لوگ ءُ لوگ ءِ ارزشت ۔ زاہدہ راجی ءِ پگر ءُ ھیال

[Zahida Raees Raji]

 

لوگ ءُ لوگ ءِ ارزشت:

~~~~~~~~~~~~~~~~

نبشتہ کار:  زاہدہ رئیس راجی

لوگ چُک ءِ اولی دربرجاہ ءُ مستریں راھشون انت

لوگ ھما جاہ انت کے انسان ءَ وتی زندگی ءِ کلیں راھت ایمنی ءِ سرا رسیت۔

لوگ ستر کسان بیبیت دل ءِ مزنی وت اِشی ءَ پراہ و شاھگان کنت۔

لوگ ءِ مردمانی مہر ءُ دوستی ءِ مٹ ھچ جاہ ءَ نہ رسیت۔

لوگ ءِ دپ ءَ مور کنوک گوں ھمسائیگ ءَ جنگ نہ بیت

ھما لوگ ءَ کے جنیں آدم ناتپاک انت مردینانی ناتپاکی المی انت۔

ھما کس کے لوگ ءِ شِراں ڈنّ ءَ تالان کنت آ لوگ ءِ دوزواہ بیت نہ کنت

رُلوکیں جنین لوگ ءِ بانک ءُبے سُدیں مردین لوگ ءِ واجہ بیت نہ کننت۔

لوگ سوچوکانی جند ھم روچے نہ روچے سوچیت۔

۔

ھما مردین دگرءِ لوگ ءِ ازت ءَ نزانت اے المی انت کے اشی ءِ لوگ ءِ ازت ھم چہ دگہ نیمگ ءَ کپیت۔

ھما لوگ ءَ مردین وتی مستراں نہ زورانت آھانی جنین ءُ چُک وتی مستر وت بئینت ءُ ھرکس سر وت بیت انت۔

ھما لوگ ءِ مات بے سُد انت اودءَ چُک در پہ در بئینت۔

ھما لوگ ءِ پت سل کارانت اے گپ ءَ سدک بہ بنت کہ ایشانی چُک ستر ہپت پوش ءِ تلا چئیر بہ بنت یک نہ یک جاھے وتی پداں الم ءَ پیدا کن انت۔

ھما لوگ ءِ چُک ڈنّءَ بے ادب انت بزاں لوگ ءَ ادب ءِ درس دئیوک کس نہ بیتگ۔

ھما چُک ءَ چہ لوگ ءَ اولی دروگ بندگ ءِ وھد ءَ گُڑ نئیر کنوک کس مہ رسیت آ دُنیا ءِ درستیں بدیئاں بے تُرس لرز ءَ دستاں مان دنت۔

لوگ ءَ لوگ سرپد بئیوک لوگ ءَ بہشت کن انت بلے ھما کہ لوگ ءَ ایوک ءَ وپسگ ءُ ورگ ءِ جاہ سرپد بئینت پہ آہاں لوگ ءِ ارزشت چہ کوچہ ءِ بازار ءَ گیشترنہ بیت۔

ھما لوگ ءَ جنیں چُک ءَ پمشکا وانگ ءُ زانگ ءَ دیم نہ دئینت کے سرپدی ایشاں دیمترا آزات کنت پہ چُوشیناں اے گپ زانگ المی انت کے پابندی ایشاں گیشتر آزاتی ءِ راھے شوہازگ ءِ سکین دنت بلے اے آزاتی کے بے راھشونی ءَ  رسیت المی انت کے ایشاں تاوانیں راھے ءَ سر بہ کنت۔

لوگی دُژمنءِ داتگیں تاوان ءَ  انسان ھجبر بُود نہ یارایت

لوگی دُژمن ءَ تاں تو مہ زانئے دُنیا ءِ ھمک کس تئ دُژمن اِنت

لوگی دُز ھما وھد ءَ گرگ بیت بائد مالوک ءِ دیما یارگ بیبیت ۔ لوگی دُزاں دُزمنانی ھما پُشت پنائ رسیت کے لوگانی پروشت پروش کنگ ءَ گیشتر سرگرم بئینت۔

ھما اُردیں چْک اولی رند ءَ لوگ ءَ دست جنی کنت اگاں ھما روچ ءَ تُرسینگ بیبیت ءُ آئ ءِ دست جنی یے سوب یک شریں وڑے ءَ در کنگ بیبیت گُڑا اے چُک تاں زندگ انت پدا دست جنی نہ کنت

دنیا ءِ درپدریں مردمانی زندءِ سرگوست بے مہریں لوگ ءُِ ناکدریںلوگ ءِ مردمانی داستان ءَ گوں ھمگرنچ انت۔

[Andalib-Gichki]

wsh nebshta kotag gohar to , baz baz wsh. . . .danah satr mahr be rasith agn jendy loga mahr marasith zind azabe jod bith. . . Salamth bathe

[Asghar Zaheer Baloch]

[/size]نفسیات دانانی گشگ ہم ہمیش اِنت کہ انسانءِ شخصیتءِ جوڑ کنگ ءِ اولی ادارہ لوگ اِنت،دومی وانگ جاہءُ سیمی آئیءِ چاگرد اِنت۔گہار شمئے اے
[/size] نبشتانک منا گوں دلءِ جہلانکءَ دوست بوت۔اے نبشتانک ءِ دیما آرگءِ لکھ منّت۔
[/size]مہر بنی آدمءِ زندءِ مستریں مڈی اِنت

[Zahida Raees Raji]

wsh nebshta kotag gohar to , baz baz wsh. . . .danah satr mahr be rasith agn jendy loga mahr marasith zind azabe jod bith. . . Salamth bathe

