِنت۔ مئے قومءِ برزی کلاس کہ سردار، نواب و ھمیشانی کاسگ چٹ اَنت؛ ھمے لیک اَنت کہ پنجابی، پٹان و پناھگیر قومانی برزءِ کلاس آواں وتی درور لکیت و ھماوانی رما جاگہ کن اَنت۔ ایشاں زانگ لوٹیت کہ بلوچ ھائی کلاسءِ اھمیت شہ نام گپتگیں قومانی مڈل کلاسا برز تر نہ اِنت۔ پمیشا پنجابی، پٹان و پناھگیر آوانی صلاحیتاں پہ وتی سیتا کارمرز کن اَنت۔ ھمے کہ کار اش شر کت، تیرانی دپا اش دی اَنت۔ مثال باز اَنت۔ مارا تاریخءِ پولکاری پہ کار نہ اِنت۔
منی خیالا شہ نواب بگٹیءِ شھادتا پد بلوچ ھائی کلاسءِ لھتے مردماں وتی نزوری مارتگ اَنت کہ شریں مستاگے اِنت۔ ایشاں شہ وت سندگ دیر کنگا باز واک پکار اِنت، بلہ وتی رما جاگہ دیگ اش آسودگتر اِنت۔ پمیشا ھمے جھد کنگ بہ بیت کہ پھکیں بلوچ  وتی دشمنانی پندلاں سرپد بہ بی اَنت۔ و وتا یک قومےءِ دروشما تپاک و قومی جھدا ھمدپ بہ کن اَنت۔ قومی جھد تیر و تفنگ نہ اِنت۔ تیر و تفنگ ھنی ناسرپداں ھنچوش بدنام کتگ کہ قومی جھدا ھم ایشیا جنگءِ ناما دیگا اَنت۔
ھنچوش کہ واجہ دانیال گشگا اِنت، ھنیگیں دور رسانْکءِ دور اِنت۔ چدا پیسر بلوچ قوم اش توھیں کتگ، گڈا کسا آوانی راھشونی نہ کتگ۔ مرچی بلوچ دانشور ھر چیزا چارگا اَنت و دشمن ھم شہ ایشاں ترسگا اَنت۔
مارا ماں لندن یک وانندویں بلوچے داکٹر دوشوکیءِ دروشما ھست اِنت۔ ھمے یکیں داکٹرا گجرانی ساہ پونزا رسینتگ۔ شہ بی بی سی فارسی تانکہ صداءِ امریکا، نیں پھک ترسگا اَنت کہ بلوچاں پیسری ڈولا ٹرورسٹ مہ گش اَنت۔ شما اندازہ بہ جن اگر مارا 10 ھنچوشیں داکٹر بہ بیت، گڈا دشمنءِ حال چون بیت اِنت!

