سبکیں دستونک ءِ نبشتہ کنگ ءِ راھبند۔ زاہدہ راجی ءِ چمشانک

[Zahida Raees Raji]

 سلام ُ دروت باسکاں،
 ایف بی ءُ باسک ءِ سرا ھرکس کہ منی بلوچی ءُ اردو پربنداں گند ایت وتی دستونکاں دیم دنت پہ شر کنگ ءَ منی جند ءِ ڈزگٹی من ءَ سر چست کنگ ءِ موہ نہ دنت ءُ پہ اے کار ءَ ناں کنگ ھم من ءَ تؤراِیت پمشکا من برت میران ءِ سرھال ءِ پسو ءِ توکا وتی چمشانک ھمیں رنگ ءَ دیما یارت تاں ھمک نوک بائندیں شائر چہ اشی ءَ چیزے نہ چیزے سوج بی زورایت ءُ آئ ءَ رند وتی پربنداں باسک ءَ بہ دنت تاں منی ءُ دگہ سر ءُ سوج کنوکیں شائرانی کار کمتر بہ بیت۔

برات میران ءِ سرھال ایش اِنت پیسرا آئ ءَ بوان اِت آئ ءَ پد منی اے چمشانک ءَ۔
 http://baask.com/diwwan/index.php/topic,7259.0.html
 
 منی چمشانک ءِ سرا وتی چمشانک ءَ جہل ءَ بہ دئیت تاں من ھم بہ زاناں کہ منی جُہد کجا سر بیتگگ۔

زانت ءِ پڑا چہ شما درستاں کمتر
 زاہدہ رئیس راجی

 ____________

برات سلامت بات ئے

پہل بہ کن اِت کہ دزگٹی ھچ موہ نہ دنت کہ دْرائیں سرھالاں بچاراں ءُ چمشانک ئے بہ دِیاں۔

برات من اُستادے نہ یاں کے نوک بائندانی شئراں شر بہ کناں، بلے ھؤ! وتی زانت ءِ کساس ءَ چیزےراھشونی دات کناں۔

شمئے اولیگیں دوئیں شئرانی تہا اِنچو بدلی ءِ زلورت نیست ات پمشکا من کمے بدلی ءِ گوناں شمئے شئر شر کُت اَنت۔ بلے چہ شمئے دیمترے بنداں من اے مارگایاں کہ شما ادا بحر ءُ وزن ءِ ھیالداری نہ کُتگ۔  بحر ءُ وزن ھما چیزاِنت کہ تئ بند ءَ یک انچیں سُرے مان دئینت کہ آ وتی  سُر ءُ ترز ءَپروش ورگ ءَ نئیلنت۔
 
 

 

برات من شمئے شئراں وَ اِے رنگ ءَ شرّ کُت نہ کناں کہ ایشانی تہا باز ردی است۔ بلے ادا من شمئے شئراں یک نیمگے ایر کناں ءُ شمارا چیزے سر ءُ سوج دئیاں ایشاں وتی شئر نبشتہ کنگ ءِ وھدءَ دیما ایر بہ کن اِت شمئے بازیں ردی وت سرا کم تراَنت۔
 
 

ما مدام گندیں کہ وھدے  شائر شئرئے  نبشتہ کنگ ءِ بندات کنت آئ ءِ دماگ ءَ یک بند ے  سک ترایت ءُ تاں آ شائر اِے بند ءَ نبشتہ مہ کنت آ وتی دستاں دگہ ہچ کاراں مان دات نہ کنت۔

مسال ءِ ھبر من ادا زوراں شمئے دستونک ءِ اولی بند ءَ ءُ ھمیں زاناں کہ  اے شمئے زہن ءَ اتکگ ءُ نوں تاں شما اشی ءَ نبشتہ مہ کن اِت اے شمارا آرام ءَ نئیلیت۔
 
 

