Author Topic: منی آذمانک . شمے باسکانی چمشانک ء وداریگ انت. .  (Read 4979 times)

0 Members and 1 Guest are viewing this topic.

Offline Andalib-Gichki

  • Baask Poet
  • ***
  • Posts: 121
  • Karma: 12
آزمانک:
(منی سفر ء_یک شپۓ)

عندلیب گچکی:

انشپی ماہ ء دوذدھ انت .‎ ‎.‎ ‎.منی گہار ء - منی جست ء پسو دات. .
او ؟ گنداں چاردہ نزیک انت پمے ڈن چو رژنا انت . . .من ڈن چاران اتاں. . .من لوٹت دست ء شار بدیان کہ دست ء- سارتیں گوات ۓ بلگیت. . .بلے بے سوب بوتاں چیا کہ بس ء کانچ بند اتاں . . .

باہد انت ایشانی کانج پچ اوں بہ بوتیناں . . .اگں ھنگامی حالت ۓ بوت کڈا؟ . . .من گوں وت گپ ء -اتاں. . .
ڈن انگت رژنا ات مناں درچک ء دار  ء  مزن بالادیں کوہ گندگ ء پیداک اتاں. . . .

دراہ واب انت مناں چیا واب نئت؟لیٹ اوں بند انت مناں شاعری ء کتاب ء  دشت _ وفا گون انت بلے چون بہ وانانیے؟

باریں کجام گشندہ ء کیسٹ انت وانگ ء انت. . .تو سرجانانیں کجا مبارک. . . .او شاہ جان ء آواز انت. . . مناں نوں یات اتک. . .
اے گم کہ داتگ آ بے وفا ء- . . .شاہ جان نالاگ ء -ات. . . .
منی گماں تو چے پیم ء- ذان ء_؟. . .بزگیں شاعر گلہ کنگ ء ات. . . .
کی گلہ ء -کنیے تو بزگیں قاضی ؟ من دل ء- گوں مبارک قاضی ء گپ ء اتاں. . .
من وتی گہار ء_ نیمگ چارت آ واب ات. . . .تماشہ کنے تو. . .وابے انو تی شپ پہ واب روچ بیت بلے واھے پہ من کہ واب ء گومن ذھر کتگ. . .
من چماں نز کناں دیراں چہ کہ بلکن واب ء پہ من بزگ بکنت . . .
کجا شتگے انشپی تو ؟ . . . .
نو من ذانگ ء اتاں کہ واب ء گوں منی ذندء چنچو آرذشت است. . . اے اوں نہ انت کہ مناں تی چنچو ذلورت انت. . .من گوں واب ء ذار کتگ ات. .
 
من نہ ذانت تو چو مناں بیحال کنے یکیں سابط گشیت. . .
ھاھا اے و ء گشۓ منی واب ء_ وڈا انت کہ مناں بیحالی کتگ. . .
مناں کندگ اتک سابط ء سر ء. .
شاہ جان ء انگت وتی گٹ روسینتگ ات پہ سوت ء جنگ ء. . .

منی ھیال ء اے بس ء ڈراہیور ء شاہ جان پسند انت. . .
او .  . .
من انگت ڈن ء چاران اتاں. . .
شپۓ تہاری اوں مناں دوست بیت . . .سکون دنت چماں کمے آرام رسیت . .روچ ء روژناھی ء و بیدے گم ء دگہ چے گون؟ . . .
چونیں گم ؟
منان چہ منی جند جست ء ات؟
دنیا میں غم اور بھی ھیں. . . . .
مناں سمول ء مدے مناں ھانل ء بدے . . .من گوں اے سوت ء اشکنگ ء ھیران بوتاں. . .ایشی متلب؟
ھانل پہ شہ مرید ء گنوک ات ء سمو پہ توکلی ء-. . .
مرچی آگن ماہ ایشان ذانیں ایشانی پاکیزگیں مھر ء_ سوب ء-  . . .
دوھین وتی عاشقانی دوستدار بوتگاں. . .
اد ء شاعر چیا چو گشگ ء- انت؟ ؟ اے و سمو ء گوما نا انصاپی ۓ. . .
باریں چہ مکسد بوتگ شاعر ء. . .
منی مبائل چہ پرس ء کشت وھد ء چاراں. . .نوکی یازدہ ء نیم انت. . . 
آف ھدا دگہ شپ چیتچو است. .
او اے واب . . . . .