منہ واراں منی بانوکیں گہار،
 

[Zahida Raees Raji]

نفسیات دانانی گشگ ہم ہمیش اِنت کہ انسانءِ شخصیتءِ جوڑ کنگ ءِ اولی ادارہ لوگ اِنت،دومی وانگ جاہءُ سیمی آئیءِ چاگرد اِنت۔گہار شمئے اے
نبشتانک منا گوں دلءِ جہلانکءَ دوست بوت۔اے نبشتانک ءِ دیما آرگءِ لکھ منّت۔
مہر بنی آدمءِ زندءِ مستریں مڈی اِنت

برات اصغر زہیر،
تئ چمشانک ءُ نبشتانک ءِ دوست دارگ ءِ لک منت واراں
وش ءُ سلامت باتئے

[Zahida Raees Raji]

Sana Baloch, Intezar Bahar, Zahid Suleman and 17 others like this.

Waleed Garboni loug e barawa sharrin daahi datag.
June 4 at 9:33am via mobile · Like · 1

Bramsh Baloch wash nebshta kotag gohar a
June 4 at 9:37am via mobile · Like · 1

Asghar Zaheer باز جوان نبشتہ کتگ
June 4 at 2:25pm · Like

Zahida Raeesi
wajah Waleed Garboni, shome mehrbani pah delbaddi e. shome jumal e taha ey gaal a man sarkech navaragayan' "daahi"
June 4 at 7:57pm · Like · 1

Zahida Raeesi
gohar Bramsh Baloch o braat Asghar Zaheer nebeshtank e doust daarag e menantvaaran'
June 4 at 7:57pm · Like · 2

Liaqat Ameen
baz wash ,zabardasth,
June 4 at 8:14pm · Like

Adabi Hakim
 ڈاهے داتـَگ : 1- هـُژّار ی ئے داتـَـگ 2- سَرپـَد ی ئے داتَـگ 3- هالے داتَـگ.
June 4 at 8:29pm · Unlike · 2

Waleed Garboni
 هنچۆش که واجه هکیمءَ گوشتگ 'ڈاهی'ءِ بزانت سرپدی، سوج، حال إنت.
June 4 at 9:05pm · Unlike · 2

Zahida Raeesi
 برات لیاقت امین شمئے باز مہربانی پہ نبشتانک ءِ دوست دارگ ءِ
June 4 at 9:07pm · Like · 1

Zahida Raeesi
 برات ادبی ھکیم شمئے راھشونی ءِ لک منہ واراں۔
June 4 at 9:09pm · Like · 1

Zahida Raeesi
 منہ واراں واجہ ولید گربونی
June 4 at 9:14pm · Like · 1

Waleed Garboni
 إنگریزیءَ U په بلوچیءِ یا فارسی و اردوءِ 'و'ءَ نبیسگ به بیت و O په پێشءَ. إدا هندی و اردو والا رد أنت که Oءَ 'و'ءِ توارا کارمرز کن أنت و Uءَ پێشءِ توارا.... منی نام گربُنی إنت پمیشا من گوں O نبیستگ. أگر گربونی بیتین أت، گڈا من گوں U نبیستگ أت.
June 5 at 12:22am · Unlike · 2

Shoaib Shadab
 گوہارمیڈم زاہدہ:

تو وتی نبشتانکءِ تہا ’’ ناصح بیانی ‘‘ کتگ ءُ شورءُ صلاح دئیگءِ جہد کتگ۔ بلئے تئی نبشتانکءِ تہا لبز ’’ لوگ ‘‘ ءِ’’ ریپٹیشن‘‘ باز اِنت اگاں تو گیشتر جہد بہ کتیں گڑا اے یک جوانیں نبشتانکے بوتگ اَنت۔ انوں تہنا قول اَنت کہ تو ل...
See More
June 5 at 1:40am · Unlike · 4

Zahida Raeesi
 واجہ ولید گربُنی چہ شما پہلی لوٹاں کے نام ءِ ھجی کنگ ءِ وھد ءَ ردی بیت۔
June 5 at 7:41am · Like

Shoaib Shadab
‎................
’’تئی نبشتانکءِ وانگءِ وہدءَ لبز لوگ برے انچوشاہگان بیت کہ وطن یےءَ قدءَ سر بیت ءُ برے انچو تنک بیت کہ گسّےءِ بستار پش کپیت‘‘
ش۔۔ ش
~~~~~~~~~~~~~
’’لوگ ءِ معنا ھمیش انت کے انسان ءِ زند ءَ تنک ھم کنت ءُ یک سرجمیں دنیائے ھم جوڑ کنت۔ منی دل ءَ اے نبشتانک ءِ تہا اے چیزءِ بئیگ بد نہ انت‘‘ زاہدہ رئیسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
من اوں ہمے یک شرّی یے گُشتگ ۔
وتی ہمے دانکءِ تہا منا ابہام گندگ نئیت۔
June 5 at 9:21am · Like

