سُپاری۔ ۔ ۔ زاہدہ رئیس راجی ءِ آزمانک تچکیں چمشانک ءِ وداریگ

[Zahida Raees Raji]

آزمانک
سُپاری
آزمانکار: زاہدہ رئیس راجی

شمسُل ءِ سورءَ سالے ءُ ھشت ماہ ات بلے گندگ ءَ اے جنین انگت وتی لوگءَ لوگ  نہ مارگ ءَ ات ۔ وانندئیں ءُ سرپدیں لوگ ءَ اے پہ وت جہنم گندگ ءَ ات کہ اشی ءِ مستریں لوٹ چیلم ات ءُ آئ ءِ سراِ لوگ واجہ حمّل ءَ پابندی جتگ ات ۔ چہ سُور ءَ پیسر سانگبنداں اے گپ اشی ءِ مات و گہارانی دیما تچک کُتگ ات کہ ما شمارا گوں سانگبندی ھمیں شرت ءِ سرا کنگائیں کہ دیمترا  شمئے جنک چلم ءِ کشکائ مئے لوگ ءَ مہ بیت۔ آوھد ءَ وَ شمسل ءِ پت مات ءَ وتی بے وانندہیں جنک  ءِ پُلدار ءُ وانندھیں لوگ ءَ کپگ ءِ وشی ات پمشکا ایشاں چُک ءِ سانگبندانی درستیں شرت منیت انت بلے سورءِ دوئمی روچ ءَ بے چلم ءَ وھدے شمسل ءِ سرا ترگے ءَ گپت ءُ بے تاھیری کُت گُڑا اشی ءَِ گوشی ءِ سرا وتی مات مردم ھال دات انت کہ نوں چون بہ کنت۔

 گہار ءَ سوجے دات کہ سُپاری ءَ دپا کن چہ اشی ءَ تئ چلم ءِ تلب کم تران بیت انت ءُ ما وت تئ لوگ ءَ پہ مبارکی کائیں گوں وت پارکیٹے سپاری پہ تؤ زوریں کائیں۔  شمسل گل بیت۔
تاں چیزے روچ ءَ اشی ءَ گوں ھمیں سپارییاں وتا دلگوش کُت بلے انگو کش ءِ درد ءُ آنگو بے وابی ءُ سردرد ءَ سک بے وڑ کُت۔
حمّل ءَسور ءِ اولی روچاں وَ ھمیں مارات کہ بلکیں نوکیں جاہ ءَ گوں نوکیں مردماں نندگ ءِ سوب ءَ شمسُل چُش انت بلے وھدے آئ ءِِ پُرمھریں تب گندگ ءَ رند شمسل ءَ نرم نرم ءَ جُست کُت کہ من کمے چلم کشگ لوٹاں۔  دمانے ءَ آئ ءِ دیم ررد ءُ سہر تراِت ءُ تچکک ءَ گوشتی کہ اے مئے لوگ ءِ داب نہ انت۔  مئے گورا مردیں آدم سگریٹ کشوک نہ ینت گُڑا چتوآ وتی جنینانی اے بدیں ھیل ءَ زورگ ءَ رازیگ بنت۔ اشی ءَ گوں گریتگیں چماں وتی مردین منینگ ءِ جہد کُت کہ من چلم ءِ آپ گُولاٹوکے بیتگاں نوں نہ رسگ ءَ  دل ھچ ورگ ورگ ءَ نہ کشیت ءُ شپانی وابی ھم بے گواہ  انت۔
حمّل ءَ وتی نوکیں بانور شات نہ بیتگ ات پمشکا دل ءِ زاھری  ایر بُرت انت ءُ پسوئ دات کہ شریں ھر وھد تؤ مات ءِ لوگ ءَ رؤئے گُڑاکمو چلم  بہ کش بلے منی لوگ ءَ چلم ھجبرایر مہ کن  ۔ اشی ءَگوں گل بئیگ ءَ  گوشت شریں گُڑا اِدءَ من وتی بے چلمیں وھد ءَ گوں سپاری ورگ ءَ گوازیناں۔ اے مردک سک ھیران بیت کہ اے چونیں نشہ انت کہ منی جنین ھچ یل داتی نہ کنت ۔ دل ءَ ھمیں گوشتی کہ شریں چہ مزنیں نشہ ءَ رکھینگ ءَ اے سپاری ءِ ورگ  کمتریں نشہ انت ءُ زوت درکنگ بیت۔

