فیس بُک ءِ لائیک بٹن۔ زاہدہ راجی ءِ آزمانک چمشانک ءِ وداریگ

[Zahida Raees Raji]

لائیک

زاہدہ رئیس راجی

”بانک ! تو وتی سائیٹ ءِ سرا اَنچو ٹہلءُ مجازئے، گُشئے زاناں لبزانک ءِ کلیں بارتئی بڈّءَ اَنت ۔اگاں کسے ءِساچشتانی سرا چمشانک دئیگءَ وَ تئی ارشت جہل کپیت ،بلے اے لائیک ءِ بٹن ءِ جَنَگ ءَ اوں تو وتی لنکُک ءَ شات نہ کنئے۔
 ما چے کنیں چُشیں وت پرستیں مردم ءِ دیوان ءَ؟ تئی دیوان ترا مراد بات۔۔۔  فیس بُک پُّر اِنت چہ مئے لوٹوکاں۔ ۔ ۔ اگاں ترا منی گپ دل ءَ کاینت بیاانت من ءَ پرواہ نیست“
” بانک یکیں توئے کے مارا جُست نہ کنئے۔  چمشانک نہ دیئے۔  بچار منی پوسٹ (سرھال ) ءِ سرا فیس بُک ءَ چنچو مردم گنوک اَنت۔ ھرکسے لائیک کنت ءُ ستا ءِ چمشانک دنت۔ تئی دیوان( باسک بلوچی دیوان)  ءَ کئے کئیت کہ نزانتکار ( ھما کہ ردی ءَ زائر کن انت ءُ راھشونی کن انت)  مارا ایر جن انت “
” ترا زاناں منی پوسٹ دوست نہ بنت کہ تو لائیک ءِ بٹن ءَ جنگ ءَ وتی لنککاں دوست دارئے؟ “

[mehraab baloch]

salam.
Gohar zahida man hairan an k chai bogoshan. Bale man rast gushan. A azmanak e na int. A report e. Gohar tae azmank e sar hal am amaish at.
Gohar bahid int mardum takleeq a takleeq e taqadus a gun bichareth, na k dosti o siyadi e chaman gun bichareth.
Minat var

[Zahida Raees Raji]

salam.
Gohar zahida man hairan an k chai bogoshan. Bale man rast gushan. A azmanak e na int. A report e. Gohar tae azmank e sar hal am amaish at.
Gohar bahid int mardum takleeq a takleeq e taqadus a gun bichareth, na k dosti o siyadi e chaman gun bichareth.
Minat var

Walaikum Assalam braat Mehraab
Durah baatet

braat shome ey gapp keh "Gohar bahid int mardum takleeq a takleeq e taqadus a gun bichareth, na k dosti o siyadi e chaman gun bichareth"
man ham hamen' gappey mannookan'
shoma ey aazmankuk report gosht maan' sar o chamman'. har kasi wati rang bitten' nebeshta kanag e lahtey aazmank a report kant o lahtey report an' kessah

Omait ent deym tera ham wati dapaa hejbar pah raasten' chamshaank a doust nadaare.
 

[MirAskaniBaluch]

سلام و دراھی بات پہ دراھین دیوانء.   گوھار من دراہین گپان سرپد نبوتان بئید کمے چوناہیء من شمۓ نبشتانکان باز کم سرپد باں لئین من گؤشتگ بلکہ بزانتی لعین ایں.   خیر:  منی خیالء غلہ و سائٹ و گروپ چمشانکانی گپ ات اگاں من رئد نہاں.   او لینکے پچ نبوتگ پدا ھوں لہتے زانتکارا لایق کرتگ.   اگاں ھمے وڑین کہ من گؤشت و گیشتر من گمان کنان کہ ھمے وڑایں. بلہ ھچ نگؤشاں بلکہ اے وڑا نہنت

[Asghar Zaheer Baloch]