Zahida Raeesi says

 Shoaib Shadab
گوہارمیڈم زاہدہ:

تو وتی نبشتانکءِ تہا ’’ ناصح بیانی ‘‘ کتگ ءُ شورءُ صلاح دئیگءِ جہد کتگ۔ بلئے تئی نبشتانکءِ تہا لبز ’’ لوگ ‘‘ ءِ’’ ریپٹیشن‘‘ باز اِنت اگاں تو گیشتر جہد بہ کتیں گڑا اے یک جوانیں نبشتانکے بوتگ اَنت۔ انوں تہنا قول اَنت کہ تو لوگءِ ارزِشتءِ بابتءَ بیان کتگ اَنت۔
~~~~~~~~~~~~~~~~~~~~~~
برات شعیب شاداب،
وش ءُ سلامت باتئے، چمشانک ءِ منہ واراں۔ تئ اے گپ ءِ سرا من تپاک کناں
_____________________________
من ہمے سرپد باں کہ تو وتی گشتن ءُ خیالات شرّیں رنگےءَ ردءُ بند دات نہ کتگ انت۔ تہنا لوگءِ بابتءَ وتی قول درشان کتگ اَنت۔
~~~~~~~~~~~
اے گپ ءَ ھم تپاکی کُت کناں
_______