من کانچ ء چے ماہ ء چارگ ء_ کوشست ء کنگ ء اتاں. . .ماہ نہ زاناں دوذدہ ء اے وقت ء وت نئت یا جمبراں چیر داتگ؟ ؟
تو وت ء چینچو جست کنے؟ ؟
دمبرت من . . .
من وت ،وتا گشگ ء اتاں. . .
شر من پد ء چماں نرکناں بلکں نوں واب ء اوں بزگ کنت ء کیت. . .
او دوست مناں چے دل گرانے ھچ پرواہ نیست . .واہ قاضی . .
نوں عارف وتی آواز ء تاچینگ ء ات. . .
مردم دراہ واب انت . . .
مناں. .
تہاری انت. . .
عارف ء توار انت. .
قاضی ء وشیں شعر انت. .
یکیں واب انت گار انت. .
بلے من اوں واب ء_ شوھاذ ء واستہ وتی جہد ء کنگ یلہ نہ کتگ ات. . .
ڈھونڈنے والوں کو دنیا بھی نئی ملتی ھے . . .
پمے باریں چے ٹائم ات کہ من وتی جہد ء سوبین بوتگتاں. . .
منی چم بس ء ترندیں سٹی ء پچ بوتاں. . . .
ادا بس ء پہ مسافرانی نان ء وارگ ء واستہ داشتگ ات . .اے جاگہ من پیسر ء اون دیستگ. . .

آف ھدا اے جاگہ داراگی ء؟ ؟
من وتی مرک مجینت. . .مناں ادبی حکیم ء تران ۓ یاد اتک مرک ء مجینگ ء. . .
گڈا من چے بکناں؟ مردم وت اے وڈ بیت. . .

اد ء کی دل وارگ ذوریت . . .
من وتی برات ء پسو دات اھی مارہ جست کتگ ات کہ چے بیاراں. . .
من و ء کراچی ء مردمانی سر ء افسوذ ورتگ . . .
واجہ اے ھوٹل ء مالک بلوچے . .ادء مسافر اوں بلوچ. . .اف ھدا. . .اودا ٹرانسفورٹ ء ویٹنگ روم ء ھال ء منی دل انگت بد ات. . .

واجہ کسہ اگں یورپ ء چہ کسے پہ سروۓ واستہ اد ء بئت . . .ھمے راھاں سفر بکنت اھی تاتر چے بیت پہ بلوچاں؟ ؟
بے شک ما بسماندہ انت ما غلام انت. . .بلے سپاھی وا مے دست ء بوت کنت ناں. . .
گوں کہ گپ ء اے؟ ؟
ھان . . .
ھچ . . .
وت  ء جست کنے کیا سرپد کنے؟ ؟
بس پدا راھدگ بوت ء پد ا عارف وش الہانی ء لگت. .
من گنوکاں دل گنوکیں پہ گل ء
روچ ء شپ نالیت چو ذحیفیں بلبل ء. .
من پہ کجام بزگی واب کپتگ اتاں. . .باریں نوں واب کپاں یا اناں. . .

 من ڈن ء چارگ ء اتاں. . .من اے کوھاں گندگ ء نہ انت. . .
منی ھیال ء کوہ اے دگ ء چہ سک دور انت. . .
نئت جہندم مئت. . .اینچو مننت ء جنت وش نہ انت نہ کہ واب. . .

من وتی دل ء- فیصلہ کت کہ من اوں اے واب ء_ مننتاں نہ گراں. . .
ھمے سوب ات ذاناں کہ واب ء اوں نکرہ کنگ ء_ موہ نہ رست . . .

نماذ کننت ایر ء ات اگں نہ من رواں. .
اے ڈراھیور ء_ تروندیں حکمانہ توار ات . .ء من اوں ھمے آواذ ء پچلرزاتاں. . .
من ھرچ ۓ  کناں چم پدا بند بنت. . .من وتی سیاھیں چادر وتی دیم ء - پر دات . . .

بس ء راھدگ بوھگ ء گوں من چم پہ شری ء - پچ کتاں کہ چاراں کجام جاہ انت. . .
اے؟ ؟کجام جاہ انت؟ ؟
اے و - گشے ھمے سیلاب ذدہ ناصر آباد انت. . .
من وتی چم پہ شری ء پچ کتاں نوں مناں یقین بوت. . .
شپ اوں آسر بوتگ ات ء من اوں وتی منزل ء- نزیک بوھان آتاں. .
باذیں وداراں رند ھما تمپ ء کلات ء وتی سر کشتگ ات. . .
شپ ء_ ساہ نوں سستگ ات روچ گوں وتی سہریں چماں سر ء_ تہا ات. . .