انچش سپاری ورگ ءِ اجازہ رسئیت،  شمسل ءَ چہ ھول سیل مارکیٹ ءَ درزنے سپاری ءِ پارکٹ لوٹائینت۔ نوں چوشیں وھدے نیست ات کہ شمسل ءِ دپ پُر ماں سپاری مہ بیت۔  دُسکچ سبرل کہ وت چُشیں بدیں ھیلاں چے نپرت کنوک ات آئ ءَ وھدے دیست کہ نشار ءِ در ءِ دپا چہ دپا دور داتگیں سپارییانی ٹکر کپتگ انت دوسے رند ءَ اشی ءِ نازرکیں پادانی دل ءَ گُرچت انت گُڑا زہر گپت کہ نشار تؤ اے چے کنگائے؟ زاناں کچرا مان کنوک نیستیں لوگ ءَ؟
شمسل ءَ پسو دات ” وے چے بیت زاناں  ۔ ۔ ۔سپاری منی دل ءَ گِرگایت انت پمشکا من دلگوش نہ کُت کہ کُجا دؤر داتگوں۔ رند ءَ ایشاں روپاں “
سبرل ءَ وتی زاھر ایر بُرت انت ءُ کچرا چست کنوکی یارت ءُ اشی ءِ در ءِ دپی رُپت پاکی کُت بلے گُشیگاں شمسل ءِ کرا سانگبندانی سوج ءُ گپانی ارزشت نیست ات آئ ءَ ھچ کمار نہ کُت ءُ
اے نوں مدامی دابے جوڑ بیت کہ برے  آئ کوٹی ءِ توکا ءُ برے کمپانءِ لاپا ءُ برے در ءِ دپا مدام مدام ھمنچو سپارییانی پیلک ءُ گاجیل کُتگیں سپارییانی ٹکر رتکگ اتنت گوشے سیر کُتگیں جنین یے جاہ ءَ یک گونڈوے ءَ وارتگ ءُ گاجیل کُتگ ءُ ریتکگ انت۔
ھمّل ءِ دیما شمسل ءَ وتی مات گہارانی سوج ءِ پڑا  وتا بازنرم ءُ دوواھیں نشارے پیش داشت تاں آ شمسل ءَ پہ آئ ءِ لوٹ ءِ کاراں مکن مہ کنت بلے پُشتہ ھما کُت کہ وتی دل۔
 سورے چارمی ماہ ءَ شمسل ءَ چُک لاپ ءَ کپت نوں نیپگی ءِ ھبر دیما یارتی کہ دل سک باز چلم لوٹیت ءُ بے چلم ءَ دل ھراب بیتیں۔  وسوگ ءَ ھمک داب ءَ جہد کُت کہ نشار ءِ تب وش ءَ چے وش تر بیبیت بلے اشی ءَ بید چہ چلم دگہ ھج چیزے دلمانگی نیست ات۔  وسوگ مجبور بیت ءُ اجازہ داتی کہ شریں تاں چُگ مات نہ بئے تؤ وتی کوٹی ءَ بہ کش من وت ھمّل ءَ سرپد کناں۔
ھمل ءِ زمہ واری وھدے وسوگ ءَ زُرت شمسل سیک ایمن بیت ۔ چہ گلاں بال بیت ءُ روچے دو سے رند ءَ چلم ءِ سُٹی کشئیت انت ءُ رند چہ چلم ءَ زنڈیں سپاری یے دپا کُت۔
 سبرل ءَ دست سرءَ ات انت  کہ چونیں مئے برات ءُ چونیں ناسرپدیں آئ ءِ زال۔ ۔ ۔ بلے  وتی مات ءِ سرپد کنگ ءِ سوب ءَ اشی ءَ اے زاہریں گُڑدر ایر بُرت انت۔