قدم قدم روان باں، تاں منزل ئے ءَ سر بہ باں

نوں ما پگر بہ جنیں کہ اے بندءِ توکا ردیف ءُ قافیہ چے بوئگ لوٹ اَنت؟

ردیف = شئرءِ دوئمی بند ءِ ھما لبزاں کہ اولی شئرءَ بگر تاں آھرءَیک اِنت۔ قافیہ یا پیش رد ہما لبز اِنت کہ چہ ردیف ءَ پیسر کئیت ءُ ھم توار بیتیں۔
 سید ھاشمی ءِ دو جتائیں دستونکاں چے زرتگیں دو دو شئراں بچاراِت:

 من وتی چاہ ءُ دیاراں چہ شمشکار نباں
 ھمسر ءُ سنگت ءُ یاراں چہ شمشکار نباں
 مھتل اِنت پہ بُنی گرندے ءُ گروکے شھمے

پیلی جوش گپتگیں ماراں چہ شمشکار نباں
 ____
 
 

زاناں سیہ مار ءِ مرگ تریاک اِنت

بلے واھگ چہ درستاں نازاک اِنت
 مرگ مستاگ اِیں وژدلیں مرگ ءِ
 بے وسیں زندءِ زند بے واک اِنت
 
 اولی دو شئرانی توکا” چہ شمشکار نباں“ ردیف گوشگ بیتیں ۔ دیاراں، یاراں، ماراں  اے دستونک ءِ قافیہ یا پیش رِد گُشگ بنت۔
 دوئمی دستونک ءِ توکا ردیف نیست بلے پیش رد یعنی قافیہ استاں۔ تریاک اِنت۔ نازاک اِنت ، واک اِنت “ اے دستونک ءِ پیش رد اں
 اِشی ءِ متلب ایش اِنت کہ ردیف ءِ برجاہ دارگ پہ ھمک دستونک ءَ لازم نہ اِنت۔
 
 

اے گپ ءَ رند نوں شما وتی پگر جتگیں بند ءَ دیما ایر بہ کن اِت ءُ پہ پیش رد پگر بہ جن اِت۔

[Zahida Raees Raji]

من اِدا دو سہہ پیما چاراں:

اولی پگر:

بہ باں

مہ باں

نہ باں

۔۔۔
 
 

اے ردیف ءُ پیش رداں کہ ما چاریں ہمیں زائر بیتیں کہ ما گیشتر شئر نبشتہ کُت نہ کنیں۔

باید ما وتا جنجال ءَ دْور مہ دئیں کہ انگت مئےسُخن فہمی اے رنگ ءَ نہ اِنت کہ ما وتا چہ اے جنجال ءَ کش اِت بہ کنیں پمشکا من نوں وتی پگر ءَ سُبک تریں رنگے ءَ دیما  براں

دوئمی پگر:
 
 

ھُنربہ باں

سر بہ باں
 مال ءُ زربہ باں

در پہ در بہ باں

سر پہ سر بہ باں
 بان ءِ سر بہ باں

سَتر بہ باں

ہمسپر بہ باں

راہبر بہ باں

شر بہ باں

باگ ءُ بر بہ باں

ھبر بہ باں

ماہ پر بہ باں

سازگربہ باں

زلر بہ باں
 نظر بہ باں
 بد نظر بہ باں
 گِسر بہ باں

اثر بہ باں
 دو بربہ باں
 جگر بہ باں
 ثمربہ باں
 
 

 واتر بہ باں
 زائر بہ باں

شائربہ باں

۔۔۔

وھدے ما دْرائیں  پیش رداں یکجا کنیں نوں بائد انت کہ بہ چاریں کُجام پیش رد یا قافیہ سُرینوک ءِ سوب ءَ اے لسٹءَ چے در کنگ لوٹ اَنت۔

سُرینوک توار ءِ گونڈ کشگ ءُ دراج کشگ ءِ سوب ءَ گیچین کنگ بنت۔

اے لسٹ ءِ توکا ” واتر، شائر، زائر“  گوں ” ھمسپر، راھبر، گِسر، ھبر“ ءَ جتائیں توار کشگایاں چیا کہ واتر، شائر، زائر ءِ توکا استیں  اَلپ دراجیں توار کشگائیں ءُ  مئے پیش رد ءِ رِدھم ءَ پروش  دئیگائیں۔ پمشکا ما اے پیشرداں چہ بُرزے مان داتگیں پیشرداں دربہ کنیں

