مَروچیگیں گوَشکَند:
مَروچیگیں زَمانَگءِ مِهر.
نوکیں تَبیبے گَنوکانی نادراهجاهءَ شُت ، آئیءَ اودءِ گَنوکاں یَکّ ءُ یَکّءَ شُت ءُ چاراِت اَنت ، یَکّ گَنوکے وَتی سَرَگءَ پَہ سَواس جَنَگءَ اَت ، نوکیں تَبیبءَ چَہ اودءِ کوَهنیں تَبیبے ءَ جُست کُرت اے مَردءَ چوں بوُتَگ کِہ چو گَنوک اِنت ؟!!. کوَهنیں تَبیبءَ گوَشت اے مَردءَ یَکّ وَشّرَنگیں کاڈے مِهر داتَگ ، رَندا آ وَشّرَنگیں کاڈءَ اے بیچارَگ دَر رَمبینتَگ ، آ شُتَگ ءُ گوں دگے مَردَکے ءَ سانگ کُرتَگ ، اے پَہ هَما کاڈءِ مِهرءَ گَنوک اِنت ، دیمتِرا شُت اَنت تاں دگے مَردکے وَتی سَرءَ گوں دیوال جَنَگءَاَت ، نوکیں تَبیبءَ جُست کُرت اے مَردءَ چوں بوُتَگ کِہ چو گَنوک بہ بیت ؟!!. کوَهنیں تَبیبءَ گوَشت اے هَما مَردَک اِنت کِہ اِیشیءَ هَما سَواسی گَنوگ ءِ وَشّرَنگیں کاڈ ءَ سانگ کُرتَگ ، اولی پَہ دَرداِنت دومی شومان اِنت .
