کے چه پـَهـکاں زوراک تر انت ؟
**********************
داود سالک
---------------------
کریم بلوچ _ تــَهـل
یک پگاهے مـُشکـَـلـُـکے چه وتی مات ءَ پول کت :
- منی مات کے چه پهکاں زوراک تر انت ؟
آئی ءِ مات کـَند ات و گوئشت ئی :
- هر کسے وتی کـَچ و کساس ءَ زوراک انت .
مشکلک پگر کت که منی مات گـَپ شَپ __ __ کنگ انت . گوں وتی
گوئشت که من مرچی جنگل ءَ رواں و پر وتا زوراکیں سنگتے ودی کناں .
چه وتی لوگ و هونڈ ءَ دَرکپت . شت و شت تا که ژند بیت . نشت و ڈگار
ءَ تِچک ئی کـَشّـِت .
آزمان ءَ روچ ئی چار ات که باز پر رژن و گرم انت. هیال ئی کت که
روچ چه درستاں زوراک تر انت . پر چا که سرجمیں هـَـنـد و جاهان ءَ رژنا
کنگ انت.
چـِست بیت و گوانک ئی جت :
- او پر رژنیں روچ که آزماناں بـِرَشکگ ئے ، منا یک زوراکیں سنگتے
پکار انت . باریں تو منی گون ءَ سنگتی کن ئے ؟
روچ کند ات و گوئشت ئی :
- اے راستے که منی رژن سک باز انت و جهان ءَ رژنا کنگ انت ، بلے
هـَؤر ءِ پـُـٹ چه من زوراک تر انت پرچا که وهدے منی دیما اوشتیت ، منی
رژن ءَ داشت کنت .
مشکلک ، بانـُـکیں روچ ءَ موکل کت و جـَـمّرانی پُٹـانی شوهاز ءَ
روان بیت . گوں وتا گوئشان ات که من گوں جمرانی پـُـٹـاں دوست و سنگت
بیاں . آزمان ءَ یک جمبری پـُـٹے ئی دیست . شت و شت تا که پُـٹ ءَ سر بیت
.
هـَؤر ءِ پُـٹـی سلامے دات و گوئشت ئی :
- اَو پُر هـَؤریں پُٹ ! منا یک زوراکیں سنگتے پکار انت . باریں
تو منی گون ءَ سنگتی کن ئے ؟
پٹ کندات و گوئشت ئی :
- راستے که من گواریں ، پر شما آپاں کاریں . بلے گوات چه من زوراک
تر انت . پر چا که هما ما را هرنیمگ ءَ بَرَگ و کـَـشّــَـگ انت .
مشکلک ، جمر ءِ پُـٹ ءَ موکل کت و سر گپت تا که گوات ءَ وَدی بکنت .
مشکلک گوں برزیں تَوارے گوات ءَ گوانک جـَت . یگبرے که دَنز و هاکے
آزمان ءَ چست بیت . مشکلک زانت که همے گوات انت که آتکگ .
مشکلک ، گوات ءَ سلام دات و گوئشتی :
- اَو زوراکیں گوات که تو هر نیمگ ءَ روان ئئ !منا یک زوراکیں سنگتے
پکار انت . بارین تو منی گون ءَ سنگتی کن ئے ؟
گوات پسو دات :
- راستے که من هر جاه شُت کناں ، بلے کوه چه منا زوراک تر انت . پر
چا که هر وهدے من کوه ءَ سر بیاں ، کوه منا داریت و اوشتارینیت و من آئیا
جنزینت نکناں !
مشکلک گوات ءِ منتواری گپت و سر گپت و شت تا که بُرزیں ، شَتکیں و
تـَـلانگیں کوه ءَ رَست .
چه کوه ءَ کمے سر کپت و گوں بُرزیں تَوارے ، کوه ئی سلام دات و گوئشت ئی :
- اَو برز ، تیهُریں و شَهزوریں کوه ! منا یک زوراکیں دوستے پکار
انت . بارین تو منی گون ءَ سنگتی کن ئے ؟
کوه کند ات و گوئشت ئی :
- راستے که من بُرز بالاد ، سَـکـّیں و ڈِکـّینے اوں ، بلے وهدے که
ڈگار وتی کوپگاں چَنڈایت __ چنڈینیت __ . منی بالاد ءَ لـُمبیت و ڈوک
شـَلنت . ڈگار هزار سر چه من زوراک تر انت .
مشکلک کوه ءِ منّواری گِپت و گوئشت ئی :
- جوان انت ، گڑان من رواں و گوں ڈگار ءَ سنگتی کناں .
اپدا سر گپت . چه کوه ءَ جـَهلاد بیت و ایر کپت .
ڈگار ءَ که رَست ، ڈگاری گوانک جت :
- او پر زوریں ڈگار که کوهاں کوپگاں زُرت و چنڈینت کن ئے ! منا یک
زوراکیں دوستے پکار انت . بارین تو منی گون ءَ سنگتی کن ئے ؟
ڈگار کند ات و کندگ ءَ پسوئی دات :
- اے راستے که من سک مزن اوں ، بلے چه منا زوراکتریں هم سک باز انت
په درور تئی جند که منا ٹــُنگ کـَنـَـگ ات و منی اندر ءَ پر وتا لوگ و
هَند ءَ ٹــَهینیت !
مشکلک نون وتی مات ءِ هبر ءَ سر پد بیت که هرکسے هرکارے کت کنت ،
اگں جوانی ءَ پگر بکنت .
==================
* گـَپ شـَپ : « شوخی » و « مزاح » مان پارسی و ...