نُنوک  وھدے دنیا ءَ اتک درستیں گلاں بال بیتاں۔ سبرل ءَ ھم وتی نشار ءِ ناسرپدی سرگوز کُت انت ءُ وتی گونڈوکیں برازتک ءِ نام سالارئ ایر کُت ءُ ننوکی  وتی  دل ءَ داشتی۔  چُک ءِ یارگ ءَ رند شمسُل ءَ وتی جاہ اے لوگ ءِ تہا مھکم تر کُت ءُ نوں اشی ءِ ازت ءُ ارزشت چہ پیسرا گیشتر بیت۔ وسوگ، ناکو، دُسکیچ ءُ کسانیں وسرک اے نوکیں مھمان ءَ انچوش دلگوش بیتاں گوشے شمسل ءَ چہ ارش ءَ پرشتہ یے یارتگ داتگ ۔ شمسل ءِ کار ایوکا چک ءَ میچینگ بیتگ دگہ چک ءِ سپاکنگ ، واپینگ، ساڑینگ ءُ لئیب دارگ سانگبنداں وتی دستاں زُرت انت۔ نوں شمسل ءَ ھمّل ءِ دیما ھم سپاری ءُ چلم ءِ ھیل پیش داشت انت بلے آئ ء ھمَ زانت کہ نوں اشی ءَ گپ سرپد کنگ گران ایت پمشکا ھچ نہ گوشتی ءُ بس ھمنچو گوشاں گپے دْور دات کہ منی چُک ءِ ھیالداری ءَ بہ کن کہ منیگ ءُ تئ رشتہ ھمشی ءَ مھکم کتگ۔
وھدے سالار گوکوءَ لگئیت نوں ھرکس ءَ دوست تر بیت۔ پیروک ءِ ورگ چہ گُٹ ءَ ایر نہ شوت انت تاں سالار ءِ کندوکیں دروشم آئ  ءِ چمانی دیما نہ یتک ۔  ناکواں چہ وانگ جاہ ءَ رؤگ آھگ ءِ وھد ءَ سالار ءِ گندگ المی ات ءُ پت ءِ وَ نپس گوں چُک ءَ انچوش ڈکیتگ ءَ کہ کار ءَ سر بئیگ ءَ رند ھم چُک ءِ جُست پُرس ءَ لوگ ءَ گوشی ءِ سرا گپی جتگ۔
 وسوگ ءَ شمسل سرپد کت کہ نوں اشی ءَ گوکو ءِ بندات کُتگ پمشکا ھیالداری بہ کن کہ چہ زمین ءَ سلیں چزے چیست مہ کنت  ءُ دپا مہ کنت کہ چُک اے اُمرا ءَ ھمیں دابا کن انت۔ شمسُل ءَ چُک ءِ چست ایر کنگ سک تؤرایتگ انت بلے وسوگ ءُ ھمّل ءِ دیماوتی بیزاری زائری نہ کت ۔ چونائ ءَ آئ ءِ گیشتر گر دار سبرل ءُ وسوگ وت کنگایتنت۔