(ھلاس)

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture
منی بانوکیں گہار، عندلیب گچکی
سلامت باتئے،
گہار، تئ دیم پہ بلوچستان ءَ شپ یے مساپری من ءَ سک دوست بیت ءُ من ھم وتی مساپریانی ترانگ ءَ کپتاںءُ دل ءَ اُل کُت پہ وتی مساپری ءِ نیم کپیئیں سرگوست ءَ سرجم کنگ ءَ۔ 
تئ گپ راست انت اے بس ءِ توکا تاں بانگواہ ءَ اے رانندہانی روشن کُتگیں سوتانی توار ءَ مردم سک بے تاھیر بیتیں بلے کل منی کماش ءِگا اگاں اے  رانندہ بس ءِ توکا سوت گوژ مہ دارانت اے ھم مساپرانی رنگ ءَ واب کپنت۔ اگاں ترا  مساپرانی سلامتی پکار انت باید چہ ایشی ءَ اوپار کش۔  :)
گہار ھمیں رنگ ءَ نبشتہ کنان بہ کن من دلجماں بلوچی لبزانک ءَ شریں رم نویسے دست کپیت۔
مدام سوبین باتئے
گوں نیکیں واھگاں
تئ گہار
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line

Offline Andalib-Gichki

  • Baask Poet
  • ***
  • Posts: 121
  • Karma: 12
mentwar tai gohar zahada dosth darage ,to un soben bathe

Offline Shoaib Shadab

  • Academic Scholar & Critic
  • Baluchi Nadkaar بلوچی ندکار
  • ***
  • Posts: 95
  • Karma: 9
  • Balochi Linguist
    • Balochi Linguist


لُڑان اَنت مِیل ءِ سنگانی نبشتہ

سفر حیران دیوالے گوزان اِنت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باز جوانیں جہدے دریگتیں ہمک بلوچ دختر چو شمئے پیما وانندہ ءُ نبشتہ کاربوتیں۔ 
تئی حبّ ءُ واہگ ہم ستا کرزاَنت کہ تو اے آزمانک گوں موبائلءِ ٹیکسٹاں نبشتہ کتگ پمیشکا نبشتہءِ تہا بازیں ردی است اَنت۔
تو اے آزمانکءِ شِنگ کنئگءَ باز اشتاپ کتگ اگاں لہتیں رنداں پدا بہ چاراتیں باز جوان بوتگ اَت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزمانک یک شپےءِ سفر اِنت کہ خود کلامی تکینیک ءِ تہا اِنت ،گوں غیر ارادی صورتءَ نبشتہ کنئگ بوتگ ۔۔۔۔۔۔ بزاں ایشیءِ بابتءَ چہ پیسرا جیڑگ نہ بوتگ ہرچی کہ ہمے سفرءِ تہا اتکگ آزمانکارءَ آ بیان بوتگ اَنت۔۔۔۔۔۔۔۔۔۔۔۔۔اےیک سر گوستے بلئے آزمانکارءَ ایشیءَ را آزمانکی رنگاءَ نبشتہ کنئگءِ جہد کتگ زیادہ منا آزمانکار سوب مند گندگءَ کئیت۔۔۔۔۔۔۔۔۔۔۔۔۔۔!پرچا کہ آ تہنا حال دئیگءِ ناں ۔۔۔۔بلکیں چہ جیڑگءُ خودکلامی ءِرپکءُ رہبنداں ہم سرپدانت۔۔۔۔۔۔۔۔۔۔۔۔۔!
۔۔۔۔۔۔۔۔۔۔۔۔۔۔۔۔
’’لوٹ اِت دست ءَ شہار بدیاں کہ دست ءَ سارتیں گواتے بہ لگیت. . .بلئے بے سوب بوتاں چیا کہ بس ءِ کانچ بند اتاں ‘‘

’’تماشا کنئے تو. . .واب ئے ،نوں تئی شپ گوں واب روچ بیت ،بلئے واھے پہ من کہ واب ءَ گوں من زھر کتگ. . .
من چماں نز کناں دیراں چہ کہ بلکن واب ءَ پہ من بزگ بکنت . . .
کجا شتگ ئے انشپی تو ؟ ‘‘

