نَسیر ئے تْرانگا کپتاں مروچی۔ سدیک آزات ءِ پربند ندر پہ میر گُل خان نصیر

[Zahida Raees Raji]

نَسیر ئے تْرانگا کپتاں مروچی
(سِدیک آزات)
نہ شئر و  شائری  دیوان   بنت  نی
نہ کاڈ  ئیں  دِلبرانی  تْران  بنت  نی
گِر اِں  نئے ھوریا   تہلئیں   گُلُمباں
دِل ئے پاہار نئے دَرشان  بنت  نی
نئے  ھوری  پاھوا مَلّان  بئیں  نی
رِچنت  نئے اَرس  پہ ڈیہیا  ھَواری
نہ سئوتاں  سانکلانی   گوشدار  اِں
نہ جیل و کئید و  بنداں ھور بئیں  نی
نہ تاس و کدّھاں  تِنگ اِں تا گْوَربام
پہ  دوست  و  سَنگت  و بیلانی  ناما
شہید ئیں     ہمبل   و   بْراتانی   ناما
بلوچی    دُتّگ    و    کاڈانی     ناما
بہ   پیچ   اِں   پَتّرا   نی   پُر  مڑائیں
نسیر  ئے   تْرانگا   بیلاں    مروچی
بہ  پْروش  اِں  کدّہ  و  تاساں   تِلائیں