یک روچے وسوگ ءُ ناکو وتی پجایاروکانی پرس ءَ شوتنت۔ ھمّل وتی کار ءِ سرا ات ءُ سبرل چُلا سبارگ اڈ کنگ ءَ یت کہ کستریں برات چہ وانگ جاہ ءَ کایانت ءُ سبارگ لوٹنت۔ شمسُل وتی کوٹی ءَ پلنگ ءِ سرا نشتگ گوں وتی گہاراں گوشی ءِ سرا وش گپی کنگایت۔ سالار گوں لئیوک ءَ کوٹی ءِ توکا لئیب ءَ ات۔ پدا گوکوکنان در ءِ دپا شُوت ءُ نشت۔  شمسل گوں وتی گپاں انچوش دلگوش ات کہ سمائ نہ بیت چُک چے کنگائیں۔ اناگہہ چہ دروازگ ءَ ڈن چُک ءِ ھک ھک ءِتوار پر بیت۔ اشی ءِ ھیال نہ کُت بلے بُستگہ پشتکا چزے کپگ ءِ توار ءَ اشی ءَ گوں ھیرانی ءَ وتی چک تراِنت ءُ چارات سالار در ءِ دپا کپتگ ءُ گریوگی دل ءَ ڈکیتگ۔
 اشی ءَ گوشی دْور دات ءُ چک ءِ نیمگ ءَ تتک۔  چُک زرد سہر ترگایت بلے تواری بند ات۔ اشی ءَ چُک بگل کُت ءُ بڈی لتارت بلے چُک ءِ دپ پچ ات ء ساہ ءَ کشگ ءِ جہد ءَ ات ۔ اشی ءِ ھچ سر پر نہ بیت کہ چکا چے بیتگ۔ دل ءَ گوشتی بلکیں چُک چپ کپگ ءَ تُستگ بلے اناگہہ چُک ءِ دستا مُور داشتگیں گاجیل کُتگیں سپاری ءِ سرا چمے کپت۔ اشی ءِ چم دراتکاں۔ چُک ءِ دپی پچ کُت کہ بچارایت اشی ءَ بلکیں سپاری یے دپا ایر بُرتگ بلے چُکے چم دارتکگاتاں۔ اشی ءَ وتی لنکُگ  آئ ءِ نُک ءَ سک دات بلے چُک گوشے گنتر بُوت۔  گوں ھلاھوشی اشی ءَ سکّا سبرُل توار جت ءُ چُکی زرت انگو آنگو تران کُت۔  سبرل وھدے تچان بیت اتک چاریت چُک نیم نپس انت۔ ھما دمان ءَ وتی کوٹی ءَ پترایت ءُ چادر گرد ءَ چنڈایت ءُ  زورایت ءُ دیم پہ داکتر ءَ درکپیت۔ شمسُل ھم پُشت ءَ ھور بیتیں۔ سبرُل راہ ءَ وتی برات ءَ زنگے جنت کہ زوت نادراہ جاہ ءَ بئیت۔ نادراہ جاہ ءِ ایمرجنسی ءَ داکتر ءَ چُک بیڈ ءِ سرا واپینت ءُ چارات ءُ گوشت کہ چُک ءِ ساہ ءِ نالی ءَ چزے پسیتگ ۔ چُک نوں جٹک ءَ جنگایت۔ ھمّل ھم ھمیں ساھت ءَ گہار ءِ گوشتگیں جاہ ءَ سر بیت۔ وتی نازاکیں بچ ءِ ھال ءَ اشی ءِ ھوش گار کُت انت۔ داکتر ءَ چُک آپریشن تھیٹر ءَ بُرت ۔
شمسل ءِ ساہ ءَ گوشے الس کُتگ ات۔ ارسی گُلگل اتاں سبرل اشی ءِ سرا زاھرا پُر ات کہ انچو من گوشتگ وتی سپاری آں لوگ ءُ در ءِ دپا دؤر مہ دئے بلے اے بےناسرپد کجا سرپد بیت۔  سبرُل ءِ جان ھم درھگ ءَ ات کہ وتی برازتک ءِ نیم نپسیں چم اشی ءِ چمانی دیما ترگایت انت۔
اناگہہ سبرل ءَ یات اتک کہ پت مات ءَ گوشی ءِ سرا ھال بہ دنت۔ انچوش اشی ءَ گوشی ءِ سرا پت ھال دات ءُ نوکی نادراہ جاہ ءَ آھگ ءِ گوشگی ات کہ چُکانی مستریں داکتر ۔ داکتر چہ آپریشن تھیٹر ءَ ڈن در کپت۔  ھمّل ایشتاپی آئ ءِ نیمگ ءَ شوت تاں چُک ءِ جُست ءَ بہ کنت۔