Offline Thangi Baloch تنگی بلوچ

  • Global Moderator
  • ******
  • Posts: 1234
  • Karma: 196
Re: بلوچ دود ءِ سرا یک دگہ شھماتے
« Reply #5 on: August 29, 2011, 05:40:13 PM »
سلام ءُ دروت پہ زاھدہ رئیس راجی بلوچ
منّتوار چہ شمئے بے مٹیں نبشتانکے پہ  راج ءِ سرپدییا
منا اے ویدیوءِ کسانیں بھرے چماں کپت، ادا کے زالبولے ناچ ءَ پدر کنت ھما ایرانی فیلم انت کے بلوچ ءِ ناما کشگ بیتگ ،دیگہ فیلم اے پہ کاروان ناما گوں امریکی ازمکاراں جوڑ بیتا آئی تھا ھم بلوچ ایرجنگ بیتگا انت،گپ اداءَ انت پرچہ اے دوئیں ملک چوش بلوچانی پدا کپتگ انت یک نیمگءِ پدّر کنگ لوٹ انت بلوچانی تھا مھر دوستی نیست دیگہ نیمگ اے زاھر کنگ لوٹ انت بلوچ گیر چہ کُشت ءُ کوشا ھیچ نزانت ءُ مسترین چیز بلوچءِ ننگ ءُ غیرتیں بلے واجہ ھُدا ھیچ وھد نہ گواہ ایت پہ ایشانی سوبین بئیگا من جزماں کے ھُدا ایشاں کنت ءُ پیش داریت
منّتوار
تنگی بلوچ 
Our moderator Aslam Hoath (Thangi Baloch) is no more ... اناللہ وانا الیہ راجعون
Do remember him in your prayers.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
Re: بلوچ دود ءِ سرا یک دگہ شھماتے
« Reply #6 on: August 29, 2011, 09:54:37 PM »
باز جوانین نبشتانکے. 
اپسوزی گپ ایش که ایران و پاکستان ء میڈیا بلوچانی خلاف ء انت. ایران ء هم بلوچان ء یا ایر جن انت یا که هچ هبر ء موه اش نه دے انت. اے وڑین میڈیا هانی دیم ء میڈیا داشت کن انت وبس.
میی سر ء فرض انت که گون همے میڈیاهان که میی دزرس ء انت, اینٹرنت به بیت یا که روتاک و ماهتاک به بنت, گون دنیا ء اے دگه قومان ء الکاپی ء وتی پجار ء به کن این. اے کار ء ما باز دیم ء شتگ این بلے انگت گبشتر کار کنگ لوٹ ایت.
man ham wajah daniel e gap e sara topakon , ptv nilaam ghar e prograam e taha mordaaren tareq aziz a baaz bara balouch raaj e bey ezzati kortag.
allah eshaan bejant o prosht o proush bekant.

adabi hakim

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: بلوچ دود ءِ سرا یک دگہ شھماتے
« Reply #7 on: September 04, 2011, 09:19:19 AM »
باز جوانین نبشتانکے. 
اپسوزی گپ ایش که ایران و پاکستان ء میڈیا بلوچانی خلاف ء انت. ایران ء هم بلوچان ء یا ایر جن انت یا که هچ هبر ء موه اش نه دے انت. اے وڑین میڈیا هانی دیم ء میڈیا داشت کن انت وبس.
میی سر ء فرض انت که گون همے میڈیاهان که میی دزرس ء انت, اینٹرنت به بیت یا که روتاک و ماهتاک به بنت, گون دنیا ء اے دگه قومان ء الکاپی ء وتی پجار ء به کن این. اے کار ء ما باز دیم ء شتگ این بلے انگت گبشتر کار کنگ لوٹ ایت.
منہ واراں واجہ دانیال شیردل  شمئے پہ اے نبشتانکے دوست دارگ ءِ۔
جی راستیں گپ اِنت کہ مارا پہ ایرے جنگ ءَ ھچ ملک پُشتا  پَشت نہ کپتگ۔ ھر دوئیں ملک وتی دْراہ آسراتی آں کارمرز کنت پہ مارا ایر ءِ جنگ ءَ بلے مئے ھم میڈیا ءَ شاباش اِنت کہ پساں گُرگ ءِ دیما دارگ ءَ یاراَنت۔ اللہ وت مئے راج ءِ سرا راھم بہ کنت ءُ مارا اگل بہ دنت۔ شالا انچُش بات۔

Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: بلوچ دود ءِ سرا یک دگہ شھماتے
« Reply #8 on: September 04, 2011, 10:28:00 AM »
گش اَنت کہ ھر قومءِ کلچرا پھازوکیں واک ھمائیءِ مڈل کلاس اِنت۔ سربُری کلاس وتا شہ کلچر و قوم و زبانا برزتر لیکیت و گوں دگہ قومانی سربری کلاسا نند پادا کنت، جَھلتری کلاسءِ زبان، کلچر، قوم و ملک چنڈے نان اِنت کہ پہ ایشی جلا اِنت۔
ما بلوچانی بھتاوری اِنت کہ مئے جھلتری کلاسءِ کارکرد پہ وتی قوم، ملک، زبان و دودءِ زندگ کنگا مڈل کلاسءِ درور اِنت۔ مئے قومءِ برزی کلاس کہ سردار، نواب و ھمیشانی کاسگ چٹ اَنت؛ ھمے لیک اَنت کہ پنجابی، پٹان و پناھگیر قومانی برزءِ کلاس آواں وتی درور لکیت و ھماوانی رما جاگہ کن اَنت۔ ایشاں زانگ لوٹیت کہ بلوچ ھائی کلاسءِ اھمیت شہ نام گپتگیں قومانی مڈل کلاسا برز تر نہ اِنت۔ پمیشا پنجابی، پٹان و پناھگیر آوانی صلاحیتاں پہ وتی سیتا کارمرز کن اَنت۔ ھمے کہ کار اش شر کت، تیرانی دپا اش دی اَنت۔ مثال باز اَنت۔ مارا تاریخءِ پولکاری پہ کار نہ اِنت۔
منی خیالا شہ نواب بگٹیءِ شھادتا پد بلوچ ھائی کلاسءِ لھتے مردماں وتی نزوری مارتگ اَنت کہ شریں مستاگے اِنت۔ ایشاں شہ وت سندگ دیر کنگا باز واک پکار اِنت، بلہ وتی رما جاگہ دیگ اش آسودگتر اِنت۔ پمیشا ھمے جھد کنگ بہ بیت کہ پھکیں بلوچ  وتی دشمنانی پندلاں سرپد بہ بی اَنت۔ و وتا یک قومےءِ دروشما تپاک و قومی جھدا ھمدپ بہ کن اَنت۔ قومی جھد تیر و تفنگ نہ اِنت۔ تیر و تفنگ ھنی ناسرپداں ھنچوش بدنام کتگ کہ قومی جھدا ھم ایشیا جنگءِ ناما دیگا اَنت۔
ھنچوش کہ واجہ دانیال گشگا اِنت، ھنیگیں دور رسانْکءِ دور اِنت۔ چدا پیسر بلوچ قوم اش توھیں کتگ، گڈا کسا آوانی راھشونی نہ کتگ۔ مرچی بلوچ دانشور ھر چیزا چارگا اَنت و دشمن ھم شہ ایشاں ترسگا اَنت۔
مارا ماں لندن یک وانندویں بلوچے داکٹر دوشوکیءِ دروشما ھست اِنت۔ ھمے یکیں داکٹرا گجرانی ساہ پونزا رسینتگ۔ شہ بی بی سی فارسی تانکہ صداءِ امریکا، نیں پھک ترسگا اَنت کہ بلوچاں پیسری ڈولا ٹرورسٹ مہ گش اَنت۔ شما اندازہ بہ جن اگر مارا 10 ھنچوشیں داکٹر بہ بیت، گڈا دشمنءِ حال چون بیت اِنت!

واجہ ولید گربونی،
سلام ءُ دْروت ءُ دْراھبات اِت۔
شمئے اے چمشانک ءِ ھم منہ واراں ۔ شمئے گپ سد در سد راستیں کہ راجانی دیما بروک مڈل کلاس ءِ مردماں ءُ اَپر کلاس ءَ ھجبر ھچ تیر نہ جتگ۔
مئے بلوچانی پشت کپینگ ءِ پُشت ءَ دو گروپانی کرد سک بازاِنت۔ یکے وَ ھما کہ شما نشان کُت بلے دوئمی جہلیں گروپ کہ زانگ، وانگ ءُ زندے دْرا آسراتی آں پشتت کپتگ اَنت ءُ ایشانی سوبءَ مئے راج ءِ سرا بیک ورڈ بوئگ ءِ ٹیگ جنگ بیتگ۔