تئی نبشتانکءِ وانگءِ وہدءَ لبز لوگ برے انچوشاہگان بیت کہ وطن یےءَ قدءَ سر بیت ءُ برے انچو تنک بیت کہ گسّےءِ بستار پش کپیت۔
~~~~~~~~~~~~~
لوگ ءِ معنا ھمیش انت کے انسان ءِ زند ءَ تنک ھم کنت ءُ یک سرجمیں دنیائے ھم جوڑ کنت۔ منی دل ءَ اے نبشتانک ءِ تہا اے چیز بد نہ انت۔
تئی نبشتانکءِ تہا لہتیں قول مفروضہ اَنت کہ آہانی حقیقت بوہگءِ ہچ گمان ہم بوت نہ کنت۔

’’ھما لوگ ءَ کے جنیں آدم ناتپاک انت مردینانی ناتپاکی المی انت‘‘
ادا المی نہ اِنت کہ یک لوگےءَ جنین ناتپاک اَنت گڑا آلوگءِ تہا مردین ہم ناتپاک اَنت ۔ تجربہ ثابت کنت کہ ما بازیں انچیں لوگ زانیں کہ آ لوگءِ تہا دو دو نشار وت ماں وتا ناتپاک اَنت بلئے برات تپاک اَنت۔
سدانی توکا اگاں پنچ در سد انچیں لوگ بنت کے اُودا جنینانی ناتپاکی ءَ مردین ناتپاک نہ کُتگاں گُڑآ اشی ءِ مان اے نہ انت کے منی گپ مفروضہ انت۔ بلے ھو اے بیت کنت کے منی اے گپ گیشتر تچکی لوٹیت۔

_________________

’’لوگ سوچوکانی جند ھم روچے نہ روچے سوچیت‘‘
ادا تو آسمانی گپّ یے جنئگ لوٹ اِتگ بلئے ایشیءِ حقیقت بوہگءِ چانس باز کم اِنت۔
~~~~~~~~~~~
اولی گپ اش انت کے شما بہ زانئے لوگ سوچوک گوش انت چیا؟
منی چاگرد ءِ مشاہدہ ءُ تجربہ ءَبازیں مثال استاں کے مردیناں چہ درملک ءَ زر ءُ چیز پہ چکاں دیم داتگ تاں باندات ءَ ایمن بہ بنت بلے لوگ سوچوکیں جنینانی سوب ءَ آھر ءَ ھچ پشت نہ کپتگ ءُ سرے پہ گنوک ءَ کشیتگ۔ اے مشاہدہ ءَ گوں من یک آزمانکے ھم جوڑ کُتگ۔ پٹاں چاراں گُڑآ پہ شمئے چمشانک ءَ اد ءَ ھم دئیاں۔

اے یک روایتی رپکے کہ گونڈوہاں چہ آہانی ردیانی سببءَ بہ ترسین ئے ءُ سرپد بہ کنئے۔

’’ھما اُردیں چْک اولی رند ءَ لوگ ءَ دست جنی کنت اگاں ھما روچ ءَ تُرسینگ ببیت ءُ آئی ءِ دست جنی یے سوب یک شریں وڑے ءَ در کنگ ببیت گُڑا اے چُک تاں زندگ انت پدا دست جنی نہ کنت‘‘

المّ ردیءِ درگیجگءِ سببءِ گپ تو جوان گشتگ بلئے آہانی ترسینگ ءِ ہچ ضرورت نہ اِنت بلکیں گوں مہرو دوستیءَ آہاناں سروسوج کنئگی اِنتءُ بلئے اے گپّ ءِ ہم ہچ گارنٹی نیست کہ آ تاں زندگ اِنت پدا دست جنی یا ردی نہ کنت۔