”گوں دل پہ دردیں شمارا گوشاں۔ شمئے چوک ءِ ساہ ءِ نالی ءَ ایر شوتگیں سپاری سک دیما شوتگ ات ءَ چُک ءِ ساہ زیرگ ءِ راہ تاں دیر ءَ بند کُتگ ءُ اے نپس ڈکی ءَ چُک ءِ دل ءِ سرا ھم اثر کُتگ ءُ آئ ءِ  نازرکیں نپس تاوان داتگ ۔ ۔ ۔
  شمئے چُک ءِ ساہ ءَ یل کُتگ ۔ شمئے چُک بیران بیتگ “
ھلاس

[Zahida Raees Raji]

Rj Khalid Hassni Baloch wrote:

e kissa e thoka  Iran o Makran o Karachi gendag both ant,, pa labzani thak o panaatha,, labz the Mix languge e thoka ath ant.. domy bahid hamesh ath chok ma murteen,, Qalam thae dasta bothag tho hama wad borthag.. parcha k harch afsaan e thoka lasta hamy wadeen nadarag kaith.. tho pada hama rawyaat zorthag ath ant,, pada Nishaaer ham incho carless na ath k chok bemirith,,
Thursday at 12:27pm · Like

Zahida Raeesi wrote:

 braat Rj Khalid Hassni Baloch, mani zuban mix ent o ey hama chagerd e kessah ent keh aahani zuban ham mix ent.
neshaar hama chagerd e mardom ent keh houda pah sharren zend e lalech a droug o lapravayi kanag hast.

aa janenay keh chukk deyma laeba bibit o delgoush a goun phone a kant o chukk e hisk hisk e tawar a ham delgoushi aa neymaga maraot aahiya tao careless nagoshe?
duskich e sarpad kanag e bawajood aa wati sellen eylaa bezaan supaaRiyani daur dayag a yal madant
wassog e ey goshag keh chuck cha zimmen a chizz chest kant o dapa kant tao ishiye hayaldaari a bekan o aa pada ham wati supaaRiye daur dayag a yal madant.

hamen kessah e tooka ey ham goshag bittag keh aahiya chukk e chest eyr kanag ham tauretag o drusten chest eyr wassoog o duskitch a kotag.
angat tao goshe keh aa careless bit nakant?
Thursday at 1:20pm · Like · 1

Rj Khalid Hassni Baloch:

 khair gap baaz ant,, manaazira e zarorat int..... baly rawyaat pasond jod mabo.. man mudaam gendan k kissa e haalaasi a lazum yaky merith.. bahid esh int takleekh beyary
Thursday at 1:37pm · Unlike · 1

Bramsh Baloch
 brath takleek e gap shar enth, ble laten anchen waqahat bnth ke aoda akr marg bith goda azmankar ai a chun zindag bekanth?azmank ama waqhatani sara bnth ke me o tai chagrd a chakaraga anth,, han ama hayal ke kase lotith man shri ae byarn goda ai a tha aa nuken cheaze dyma karith,
Thursday at 1:45pm via mobile · Like · 1

Rj Khalid Hassni Baloch
 very best Bramsh Baloch but i m not speaking that angeles
Thursday at 1:46pm · Unlike · 1

Bramsh Baloch
 to agn brath munazara wath kanag lote bekan ,chunai aa ae gap asta, jaanene bith shar ke mardyne ai a neshah ae adath gun be bith aa chuk o log care koth na kanth, aa un ae wad ke chilma pa cho aadi be bith,
Thursday at 1:48pm via mobile · Like · 1

Rj Khalid Hassni Baloch:
 Zahida Raeesi a agan Kissa e wad barag lotithaga guda Title supari makothen... Title Mobile bokothen,, parcha Afsaana e result last a kaith ...
Thursday at 1:51pm · Unlike · 1

Zahida Raeesi
 braat Rj Khalid Hassni Baloch, man riwayat pasund hastan o neystan ham. hama jaha keh riwayati waR o paem e zaloorat ent hooda riwayat i andaaz e barjam daarag allami ent. edaa man bulouTeten cha reality a dann bezan chukk e marg e haal nadatagat. Supaari title eyr kanag e moul o muraad hamen bittag keh supaari e eyr barag a chukk beyraan bittag. maat e bey delgoushi yak neymag e mobile e sara gap janag o chagerd a beyhaal kanag ent goRa masteren jeeRa ey sellen supaariyaani loug e tooka o dar e dapa daur dayag ent

brat man manaazrah a haaziran' keh baluchi aazmank-kaaraniya mani gaam angat mehkam nayan' pameshka cha hamen' manazrahaan' deymtere aazmankan' polish kanag louTan'
Thursday at 7:28pm · Like