باز مردم بلکن ہمے سرپد بیت کہ جنکءُبچکےءِ سرا ،مہرءِ بے سوبیءُ سورءُ انچیں جیڑہانی سرا نبشتہ کنگ آزمانک گشگ بیت۔گڈا اے یک مزنیں ردی ے۔ آزمانکءِ یک تہرے نہ اِنت۔اگں کسے آزمانکءِ تہرانی  درگیجگءَ در بہ کپیت گڈا جنگلےءَ گار بیت۔آزمانک ءِ لوٹ ءُ گزراں سرپد نہ بوہگءُ ھبر کنگ پوچ ءُ پوتاری ے۔
[/size] گہار زاہدہءِ اے آزمانک سادہ بیانیہ تکنیکءِ تہا اِنتءُ ادا کارست”من“اِنت(حاضر راوی)۔ ہمک نبشتہ کارءِ وتی یک جتائیں درشان داب ے است اِنت۔ اے آزمانک یک شریں تھیم ے ءَ گوں ہمگرنچ اِنت۔ تکنیک ،کسہ ،واقعہ ،کارست،تھیم ،ردءُ بند،،کلائمکس،ھلاسی۔دگہ چے بہ بیت پہ آزمانکءَ۔اگں کسے کہ اے آزمانکءَ را آزمانکے سرپد نہ بیت۔ گڈا من ہمے سرپد باں کہ آ  چہ آزمانکءِ جندءَ سرپد نہ اِنت۔

[Zahida Raees Raji]

سلام و دراھی بات پہ دراھین دیوانء.   گوھار من دراہین گپان سرپد نبوتان بئید کمے چوناہیء من شمۓ نبشتانکان باز کم سرپد باں لئین من گؤشتگ بلکہ بزانتی لعین ایں.   خیر:  منی خیالء غلہ و سائٹ و گروپ چمشانکانی گپ ات اگاں من رئد نہاں.   او لینکے پچ نبوتگ پدا ھوں لہتے زانتکارا لایق کرتگ.   اگاں ھمے وڑین کہ من گؤشت و گیشتر من گمان کنان کہ ھمے وڑایں. بلہ ھچ نگؤشاں بلکہ اے وڑا نہنت

برات میر آسکانی
سلامت باتئے

برات دنیا ءِ تہا ھمک نبشتہ کار یا آزمانک کار ءِ درشانی ءِ تب ءُ داب چہ دوئمی ءَ جتا بیتیں بلکیں ترا منی نبشتہ کنگ ءِ داب ءَ سرپر نہ بیت۔ تو ھمنچو گوشت منی ھیال ءَ ھمیں رنگ انت بلے منی مول ءُ مراد ءَ توانگت سرپد نہ بیت ئے

من ءَاردو ءِ یک اُستادیں ندکارے ءَ سال 2003 ءَ یک گپے گوشتگ من ءَ سک دوست بیت 

آئ ءَ گپ ایش ات: شریں آزمانک ءِ مستریں خوبی اے بیت انت کے وانوک ءَ پگر جنگ ءَ مجبور کنت کہ کے اے کسہ راست انت اگاں ناں جند ءِ ساچشت؟ ءُ شریں آزمانک کار ھما انت کے چاگرد ءِ کسہ ءَ انچوش درشان کنت کہ وانوک ءَ گمان بیت اے وانوک اگاں ناں آزمانک کارءِ جند ءِ کسّہ انت“
“

لائک ءِ بٹن ءِ سرھال دیما یارگ ءِ مستریں سوب ھمیش انت کے کس پہ لائک بٹن ءَ گل مہ بیت چد گیشتر من ھچ نہ گوشاں

[Zahida Raees Raji]

باز مردم بلکن ہمے سرپد بیت کہ جنکءُبچکےءِ سرا ،مہرءِ بے سوبیءُ سورءُ انچیں جیڑہانی سرا نبشتہ کنگ آزمانک گشگ بیت۔گڈا اے یک مزنیں ردی ے۔ آزمانکءِ یک تہرے نہ اِنت۔اگں کسے آزمانکءِ تہرانی  درگیجگءَ در بہ کپیت گڈا جنگلےءَ گار بیت۔آزمانک ءِ لوٹ ءُ گزراں سرپد نہ بوہگءُ ھبر کنگ پوچ ءُ پوتاری ے۔