تئی اے گشتنءَ گوں منی جندہچ تپاک نہ کنت کہ
~~~~~~~~~~~~
گندگ ءَ تؤ منی اے گپ سک ایشتاپی ءَ ونتگ۔ منی دل ءَ شمارا اے گپ ءِ سرپدی ءَ کمے وتی مشاہدہ ءِ کینویس پراہ کنگ لوٹیت۔
دُزی کنوکیں چُک ءَ اگاں کسے اول سرا مہ تُرسینیت ءُ اُشکیں وعظ ءُ نصیحت بہ کنت گُڑآ وتی دل ءَ بہ شودیت کے اے چُک چہ دُزی ءَ وتی دست ءَ کشیت۔

مئے چاگرد ءَ بازیں لوگانی تجربہ زائر کنت کہ ھما چکاں چہ لوگ ءَ زلورت پورا بئیگ ءِ باوجود دست جنی کُتگ ءُ اے تُرسینگ نہ بیتگاں دیمترا آشیرک بیتگاں ءُ مات پِت مستریں تاوان ءُ بننامی ءَ دْور داتگ انت۔
بلے انچیں چک ھم منی چمانی دیما گوستگ انت کے کسانیں دُزی ءَ رند ماتاں تُرسینتگاں ءُ برات ءُ گہاراں گوں مہر ءُ دوستی ءَ اے سرپد کُتگاں چہ کسانی ءَ مزن بیتاں ایشاں کسی یک کلدارئے ءَ ھم دست مان نہ داتگ۔

’’لوگ ھما جاہ انت کے انسان ءَ وتی زندگی ءِ کلیں راھت ایمنی ءِ سرا رسیت‘‘

اگاں لوگءِ تہا کلیں راحت ءُ ایمنی بہ رستیناں گڑا دنیا اوشتءِ آماچ بوتءُ کس پہ راحتءُ ایمنیءِ شوہازءَ چہ لوگءَ در نیاتک۔ دنیاءِ کلیں ادارہ کہ پہ انسانءِ ایمنیءُ راحتءِ ہاترا سرمایہ کاری کنئگءَ اَنت آہانی ہچ جواز پش نہ کپیت۔
اگاں لوگ پہ راحتءُ ایمنیءَ حرف ء آخر بہ بیت۔۔۔۔۔۔۔۔۔۔۔۔۔۔۔۔۔
~~~~~~~~~~~~~~
شمئے گپ ءَ من ھمیں سرپد بئیگاآں گوشے شما دنیائے تہا مارکیٹ ، نادراہجاہ ، وانگ جاہ ءُ انسان ءِ زندگی ءِ درستیں آسراتی ءَ گوں یک لوگے ءَ ھمگرنچ کنگ لوٹے۔
لوگ ءِ ایمنی ءُ راھت ءِ معنا اے نہ انت کے ما دنیاءِ اے دگہ چیزانی ارزشت ءَ چے انکار کنگائیں۔ اے درستیں زندگی ءِ کارمدار انسان پہ وتی جند ءُ لوگ ءَ راھت دئیگ ءِ ھاترا جوڑ کنگ بیتگاں۔ انسان پہ لاپ ءِ شوہاز ءَ جہان ءَ گُولیت بلے آرام ءِ جاہ لوگ اِنت۔ انسان ءِ نادراہی ءِ ھلاج نادراہجاہ ءَ بیت بلے چیزے روچ ھلاج بئیگ ءَ رند داکتری لوگ ءَ آرام کنگ ءِ گوشیت سوب ھمیش انت کے ستر نادراہجاہ ءَ ھلاج بیبیت آئ ءَ آرام ءُ وتیگانی مہر ءُ ھیالداری زوت دْراہ کنت۔

لوگءِ ارزشتءِ سرا تئی مارَشت ستا کرزاَنت۔۔۔۔۔۔۔۔۔۔۔۔۔ امیّت اِنت روان کن ئے
~~~~~~~~~~~~~~
دلبڈی ءُ ستا ءُ تچکیں چمشانک ءِ چہ دل ءِ جھولانکی ءَ منہ واراں امیت انت دیم ترا ھم ھمیں رنگ ءَ وتی تچکیں چمشانک ءَ درشان کنئے
June 5 at 9:25am · Like · 2

Shoaib Shadab ‎......................
بلئے یک راجےءِ چاگردیکّے نہ اِنت بلکیں کوچگی ءُ شہری چاگردانی زندءِ تہا فرق و تپاوت بازیں است اَنت کہ ما بازیں مثالاں یکے دومی چاگردءِ دیما ایر کت نہ کناں۔
اگاں تو وتی نبشتانک ساریءَ ہمے رنگءَ نبشتہ بکتیں تہ نبشتانک باز براہ دار و واناک بوتگ اَت۔
June 5 at 9:35am · Unlike · 1

Zahida Raeesi
 شمئے سوج ءِ منہ واراں۔ دیم ترا ھیالداری کناں
June 5 at 9:39am · Like · 1

Waleed Garboni
 منا یک نامداریں بلوچ ندکارێا گوشت که آئیءِ کتابانی مزنتریں نزوری که آئیا وت هم مارتگ، همیش إنت که شنگ کنگا إشتاپ کنت. أنگت لڑ و إنڈکس إش ساڑی نه أنت و آ په شنگ کنگا دیم إش دات.... همیشی گـێشتر بلوچ ندکارانی نزوری إنت. إیشانی نیاما منی وتی جند هوار إنت..... یکے چه منی پجاروکاں که ندکارے إنت، منا سوج دات که أگر تو وتی سیاهگاں لایقیں سیاهگ کنگ لوٹئے، گڈا باز رندا به وان إش... گندگا بانک زاهدهءَ إشتاپ کرتگ و سیاهگ ئی شنگ کرتگ. هما حسابا سک شر إنت. منا دوست بوت.