Mureed Hadam
 very best,baz shar int mana doust beet,gohaar Raeesi shoma baloch mohasherah ay yak karab ae hillat eye baraava mardom mota wajjay kota gant,ea yak talq haqiqat int,adeeb watee mohasherah ay nomahinda goshag bant,rawayaat sharr ae bebant ya karab ae,aaya pesh darag,baloch mohasherah taha hama zuban goshag beet shoma hama zuban istemal kotag,mohasherah ay laht ae istehlah ke aa balochi na yant bale aa sharani taha raahej ant,baloch ham hama sharah neshta gant hatma hama istelah aa istemal kanag bant,ea felhaal balochi zuban ay majboori int
Thursday at 11:19pm · Unlike · 1

Zahida Raeesi
 منہ واراں برات Mureed Hadam مرید ہمدم تئ دلبڈی ءِ
18 hours ago · Like · 1

Shifa Baloch

 سپاری ،چاگردی ءُُراجمانی ھیل ءُُ آدتانی سرا نویسگ بوتہ ، باز شریں جہدے ،پژدری کسہ باز ڈولدار انت۔آزمانک جاہے جاہے سدیت چہ بنگپ ءَ بلے روانی برجم انت ،پمشکا اے یک شریں جہدے بندات کنگ بیتگ،باہدیں اے رنگیں بنگپ ام پشت مکپاں ،، ہیال ءِ جند باز زیبدار انت ،
14 hours ago · Unlike · 1

Meeran Baloch
باز جوان انت بانک ستا کرزیت
13 hours ago · Like

Zahid Suleman
 baz doldar o taam dar ent rawanagi baz wash ent souban baate
10 hours ago · Like

Daniel Shirdel

 جوانین آزمانکے انت.
امیت انت که اے بدین هیل چه مئے چاگرد ء گار و بیگواه ببنت..

8 hours ago via mobile · Like

Mureed Hadam
 balochi zuban hamincho sadah O aasan bibeet ke watee daor bar ya atraap ay zuban ay hakkasi bekant hama zuban bibeet ke mahlook aahi ya watee chap O chagerda ishkoni, sarpad beet,g...See More
5 hours ago · Like

[Liaquat Aminلیاقت امین]

baaz wash o zeba een hayaley, ey ancheen jehdaye khe baloch raje har loga gonn humgaranch enth,, sharen jhude , sobmand bathey,,

[Shoaib Shadab]

’’ سوپاڑی ‘‘

بانک زاہدہ رئیسی مدام اہمیں چاگردی جیڑھانی سرا آزمانک نویست،چدو پیش آئیءِ آزمانک ’’ نیمون ‘‘ اوں اہمیں چاگردی جیڑھےءِ سرا نبشتہ کنگ بوتگ اَت۔
لہتیں انچیں لوگی و چاگردی جیڑھ اَنت کہ عام نبشتہ کار،آہاں سرگْوزکن اَنت۔ بلئے زاہدہ رئیسی عامیں چاگردی واقعہ و جیڑھاں خاصیں رنگےءَ دیما کاریت۔
ہمے آزمانک ’’ سوپاڑی ‘‘ءِ وسیلگءَ ہما پیغام کہ آزمانکارءَ دئیگ لوٹ اتگ آ گوں سرجمیءَ سوبمند بوتگ۔
آزمانکءِ زبان و بیان رویتی اِنت بلئے آزمانکارءَ وتی پیغام گوں اہمیں جیڑھےءَ ہلاس کتگ۔


اگاں آزمانکءِ بندات گوں ہمے جہلءِ ندارگءَ کنگ بوتیں ءُ برزءِ قصّہ ’’ پلیش بیک‘‘ءِ تہا آرگ بوتین اَنت گڑا آزمانک چہ رویتی رنگءَ دراتکگ اَتءُُ فنی بستارءَ باز محکم بوتگ اَت۔