وھدے راستیں پیش رِد مئے دیما اتکاں نوں یک  پہ یک ءَ پیش رِداں چست کنیںءُ ایشانی بند ءَ نیم یا پورائ ءَ پربندگ ءِ جُہد کنیں
 
 

انگوما نبشتہ کنیں ءُ آنگو وتی سرجمیں اولی بند ءَ وانان کنیں تاں بند ءِ وزن پروش وانگ ءِ توکا پدر بہ بیت

ھما جاہ ءَ مئے ردھم یا ترز پروشیت ءُ مارا وتی توار بدل کنگ وانگ ءِ زلورت کپیت بزان اِت  ادا مئے وزن پروشگائیں۔

من ادا دو سہہ پگر جنگ  ءِ جُہد کناں تاں یک سرجمیں بندے جوڑ کنگ ءَ کمک بہ رسیت۔

قدم قدم روان باں۔۔۔۔ تاں منزل ئے ءَ سر بہ باں

من اشک ءِ راہبر بہ باں
 تو مہر ءِ کاروان بُو۔۔۔ ما اشک ءِ راھبر بہ باں
 
 

گوں ھر کس ءَ ما شر بہ باں

تؤ شِر بہ بُو ، ما شر بہ باں
 اے سلی ءِ ما شر بہ باں

ما سلگتاں اوں شر بہ باں
 اگاں ما بے تو شر بہ باں

چہ واھگاں گِسر بہ باں
 دل ءَ چے تئ گسر بہ باں
 
 

پہ ھر کس ءَ زَلر بہ باں
 چتو، پہ تو زلر بہ باں
 
 
 

مُرادیں باگ ءُ بر بہ باں

کُجے پدا ھبر بہ باں

ستر سروز ءُ ساز بیت۔۔۔ ستر آ سازگربہ باں

نظر بلے نظر بہ باں

چہ واھگاں گِسر بہ باں

اثر بہ باں
 
 

ستر گوں مال ءُ زر بہ باں
 نباں چہ تو گسر کدی ۔ ۔ ۔  ستر گوں مال ءُ زر بہ باں

چہ واھگاں گِسر بہ باں
 دل ءَ چے تئ گسر بہ باں

اے واھگانی کساہاں۔ ۔ ۔  دل ءَ چے چوُں گسر بہ باں
 
 

گوں عاشقاں ما ھم رداں، نہ لوٹاں من دوبر باں
 
 

وپا ءَ در پہ در بہ باں
 نزاناں چے خطا کُتگ،

وپا ءَ در پہ در بہ باں

 چیا ما درپہ در بہ باں
 پہ کئے؟ چوں در پہ در بہ باں

کُجا رواں، کُجا کپاں۔ ۔ ۔  کُجا ما در پہ در بہ باں

نہ پروشاں مہر ء واھگ ءَ۔ ۔ ۔  ستر ما در پہ در بہ باں

اگاں ما بد نظر بہ باں
 کدی ما بد نظر بہ باں
 ما  اشک ءِ راہ ءَ سر نباں۔ ۔ ۔  اگاں ما بد نظر بہ باں

ما دُژمن ئے ستر بہ باں

آ دوزواہ ستر بہ باں

یلہ نہ دنت دُژمنی ،آ دوزواہ ستر بہ باں

 نہ لوٹاں من دوبر بہ باں
 دل ءَ چے کپتگاں اگاں، نہ لوٹاں من دوبربہ باں

گنوک ءُ ریٹایاں اگاں، نہ لوٹاں من دوبر بہ باں

بشارت ءِ ھبر بہ باں
 چتو ما بے ھبر بہ باں
 ھبر بلے ھبر بہ باں
 اے زندمان ءِ کسہ ایں چتو ما بے ھبر باں

[Zahida Raees Raji]

پہ ھاترا تئیگءَ من،
صراط ءِ پل ما سر کُتگ
 صراط ءِ پُل اوں سر کُتگ
گم ءَ چے ہچ نہ ترسیتگ،

چتو ترا ما رد دئیاں
ما وت وتی دل ءَ کپاں
اگاں اے بے اثر بہ باں
دلانی بے اثر بہ باں


