Author Topic: بـلـوچـسـتـان ءِ گوانک. . . داں کدیں ۔ ۔ ۔ کریم تھل ءِاَنت پربند  (Read 1954 times)

0 Members and 1 Guest are viewing this topic.

Offline Zahida Raees Raji

  • Administrator
  • *****
  • Posts: 7107
  • Karma: 356
    • Baask-Home of Baluchi Language, Literature & Culture

بـلـوچـسـتـان ءِ گوانک
( داں کــَدیں )

*****************

گلزمین ءَ هست ڈیهے که جهان ءَ چه سر انت

آزمان ئی بُرز و دور انت و چو چم ءَ روشن انت

زنزروک اِستار ئی کنداں چُش که ڈیوای بَلنت

گوں شپ ءِ نند و نیاداں ماه گوں مَهتوس کندگ انت

***

گلزمین ءَ هست ڈیهے که جهان ءَ چه سر انت

ماهکانی شیر ءِ رنگ انت و پنیر چو دلکش انت

شپ ءِ ڈیوا

ره نشان انت و هساب ءَ چه در انت

دلکشیں کوش و سَمینی

په بهشتاں هم زر انت ...

***

گلزمین ءَ هست ڈیهے که زر ئی وزبت کن انت

مکران زر گوں تیابی

وَش و کنداں تران کنت

آپ ئی شَند انت یا که کـَهنیگ

یا که دور بُنیں چـَه انت

کـَـؤری مَـلّ انت کوهسراں چه

کدی هاری هم جُش انت

هر درچکی وت جهانے

و گوں زند ءَ همسر انت

***

گلزمین ءَ هست ڈیهے که بلوچاں زندگ انت

ساه اِش دَستانی دل انت و هِمت اِش هاری جُش انت

کِشتکاری هِید و هوناں ،

هم کِشاراں بود کن انت

بچ ئی سَؤلیں چو که بانز ءَ ،

مِهر په آجویی زر انت

نے گـُلامی وَش ءَ بیت اِش ،

نے گـُلاماں وَش کن انت ...

***

گلزمین ءَ هست ڈیهے که جهان ءَ چه سر انت

مادنی لـَکــّـاں چه گیش انت

گر چے ٹــَـگــّـان اِش بَر انت

کـَهچر و مال انت و نیبگ

گر چے ڈنیگ اِش وَر انت

کوه ئی بُرزیں مئی کلات انت

چیدگانی همسر انت

هست ئی جُنگول هم مزاری که پُلنگ ءِ پَنجگ انت

مَؤت ءَ جَؤریں په مراداں

چو که شـَهد ءَ وَش کن انت

دُژمن اِش جنگ ءِ پـَـڑ ءَ هم

چو لگوراں تَچ انت ...

***

گلزمین ءَ هست ڈیهے ماں گـُـلامی ءِ سانکلاں

راجی واب انت

و جهان اِش چوں شـَموشاں رو انت

سر مچار ئی

شات و گهگیر په وطن ماتین مِـڑ انت

مَؤت ءَ دستانی دل ءَ زور انت

په آزاتی مِـر انت

گلزمین ءَ هست ڈیهے که جهان ءَ چه سر انت

هست بلوچانی تـَمن ، ڈیه

چه پت و پیراں نشان

گپ و گال اِش شیرکن انت و بودی زرتگ پیڑیاں

گلزمین ءَ هست ڈیهے که بلوچاں گوانک جنت :

من شمئی مات اوں ، شمئی هست

هم شمئی پجـّـار من

کپتگاں من سَکـّیاں و مُهر اِش بستگ سانکلاں

جی هما گِهگیریں سر که پر منی نام ءَ مِـر انت

منی گلامی داں کدیں بیت

داں کدیں من چو کپاں ...

کریم بلوچ - تـَهـل
25/03/12
ستخانف . اک
Zahida Raees :Raji:
baaskadmin@gmail.com , admin@baask.com
Learn Baluchi Composing in INPAGE
Learn Balochi Poetry Background Designing
Help Line