برات اصغر زہیر
سلام ءُ دروت ءُ دراہ باتئے
برات، تئ گپ سد در سد راست انت۔ بلوچی لبزانک ءِ وانوک ءَ گیش میار پر نیست کے ایشاں تاں روچ مروچی پہ ارزانی دست کپوکیں تاک ءُ ماہتاکانی توکا چوشیں چیز پہ وانگ ءَ دست نہ کپتگ کے ایشانی لبزانکی زانت ءَ گیش بہ کنت۔
گلگ گوں آھاں وَ کنگ نہ بیت کے آھاں نوکی چیزے وھد بیت کے بلوچی نبشتہ کنگ ءُ وانگ بنا کُتگ کے آھانی راھشون ھما انت کے وتی جند ءَ انگت راھشونی ءِ زلورت انت۔
بلے من آھاں الما میاریگ کناں کے دری زبان ءَ آوانی درستیں رنگیں لبزانک ایشاں ونتگ  انت ءُ دیستگ انت بلے ھجبر ایشاں بلوچی وانوکانی تب بدل کنگ ءِ جہد پہ دل  نہ کُتگ۔
چیزے ندکارانی سرگ ءَ چہ ایشاں جتا بہ کن اے دگر درستیناں مئے لبزانک یرغمال کُتگ یل داتگ انت ءُ وھدے یک ندکارے نوکیں چیزے اگاں ناں نوکیں دابے دیما یارایت کہ اے دگہ زباناں آئ ءِ  باز ارزشت است بلے  مئے بلوچی ءِ تہا آئ ءَ قبول کنگ ءَ نئیلنت ۔
پدا دوئمی چیز مئے لبزانک ءِ تہا جنین ءُ مردینانی درشان کنگ ءِ سرھال ھم چہ پیسرا گیشینگ بیتگاں بزاں چیزے سرھال استاں کے اگاں جنین نبشتہ کنت بزاں وتی جند ءَ را بنّام کنت۔
منی سر پر نہ بیت کے دنیا ءِ  لبزانک ءِ پہنات ھمنچو پراہ ، جہل ءُ بُرز انت کے دنیا ءِ ھمک مارشت، ندارگ ءُ تب اشی ءِ تہا جاہ کن انت گُڑآ بلوچی ءِ تہالبزانک پرچیا انچو گونڈ  ءُ گُٹ گیر کنگ بیتگ؟

گہار زاہدہءِ اے آزمانک سادہ بیانیہ تکنیکءِ تہا اِنتءُ ادا کارست”من“اِنت(حاضر راوی)۔ ہمک نبشتہ کارءِ وتی یک جتائیں درشان داب ے است اِنت۔ اے آزمانک یک شریں تھیم ے ءَ گوں ہمگرنچ اِنت۔ تکنیک ،کسہ ،واقعہ ،کارست،تھیم ،ردءُ بند،،کلائمکس،ھلاسی۔دگہ چے بہ بیت پہ آزمانکءَ۔اگں کسے کہ اے آزمانکءَ را آزمانکے سرپد نہ بیت۔ گڈا من ہمے سرپد باں کہ آ  چہ آزمانکءِ جندءَ سرپد نہ اِنت۔

برات شمئے اے گپ راست انت کے مئے وانوک انگت اے ھم نہ زان انت کے گوں ” من “ نبشتہ کنوکیں آزمانک ءِ  معنامدام آزمانکارءِ سرگوست بیت نہ کنت۔
تئ لک منہ واراں کے تؤ منی اے گونڈیں نبشتانک انچو ارزشت دات ءُ اشی یک آزمانکے ثابت کُت۔