ما زندمان بکشیتگ،

تو مہر ءِ کاروان بہ بئے ، ما اشک ءِ راھبر بہ باں
،
 اگاں ما بد نظر بہ باں

من ءَ نوں بسیں تلوسگ
حبیب ءَ بسیں تلوسگ

دل ءَ چے کپتگاں اگاں
۔۔۔۔

اے نیم بندگیں بندانی پر بندگ ءَ پد نوں بچاراِت کُجام بند یک سرجمیں پگرے دیما یارگ ءَ اِنت ء ُ کجام دو ٹکرانی ھور کنگ ءَ چے تچکیں بندے مئے دیما کئیت۔ اے دگراں اے وھد ءَ پُشت ءَ بہ داراِت۔
ھما کہ دیما یارتگاں آھاں نوں  بچاراِت کہ کُجام بند گیشتر وتا تچکتر کنگ ءَ اِنت۔

قدم قدم روان باں، تاں منزل ئے ءَ سر بہ باں
تو مہر ءِ کاروان بہ بُو ، ما اشک ءِ راھبر بہ باں
تو مہر ءِ ہمسپر ءِ بہ بئے، ما اشک ءِ راھبر بہ باں
ما اشکءِ راہ ءَ سر گراں کہ مہر ءِ ہمسپر بہ باں
تو پُل صراط ءَ سر نہ بئے، چیا ما درپہ در بہ باں
ما ستک ءِ راہ ءِ ھمسپر گمان ءَ درپہ در بہ باں
من ستک ءِ راہ ءِ ھمسپر گمان ءَ درپہ در بہ باں

نزاناں چے خطا کُتگ، وپا ءَ در پہ در بہ باں
ستر سروز ءُ ساز بیت، ستر آ سازگربہ باں
نباں چہ تو گسر کدی ، ستر گوں مال ءُ زر بہ باں
اے واھگانی کساہاں، دل ءَ چے چوُں گسر بہ باں
ما زندمان بکشیتگ، چتو چہ تؤ گسر بہ باں
من زندمان بکشیتگ، چتو چہ تؤ گسر بہ باں
گوں عاشقاں ما ھم رداں، نہ لوٹاں من دوبر باں
گنوک ءُ ریٹایاں اگاں، نہ لوٹاں من دوبر بہ باں
کُجا رواں، کُجا کپاں، کُجا ما در پہ در بہ باں
کُجا رواں، کُجا کپاں، کُجا من در پہ در بہ باں

من  اشک ءِ راہ ءَ سر نباں، اگاں من بد نظر بہ باں
ما  اشک ءِ راہ ءَ سر نباں، اگاں من بد نظر بہ باں
ما  اشک ءِ راہ ءَ سر نباں، اگاں ما بد نظر بہ باں

ما اشکءِ راہ ءَ سر گراںتاں مہر ءِ ہمسپر بہ باں
ما وت وتی دل ءَ کپاں، اگاں ما بد نظر بہ باں
یلہ نہ دنتیں دُژمنی ،آ دوزواہ ستر بہ باں
دل ءَ چے کپتگاں اگاں، نہ لوٹاں من دوبربہ باں
اے زندمان ءِ کسہ ایں چتو ما بے ھبر باں


اے اسٹیج ءَ مئے دست ءَ بازیں بند اتکگاں ما ایشاں جُہد کنیں کہ شئر جُوڑ بہ کنیں۔ بلے شئر جوڑ کنگءِ وھدءَ اے گپءَ الما دماگءَ ایر بہ کنیں کہ اولی بند گوں دوئمی بند ءَ ھم دپ ءُ  پُرمعنا بہ بیت ءُ ھچ رنگیں ابہام دْور مہ دنت۔


کُجا رواں، کُجا کپاں، کُجا ما در پہ در بہ باں؟
ما زندمان بکشیتگ، چتو چہ تؤ گسر بہ باں

اے شئر ءِ توکا من ءِ جاہ ءَ  ما کارمرز بیتگ اشی ءِ سوب اِش اِنت کہ ما ءِ توار ءِ توکا الپ است ءُ الپ ءِ توار ءَ ما گونڈ کُت کنیں بلے من ءِ توکا نون ءَ ما دْور دات نہ کنیں۔ شما چہ منی اے جملہ ءَ وتا پریشان مہ کن اِت کہ اے گپ شائری ءِ دیمترا تچکتر بیتیں۔