’’شپءِ تہاری اوں مناں دوست بیت . . .سکون دنت چماں کمے آرام رسیت . .روچ ءِ روژناھی ءَ و بیدئے گم ءَ دگہ چے گون؟ . . .
چونیں گم ؟
منا چہ ،منی جند جست ءَ ات؟‘‘

’’ماہءَ نہ زاناں دوازدہ ات، اے وقت ءَ وت نئیت یا جمبراں چیر داتگ؟ ؟
تو وت ءَ چینچو جست کنے؟ ؟
دمبرت من . . .
من وت ،وتا گشگ ءَ اتاں. . .‘‘

’نئیت جہندم مئیت. . .اینچو منّت ءَ جنت وش نہ انت، نہ کہ واب. . .
من وتی دل ءَ فیصلہ کت کہ من اوں اے واب ءِ منّتاں نہ گراں. . .
ھمے سوب ات زاناں کہ وابءَ اوں نکرہ کنگ ءِ موہ نہ رست . . .‘‘

’’شپ ءِ ساہ نوں سستگ ات روچ گوں وتی سہریں چماں سر ءِ تہا ات. . .‘‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یک چیزے کہ آئی ءَآزمانکءِ ربط پروشتگ آ اے جیڑھ اِنت کہ آزمانکارءَ پہ نزانتکاری گوں وتی آزمانکءَ ہوار کتگ ۔۔ چوناہا آئیءَ ہمے جیڑھ بیان کنئگءِ جہد کتگ ۔۔۔۔۔۔۔۔۔۔۔۔ ہمے جیڑھ ءِ بیان کنئگءِ جاگہ اے آزمانکءِ پلاٹءَ گوں ہمدپ نہ اِنت۔

من و کراچی ءِمردمانی سر ا افسوز وارتگ . . .
واجہ اے ھوٹل ءِ مالک بلوچے . .ادءَ مسافر اوں بلوچ. . .اف ھدا. . .اودا ٹرانسفورٹ ءِ ویٹنگ روم ءِ ھال ءِ منی دل انگت بد انت. . .
واجہ کسہ اگاں یورپ ءَ چہ کسے پہ سروۓءِ واستہ ادابئیت . . .ھمے راھاں سفر بکنت آئیءِ تاثر چے بیت پہ بلوچاں؟ ؟
بے شک ما پسماندہ ایں ما غلام ایں. . .بلے صفائی وا مئے دست ءَ بوت کنت ناں.‘‘

بلئےہمے جیڑھ ءِ بیان کنئگءَ پد جہلءِ سوالیہ بیان کہ آزمانکار ءَ گوں وتا کتگ اَنت اے آزمانکارءِ کمال گشئگ بیت کہ آئیءَ برزءِ بیان کتگیں جیڑھ کہ گوں آزمانکءِ پلاٹءَ گوں ہمدپ نہ اِنت۔۔۔۔۔۔۔۔۔۔۔۔۔ چتور ہمدپ کتگ۔۔۔۔۔۔۔۔۔۔۔۔۔۔۔۔!

گوں کئےگپائے؟ ؟
ھاں . . .
ھچ . . .
وت ءَ جست کنے، کئےءَسرپد کنے؟ ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزمانک ءِ بندات باز جوان اِنت

’’انشپی ماہ ءَ دوازدہ انت . . .منی گہار ءَ منی جست ءِ پسو دات. .
ہؤ ؟ گنداں چاردہ نزیک انت پمیشکا ڈن چو رژناہ انت . . .من ڈنءَ چاران اتاں. . .من لوٹ اِت دست ءَ شار بدیاں کہ دست ءَسارتیں گواتے بہ لگیت. . .بلئے بے سوب بوتاں، چیا کہ بس ءِ کانچ بند اتاں . .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزمانکءِ آسر اوں دلکش اِنت