ایشانی تہا ھستیں احساس ءِ کمتری ءَ اے درآمد دوستی پرمائینتگ اَنت ۔

بلوچی ءِ رسانک اگاں کواس ءُ زانتکارانی دست ءَ بہ بیت وش ٹی وی ءِ رنگ ءَ انچیں مردمانی دست ءَ ما بیت کہ رسانک ءِ زلورتاں پیلو مہ کنت گُرا  ما یک دو سالانی توکا ھما جاہ ءَ سر بئینت کہ ایشاں مارا ششست ءُ شش سالیں سر بئیگ ءَ نئیشتگ۔
ادا منی مراد وش ٹی وی ءِ ایر جنگ نہ اِنت۔ آ وتی وس ءُ واک ءِ ھساب ءَ کارایاں بلے وھدے کہ ما دُنیا ءِ گوناں جنگ ءَ اللہ کنیں باید ما ھم کتار بند بہ بئیں ۔ انگت ءَ مارا اے سما نیست کہ نیوز وانوک ءِ پُوشاک چے پیمیں بہ بنت۔ مئے اینکرز پاکسان ءَ نشتگ ءُ درآمدیں مردماں جُست پُرس کن اَنت بلے اُردو ءِ ھال ھما اِنت کہ درآمدیں رسانک کار مارا ایر جن اَنت ۔
دل وش بوت کہ شما آ ڈاکٹر ءِ نام گپت کہ آئ ءَ مئے دُژمن نبس ءَ کُتگاں۔ مارا زلورت انچیں مردمانی ھست کہ وتی وانگ ءُ زانگ ءِ پُشت ءِ ھم بز بہ بیت ءُ آ گُرگ ءِ دیم ءَ گُرک بہ بنت۔
شمئے منہ وار
زاہدہ رئیسی

Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
Re: بلوچ دود ءِ سرا یک دگہ شھماتے
« Reply #9 on: September 07, 2011, 07:30:23 AM »
 
سلام ءُ دروت پہ زاھدہ رئیس راجی بلوچ
منّتوار چہ شمئے بے مٹیں نبشتانکے پہ  راج ءِ سرپدییا
منا اے ویدیوءِ کسانیں بھرے چماں کپت، ادا کے زالبولے ناچ ءَ پدر کنت ھما ایرانی فیلم انت کے بلوچ ءِ ناما کشگ بیتگ ،دیگہ فیلم اے پہ کاروان ناما گوں امریکی ازمکاراں جوڑ بیتا آئی تھا ھم بلوچ ایرجنگ بیتگا انت،گپ اداءَ انت پرچہ اے دوئیں ملک چوش بلوچانی پدا کپتگ انت یک نیمگءِ پدّر کنگ لوٹ انت بلوچانی تھا مھر دوستی نیست دیگہ نیمگ اے زاھر کنگ لوٹ انت بلوچ گیر چہ کُشت ءُ کوشا ھیچ نزانت ءُ مسترین چیز بلوچءِ ننگ ءُ غیرتیں بلے واجہ ھُدا ھیچ وھد نہ گواہ ایت پہ ایشانی سوبین بئیگا من جزماں کے ھُدا ایشاں کنت ءُ پیش داریت
منّتوار
تنگی بلوچ 



سلام ءُ دروت پہ مڑآداریں واجہ تنگی بلوچ،
من چہ دل ءِ جھولانکی ءَ شمئے چمشانک ءِ منہ واراں۔ گپ شمئے راستیں کہ بلوچ ھر نیمگءَایر جنگ بوئگایاں بلے ادا مارا نندگ ھُداءِ لٹ ءِ ودار کنگ نہ لوٹیت۔ باید ماشما کہ مارا کمے اے چیزانی سرپدی ھست وتی جُہدءَ بہ کنیں تاں مئے چاگرد ءِ درآمد اے گپے وت گواہی ءَ بہ دئینت کہ بلوچ چْش نہ یاں
شمئے کستر
زاہدہ رئیسی
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline MirAskaniBaluch

  • بلوچی باز جوانیں بتل
  • Balochi Group
  • *
  • Posts: 278
  • Karma: 15
  • Love Is My Life Style
    • آسکانی وبتاک بلوچستان
Re: بلوچ دود ءِ سرا یک دگہ شھماتے
« Reply #10 on: September 27, 2011, 07:59:39 PM »
Goda chetaur maa paap hamaa tefaakiya pada jod be kanen.?

Parcha ke har beemariya yak dawaa hatman hasten, Parche maa hame bemaariy dawaa ya shohaaz ma kanen ke che ent.
مرد کہ بے براتٰ شان کنت میری
جن کہ بے جودا سنبہ ایت سیری
عاقبت  یک روچۓ  ردۓ زیر ایت