مطلع یعنی اولی شئر  وھدے مئے دست ءَ اتک نوں بیااِت ھمک بند ءِ اولی بندے پربندگ ءِ جُہد بہ کنیں۔
ادا ما گْونڈیں گْونڈیں بند جوڑ کنیں ءُ گوں مطلع ءِ اولی بند ءِ اولی ٹکّر ءِ ھم دپ کنگ ءِ جہد کنیں۔ اے اسٹیج ءَ ما بُرزے پگر جتگیں ھما ھما بندانی ٹکر کہ یک کرے ءَ ایر کُتگ اَتنت آھاں ھم دیما ایر کنیں ۔

قدم قدم روان باں
کُجا رواں، کُجا کپاں

دل ءَ منیگ ءَ روک بیت
دل ء َ چے درد سر ریچیت
نپس وپائے بند بیت
کُجام راہ ءَ سر گرایت

گمان ءِ چم کہ سک بیت
گُناہ ثواب ءِ کساہاں
اے مہر ءْ ماہ ءِ کساہاں
اے درد ءُ دُورءِ کساہاں
اے وابیں چم ءِ کساہاں
اے مہرءُ دوستی ءِ ھبر
وپا ءِ راہ ءُ راھسراں،
حبیب ءَ بسیں تلوسگ

گم ءِ چراگ تاں کدی
من ءَ نوں بس ایں بزّگی
ترا نوں بس ایں سگگی
من نوں بس ایں سگگی

وپا ءِ راہ ءَ راھسراں
بچار زند چوں گوازیت
نزاناں زند چوں گوازیت
من ایوکی ءَ چوں کناں
ما ایوکی ءَ چوں کناں
ما ایوکی ءَ مُرتگاں

تو راہ وتی بدل کُتگ
تو دل وتی بدل کُتگ

ثمر ما مہر ءِ لوٹیتگ
ثمر من مہر ءِ لوٹیتگ
ثمر ھما ما لوٹیتگ
ثمر ھما من لوٹیتگ
من پیشی اھد ءِ مردماں
ما پیشی اھد ءِ مردماں
گمانی گوات ءَ کشیتگ
شپانی پاس ءِ جاجنگ
نہ پاھمیتگ دل ءِ ھبر

نہ دنتیں ایوکی من ءَ
ترا نوں بس ایں تلوسگ
وپا ءِ راہ ءُ راہسراں


نوں ہر دو ٹُکر ءَ گوں دلگوشی ءَ  اُوارکنگ ءُ شرتریں معنا در گیجگ ءِ جُہد بہ کن اِت۔

گم ءِ چراگ تاں کدی، دل ءَ منیگ ءَ روک بیت؟
گم ءِ چراگ تاں کدی، وپاءِ راہ ءَ روک بیت؟
گمءِ چراگ تاں کدی؟ دلءَ منیگءَ روک بیت

نہ دنتیں ایوکی من ءَ، ثمر ھما ما لوٹیتگ
ما پیشی اھد ءِ مردماں،چتو ترا ما رد دئیاں

وپا ءِ راہ ءُ راھسراں، ترا نوں بسیں تلوسگ
وپا ءِ راہ ءُ راھسراں،حبیب ءَ بسیں تلوسگ

[Zahida Raees Raji]

تو مہر ءِ کاروان بُو ، ما اشک ءِ راھبر بہ باں
تو مہر ءِ کارواں بہ بئے ، ما اشک ءِ راھبر بہ باں
تو مہر ءِ کاروان بہ بئے ، من اشک ءِ راھبر بہ باں

گنوک ءُ ریٹایاں اگاں، نہ لوٹاں من دوبر بہ باں
دل ءَ چے کپتگاں اگاں، نہ لوٹاں من دوبربہ باں

ما  اشک ءِ راہ ءَ سر نباں، اگاں ما بد نظر بہ باں
ما وت وتی دل ءَ کپاں، اگاں ما بد نظر بہ باں