شپ اوں آسر بوتگ ات ءُ من اوں وتی منزل ءَ نزیک بوھان اتاں. .
بازیں وداراں رند ھما تمپ ءِ کلات ءَ وتی سر کشتگ ات. . .
شپ ءِساہ نوں سستگ ات، روچ گوں وتی سہریں چماں سر ءِ تہا ات.‘‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزمانکءِ پلاٹ (خاکہ ) باز جوان اِنت کہ مسافریں کردارے گوں ہمراہےءَ بس یےءَ شپءَ سفر کنئگا اِنت آ دگہ دراہیں مسافر واب اَنت۔ یک کردارے نیم راہءَ واب کپیت۔ دگہ کردارے کہ آدراہیں سفرءَ تہنا آگاہ اِنت۔ آزمانک کارءِ جنداِنت ۔۔۔۔۔۔۔۔۔ برے ڈنّ ءِ رژنائی ءُ برے تہارونکی ءِ بابتءَ جیڑگ اِنت۔۔۔۔۔۔۔۔۔ بلئے اصلءَ پہ وتی بے وابیءِ سرا کھتیگ اِنت۔۔۔۔۔۔۔۔۔ ہمے کہ دمانے چمّے پہ وابءَ ڈک اَنت ۔۔۔۔۔۔۔۔۔ آوتی منزلءَ سر بیت۔۔۔۔۔۔۔۔۔۔!
آزمانکءِ مکالمہ آنی تہا نزوری ہم باز است بلئے ہما جیڑگی مکالمہ کہ آزمانکارءَ گوں وت کتگ اَنت باز جوان اَنت۔۔۔۔۔۔۔۔۔۔۔۔ ءُ وقت ءُ مقامءِ ہم خیال شرّیں رنگءَ دارگ بوتگ اَنت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہما منظر نگاری کہ بسءِ سفرءَ یک مسافرےءِ دیما کاینت۔۔۔۔۔۔۔۔ جوانیں وڑےءَ پدّر کنئگ بوتگ اَنت۔۔۔۔۔۔ چو کہ دراہیں مسافرانی واب کپئگ۔۔۔۔۔۔۔ شپءِ تہاری ءُ یا ماہ ءِ رژنائی۔۔۔۔۔۔۔ سؤتءِ چکّا سؤت۔۔۔۔۔۔۔۔۔۔۔۔ بسءِ ہارن ءُ راہ ءِہوٹل ۔۔۔۔۔۔۔۔۔۔۔۔ ءُ نماز۔۔۔۔۔۔۔۔۔۔
درچکءُ کوہانی ساہگیں بالاد۔۔۔۔۔۔۔۔۔۔۔۔۔۔۔۔۔!
ہر مسافرےشپءَ بسءِ سفرءِ وہدا گوں ہمے جیڑھ ءُ ندارگاں دوچار کپیت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
XXXXX

Offline Andalib-Gichki

  • Baask Poet
  • ***
  • Posts: 121
  • Karma: 12
mentwara waja shoib shume tanqeedi jahaze, mentwara ke shuma mani nebshta kotagen wantag o wati wahd kashetag o tanqeedi jahaza gaptag. . .shume jahaza grag bz washen o ilmi tanqeed e,

Offline Naguman

  • Baluchi Nadkaar بلوچی ندکار
  • ***
  • Posts: 38
  • Karma: 12



shoaib shadaba e shon datagen nizorian abed am ey azmank e jwani esh en k wanoka gon wat bart gon.. wanoka ancho sama b gushay man wat hamey basa gonan gon.. o hamey wad maaragayan k azmankar maareet.

Offline Andalib-Gichki

  • Baask Poet
  • ***
  • Posts: 121
  • Karma: 12
mentwar waja naguman shume azmanke sara tanqeedi jahza gerage. . .o baz mentwar ke shuma wati qeamati hen wahd kashetag pa e azmank e wanage wasta pada wati tasurat gushtaga. .

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
گـُهـار عـنـدلـیـب آ کـہ مَـنءَ تـئـی آزمـانـکءِ بـارَوا گـوَشـگـی اَت بـرات شـعـیـب شـادابءَ گـوَشـتـگ اَنـت پَـہ مَـنـی گـوَشـگءَ هـچ پَـشـت نـہ کـپـتَـگ مَـن ایـوَکءَ هَــمشءَ گـوَش اوں کـہ تـئـی هَـیـالءُ واهَـگ بـاز جـوان اَنـت نُـبـیـسّـگءَ گـیـشـتـر جـهـد بـہ کـن سـوبـیـں بـات ئَے گـُهـار

Offline Andalib-Gichki

  • Baask Poet
  • ***
  • Posts: 121
  • Karma: 12
shume mentwar waja hakeem