’’حمّل ءَسور ءِ اولی روچاں وَ ھمیں مارات کہ بلکیں نوکیں جاہ ءَ گوں نوکیں مردماں نندگ ءِ سوب ءَ شمسُل چُش انت بلے وھدے آئ ءِِ پُرمھریں تب گندگ ءَ رند شمسل ءَ نرم نرم ءَ جُست کُت کہ من کمے چلم کشگ لوٹاں۔  دمانے ءَ آئ ءِ دیم ررد ءُ سہر تراِت ءُ تچکک ءَ گوشتی کہ اے مئے لوگ ءِ داب نہ انت‘‘

یکبرے گشئے زاناں آزمانکارچہ وتی بنگپءَ گسر کپیت بلے وہدے چکّءِ دستءَ زاہریں ’’سوپاڑی‘‘ ءِ بابتءَ حال دنت گڑاپدا قصّہءَ گوں بنگپّءَ محکمیءَ ہمگرنچ کنت۔ اسپے تالءِ ندارگءَ وہدے آزمانک سر بیت گڑا آزمانکءِ تہا ’’ سسپنسس‘‘ اوں کئیت کہ باریں دیما چے بیت۔
اگاں چُک مہ مرتین گڑا آزمانکءِ پیگام ءَ وانوکءِ سرا گیشیں اسر دؤر نہ داتگ اَت۔
المّی نہ اِنت کہ ہمے قصّہ گوں حقیقی واقعہےءَ ہمبندی بداریت۔ بلئے آزمانکءِ تہا حقیقت نگاریءِ کمال گندگ بیت۔
چدو دیم وانوک ہمے پیغامءِ سرا عمل کن اَنت یا اناں۔ اے آزمانکارءِ جیڑھ نہ اِنت۔

[Zahida Raees Raji]

برات شعیب شاداب،
سلامت باتئے،
تئ چمشانک ءِ لک منہ وارا۔ چونائ ءَ ھما نُکتہ کے تؤ من ءَ پیسر ایر کنگ ءِ گوشتگ تاں سسپینس ایر بیبیت اے منی وتی تب ھم بیتگ بلے چیزے دوسے سال پیسر کے من بلوچی آزمانکاری ءَ نوکی دست مان داتگ ات منی اے اسٹائل ءِ نبشتہ کاری ءَ سرا ایراد گرگ بیتگ ءُ من ھمیں پھمیتگ کہ بلکیں اے اسٹائل مئے چاگرد ءَ شر زانگ مہ بیت۔  اردو ءِ توکا من سک کم آزمانک نبشتہ کُتگ بلے اسٹائل ھما بیتگ کہ تؤ انوں من ءَ گوشتگ۔ دیمترا جہد کناں کہ ھما ھما سوج من ءَ چہ شمئے رنگیں ندکاراں رسگائیں ایشاں الم ءَ دیمتر ءِ نبشتانک ءِ توکا مان بہ دئیاں۔
یک رندے پدا تئ راھشونی ءُ دلبڈی ءِ منہ واراں

[AhmedHout]

ایمرجنسی ءَ داکتر ءَ چُک بیڈ ءِ سرا واپینت ؟
تـَى مُراد (بیڈ ) تهت اِنت؟

  ،باز جوانیں آزمانكـ 
اوميت دار اَنت كه اى كار ديمتر به رو

[Zahida Raees Raji]

ایمرجنسی ءَ داکتر ءَ چُک بیڈ ءِ سرا واپینت ؟
تـَى مُراد (بیڈ ) تهت اِنت؟

  ،باز جوانیں آزمانكـ 
اوميت دار اَنت كه اى كار ديمتر به رو

ji hao braat, bed yani taht, bale barey barey nebeshta kanag e tooka baazen' labz cha zehna gaar bant pada dazgatti orthchaari kanag e moh nadant.

Aazmaank e doust daarag o delbaddi e mennatvaaran'