نوں شئرجوڑ کنگ ءِ واستہ یک بندے چہ بُرزے دومی لسٹءَ  زوراِیں ءُ دومی بند ءَ چہ اولی لسٹءَ۔  پہ دستونک کم ءَ چے کم پنچ شئر بیئگ لوٹ اَنت۔



کُجا رواں، کُجا کپاں، کُجا ما در پہ در بہ باں؟
ما زندمان بکشیتگ، چتو چہ تؤ گسر بہ باں

قدم قدم روان باں، تاں منزل ئے ءَ سر بہ باں
تو مہر ءِ کاروان بہ بئے ، ما اشک ءِ راھبر بہ باں

گمءِ چراگ تاں کدی؟ دلءَ منیگءَ روک بیت
ما اشکءِ راہ ءَ سر گراںتاں مہر ءِ ہمسپر بہ باں


پہ ھاترا تئیگءَ من، صراط ءِ پُل اوں سر کُتگ
گم ءَ چے ہچ نہ ترسیتگ، ستر اے سر پہ سر بہ باں

ما پیشی اھد ءِ مردماں،چتو ترا ما رد دئیاں
ما وت وتی دل ءَ کپاں، اگاں ما بد نظر بہ باں

وپا ءِ راہ ءُ راھسراں،حبیب ءَ بسیں تلوسگ
دل ءَ چے کپتگاں اگاں، نہ لوٹاں من دوبربہ باں

اے رنگ ءَ شمئے یک سرجمیں دستونک ئے جوڑ بیت۔ اُمیت اِنت  چہ اے چمشانک ءَ شما را چیزے نہ چیزے دستونک ءِ بابت ءَ سرپدی رسیت۔
وژنام باتئے۔
زاہدہ رئیس راجی

[SN_sadam]

سلامتی بات گہار پہ شما
ما شمے سرھال چاریت اے باز شریں سرھال ے ک چھا اد ا  ما بازیں چیزے در برت او جھد کنیں کہ ہمے گپانی سرا کار بےکنیں شمے منتوارا
وش ھال باتے
شمے کستر صدام ناصر

[Thangi Baloch تنگی بلوچ]

سلام ءُ درواھبات بانک زاھدہ راجی بلوچ
شمئے جھد پہ راجءِ ادبی ءُ لبزانکی کاراں ستائے مھتاج نہ انت
مدام پہ اے کاراں ساڑی ءُ جاری ات ،شمئے اے سرھالءِ سر ءُ سوج پہ نوک باھندیں شائراں باز جوان انت،چوش کہ یک دستونکے ءِ یا ھر پیمیں شئر ءُ لچّھہ بہ بیت آئی ءِ تھا پیشرد، رد ،وزن چارگی انت،شما اے ردا مزنیں سرپدی ماں اے سرھالءَ اشتگ،،منتوار
تنگی بلوچ

[ضیا بلوچ Zia Baloch]

baanuk Zaahida Raji, salaam o droot !

man gooN braat Thangi Baloch a tipaak kanaaN ! shumay juhd allam-a pa maateN zubaana tauseep e mohtaaj na ant !!

ey sarHaal pa nook baahaNdaaN ! sak baaz sood-mand ent !! manaa baaz doost beet !
man umeet kanaaN keh nook baahaNd mudaam ey sarhaal e rahnumaa,ii gooN vatii perbaNdaaN shartir kanant !!
mudaam soobeen o salaamat baat et !!

Zia Baloch

[Zahida Raees Raji]

سلامتی بات گہار پہ شما
ما شمے سرھال چاریت اے باز شریں سرھال ے ک چھا اد ا  ما بازیں چیزے در برت او جھد کنیں کہ ہمے گپانی سرا کار بےکنیں شمے منتوارا
وش ھال باتے
شمے کستر صدام ناصر

وعلیکم اسلام برات،
شمئے باز مہربانی پہ اے سرھال ءِ دوست دارگ ءُ چمشانک دئیگ  ءِ۔ برات شمئے رنگیں نو دربراں چے اگاں یک مردمے ہم چہ اے نبشانک ءَ چیزے در بہ بارت منی جند وت ءَ سوب مند منّیت۔

