Author Topic: بلوچی لبزانکی گل چھبارپہ نمیرانیں استاد غلام رسول دینارزھی،چہ بام ھال  (Read 3089 times)

0 Members and 1 Guest are viewing this topic.

Offline Thangi Baloch تنگی بلوچ

  • Global Moderator
  • ******
  • Posts: 1234
  • Karma: 196
بلوچی لبزانکی گل چھبار پہ اُستاد غلام رسول دینار زھی ءِ ازم ءُ زندءِ سرءَ
 دوشنبه 2 آبان ماه سال 1390
 بلوچی لبزانکی گل چھبار پہ اُستاد غلام رسول دینار زھی ءِ ازم ءُ زند ءِ سر ءَ پٹ ءُ پول ءَ سئے جتائیں مجلس ٹھین اِیت ، محمد فاروق ھوت
 بام ھال
 چھبار :پہ اُستاد غلام رسول دینار زھی ءِ ازم ءُ زند ءِ سر ءَ پٹ ءُ پول ءَ بلوچی لبزانکی گل چھبار سئے جتا جتائیں مجلس [ کمیٹی ] جوڑ کنت ۔اے ھبر بلوچی لبزانکی گل چھبار ءِ کماش [ صدر] محمد فاروق ھوت ءَ گوں بام ھال ءِ جھگیر ءَ گپ کنان ءَ گوشتگ ۔ آئی ءَ گوشتگ اُستاد ءَ زیمر ، شاعری ءُ زبان دوستی ءِ باندات ءَ کار کرتگ ۔بلوچی لبزانکی گل چھبار ھمے زوت ءَ پہ آئی ءِ ازم ءِ نوکیں پدریچ ءَ سر کنگ ءُ آئی ءِ ازم ءُ ھیال ءِ زندگ دارگ ءَ سئے مجلس اڈ کنت ۔یکے پہ آئی ءِ ساز ءُ زیمل ءِ پڑ ءَ کرتگیں کارانی یکجا کنگ ءَاُستاد تاج محمد طاھر ، بابل ھمراز ءُ دگہ ھمکارانی سروکے ءَ ، پہ آئی ءِ شاعری ءِ یکجا کنگ ءَ اُستاد تاج محمد طاھر ، علی بخش دشتیاری ءُ غلام بھار ءِ سروکے ءَ مجلسے کار کنت ءُ اُستاد ءِ یک میوزیمے جوڑ کنگ بیت کہ آئی ءِ تہ ءَ اُستاد ءِ زند ءَ گوں بندوکیں سامان ایر کنگ بنت پہ میوزیم ءِ کارانی دیم ءَ برگ ءَ جوڑ بوتگیں کمیٹی بلوچی لبزانکی ءِ گل ءِ کماش محمد فاروق ءِ جند ءِ سروکے ءَ کار کنت ۔
 آئی ءَ اُستاد ءِ بابت ءَ ھیال درشان کنان ءَ گوشتگ ۔اُستاد گوں وتی ازم ءَ دلستکی بندوکیں مردمے بوتگ پمیشکا آئی ءَ وتی ازم لاپ جوڑ نہ کرتگ بلکیں یک مھتریں کارے ءِ پیم ءَ کرتگ ۔انوگیں دور ءَ کہ گشندھانی زور کسیٹ کنگ ءُ بازار ءَ نام کٹگ اِنت اُستاد ءَ کیسٹ ریکارڈ نہ کنائینتگ بلے آئی ءِ گوں ازم ءَ مھر ءُ ھمبستگی سک برز تر اَت ءُ آئی ءَ ھمیں گوشتگ اَت کہ آئی ءَ زیمرساچی ءِ یک ازمے ھست ءُ آ باید چَہ گشندھی ءَ گیش ھمے پڑ ءَ دلگوش بہ دنت ۔ بلوچی لبزانکی گل چھبار ءَ پہ آئی ءِ یاتگیری ءَ زوت یک مزنیں دیوانے لوٹائین اِیت کہ آئی ءِ تہ ءَ سرجمیں بلوچستان ءِ گوں ازم ءُ لوزانک ءَ بندوکیں مردم لوٹائینگ بنت ، داں آئی ءِ ازم ءِ بابت ءَ الکاپیں چمشانکے دیگ بہ بیت ۔
Our moderator Aslam Hoath (Thangi Baloch) is no more ... اناللہ وانا الیہ راجعون
Do remember him in your prayers.

