Author Topic: bretkagen' del hechkasa daat kot nakot.... Siddik Aazat e perband nadr pah baask  (Read 2030 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
پِربند
بْرِتکگئیں دِل ، ہچ  کسا  دات  کت  نہ  کت
تئی  امانت  رَہگوزاں  دات  کت   نہ  کت
سربِگْوَستیناں چہ تئی اَنباز ئے وَشئیں لِزّتاں
تام  اگر دُرجئیں  دَپ  ئے  گِپت کت نہ کت
تُکش  اِتاں  پہ دانْک  ئیا ، گُنگ  اَت زُبان
گوں  وَتی مئوجئیں  دِلا تْران  کت  نہ کت
تئی    بَزئیں    بیکانی    سارتئیں    ساہگا
چہ  گَلا   گوں   تو  گناہ  ئی   کت  نہ  کت
دیر نہ  اِنت    منزل   مُرادانی،   گْوشئنت
من  وَتا   پہ  آپ  سر ئی   سَر کت  نہ کت
پْریشتگا مرگ  ئے  مُجئینتگ مورک  وَتی
ساہ   بی  تئی   گِندگا   دات  کت  نہ  کت
کُت   منا   مِہرئے  گماں   بِرّ و   اَگول
بانُکا   مِہر  ئے   تَسلّا   دات   نہ   کت
دْریگتئیں وَلگْوَج  کتئیں  چَہر  ئیں  زبان
نام  تئی  شہدئیں  اگر  گِپت  کت نہ کُت
آدْرہ    اِنت   اَجگئیں    مُرادانی     کِشار
جَمبری، ہئورئے،  پہ وَت آئورت نہ کت
نوک  گُلئیں   گرکی   تَلاں  اومان  ئہ کنت
من  دِل ئے آشک تبی  داشت  کت  نہ کت
راست و بَرہک  اِنت کہ  نیست  مَرگا  دَوا
چہ  ترا سَہت  ئی  وتا  دیر داشت  نہ کت
پْروشتگ   اَنت   کئیپانی   کدّہ   سَد   برا
پہ   تئی   ناما   وَرَگ   بند  کت  نہ  کت
۸۷/۱۲ /۵


Here is the correct version
http://baask.com/diwwan/index.php/topic,7732.0.html
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line