برات شمئے نمدی ءِ تہا کمے ردی است۔


چاریت = چاراِت۔ ونت
شریں سرھال ے = شریں سرھال اِنت۔
کہ چھا ادا۔ ما چہ ادا
او = ءُ
بے کنیں= بہ کنیں

وژنام بات ئے

[Zahida Raees Raji]

سلام ءُ درواھبات بانک زاھدہ راجی بلوچ
شمئے جھد پہ راجءِ ادبی ءُ لبزانکی کاراں ستائے مھتاج نہ انت
مدام پہ اے کاراں ساڑی ءُ جاری ات ،شمئے اے سرھالءِ سر ءُ سوج پہ نوک باھندیں شائراں باز جوان انت،چوش کہ یک دستونکے ءِ یا ھر پیمیں شئر ءُ لچّھہ بہ بیت آئی ءِ تھا پیشرد، رد ،وزن چارگی انت،شما اے ردا مزنیں سرپدی ماں اے سرھالءَ اشتگ،،منتوار
تنگی بلوچ

 واجہ تنگی بلوچ،
سلام ءُ دروت ءُ دراہبات ئے،

چہ دل ءِ جھولانکی ءَ شمئے منہ واراں کہ شمارا اے نبشتانک دوست بیت۔
ہمنچو روچ من پہ اے سرھال ءِ بنگیج کنگ ءَ داتگ آئ ءِ کساسءَ من ءَ چمشانک ءَ بیل دلبڈی ھم نہ رسیتگ۔ ھیر بلوچی دیوانانی ھال ھمیش اِنت۔
 شما اے نبشانک ءَ انچو ارزشت دات ءُ توسیپ کُت اے شمئے وتی جند ءِ لائقی اِنت۔ مدام شمئے نیکیں دھایانی راہچاراں
شمئے کستر
زاہدہ راجی

[Zahida Raees Raji]

baanuk Zaahida Raji, salaam o droot !

man gooN braat Thangi Baloch a tipaak kanaaN ! shumay juhd allam-a pa maateN zubaana tauseep e mohtaaj na ant !!

ey sarHaal pa nook baahaNdaaN ! sak baaz sood-mand ent !! manaa baaz doost beet !
man umeet kanaaN keh nook baahaNd mudaam ey sarhaal e rahnumaa,ii gooN vatii perbaNdaaN shartir kanant !!
mudaam soobeen o salaamat baat et !!

Zia Baloch

Wajah Zia Baloch,
Salam o drout o durah baatet

Cha del e johlaankiyaa Shome mennavaaaran' pah ey nebehstank e doust daarag e.
Shome delbaddi o seta e baaz mehrbani.
Shoma wat Shaairee e sarpaden' mardom et o may wahag ent keh shoma ham moh bekashshet pah baloch nouk bahandai raashoni yaa chizzey nebeshta bekanet.
Wazhnaam baatet
Shome kaster
Zahida Raji

[MirAskaniBaluch]

پلئین سلام

باسکان شما ھر کس کہ شائر ؤ زانتکار ات ؤ شئر ؤ شائر وانوک ؤ دوست داروک ات.

اگر کسے منی شئر پربندان بچار ایت ؤ ھر کجا سطر کہ پروشتگ انت ؤ یا وش ھمگرنچ ؤ شر نہ انت منا اگر حال بہ دینت من باز منت وار ؤ احسان مندے بان

راجء کستر آسکانی بلوچ

[Almiraan]

  .drosta cha pesar man cha tao chi paheli lotaan. ka tara zehmat daat o dil sia kot .man tai baaz menat waara k tao mani na balkee kolee nokbahandee shaerani wasta yak bhalaen johde kotag o mai rahshoni hum kotag.tai johd hazar sata karzit pa baloch raaja.
tai kaster...habib almiraan

man nazant ahag tai paman tawan bit
washi ea  doroche  waba  e  jan  bit.....almiraan

[SN_sadam]

salam puleen drot
banukee gohaar tai sata karzet pa mae wasta baaz juaaneen pantaan me rahshoni e wasta tai minnat wareen

[SN_sadam]

tai juhd