Offline sheh.mureed

  • Balochi Zaantkaar
  • ***
  • Posts: 31
  • Karma: 6
Balochi Labzanki gaal chahbar e snagtan mubarikee dayan kee waja Dinar Zai ee labzanki juhde  peeda pat o pool kanagee wasta Yak Muche e   tahantag , ee baz jawanene kadamee , waja Dinar Zaee baleen azmgeree ham betag balee wajee degee balahain sheree betag kee waja sakeen shareen ensanee betag , ee babata ham pat o pool bebet.

Shumayee khairee lotook  Mureed

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture

Abdolsalam Bozorgzade
په الله هی پاکین نام ءَ
وش توار ءُ کوکوالحانین گوشندهءِ یاتءَ
واجه هدامرزی غلام رسول دینارزهی بیرانی په بلوچ راج ءُ بلوچی زبان ءُ ادب ءُ خاص بلوچی اِزم ءُ هنرءَ مزنین تاوانی اِنت. واجه استاد دینارزهی هورگون واجه ستارءُ واجه شفیع ءَ بلوچی سازءُ زیمل نوکین ردءُ رهبندانی بنگیج کنگ ءَ رند مه دنیاءَ شنگ ءُ تالان کنگءَ اولیگین رند گلائیش بوتنت اے پیمین راه ءُ رهبندءَ پد چه اے واجهان گون دگه بازئین ورنایئن بلوچ گوشنده ءُ ازم گر رندگیری بوت .واجه استادغلام رسول دینارزهی جُهد و کوشست ءُ بلوچی زبان ءِ عهدِیگین گالوارءُ وشین ءُ وش گوشئین شاعرانی شعرانی وانگ ءُ آیانی سرا بلوچی زهِیروک ءِ ردءُ بند دیگ ءُ گون وتی وش توارئین آواز ءَ شنگ کنگ بازین حصه ءُ بهرءِ زورت که اے جُهدانی بابت مَئی ورنا ءُ نوجوان واجه سیدظهور شاه هاشمی ءُ دگه نامدارئین بلوچی شاعرانی نام وتوارءَ گیشتر اِشکُت ءُ جه یارت ءُ بلوچی زبان ءُ ادب دیمروی سوب بوت اے بازمزنین کارے اَت واجه هدامرزئین استاد دینارزهی ءِ اے جَهدءُ کوشست بازباز ستا کرزنت ءُ ا ے واجه ءِ کارپدءُ ازم ءُ هنر دان کیامتءَ ابدمان اِنت ءُ آیءِ نام نمیران اِنت. استاد دینارزهی بلوچی زبر دستین گوشنده ءُ ازم گر ءُ شاعر اَت .یک ے چه مسترین بلوچی زیمل ءُ زانوگران ءُ یک ے چه وش گوشئین شاعرءُ یک ے چه وش توارئین ءُ کوکوالحانین گوشندهءُ دانشمندئین بلوچی اِزم گر ءُ وش تبئین انسانی اَت . که په بلوچی زبان ءُ ادب ءِ دیمروی ءَ مه اے گو ستگین چهل ءُ پنجاه سال ءَ بازین هزمتءِ کرت. اگان مه بوتئین اَنت اے پیمئین زانوگر ءُ شاعر ءُ گوشند ه بلوچی زبانءُ ادب ءِ هیچ چی پَشت نه کپت ءُ بلوچی زبان ءُ ادب ءِ دیمروی ءَ نه بوت ءُ بلوچی زبانءِ جُهلین رگ ءُ ریشهان هُشک بوتنت ءُ مئی مهلوک ءُ خاص مئی بلوچین ورنا ءُ نوجوان وتی ماتی زبان ءَ شموشت ءُ بلوچی زبان زیانءُ گارءَ بوت په همی هاترءَ بلوچ راج هدامرزئین واجه استاد دینارزهی ءِ وامدارانت چه آ واجهی جُهد په بلوچی زبانءُادبءُ هنرءِ دیمری ءِ بابت ءَ بازمنت واراِنت ءُ استاد غلام رسول دینارزهی ءِ نام دان ابد نمیران اِنت .
عبدالسلام بزرگ زاده
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line